اخيرا سويت عمليه تجميل خشمي راح اعرض عليكم صور خشمي قبل وبعد

[عاشقه لكويت]

طبعا فيه ناس راح تعترض وتعطيني محاضره
بس انا سويت بعد ما حسيت انه خشمي فيه عويه بسيطه مش اعتراض على خلقة الله مثل ما راح يقول البعض استغفر الله ولكن لاني هالشي مضايقني وحابه اني اعدله فيني
هذي صوري قبل



وهذي صور بعد العمليه باسبوعين فقط وطبعا هذا 60 بالميه من النتيجه راح يتغير اكثر من جيه والنتيجه بعد ست شهور راح تكون 80% وبعد سنه 100%

 

[Ftame uae]

مبروك وحمد لله على السلامة يجنن بس يا ليت تخبرينا عن اول يوم من العملية حسيتى لالم والا شو وكيف التنفس

 

[كويتيه رزتها ملكيه]

الحمدالله على السلامه 00

ممكن التفاصيل اكثر؟ ووين سويتها وجم كلفتج وكل شىىىىىىى

 

[L.H.LADY]

ااي وين سويتيهاا؟؟

 

[cuteya1986]

حلو صار ماااشاء الله
العوية راحت +رفعتي مقدمة الخشم بشكل طبيعي
+بشرتج فتح لونها لووولز من ضمن الملاحظات ههههههههه
ماشالله عليج الله يتمم عليج الصحة والعافية
بس عندي كذا سؤال

مو واحد لا كذا سؤال تحمليني
وين سويتيه؟؟عند اي دكتور؟؟
نومتي؟؟كم يوووم
ترومت عيونج وخدووودج
جم كلفج؟؟مع العلاجات
شلون اخترتي شكل الخشم صورلج شكلج عقب العملية
لووووووووول اسألتي واايد
بس يمكن تدور بذهن اكثر من وحده


ماشالله عليج الله يكملج بالحلاااااااا والنور كله

 

[عاشقه لكويت]

شكرا على ردودكم
وهنا اجابات على اغلب الاسئله

هذا رقمه
0096311563330
اسمه دكتور بشار نايف رباح
هو في منطقه اسمها جرمانه
كلفتني العمليه نفسها 550 دولار يعني بحدود الفين درهم امارتي
بس كامل المبلغ بحدود 8 الاف درهم اذا سكنتي في فندق خمس نجوم
لانه السكن يكون اسبوع كامل عشام يفج لج الجبس بعد اسبوع الا اذا بغيتي خمسة ايام ممكن بعد بس يخلي عليج نفس اللزقه
واعتقد ما ايي الامارات انتي اتصلي واسئليه ما اعرف يمكن ايوه

سووالي الفحوصات هناك شاف خشمي قبل العمليه بس وسالني شوه اريد اسوي وخبرته

وثقت فيه لاني قريت عنه في النت وناس كانو مسوين عنده يمدحونه وايد
ويقول لج عادي يسوي عشر علميات في اليوم يعني خبير

لكن انا ابى اسالج شو سو لج بالضبط
سوالي عمليه عاديه بدون تخدير عام فقط موضوعي وعطاني شي منوم بس ما حسيت بالعمليه ابدا لين رحت غرفتي

وهل العمليه طولت
حوالي ساعه الا ربع

وكم تميتي يوم عشاان يرووح السوااد الي من اثر العمليه
ياخذ من شهر لين شهرين يعني انا خطف علي شهر وبعده فيني شوي

..وهي حسيتي ف صعووبه ف النتفس ..بعد العمليه بكم يوم
يعني خفيف مش وايد بس اول اسبوعين تحسين خشمج حصاه بعدين يبدا يلين


هل العمليه تعور
العمليه نفسها ما تعور ابدا ما تحسين بشي حتى انا طلعت انا وريلي نتمشى في الليل
بس يضايق الشاش الي يحطونه لج اول ليله في خشمج ويشلونه بكره
بشكل عام تستاهل بس فيه اكيد تعب شوي
ما فيه مراجعه الا اذا انتي بغيتي ذلك

حكم إجراء عملية لتجميل الأنف
السؤال : ما حكم عمل عملية تجميل للأنف ولبعض العاهات التي تعمل على جعل الإنسان مقبولا في مظهره شيئا ما .

الجواب :
الحمد لله
الضابط في عمليات التجميل : أن ما كان للتجميل وزيادة الحسن فهو محرم ، وما كان لإزالة عيب أو تشويه فهو جائز .
وينظر : سؤال رقم ( 47694 ) ، وقد ذكرنا فيه :
" إذا كان بالأنف عيب أو تشويه ، وكان المقصود من العملية الجراحية إزالة هذا العيب ، فهذا لا بأس به .
أما إذا كان المقصود هو مجرد الزيادة في التجميل والحسن فلا يجوز إجراء هذه العملية ".
وجاء في "فتاوى اللجنة الدائمة" (25/59) : " أحد زملائي تزوج بتوفيق الله وحمده ، وجاءني يقول :
إن زوجته تريد عملية تجميل بالوجه والصدر ؛ لأن أنفها كبير وعريض ، وتريد تصغيره بطرق سهلة وصل إليها الطب الحديث ، فقلت له : إن هذه العملية مشكوك في جوازها ، فأرسلت هذه الرسالة وهذا السؤال : هل عملية التجميل التي ستقوم بها زوجة صاحبي بها شك أو إثم ؟ علما أن العملية تغيير في خلق الله ، وإن عدم عملها قد تؤدي إلى مضايقة نفسية لبروز هذا العيب في وجهها ؟
الجواب : إذا كان الواقع كما ذكر ، ورجي نجاح العملية ولم ينشأ عنها مضرة راجحة أو مساوية- جاز إجراؤها تحقيقا للمصلحة المنشودة ، وإلا فلا يجوز .
وبالله التوفيق، وصلى الله على نبينا محمد وآله وصحبه وسلم .
عبد الله بن قعود ... عبد الله بن غديان ... عبد الرزاق عفيفي ... عبد العزيز بن عبد الله بن باز " انتهى .
والله أعلم .

 

[مــســك]

الحمدلله على سلامتج اختي ..

بس ليش ملصق على خشمج كله شلون تنفسين !!

وشكلج من الامارات مو .. عرفتج من كلمتج جيه ..

 

[عاشقه لكويت]

ئيه انا من الامارات ولا بحياتي زرت لكويت بس احب شعبها وايد
شعب حلو ودلوع وكشخه وذويق يعني يجنن
وان شاء الله بزورها على هلا فبراير الياي اذا الله راد

بالنسبه للنفس عادي اتنفس من تحت

 

[قمر^خالد]

الحمدالله على سلامتج حبيبتي

 

[virgoo]

حياج الله بالكويت الديره وشعبها بنحطكم بعيوناا يا شعب الامارات

 

[عاشقه لكويت]

شكرا كلج ذوووووووووووووووووووووووق

 

[الحلآآآ]

الحمدلله ع سلآمتـج ,

 

[dnyay_mll]

الحمدلله على سلامتـج حبيبتي

 

[نونا العتيبى]

الحمدلله علي سلامتج وزين سويتي ,,وشكله الدكتور شاطر بس ماقلتيلنا هالدكتور من وين؟؟

لبناني ؟؟وبأي مستشفي؟؟

 

[ii DareeN ii]

الحمدالله على سلامتج ومنورة المنتدى واحنا بعد نحبكم يا اهل الامارات

 

[om-HaSsoOon]

الحمدلله على السلامه حلو عليج بالعافيه

 

[dantella]

واي فديتج ......... حمدالله عالسلامه ....... بس واضح انج زرقتي ........ كم صارلج الحين من سويتيها
وبالنسبه للتكاليف والله مو وايد مو مثل الاسعار عندنا بالكويت ......... نبي تفاصيل لو سمحتي

 

[wutever]

خوش خوش .. يعني العملية 180 دينار كويتي
والتكاليف كاملة 730 دينار.. والله بلاش..!

جرمانه هاذي بسوريا مو ..؟
ترا وايد فرق عقب العملية وشكله حلو و طبيعي
يلا الحمدلله عالسلامه حبوبه
تسلمين على مشاركة تجربتج هاذي الناس السنعه

وحياج بديرتج
:68_asmilies-com:

 

[om.5doja]

الحمدالله على سلامتج

 

[زهرااا]

الحمدالله على السلامه
ماشالله صج فرق