اخوي طقني

[بمبة المفترسة]

السلام عليكم
بنات انا اخوي طقني ومو اول مرة وهو اصغر مني بوايد
ورحت شكيت عليه بالمخفر وخذوا عليه تعهد
تصرفي صح ولا غلط ؟؟؟؟

 

[معشوقتهـ]

غللللللللللللللط طبعآآآآآآآآآآآآ

 

[NaYoob]

غلط شلون تشتكين على اخوج بالمغفر هذا اخوج من لحمج ودمج
مهما يصير ما تروحين للمغفر

او تدشين المغفر البنات ما يدشون هل أماكن

من صجج اذا في مشكله كلمي بالسياسية اخذيه واذا ما قدرتي

كلمي احد كبير بالعايله يفها ويعلمه يمكن اهو بفترة مراهقه والمراهق

دايم يبي يفرض نفسه بس مو ليدرجة تشتكين يعني ياما انطقت من اخوي

يوم ماكان صغير بس بعدها تعدل وصار انسان ثاني لما كبر ما يمد ايده ويكلمني بإحترام

 

[Tulips]

طبعا تصرفج غلط

اشلووون تجرئتي ورحتي المخفر واشتكيتي عليه ؟؟

وين امج وابوج او حتى خوالج او عمامج .. جان قلتيلهم اهمه يوقفونه عند حده بس ما توصل تفضحين نفسج وتفضحين اهلج بالمخافر لانه اخوج طقج !!!!

صراحه مو حلوووو كلش شكل البنت اللي تشتكي على اخوها بالمخفر الناس تنقد عليج

وهذا انتي قلتيها اول مره يطقج يعني لو اهو طايحله طق فيج جان قلتلج زين سويتي بس اول مره وتشتكين عليه !!

هذا اخوج سندج بهالدنيا لا تخسرينه لانه مردج له

 

[كويتية222]

الله يهديكم ياااارب

يا اختي مو بسيطة سالفة المخافر البنت تدخلها

اختي اخوج ليش يمد ايده عليج اكيد في سبب شوفي شنو السبب وبتعرفين اذا وياه حق او لا

وعموما في طرق كثيرة للتفاهم مو الطق طبعا لكن البعض يلجأ لضرب اخته اذا مسويه شي جايد لا سمح الله

او اذا اهو مراهق وطااايش ومافي له رادع من اهلج فيتجرأ عليج

وسالفة المخافر بتزيد الهوة اللي بينج وبينه يعني بتبعد مسافات المحبة بينكم ​

 

[كلي أنوثة]

غلط و عيب مرده بيي يوم بيندم و يتحسف اذا انتي مو مسويه شي يستاهل الطق الشرطه شبيسوون ماراح تنحل المشكله لازم اهو من داخله يحترمج

 

[بمبة المفترسة]

لا مو اول مرة يطقني انا مو صغيرة انا مرة كبيرة وهو فوق العشرينات عمره
واهلي معاه لانه امي ضدي دايمااااااااا
ودايما اهدده بالمخفر ويقولي روحي اعلى مابخيلج ركبيه لاني عارف ماني رايحة
بس مصخت السالفة وايد
حتى ابوي مو قادر له
واللي تقول الاخوان سند اخواني مامنهم فوود
حتى كراج ولاحادث سيارة انا اروح
ماهم نافعيني بشي

 

[Queen of shr]

والله يعتمد على السبب الي خلاه يطقج ؟ ! هل انتي مسويه شيء غلط او لا سمح الله فضيحه او السالفه فيها شرف ؟؟ ولا موضوع بسيط وهو مد يده عليج ؟؟؟ ومهما كان ترى الستر زين وان رحتي مرة المخفر ريلج بتاخذ عليه وكل يومين طاقه شلالتج هناك بصراحه موحلوه بحقج وبتؤثر على سمعتج الله يهديج

 

[ليـن الـِورد]

اكييييييييد غلط
اجل في بنااات يروحون المخااافر <<<حتى لو انج مشتكيه ع غريب هم عيييييب
شلون وانتي مشتكيه ع اخووووج

 

[بمبة المفترسة]

السالفة بسيطة لاهي شرف ولاشي وانا ماني صغيرة ياهل ترى عمري فوق ال 30

 

[Pearl Qatar]

حبيبتي

أول شي انتي كم عمرج وأخوج كم عمره ؟

وشنو السبب الي يخليه يقطج ,, دامه أصغر منج بوايد ,,؟

لج الحق تشتكين اذا كان ضرب قوي ويهدد حياتج ,, ليش ما كلمتي احد الوالدين يوقفه عند حده ,, وين قاعدين احنا يضربج ، الحمدلله والشكر ,, خير ان شاء الله شجايفج علشان يضربج ,, والله يبطون جبدي الي يمدون يدهم على حريم ,, كلش مافيهم رجوله
​

 

[بنت ديرتها]

شلي يخليه يطقج ؟؟

و سالفه انه يمد ايده غلط و بعد انتي اكبر منه

بس !!! انج تشتكين عليه مليون غلط مهما يكون ما توصل للمخافر
كلمي احد كبير بالعايله يكلمه و لا سالفة المخفر

 

[ميس المشاعر]

اممممم
اختي على حسب السبب اللي طاااقج عليه وهم على حسب الطق <<< يعني مافيها سلاااح
وما لا داعي للمخافر الا في هالحالات

والله يهدي النفوس بينكم

 

[Pearl Qatar]

بنــأت ليش تقولون لها غــلط ,, عيل ليش مسوين مراكز شرطه !!

ذكرتيني في قصة البنت السعوديه ,, الي اخوها 24 ساعه يطقها وهي تكتب قصتها في المنتدي والاسباب كانت عاديه كلش

وعقب كتبو موضوع انها من الضرب ماتت ,, الله يرحمها ويسكنها فسيح جناته

حبيبتي دامج اكبر منه وعمرج فوق الـ 30 ,, ماله حق كلش يمد يده عليج ,, وزين انج وقفتيه عند حده ولاتسكتين عن الحق مره ثانيه ، وفهمي امج عدل انج مب صغيره علشان يمد يده
​

 

[بمبة المفترسة]

88كلمت امي وابوي امي بصفه تقول مافيها شي وابوي ريال كبير ماعاد يقدر عليهوقلت انا فوق ال 30 وهو فوق ال 20ومن زمان هذا طبعه من يوم صغير يطقني والله ما اقدر له اطول واعرض منيوطقتي ببيزة

 

[NaYoob]

لا مو اول مرة يطقني انا مو صغيرة انا مرة كبيرة وهو فوق العشرينات عمره
واهلي معاه لانه امي ضدي دايمااااااااا
ودايما اهدده بالمخفر ويقولي روحي اعلى مابخيلج ركبيه لاني عارف ماني رايحة
بس مصخت السالفة وايد
حتى ابوي مو قادر له
واللي تقول الاخوان سند اخواني مامنهم فوود
حتى كراج ولاحادث سيارة انا اروح
ماهم نافعيني بشي

بس هم غلط والتهديد ما ينفع ادعي الله يهديه
وابوج ماو قادر عليه بس ما راح اشتكي عليه

كلمي بالعقل اخذيه بناحية الدين قوليله خل نفتح
صفحه يديده عرفي شنو اللي يضايقة ولا تسوينه

وسوي اللي اهو يبيه اكيد اهو يخاف على مصلحتج
اكيد يبيلج الشي الزين لما يزفج او يهاوشج بس مو مستوعب

سالفة الطق انها غلط كل شي بالتفاهم ينحل

والله يهيدكم وتردون اخوان واحسن من قبل وادعيله بصلاتج الله يهديه ويهدى النفوس

 

[بمبة المفترسة]

بنــأت ليش تقولون لها غــلط ,, عيل ليش مسوين مراكز شرطه !! ​

ذكرتيني في قصة البنت السعوديه ,, الي اخوها 24 ساعه يطقها وهي تكتب قصتها في المنتدي والاسباب كانت عاديه كلش ​

وعقب كتبو موضوع انها من الضرب ماتت ,, الله يرحمها ويسكنها فسيح جناته ​

حبيبتي دامج اكبر منه وعمرج فوق الـ 30 ,, ماله حق كلش يمد يده عليج ,, وزين انج وقفتيه عند حده ولاتسكتين عن الحق مره ثانيه ، وفهمي امج عدل انج مب صغيره علشان يمد يده ​

وهذا اللي انا اقوووله ليش حاطين المخافر اذا عيب وحرام ومدري شنووو
والله كتبوا عليه تعهد ومرة ثانية تصير قضية
وارتحت والله حتى هو ماله عين حيل ارتحت حتى امي سكتت عني
دوخوني والله

 

[Queen of shr]

عيب عليه 22 هذا وانتي اكبر منه بسنواااات
والله اختي احنا مانعرف شنو هي الاسباب الي خلته يمد يده عليج بس دام المخفر وقعوه على تعهد فأكيد في سبب مقنع وخلاص شيء صار وانتهى وانتي جذي وقفتيه عند حده والله يعينج عليه ويستر عليج إن شاءالله وريحي راسج ولاتفكرين وايد خلاص الي صار صااار

 

[روح مغليها]

وضعت السلاطين للشيااطين
يستااااهل اذا ظلمج وجااار عليج
واستخدم قووته عليج
حبيبتي اهم شي انج ماسويتي شي يغضب الله

 

[بحر هادي]

واللي تقول الاخوان سند اخواني مامنهم فوود
حتى كراج ولاحادث سيارة انا اروح
ماهم نافعيني بشي

ايي والله ماعادت تمشي هالوقت كلمة الاخوان سند..كل واحد همه نفسه..مايعرف اخته الا بالمشاكل..والا غيره مايدري عنها

انا مادري وش سبب المشكله وليش ضربك..بس مهما كان دامك 30 وهو اصغر منك سلامات لييش يضرب..دام ابوك عايش ماله كلمه عليك..شلون عاد طق..
يوفر عضلاته لشي وناس تستاهل..مو اخته..الله يخلف بس

احس اغلب الردود لانهم مو عايشين هالوضع واخوانهم غير فما أيدوا انك تشتكين عليه<< بس يقولك اللي يده بالمويه مو نفس اللي يده بالنار

بس دام امك معاه..وابوك مو قادر عليه..مافيه الا هالحل..
وش يعني عشان بنت تآكلها وتنطق وتنهان وتسكت..!!!!!

استغربت من بعض الردود والله..

بعذر مجتمعنا ذكوري ومستقوين علينا دام البنات نفسهم يستهينون بحقوقهم عشان خاطر الرجال لو هو غلطان ..

~~~
وانتي ماحطيتي موضوعك الا لانك حاسه انك سويتي شي شاكه هل هو صح والا غلط..

شكك هذا جا من المجتمع وتبجيلهم للرجال ترى..مو من كونك غلط..