السلام عليكم
احب المحلبيه في رمضان عشان فيها عيش وتساعد على الصيام لأن العيش يتحلل شوي شوي.
بس هالمحلبيه عمرها ما ضبطت وياي. تصير مثل التراب لين اكلها. وعلى نص رمضان قدرت اضبطها بطريقه انا ابتكرتها ويمكن ناس توصلو لها قبلي. المهم طريقتي:
المقادير:
3 اكواب حليب
3 ملاعق رز مطحون ( او لكل كوب حليب ملعقه رز) ، طحين الرز تحصلينه في جاهز في السوبرماركت
2 ملعقه سكر
نص ملعقه نشا
3 ملاعق كريم الخفق سائل( او ملعقه دريب وب بودره)، او 3 ملاعق قيمر كي دي دي
ربع كوب ماي ورد
زعفران
خلي الحليب في قدر وخلي فوقهم طحين الزر، خلطيهم زين زين وغطيهم وخليهم على جنب. كل ماتدخلين المطبخ حركيهم شوي، بس مو ضروري.
بعد 3 ساعات يكون الرز خلاص داب، خلي عليه السكر والنشا والكريما وخليه على نار هاديه حدها شوي وتنطفي وحركي بسرعه عشان ما تتكتل، لمده 10 دقايق تقريبا بتحسين صار مثل السيريلاك مال الأطفال شيليه من على النار وبسرعه خلي عليه ماي الورد وحركيه بسرعه وظلي تحركين فيه لين 3 دقايق تقريبا لأن اول ما تشيلين يدج منه وهو ساخن برد يتكتل. لين حسيتي خلاص راح البخار صبيه في قوالب. في ناس تحب تدوب شوي زعفران في ملعقه حليب وتخلطها مع شوي محلبيه وتخليها على الوجه.
طعم خيال، صح مو مثل بيت جدي ( المحلبيه يقعدون يسوون فيها ساعتين او ثلاث) بس لذيذه بقوة وما تاخذ اكثر من ربع ساعه.
هني وعافيه على قلبكم.
اللي تجربها امانه تخبرني بالطعم.
اللي عندها طريقه ثانيه مضبوطه ، بس ما تاخذ وقت ، ياريت تتحفنا فيها.
سلام
احب المحلبيه في رمضان عشان فيها عيش وتساعد على الصيام لأن العيش يتحلل شوي شوي.
بس هالمحلبيه عمرها ما ضبطت وياي. تصير مثل التراب لين اكلها. وعلى نص رمضان قدرت اضبطها بطريقه انا ابتكرتها ويمكن ناس توصلو لها قبلي. المهم طريقتي:
المقادير:
3 اكواب حليب
3 ملاعق رز مطحون ( او لكل كوب حليب ملعقه رز) ، طحين الرز تحصلينه في جاهز في السوبرماركت
2 ملعقه سكر
نص ملعقه نشا
3 ملاعق كريم الخفق سائل( او ملعقه دريب وب بودره)، او 3 ملاعق قيمر كي دي دي
ربع كوب ماي ورد
زعفران
خلي الحليب في قدر وخلي فوقهم طحين الزر، خلطيهم زين زين وغطيهم وخليهم على جنب. كل ماتدخلين المطبخ حركيهم شوي، بس مو ضروري.
بعد 3 ساعات يكون الرز خلاص داب، خلي عليه السكر والنشا والكريما وخليه على نار هاديه حدها شوي وتنطفي وحركي بسرعه عشان ما تتكتل، لمده 10 دقايق تقريبا بتحسين صار مثل السيريلاك مال الأطفال شيليه من على النار وبسرعه خلي عليه ماي الورد وحركيه بسرعه وظلي تحركين فيه لين 3 دقايق تقريبا لأن اول ما تشيلين يدج منه وهو ساخن برد يتكتل. لين حسيتي خلاص راح البخار صبيه في قوالب. في ناس تحب تدوب شوي زعفران في ملعقه حليب وتخلطها مع شوي محلبيه وتخليها على الوجه.
طعم خيال، صح مو مثل بيت جدي ( المحلبيه يقعدون يسوون فيها ساعتين او ثلاث) بس لذيذه بقوة وما تاخذ اكثر من ربع ساعه.
هني وعافيه على قلبكم.
اللي تجربها امانه تخبرني بالطعم.
اللي عندها طريقه ثانيه مضبوطه ، بس ما تاخذ وقت ، ياريت تتحفنا فيها.
سلام
