اخوي بيروح شهر عسل ماليزيا زين تنصحونه يروح؟؟

[ماريا 2006]

شلونكم بنات
اخزي بيروح شهر عسل ماليزيا منو تسويلي برنامج له اهو مطوع وشنو المناطق اللي يروح لها

 

[حـلا و ذوق]

كوالالمبور احسسن 3 فنادق الويستن و الماريوت والملينيوم وكلهم بشارع واحد *شارع العرب *

انا سكنت ف الملينيوم .. نظيف وراقي ..

رحت صن وي لاقون .. هاي منطقة كلها حمامات سباحة والعاب اذا مطوع مابتعجبه بس فيها مجمع حلو تثريبا المسافة لها ثلث ساعه من شارع العرب

منطقة جنتج .. منطقة مرتفعه وباردة فيها العاب داخليه وخارجية حلوووة ولازم يبيت فيها لو ليله

 

[وهج السعودية]

اغلب المسافرين لماليزيا .. اول محطة يوقفون فيها (( الصن وي )) ياخذون فيها من يوم الى يومين .. نص ساعة من المطار .. لازم الواحد يرتاح بعد ساعات الطيران .. فيها فندق البيراميد pyramid ( الاهرام) حلو ومرتب ونظيف وهالمنطقه فيها مدينه مائية لا يروح لها ..
والفندق فيه مول ومطاعم .. والفطور مجاني
فيه سواقين يودونه جولات .. عندك الشلالات اللي بسبعة ادوار + العين الحارة + مصنع الشوكليت + ومصنع نسيت حق شنو بس فيه زي النحاسيات يقولون لك انها تحفظ المشروبات بارد حتى لو حاطتها برا الثلاجه

بعدها عندك جزيرة بيننق نسيت اسامي الفنادق فيها
من بيننق يروحون عن طريق البحر إلى جزيرة (( لنكاوي )) هذي انا أعتبرها احلى مكان في ماليزيا .. فيها مول وجولات في نهر كيليم .. وفيها ركوب طائرة الهليكوبتر .. حديقة الفراشات .. حديقة الحيوان .. بيت الشوكليت .. وفيها جزيرة المرأة الحامل هذي يوفرون لهم رحله خاصة لها يقدرون يسبحون براحتهم مامعهم احد .. في هذي الجزيرة مطعم لبناني واااو خيال الاكل والجلسة
وعلى فكرة هذي الجزيرتين يكفيهم ثلاث ايام في كل جزيرة لانها صغيرة ويفرونها في يومين

بعدها رحلة لكوالالمبور .. فيها (( توين تاور )) البرجين التوأم وفيه مول حلوو .. ومول فهرنهايت .. ومول البافيلون
وفيها فندق راقي (( تراديرس ))
عموما ماليزيا ماتحتارين في الفنادق اغلبها حلوه ونظيفه ومعروفه الشيراتون وراديسون ساس .... الخ
ومن العاصمه يروحون جزيرة ((جينتينق )) وهي منطقة مرتفعة وبارده مرررررره يعني يلبسون ثقيل إذا راحوا فيها مدينة العاب وفندق إذا حبوا ينامون هناك يوم او يرجعون كوالالمبور

فيه موقع booking.com
يقدر يحجز من عندهم ويشوف الفنادق من داخل ويختار اللي يعجبه .. وعلى فكرة الصور اللي يشوفها للغرف او الأجنحة نفس الطبيعه ..
وبالتوفيق للجميع

 

[ماريا 2006]

مشكورين يقلبي
اب
ماتعرفون سفريات يسويلهم برنامج

 

[دآنة آلرشآيده]

اب اب ماعندي فكره
الف مبروك عرس اخوج ​