اداب التعامل في حال الهجوم المباغت من عتاوية الفريج ..

[UK_Girl]

الى متى انا الانثى وحبيبي العضو الانثوي الاخر في المنتدى
نسب ونسفه أراء بعض ((ولو بيدنا نشد في شعر بعض ))....
على بو انه فلانه رايها غلط ومو عاجبني ....وكلامها غلط .....وماتعرف ...وماتفهم..وانا اللي اعرف .....انا صح... انا اللي افهم ....انا...اصلا كنت اخذ عشره على عشره بدرجاتي بلمدرسه ....وناجحه بامتياز مع مرتبه ومخده !

مثال من واقع هوشه صكت بين عتاويه فريجنا :

اتيي فلانه تقول رايها صراحة : "ماحب النقاب ..البنات اللي يلبسون نقاب يسوون كيت وكيت .." ((تره هذا مثال تذكروا مثال مثال مثال .. ))

اوكي اذا رايها غلط بنظرج وهم اسلوبها مو عاجبج ..لج الحق تواجهينها وتصلحين لها معلوماتها وتنتقدين أرائها وتفندينها جملة وتفصيلا ..بس هااااااااااا سمعيني وحطي كلامي حلقه في ودانج يا بت مو علبالج لانج مجرد نك نيم مخفي بالفورم يحق لج تمسحين في كرامة البنت المخالفه لج في الفكر والراي بالقاع وتستلمينها بكل احذيه محل قحطه ((الله يرحمه)) خال حسينو بن عاقول ((الله يطول بعمره ))على راسها ..لا يا حبيبي مش كل طير بتاكل لحمو ((من اقوال المرأه العظيمه نجمة الجماهير الاولى ناديه الجندي ))...

وربنا ع الزالم والله اكبر ...كل الشيره ((رجاءا لحد يخربط مو مالت قسم التجميل في الفورم )) المغطسه اب 30 حبه لقيمات كليتيهم يوميا طول شهر رمضان الفضيل معقوله ما ليناو لسانج وخلو لسانج يقطر عسل !!

الزبده ..... يا عسل ردي وصلحي من فكر وراي العضوه اللي مو عاجبج كلامها ولا رايها .. من غير هجوم بالاسلحه القتاليه الفتاكه وتسفيه للراي مبطن بقنبله ذريه ..تجعلك اقرب في صفاتك وكلامك واسلوبك للذكر من الانثى !!

ملاحظين اللي صاير في بعض المواضيع عند الاختلاف بالراي الردود على بعض شلون تصير!! ..المشهد بالضبط مثل لما تكونين بالشارع ماشيه بحارة الامان بسيارتج (( بالكويت طبعابس ماتصير باي مكان بالعالم ))وتدعمج بنت من ورا واتكون اهي الغلطانه وفوق شينها قوات عينها اتيي اتصارخ وتهب بويهج ...

لا اتيكيت بالتعامل لا ذوق لا احترام ...امر عجيب والله ..بنات عليكم الله ما تحسون بالغثيان انا شكثر من اقرا ردود تحوشني لوعه فكريه وجبدي تقلب من الاسلوب وويهي يصير جني شامه ريحه معفنه تكرمون من الحيوان اللي شعره ابيض وااسود اللي بالميكي لوني تون مال بغز بني ((ماعرف احط صور انا متخلفه انترنتيا اللي عرفته تحط صورته بليز ولها هديه عطر جون سميث :روزز))....
وبس خلصت كلامي بنات وصلت المعلومه؟؟ ولا اييبلكم مترجم اشقر وعيونه ملونه يترجم لكم ؟؟ادري محد فيكم بيقول لأ.........فديتكم انا

الموضوع الحين يمكن خلص يمكن اكمله وانا ابي انتاو تكملونه بحريه ..عموما انا حسب مشاهداتي في الفورم راح ايي واطلع كل اللي بجعبتي واحذفه بجعابيبكم ...ولكم مطلق الحريه في التعبير وابداء الراي ..واللي تبي تتهاوش
راح اراويها نيوم الليل في عز الظهر الكويتي وتحديدا ساعة 2 بشهر يوليو لزوم التان..ومع التمجع الشعر راح يصير كيرلي ونافش .....هوشه تطلعين من بعدها كول ...... جاهزه للقز في ربوع الكويت مادري وين ربوعنا بصراحه اللي يدل ربوع الكويت يبلغني وشكرااااا

محبتي للجميع

 

[amooon82]

لووووول ماشاءالله عليج

صج وصفتي شعوري بكل كلمه

كل ما ادش موضوع حواري اشوف الردود اتحسر على حالنا اقول وين الذرابه والسنع والاتيكيت اللي بكل موضوع يتكلمون

عنهم وذبحونااااا انا فلانه كل من يقول عني ام الذرابه والسنع وماكو احد احسن مني وانا و و و

بالردود تشوفين عجب العجاااااب

وهذه صوره بو ريحه لوول سوري ماعرف اسمه

​

 

[الـــدفـــشـــة]

هههههههههههههههههههه وربي فدييييييتج
ياانه عليج اسلوب يهبل واحلا شي ابو شعر اسود وابيض خخخخ

اي والله وكلامج 100% خالي من اي شوائب

مانقول الا الله يهديهم

 

[UK_Girl]

اولا صباحج ورد معطر ومركز ...امون 82
مشكوره ونتمنى من الجيل الصاعد في المنتدى ان يكون له وقفه حازمه ومايدش في هوشات عقيمه ويستخدم الفاظ شوارعيه ويتحلى بالذوق والادب في الرد والتعامل ..لزوم الحفاظ على صورة الانثى الكويتيه نقيه وخاليه من الروايح الكريهه مثل ريحه هذا اللي حطيتي صورته و
اسمه بلعنكريزي "سكنك " بالعربي مادري شنو !؟؟... "انا ناويه اييب المترجم اللي قلت عنه "

تحياتي القلبيه مع ورده عشان محد يخيس من الريحه الفايحه :/

 

[UK_Girl]

دفووش .. اولا احب اقول للورده ذات العبير االفواح والرحيق اللذيذ مشتاقين .. يومين مختفيه تاكلين كيك عيد ميلادج شنو ما خلصت الحفله !!

وانا اقول انتي الالماسه اقصد البنت النقيه الخاليه من الشوائب .....فهمتي ولا اييبلج المترجم ههههههه

انا الحين استاذن ولي عوده مساءا او عصرا مادري وشاكره للجميع مشاركته وتقبلوا تحياتي
يوكي غيرل من ربوع جزر الاباطور

 

[الـــدفـــشـــة]

امس كليت آخر قطعه من الكيكه خخخخ

فديتج مشكوره على كلامج الحيلوو (^-^)

 

[đeɱɛɼɑ™]

بنات عليكم الله ما تحسون بالغثيان انا شكثر من اقرا ردود تحوشني لوعه فكريه وجبدي تقلب من الاسلوب وويهي يصير جني شامه ريحه معفنه تكرمون من الحيوان اللي شعره ابيض وااسود اللي بالميكي لوني تون مال بغز بني

يبتيهآ رآيت !

صراحة اشوف بعض اللي يخالفون الراي
يقطون كلام ما يثمنوونهـ .. حتى "الالفآظ النآبية " قآلوهآ .!! معنه اهمه بنآت كويتيآت وبنآت حمآيل

والاهم بناااااااااات
يعني المفروض تكون فيهم انوثة

بكل صراحة لما اقره هالردود ينعفس ويهي واعقد النونة
احاول استوعب انه اللي كاتبه هالكلام بنت وانثى !

ميخالف خالفوا بالراي وناقشوا وشدوا حيلكم بالدفآع عن آرآئكم بس ليش هالالفآظ السوقية @@

 

[Whisper ~]

.بنات عليكم الله ما تحسون بالغثيان انا شكثر من اقرا ردود تحوشني لوعه فكريه وجبدي تقلب من الاسلوب وويهي يصير جني شامه ريحه معفنه تكرمون من الحيوان اللي شعره ابيض وااسود اللي بالميكي لوني تون مال بغز بني ((ماعرف احط صور انا متخلفه انترنتيا اللي عرفته تحط صورته بليز ولها هديه عطر جون سميث :روزز))

^

كاااااااااهو :

هههههههههههههههههههههه ايه والله جبتيها رايت ع الوصف
بس وين هديتي ؟ :$

فعلاً بعض البنات الله يهديهم يجون يفرغون طاقة الشر عندهم بالمنتدى
بدون لا يحطون اعتبار ولا احترام لـ باقي الناس اللي معاهم
احياناً انا قبل لا أحط اي رد .. احط نفسي مكان صاحبة الموضوع هذا أول شي
ثاني شي اطلع نفسي من نفسي و أتخيل اي شخص غيري يقراه .. بس عشان اتأكد هل اسلوبي فيه شي غلط أو تجريح لأحد
ومو عشانا في عالم النت وفي عالم محد عارفنا فيه نتخلى عن الذوق والاحترام .. كل مكان حتى لو كنتي مجهوله لا بد انج تتركين لج بصمه حلوه تعبر عنج وتخلين الناس يذكرونج بالخير
ماراح نستفيد شي من الكلام الجارح وطقني واطقك الا الزياده في الهرمونات الذكوريه مثل ماقالت يو كي ههههههه :$

تسلمين ياقلبي ع الموضوع ، ومتابعه كل جديدج

 

[sweet cake]

بووووووسه لج على هالكلام..

يعني اوكي الموضوع ما عجبني انتقد عادي.. بس لا وألف لا للسب..

يعني في موضوع حاليا انا متابعته عندنا بالمنتدى.. رديت فيه بس متابعه الردود.. تخيلي عضوات يسبون راعية الموضوع ليش ان الكلام مو عابجهم << للأمانه كلامها صحيح ومنطقي بوجهة نظري المتواضعه .. احم احم

بس في عضوتين حيل حيل شادين حيلهم.. ويسبون وبعدين وحده منهم تقول لبنت رايها من راي صاحبة الموضوع بس غلطت.. تقول لها الاخت ما يصير تسبون تنصح.. قلت زين منها عرفت ان السب غلط وما راح تكرره بس الصدمه انها بنفس الرد حنت لاسلوبها وردت تسب صاحبة الموضوع .. بصراحه كان ودي اسألها اذا فيها انفصام بالشخصيه ولا لأ..

ولا وحده ثانيه تسب وتسب وحالتها حاله وتناقشت معاها وحده من البنات باسلوب راقي جدا.. والاخت وصلت فيها انها تقول عن كبار اهل البنت الراقيه انهم "متقوقعين على نفسهم او حايشهم زهايمر" !!! ومحد وقفها عند حدها لا ادراه متابعه ولا شي.. تخيلي صرت اقرا ردودها علاموضوع وبكل رد تثبت لي انها ما تعرف معنى كلمة الاسلوب الراقي..


ادري قرقرت واجد بس من القهر اللي فيني عالموضوع ..:ssssso:

شوفي مابي العطر سو ما راح احط الصوره:eh_s(13):

 

[آلسحرآلحلال]

ههههههههههههههههههههههههه
هههههههههههههههههه


عليج اسلووووب ... ومعاج حق مائة بالمائة

 

[كويتية اكيد]

لووووووووووووووووووووووووووووووول فدينج انا والله اموواااااااه اسلوبج عسل ياعسل ابداع في ابداع وكلامج صح مليووون بالمية
ويسلمووووو

 

[علولي]

احلى كلاااااااااااااااام
ايوة كذا اشفي غليلنا في البنات الي ما همهم الى الهواش
يلا الشاطرة تتهاوش هنا مع يوكيونشوف مين الي تفوز

 

[تفـاحهـ]

ههههههههههههههههههههه

لا تعليييييييق

 

[UK_Girl]

مساالخير ..
اثلجتم صدري وبروحه الدنيا صقيع ....."والمعنى في بطني ..على غرار المعنى في بطن الشاعر "...
الحلوين اللي حطاو لنا صورة السكنك من عيوني تستاهلون كل خير تعبتكم معاي اعذروني هديتكم محفوظه بس نطرو حتى حين عودتي الميمونه لعروس الخليج ...


حبايبي لي عوده لكم جميعا ومبدئيا احمدالله في ناس مثلكم راقيه وفاهمه وشايفه ..بس بليز لازم في حل ...وانا مره حاولت احط حل بطريقة جمس بوند ومحد عبر الموضوع لان ما انفهم مغزاه .. شكلي برد افعله ..واتمنى تعذروني ماراح اقدر اركز في الرد اكثر على ردودكم حاليا نعست بس تأكدوا راح امجع شعر وحده وحده فيكم لان راح ارجع للموضوع ..
وشكرا

 

[كندية]

والله مووضووعج عدل مدل ..صرناا مثل قحطه وحسينوووو اهل بس مذااابح....
وعن الردود عاادي يااماا انصدمت من بنااات في طريقة ردودهم وهوااشهم....مرااات اذا صاارت هووشه احب اتاابع من بعييد على شاان اشووف الردود....لان الردود تعكس صااحبهااا...وقت الهواااش يطلع الصج

 

[كاتمة الجروح]

صح كلامكم لازم يكون فيه احترام بين البنات

يسلمووووووووووووووو على الموضوع الاكثر من رائع

 

[المـــــها]

هههههههههههههههههههه شكلج مواصلة لووووووول

المهم

كلامج عين العأل

أنغث من هالنمونه شنسوي فيه عجزنا و حنا ننصح عجزنا و حنا نفهم و نهدي

و لكن الناس ناويين هواش و تخريب مواضيع

الله يهديهم

 

[+بسبوسة+]

المشكلة صارت الانوثة
بس في الملفع ابو بف!
والميك اب..
والاظافر الفسفوري

واول مايصير بينج وبينها حوار
تكتشفين انها مو وحدة ذربة

لا طلعت واحد من الربع
الي تلقونهم بالضبط تحت طوف الثانويات الساعة 11ونص الظهر

وعشان تعرفينه اكثر بيده صمونه فلافل وبطاط وميرندا!!

اذا شفتيه..
تراه اهو كان مشارك بواحد من هالردود الي قلتي عنهم..


المهم..
سلمي عليه,,ووصيه بالذرابة!!

 

[hello.kitty_85]

اب اب

 

[UK_Girl]

صباح الورد للورد ......
اولا اعتذر عن التاخير في الرد
نرجع لهوشتنا
الاخت الحبيبه الدفشه ..مشكوره قلبي وعليج بالعافيه ناطره نصيبي من االكيكه ولا اقولج ابي عيش ومرق بطاط حتى لو محترق ; )

đeɱɛɼɑ™ معاج قلبا وقالبا ..مافي مبرر للالفاظ السوقيه ..

Whisper ~ همسات تعبر عن رقة صاحبتها ..عجبني تعاملج مع الامور واصحاب المواضيع ..انسانه بالتعامل .. انثى بمعنى الكلمه .محفوظ نصيبج من الروزز ..

sweet cake اسم على مسمى كيكه بالتعامل ورؤيتك للامور ..معاج بكل كلمه قلتيها ..واخذي راحتج بالرد ..لازم في احد يصحى البنات ويخليهم يشوفون مستواهم في الرد وين نازل !!

السحر الحلال ومنكم نتعلم ونستفيد ..شكرا قلبي

كويتيه اكيد..تسلمين قلبي.. ومنكم نتعلم ونرتقي

علولي ام الذوق والواجب ..ولنا في اهل مكه أسوة حسنه

تفاحه... حياج الله قلبي

كنديه الحق يقال انتي العدل مدل بكل ردودج واسلوبج بالتعامل ..ومنكم نتعلم ونرتقي

كاتمةالجروح ..كلنا نتمنى على الاقل قليل من الاحترام ..في ردود مو طبيعيه..مافيها ذرة ذوق للاسف .

المها ..مواصله فكريا وهو مايسبب لي اجهاد اعذروني وتسلمين على اهتمامك ..كلامج صحيح اللي مو عاجبه الموضوع ابسط شي يسويه لا يدش يقلبه هوشه ويخرب على صاحبته ..الله يعين

+بسبوسة+ فعلا مظهر بلا جوهر ..واهني المشكله الاكبر ..طبعا اللي جامع الاثنين الله يعين ييي يوم ويتعلم ان شاءالله

hello.kitty_85 تأييد رقيق منج تسلمين قلبي ..

ومشكورين