اخوي بيتزوج مو كويتيه والاهل رافضين

[miss_cuta]

السلام عليكم

شلونكم بنات شخباركم

انا متابعه من زمان للمنتدى وبصراحه مواضيعكم وايد شدتني وهاذي اول مشاركه لي معاكم

انشاالله تتقبلوني واكون عضوه واخت لكم وخفيفه عليكم :eh_s(17):


بدون مقدمات راح ادخل بالموضوع


بنات انا اخوي قرر يتزوج والوالده طارت من الفرحه فيه عسى الله يطول بعمرها

قالت له خلاص يمه انا عندي لك بنت الحلال اللي تسعدك

فجأه الولد قال ( لاااا )

انصدمنا منه جان تقوله الوالده شنو اللي لا يمه ؟

قال موجوده اللي بتزوجها

عاد سألته الوالده الكلام صار بينهم مادري شنو صار بالضبط

بس الزبده طلع اخوي يحب وحده لبنانيه واهلها عايشين بالكويت

مادري بنات تهقون قاصه عليه ؟ خصوصا انه بعده صغير 22 سنه وتوه متوظف بالبترول
على كلام الوالده تقول انه يقول يعرفها من زمان وخوش بنت واهلها زينين
عاد قال حق الوالده تكلم اهلها علشان يتقدمون

الوالده زعلت وقالت ما اخطب لك مو كويتيه

بناات والله كسر خاطري اخوي ما بطل حلجه بولا كلمه سكت وقال خلاص ماني متزوج وخذا بخاطره
ما عصب ولا قال شي سكت وسكر الموضوع ,, احس انكسر خاطره بس والمشكله ماقدر اكلمه يعني
ماعندي الجرأه اللي اكلمه بموضوع مثل هذا

انتو شرايكم بالموضوع ؟؟ الوالد والوالده معاهم حق انهم ما وافقو ؟

انا اشوف عادي مافيها شي بس مادري ليش نظره الكبار جذي :eh_s(16):



وسامحوني اذا طولت عليكم



​

 

[بتبوتااا]

شوفي حياتي

حلات الثوب رقعته منه وفيه بس وانا اختج اخوي ماخذ لبنانيه والله ثم والله مدللته دلال والحمدلله مرتاح معاها

يقول كل شي تسوي له من تنظيف وغسال وطباخ ولا تبي خدامه واهيا بنت خير مو الي طمعانه عشان نقول ميته فيه لانه كويتي

وخذاها لانه يحبها ,,

والله يوفق اخوج ويحنن قلب امج ياقلبي

 

[!الجادل الصعب!]

لو مقتنع فيها الف بـ % كان نآقش او اعترض ..
بس حبيبتي هو شكله مو ماخذ الموضوع جد ..
نصيحتي لا تدخلين ..!

 

[ابدا يالغالي مانساك]

ربي يوفق اخوج بس يمكن امج تبي تختار له وحده من الديره
وتكون تعرف عوايدنا

 

[صادقة بكلمتي]

حبيبتي ان له نصيب بوحده من اخر الدنيا بياخذها لو العالم كله رفض والله يكتبله بنت الحلال كويتيه ولا لبنانية ودعيله بالخير وايسرله دربه وان شينه يبعد شرها عنه

 

[miss_cuta]

الله يسمع منكم يارب

الجادل الصعب .. اهو مسكين ياي مستانس يعني احسه ناطر هالشي من زمان على كلام الوالده تقول يعرفها من ايام دراسته
يعني تقدرين تقولين ناطر يتوظف علشان يتزوجها والله اعلم

اهي مو سالفه يجادل ولا يناقش , اهو حيل طيب ما يحب يزعل الوالده بكلمه فا سكت وقال خلاص ماني متزوج غيرها وسكر عالموضوع
اهو على نياته وما يحب عوار الراس اخوي واعرفه مايحب المشاكل والدندره


مادري ليش البعض يقول طمع شدعوه خوو الخير بس عند الكويتيين امبييه يعني شنو ترى كلنا بشر مثل ما احنا شايفين خير هم الناس شايفه خير

حدي مقهووره مادري ليش هالنظره ماحب التفرقه .. سوري بنات بس والله يا ان في كويتيات اهم اللي يطمعون وتطلع حق الولد قرون

مادري احس جذي لان طلباتهم ما تخلص .. من اللي شفته من رفيجاتي اللي متزوجين والله احس بس يبون ياخذون اللهم يا كافي
وتلاقينها لما كانت عند اهلها ماكله هوا وتزوجت وقامت تفلسف والله اعرف جم وحده جذي استغفرالله ياربي


ناطره باجي الخوات ومشكورين حبايبي عالكومنتات

 

[ąl.65мђ]

الله يوفقه​

 

[مناير ...!]

قعدي معاه وساليه وفهمي البنت شنو وضعها
وعلى قولتج حيل قديمه فكره انهم طمعانين فيه لانه كويتي
والله يكتب له الي فيه الخير

 

[classicyah]

و الله يآ حبيبتي من رآيي تقنعين أمج و اتحآوليـن فيهآ

و قوليلهآ بنسأل عن أخلآق البنت ،

و ييبلهآ امثلة من الصحآبه و و ،

ترى و الله كلنـآ بشر

و الإنسـآن أبسط حقوقه يختآر شريك حيآته بنفسه

بغض النظر عن جنسيته أو شكله أو لونه ،

،

ان شـآءالله أمج اتوآفق

روحي حق أخوج و قوليله إنج وآقفه ويـآه و بتحآولين تقنعين الوآلده

و اذآ بغيتي ، حآولي اتصآدقين البنيه و اتشوفين أخلآقهآ و دينهآ . .

 

[*ماي الورد*]

قولي حق امج تقعدون مع البنت و اهلها قبل لاتحكم
و سالوا الجيران و الحارس عنها

 

[د. فاطمة]

الله يوفقه ويكتب له كل خير يارب ياكريم
ماعرف شقول لج حبيبتي

بس الله يرزقه باللي له خير بحياته

 

[قــل مـا تـشـاء]

ماعليه مافيها شي كلميه وأخذي بخاطره وقولي له أنه يحاول يكلم أمج مره ثانيه يمكن ترضى ,,
وانتي بعد أسأليها ليش ماتبي تخطب له البنت وقولي لها كل ديره فيها الزين وفيها الشين
وانه يمكن لي خذا وحده كويتية مايرتاح معاها ,, يمكنها تقتنع وتالي أسألوا عن البنت وأهلها
الله يكتب اللي فيه الخير

 

[miss_cuta]

الله يكتب الي فيه الخير انشالله

مشكورين وماقصرتو

مادري شقول لكم بس كسر خاطري اخوي ومالقيت احد اتكلم معاه فا قلت مالي الا انتو

مشكورين وايد

 

[tbola]

صاجه بتبوتا حلات الثوب رقعته منه وفي

 

[مذهلة 78]

والله حبيبتي اذا البنت زينه ومتربيه عدل ليش لاء
حاولي تقنعين امج وقولي لها باجر اذا زوجتيه على مزاجج وما ارتاح مع زوجته
بلومج طول العمر عالاقل هذي اختياره باجر ان صار ما صار ما راح يلوم احد

 

[رمانة خضرا]

والله حبيبتي انا رايي حلات الثوب رقعته منه وفيه
امج اكيد حاطه ببالها وحده سنعه منكم وفيكم .. مادري لو انا ريال بالديوانيه يسألون منو خوال عيالك او منو لمناسب افتشل اقول لبنانيه !! حلاته العيال يتعلمون عداتنا وتقاليدنا.. حتى اهيا اللبنانيه اريح لها تاخذ واحد نفسها
ومو من زين الكويتيين اللي تقول طمعانه فيه لالالالا ياما في كويتيين مأذين حريمهم ولينانيين مدلعين زوجاتهم
بس مانقول حق الكويتيه اخذي موكويتي يدلعج ويونسج
لا حلات الثوب رقعته منه وفيه وترا في الزين وفي الشين بكل جنسيه

 

[حجيه هيونه]

اممممممم خل يصبر شوي ويحاول يستخير

وامج لا تتسرع وتفرض عليه وحده مايحبها ويعيش تعيس طول عمره

خل يصبرون شوي ويتباصرون بالموضوع لين الله يوفقه مع بنت الحلال ان شاء الله

 

[LadY BuG 80]

شوفي الوالده معذوره ابنها وودها تفرح فيه و اكيد كانت حاطه كم بنيه في بالها ,, و هاذا طبع البشر اشي الغريب ننفر منه . بغض انظر البنت زينه او لا

اول شي توجهي بدعاء . ادعي اذا اخوكي له خير فيها الله يحنن قلب امك عليه و عليها

و اذا ماله خير فيها يبعدها الله عنه بدون لا يتأذا او تصير مشاكل بينه و بين اهله

انا بقولك سالفه .. اخوي كان يحب وحده اجنبيه من يوووووم كان في المتوسط يعني عمر
ولا علم احد

و هي كمان تبيه ... تخرجوا من اثنويه سوا و الجامعه و هي صارت تشتغل و هو بعد

و يوم قال لابوي .. كانت اطامه الكبرا لانها اجنبيه ... اوروبيه و مسيحيه و متدينه يعني مافي امل تعتنق الاسلام

حاولت معاه و قلت له عيالك على اي دين بيطلعون قالي اكييييد مسلمين .. طبعا و انا كل يوم ادعي الله يبعدها عنه اذا مافيها خير له في دينه و دنياه و عاقبت امره

ابوي دقه قديمه و عصب و قاله اذا خذتها لا انت ولدي ولا اعرفك و امي هاوشت

انا قلت لهم غللللللللللللللللللللط هو يحبها و كذا بنخسره و يتمسك فيها اكثر

امي قالت و العمل

قلت لها قولي له على كيييييييييييييييييييييفك انت حر ... و لا تنسين انتي ام و دعوات الام تستجاب ادعي ادعي هاذا اقوى سلاح

ولله كانت تدعي يارب لو ماله خير فيها ابعدها عنه كرهه فيها

طبعا كان شي مستحيييييييييييييييييييل يكرها .. لانه عشقاها للجنون و عمر يرسم عليها وهي وقفت جمبه و اذا احتاج تعطيه ما تبخل يعني كلبشته عدل

المهم ابتديت اقوله تناقشت معاها عن العيال و اي دين بيكونون ؟؟ قالي ااااااااااااكيد مسلمين

قلت له حبيبي هي متدينه يعني اكيد تشوف دينها الحق . و تبي عيالها مثلها

.. احسه ابتدا يتوتر

و اليوم اثاني راح يقولها .. طبعا هي قالت هاا و تلعثمت و قالت اكيد يلحقون ابوهم و بدري على هلكلام .. قالها لااا هاذا شي مهمممممم عندي العيال لازم يطلعون مسلمين حطي في بالك

طبعا و من يومها تغيرت و ابتدت تنفر منه و يوم تقوله ابوي مو موافق و ما اقدر اعصيه

حبه حبه حس انها متردده و كرها و فركششششششششششششششششششششششششششش الحمدللللللللللللللللللله

طبعا الكلام اخذ سنه و نص لين ما تفركشت اسالفه

و انا و امي مستمرين بدعاء


انا الحين ما اقولك تتمنين اخوكي تخرب علاقته لا . مهما كان هاذي عربيه و مسلمه يعني شتااان بين هاته و تاك

لاكن ادعي اذا فيه له خير فيه الله يحبب امك فيها و اذا لا الله يصرفها عنه و يطلعها من نفسه

و انا اعتقد لو الوالده عطت نفسها فرصه تعرفها راح تتقبل اسالفه لانه هاذا ابنها تربيتها اكيد ما ساء الاختيار

و انتي حاولي تدخلين و تقنعيها اذا تقدرين و الله يسهله​

 

[هيفاء ksa]

خل يصلي استخاره احسن

 

[اميره1980]

انا لو مكانج اخلي اخوي بالبداية يعرفني عليها و اقابلها بره البيت و اشوف طريقتها و تفكيرها شلون صاير و حتى اهلها و اذا فعلا البنت زينة ليش لا ؟ على الاقل تعدل النسل لوووووووووووول