اخوي ومرته

[@تاج الراس@]

بنات السلام عليكم ورحمة الله وبركاته

اخواني العزيزات
اخوي تزوج وحدة ورته نجوم الليل ماضاق طعم الراحه معاها
ما ضاق من وراه الا المحاكم والقضايا الي ترفعها علي راسه لاتفه الاسباب

المهم يبي يطلقها واهوا متزوجها بالمحكمه الجعفرية
وراح يبي يطلقها قالوله ما يصير لازم حضورها
حاجاها ساحلها قالت اوكي اخرتها ما يت
المسكين هد البيت وخلاها فيه بروحها واهما توهم ما صار لهم جم شهر من تزوجوا واهيا قاعده معششه ماتبي تتطلق منه مادري شسالفتها

المهم راح رفع قضية طلاق ودزوا صحيفه لها البيت
اذا ما استقبلتها شرح يصير؟!

اذا تحددت الجلسه وما احضرت يوم الجلسه شرح يصير

بنات ادع ا لاخوي والله تعبان ومو علي بعضه حتي يقول انه خايف تكون ساحرته
صاير كلش شوي يضحك شوي يصرخ ويسب مو علي بعضه ونقسيته تعبانه وقعد تاثر عالكل وخايفين عليه
الي تعرف بسوالف الطباق تقول لنا خل اقوله جم ششغله عشان يهدا ويرتاح واطمنه ان بيفتك منها
صرنا نشوف كوابيس من وراها

 

[@تاج الراس@]

المهم دزوا صحيفه للبنت وحضرت الجلسه الاولي
وقالت للقاضي انا ما ابي اتطلق
واهوا قال يبي يطلق
قالت: اهوا طاردني من البيت
قال : مو طاردها
قال القاضي: اثبت انك مو طاردها
قال: خل تثبت بالاول ان انا طاردها
قالت: اقدر ارجع بيتي
قال القاضي تتاجل الجلسه لي بعد العيد وتقدر ترجع بيت زوجها . والجلسه اليايه كل واحد ييب شاهدين يثبت ان انت ما طردتها من البيت وما يكون الشاهدين من الاهل
واهيا هم نفس الشي

المهم السالفه طولت متي يقدر يطلقها ؟!
شرح يصير بعدين
اهيا الحين قاعدة ببيته واهوا متضايق منها وخايف منيه لي بعد العيد تسوي سوالف وترفع قضايا او تدور حجه عشان لا تطلق
شنو الخطوة الياية الرجاء افادتي ضروري
اخوي ما ارتاح للقاضي وتوقع ان كل شي بينتهي بنفس يوم الجلية وماته عارف ليش طولها واهوا جلسته كانت بتاريخ 19/7 اي قبل رمضان
يعني ما انوقع ان ياجل لي بعد رمضان علي اساس ممنوع الطلاق برمضان وكان بامكانه يطلقهم
هل الاجراءات الي اتبعها القاضي صحيحه لان اخوي تخسبق من ورا هالقاضي
وصح مننوع الطلاق برمضان

 

[فوفو22]

والله مواضيع الطلااق تعور القلب

بالنسبه للمحكمه الجعفريه ما اعرف طريقتهم

بالنسبه لنا سهاله الطلاق

والله يوفق اخوج وزوجته ان شاء الله

فوفو

 

[أم الفناتك]

يعني الطلاق مايبيله مشاوره لاقاضي ولا جلسه يقولها انتي طالق ويقع الطلاق ولها عده وعقبها تقضب الباب ولو انا من اخوج انا اللي اوريها نجوم الظهر اخليها اهي تقول عوووووع مابيك بس شكله اخوج شخصيته ضعيفه واهي عارفه عدل اشلون تتصرف الله يعينكم

 

[الأميرة جوري]

لرفع

 

[تمنيـتگ]

لاحول ولا قوة الا بالله

حسبي الله عليهاا

الله يفرج هم اخوج

 

[Gifts&Occaions]

الله يعينه

 

[قَلبڪْ صًخرْ]

شتبي هذي لزقه قطع
اخوج لايسويلها شي عشان ماتمسك عليه وتقاضيه لايطقها ولايجيسها ويخلي شقته نفس الفندق بعد الفجر ينام وان قعد طلع
وهي نعال وانتي بكرامه

 

[KOKO_284I]

يدزولها كتاب واذا ما استجابت

يطلقون غيابي

واهي قاعده اتسوي جذي الا عشان اتبين للمحكمه انها زينه وتبيه واهو ما يبيها وبجذي تاخذ حقوقها كامله

 

[ليه الجفآ]

لاحول ولا قوة الا بالله ...

شهلحياه الناس تبي الاستقرار والستر واهي تدور المشاكل والمطالب ...


قليلة حيا



...​

 

[كشوخية]

بصراحه انا مو حابه اقول رأيي لان بس سمعت الكلام منج و ما حب اسمع من طرف واحد مو يمكن اخوج الي مأذيها بس البنت مسكينه وتبي بيتها ماتبي تتطلق ليش قلتوا لزقه و مسويه سحر لو مسويه جان عمره مافكر يطلقها عموما الله العالم منو الظالم و منو المظلوم

 

[جذابه بنت ذيابه]

مادري والله


الله يعينكم

 

[@تاج الراس@]

بصراحه انا مو حابه اقول رأيي لان بس سمعت الكلام منج و ما حب اسمع من طرف واحد مو يمكن اخوج الي مأذيها بس البنت مسكينه وتبي بيتها ماتبي تتطلق ليش قلتوا لزقه و مسويه سحر لو مسويه جان عمره مافكر يطلقها عموما الله العالم منو الظالم و منو المظلوم

انا اقولج شتسوي عشان لا تقولين انها مسكينه
اول ما تزوجوا راحت قالت للكل كل صغيرة وكبيرة
واهوا بعده ما دش عليها
وباول مشكله راحت المخفر قالت يسكر ويسوق سكران ويحشش
ولسانها طويل
واخوي هادي مرة وصل حده قعد تسبه وتغلط عليه جدام اهله واهلها وما قالولهم شي جان يقوم ويطقها
جان تطير عالمستشفي وعالمخفر سجلت قضية
يطلع شوي يرجع تقول راح يخون تدق علي اهله ويون مخترعين وتتشكالهم عن ولدهم وتسسبله مشاكل مع اهله

 

[om-3azo-83z]

انا انفصلت بالجعفريه و اعرف طريقتهم
بس اهيا وراها شي و من الاسباب اذا تطلقت تبي نفققققققه و و حقوقها الثانيه ماراح اقولها هني سالي محامي فيها و اذا تبين انا اعرف محاميه شاطره وايد

ليش اخوج ما يادبها؟ مو يمد ايده لا لا بيت الطاعه يعدل اللي ما يتعدل
و ثاني شي ترا بالمحكمه الجعفريه يسمعون الريال و ياخذون بكلامه اكثثثثثثثثر من المره و عن تجربه انا و اخوي و اهما قالو بنفسهم حق اخوي احنا نصف مع الريال اكثر
اهيا قايمه بحقوقه؟ لازم يتكلم بكل شي عند الباحثه لا يسكت كلش كل عيوبها يقول ترا اخر فرصه له

و اذا نظامهم نفس الريال اعتقد ينادونها مرتين الــ3 تتطلق غيابي
بس نصييييييييييييييييييييييييييحه كلمو محامي شاطر هذي مبين مو هينه و مكلمه محاميين و عارفه كل شي اللي قاعده تلعب جذي
و خل يقرا ادعيه قبل لا يدش عشان اذا مسويه شي صج ينقلب عليها كل يوم خل يقرا ادعيه و قران
الله يوفقكم طمنينا اختي شيصير معاكم

 

[@تاج الراس@]

تقول اسفه ورح اتوب ومارح اسوي سوالف
ما يمر اسبوع اسبوعين ترد تهدد وتسوي سوالف توصل انها تروح بيت ابوي تتشكاله وتبجي وسوالف

وعند القاضي سوت روحها فقيرة وسوت شغلات الكل تفاجا انها يعني مسكينة وفقيرة يعني
الله يستر عليها
صار اخوي كله عند بيت ابوي ويتفطر عندنا وما يرد البيت الا بليل يحط راسه وينام
الي يعرف اشلون نتعامل معاه او يعرف اشرح يصير مع القضية او اشلون يتصرفومعاها
او اشلون نخلي القضية لصالحه يليت يفيدنا

 

[om-3azo-83z]

شلون القضيه تصير لصالحه نصيحه كلمي محامي بتلفون البنات ما يقدرون يفيدونج لان المحكمه تفرق الجعفريه عن غيرها
بس سؤال اهوا دخل عليها؟ معطيها حقوقها من مصرف و كل شي؟
عشان ما تقدر تمسك عليه شي
و اهما دشو عند الاخصائيه مادري شسمها تسمع سالفتهم؟
شوفي هالفتره خل يعطيها حقوقها و يقعد عندها بس لا يعطيها ويه عشان لا تمسك عليه شي
و اذا راح عند الاخصائيه خل يقولها تسوي مشاكل و ما تقوم بواجباتها ولا حافظه سر بيتها تتبلى على ريلها قضايا و بلاوي لا تخافين الجعفريه دايما مع الريال و عن تجربه انا بلاوي الدنيا و وقفو مع طليقي
بس مهما صار لا يمد ايييييييييييده و اذا يابو هالسيره بالمحكمه خل يقول كلها مره وحده و يقولهم السالفه و يقول اهيا عرفت غلطتها و تراضينا لا تقلب عليه السالفه

 

[منووله مشعل]

لاحول ولا قوة الا بالله

حسبي الله عليهاا

الله يفرج هم اخوج

 

[@تاج الراس@]

اللهم امين
يقول مادخل عليها

 

[نكهةالبرتقال]

حبيبتي شنو الطباق ؟ لا تصدقين الخرافات

و اهو اذا شك ان مسحور خل يقرا قرآن وايد و يحافظ على الصلاة بالمسيد و يتشافى باذن الله

 

[@تاج الراس@]

حبيبتي شنو الطباق ؟ لا تصدقين الخرافات

و اهو اذا شك ان مسحور خل يقرا قرآن وايد و يحافظ على الصلاة بالمسيد و يتشافى باذن الله

قصدي الطلاق
شقصدج الخرافات ؟!