اخيرا حققت هدفي ونقصت خلال 28 يوم 12 كيلو

[جروح ودموع]

السلام عليكم ورحمة الله


لله الحمد حققت هدفي خلال هالشهر الفضيل وقدرت انزل وزني والحمدلله انا مو متينه يعني مربربه عندي زياده 7 كيلو عن وزني المثالي وكنت تعبانه نفسيا من هالشي لاني تعودت علي الرشاقه المهم قررت اني برمضان احقق هدفي للوصول للرشاقه وبقول لكم شلون :


اولا : كنت يوم وترك امشي لمدة ساعه بعد الفطور

ثانيا : يبت تمر شلت منه النواة وعجنته مع دارسين مطحون وكمون مطحون وزنجبيل مطحون وسويته كور وخليته وكل يوم افج ريجي وافطر على كره وحده مع ماي معتدل البروده

ثالثا : اروح اصلي المغرب وبعدين احط لي بكوب صغير شوربه واي شي مشوي دياي/ سمج / لحم وصحن كبير تبوله

رابعا : بعد صلاة العشا امشي ساعه

خامسا : اتسحر سلطة فواكه وروب اكتيفيا وقبل النوم اشرب زنجبيل مع نعناع


والنتيجه خسرت 12 كيلو من وزني واليوم رفيجتي انصدمت :eh_s(10): وقالت لي الموضوع فيه سرر مو بس رجيم ومشي هههههههه

وحبيت اذكر لكم تجربتي يمكن تستفيدوون منها


سي يوو حبايب قلبي :eh_s(8):

 

[oum 5ald]

الله يتمم عليج


وصح ترى رمضان كان فرصه حلوه بس أنا ماكان يمديني امشي ..

 

[رسَــيــل]

عاد صج فيه سر ؟

 

[حضن امى]

عليج بالعافيه
والله يهنيج بالضعف

 

[هيبة ملك]

ماشاءالله عليج

 

[حنانو 89]

ماشاااء الله علييج ...

 

[شسالفتي]

ماشاء الله عليج
تستاهلييييييييييييييييييييييييييييييييييييييييييييييين

 

[Madrideya ~]

الله يتمم عليج =)

 

[مس استي لودر]

عليج بالعافيه حبيبتي

 

[بـ سـ كـ وتـ ة]

ما شالله عليج ... الله يتمم عليج وتحافظين عالوزن اللي وصلتي له يا رب

والله يسهل نزول أوزانا بالصحة والعافية ان شالله

 

[جروح ودموع]

حبايب قلبي تسلمون والله يحفظكم ياااارب

اختي رسيل لا والله السالفه مو سر وذكرت لكم بالموضوع شلون ضغفت والفال لكل وحده خاطرها تضعف ياااارب

 

[عذبـة الاطبآع]

ماشاءالله انتي عندج اراده

بس شكنتي تسوين بالغبقات

مومعقول ماتخربطين

 

[عذبـة الاطبآع]

وماشاءالله الله يعطيج الصحه والعافيه وثبت وزنج ع اللي تبينه

 

[Rose q]

مشالله. عليج الله يتمم عليج يارب

 

[@ الرسامة @]

وناسة مبروك والف مبروووك يعني في امل نضعف قبل الدوامات جم كيلو

 

[لياحه بنت لواح]

ماشاء الله

 

[جروح ودموع]

مشكورييين خواتي الله يسلمكم وبالنسبه للغبقات كنت اكل فواكه وكلما حسيت اني خلاص ما اقاوم كنت اروح تكرمون الحمام اطالع جسمي واردد لازم احقق هدفي

 

[جروح ودموع]

الرسامه حبيبتي اسفه توني اشوف ردج الله يبارك فيج يارب وان شالله تضعفين بصحه وعافيه يارب وصدقيني اذا حابه تتغيرين وتضعفين صدقيني اكيييييييد بتضعفين باذن الله

 

[بداية الحلم]

ماشاالله مبرووك الله يتمم عليكي​

 

[كشكش]

ما شاااااء الله ..

انا مثلج استغليت رمضان وضعفت 8 كيلو الحمدلله