اخوي الوحيد يكرهني وانا اكره

[angel bysho]

سلام حبايب قلبي والي مالي غيركم بعد الله امي وبنت عمتي
بالغلا مشكلتي مع اخوي الي عمره 16 انسان مجنون بمعنى الكلمة الفاظه بذيئة علي وعلى امي وغير كل هذا مايصلي وفاشل بدراسه
انا كل هذا ماهمني لانه شئ راجع له
الي همني خلاني اكره ابوي لاتستغربون ابوي يسمع حجيه بشكل مو طبيعي يعني لو يقول بنتك طلعت مع واحد وانا جدامه يقول اي والله صج
وررررررررررررررررب الكعبه تعبت يتهمني مرات بشرفي ويقولي عني حجي حتى العدو مايقوله يشيش ابوي علي وينرفزه وكل يوم يقوله بنتك تحاجي وبنتك وصخه وابوي المصيبه يسكت له
وامي المسكينه هم يهاوشها ومرات يمد ايده عليها ويقولها انتي ماتعرفين تربين وانتي ابوي مادري شلون متحملج الحجي كله جدام ابوي
مع اني مطيعه والله مطيعه واحاول ارضي ابوي ومتفوقه دراسيا
ابي حل تعبت وانا اطنش واقول باجر يعقل بس الظاهر بيظل جذي لما يموت مريض نفسيا يحاول يحرجنا ويأذينا ويمد ايده مرات بس عشان يبين حق ابوي انه رجال البيت ,وانا مرات اسامحه يطلب مني ادرسه والله ادرسه ولما يخلص يقول اذلفي انتي خدامه عندي ومره دش المستشفى ادق عليه ابجي يقولي لاتسوين فلم هندي وانقلعي اقوله شنو تبي اطرش لك اكل يقول مابي شئ من ايدج
ساعدوني او ادعوا لي
م

 

[ملاااك نفسهـ]

لاحووووووووووول ولاقوة الا بالله حبيبتي هذآ مراهق ويح‘ـاول يثبت وجوده بالبيت << فاهم غلط الرجولهـ

الهم انت ح‘ـقريه ولاتحاجينه ولاتحتكين معاآآه خليه يحاجي نفسه لاتردين عليه دام ابووج يسمع كلآمه ؟؟

انزين ماعندج اخوان اكبر منج يربووونهـ ..؟

وبعدهآ كله جم سنة وبيع‘ـقل صدقيني

والله يعينكم علييييييييه .. }~

 

[ღ❤سـنــيـــڪـرز❤ღ]

والله حبيبتي انا تضااايقت لما سمعت كلامك

انتي مااعندكم زي اللي بالرياااااااض مدرسة او زي المدرسة

اسمها....دار التووجية ...اهي بالرياااااض ما ادري اذا عندكم بس اكيييد موجودة طلبي رقمهم

وخليهم يمسكوونة

والله العظيم انا حزنت لما يتكلم عن امك والله تضاااايقت

هذووول دار التوجية يقعد عندهم شهر بس

يطلع واهو يمشي على الصرااااط المستقيم والله يااما ناااس دخلو عياالهم

والحين منهم مطاااوعة واللي ماشاء الله علية سنع ورجاااااااال

والله يهدية ويمكن اللي يمشي معااهم مو زينين واهم اللي يعلمووونة

 

[SanYorTa]

رد : اخوي الوحيد يكرهني وانا اكره

لاحول ولاقوة إلا بالله
حبيبتي جم عمرج انتي ؟؟

اهو مراهق وعنده انه اهو ريال وكلمته مسموعه حسسيه بهالشي وحاولي تتقربين منه
استشيريه حتى لو موضوع تافهه وماله شغل فيه بينيه انه فاهم ومسؤول بس واضح انه اخوج واايد متمادي مع امج وابوج
كلميه قوليله انه الجنه تحت اقدام الامهات لو يموت فجأه وامه مو راضيه عليه شيسوى عليه

الله يهديه ويوفقه ان شاء الله ،،

 

[Dreams Of a girL]

رد : رد: اخوي الوحيد يكرهني وانا اكره

لاحووووووووووول ولاقوة الا بالله حبيبتي هذآ مراهق ويح‘ـاول يثبت وجوده بالبيت << فاهم غلط الرجولهـ

الهم انت ح‘ـقريه ولاتحاجينه ولاتحتكين معاآآه خليه يحاجي نفسه لاتردين عليه دام ابووج يسمع كلآمه ؟؟

انزين ماعندج اخوان اكبر منج يربووونهـ ..؟

وبعدهآ كله جم سنة وبيع‘ـقل صدقيني

والله يعينكم علييييييييه .. }~

رايي من رايها

وادعيله بالهدايه
الله يهديه يارب

 

[Tom ♥ Jerry]

.


لا حول و لا قوة الا بالله !
آدعيله و خلي آمج تدعيله .. واي شهالزمن !
بآجر رآح يشوف هالشي بعيآله :* !

استغفر الله العظيمـ الله يهديه =( !

 

[Tulips]

رد : اخوي الوحيد يكرهني وانا اكره

ماعليه حبيبتي هدي اعصابج

اهمه جذي المراهقين يسون اي شي بالدنيا عشان يثبتون انه شخصيتهم قويه ويسوون اللي يبون ومحد يهمهم

حاولي تكسبينه انتي وامج و تكلمينه باسلوب حلو وبالهداوه

قولوله انت ليش تتصرف جذي وليش تمد ايدك ولسانك على امك .. باجر حوبتها ماتتعداك والله ماراح يوفقك لابدنيتك ولا بأخرتك

والله يهديه ان شالله فتره وتعدي

و ذكريه انه مالكم غير بعض بهالدنيا

 

[angel bysho]

رد : اخوي الوحيد يكرهني وانا اكره

انا عمري 18 وربي اني حاولت وحاولت وصلت فيه انه يفتش بأغراضي حتى مذكراتي وأشياء الخاصه وفي مره كنت ماخذه ميموري من رفيجتي كانت حاطه فيه اناشيد ومنوعات والله بحسن نيه وحطيته بتلفون امي واهي معاي تشوف وطلعت صوره حق اخوها تدريون شسوى راح حق ابوي يقوله بنتك تخطط على واحد وربي قعدت ابجي وانحرقت وكان يومها ادرس لامتحان نهائي بغيت اموووت والله دعيت له واحاجيه بأسلوب بس ماينفع اذا يبي شئ قالي بأسلوب زين بس من يخلص قالي غصبا عنج وعني الي جابج الفاااااظه وصصصصصصصصصخه لابعد الحدووووود وربي مايتحملها احد
والله اني ماجذب ولااحاول افتن بينه وبين ابوي بس ابي الحق مابيه يتعدى علي انا وراي دراسه وطموحي كبير واهو يشيش ابوي على الفاضي والمليان
حاول مره يذبحني حذف صندوق خشب على راسي عشان اموت ويقول بسج وانتي تفوقين فكينا صيري غبيه شوي حتى يوم تخرجي يبي يموت من القهر لما شاف الناس تبارك لي وتجيب لي الهدايا
الله يعين والله عاد انا ابي يكون عندي اخو وسند مهما كان البنت من غير سند ماتعيش ابي اذا قلت اااااخ لها معنى حتى هالكلمه ما اقولها اقول اااه بدالها ياليت ينصلح ويحبني والله ابيه يرد ويصير زين معاي محتاجته

 

[angel bysho]

رد : اخوي الوحيد يكرهني وانا اكره

انا عمري 18 وربي اني حاولت وحاولت وصلت فيه انه يفتش بأغراضي حتى مذكراتي وأشياء الخاصه وفي مره كنت ماخذه ميموري من رفيجتي كانت حاطه فيه اناشيد ومنوعات والله بحسن نيه وحطيته بتلفون امي واهي معاي تشوف وطلعت صوره حق اخوها تدريون شسوى راح حق ابوي يقوله بنتك تخطط على واحد وربي قعدت ابجي وانحرقت وكان يومها ادرس لامتحان نهائي بغيت اموووت والله دعيت له واحاجيه بأسلوب بس ماينفع اذا يبي شئ قالي بأسلوب زين بس من يخلص قالي غصبا عنج وعني الي جابج الفاااااظه وصصصصصصصصصخه لابعد الحدووووود وربي مايتحملها احد
والله اني ماجذب ولااحاول افتن بينه وبين ابوي بس ابي الحق مابيه يتعدى علي انا وراي دراسه وطموحي كبير واهو يشيش ابوي على الفاضي والمليان
حاول مره يذبحني حذف صندوق خشب على راسي عشان اموت ويقول بسج وانتي تفوقين فكينا صيري غبيه شوي حتى يوم تخرجي يبي يموت من القهر لما شاف الناس تبارك لي وتجيب لي الهدايا
الله يعين والله عاد انا ابي يكون عندي اخو وسند مهما كان البنت من غير سند ماتعيش ابي اذا قلت اااااخ لها معنى حتى هالكلمه ما اقولها اقول اااه بدالها ياليت ينصلح ويحبني والله ابيه يرد ويصير زين معاي محتاجته

 

[$ النيره $]

,

عورتي قلبي والله ..[ :eh_s(2):]

طيب ماعندك ,, عمام والا خوال كبااار وفااهمين ..
ابوك مبين شخصيته ضعيفه وامك اضعف واضعف ..

هذا يبيله رجال كبير يربيه من جد وجديد

اذا ماعندك عمام والا خوال كبــاااار قوليلهم خليهم يربووونه ويعلمونه السنع والرجوله الصحيحه ..

طنشيييييييييييييييييييييييه .. نصيييحه .. وتحاااشيه قد مايقدر هذا مرااهق وممكن يسوي فيك أي شي ..

الله يهديه

والله تضايقت من تصرفاته مع امك

 

[عثوله دبي]

لازم انتي تخلينه يحترمج مهما كآن انتي اكبر منه !!
كلمي أبوج قوليله .. لازم احد يسكته شلون يمد ايده ع امج ! هذا شلون بيتوفق بـ حيـآته !!

من رايي لآزم احد كبير يخاف منه يكلمه و ينبهه ويهدده بعد ..

والله يعينج وينولج اللي ببالج :*

تقبلي مروري

 

[حصــgص..~!]

رد : اخوي الوحيد يكرهني وانا اكره

اسسسسسسسسسسسستغفرالله ليييييييش جذذي اخووج ...~


ما أقوول الا الله الله يعينج ...~


هذي فترة مرآهقه و تعدي و راح يتعدل ان شاء الله ...~

 

[بنوتة نجد]

رد : اخوي الوحيد يكرهني وانا اكره

اولا الله يهديه ويصلحة لكم اصلا هو مراااهق وكذا حركاتهم نادر ما تلقين الهادي العاقل ينمون جسميا وعاقل ماكو الله يهديهم

انتي اثبتي شخصيتك ولاتصيرين ضعيفة عشان ما يتمادى اكثر واكثر

وادعي الله يرحم حالك ويهديه ويسخره لكم

 

[دلوعه ناعمه]

رد : اخوي الوحيد يكرهني وانا اكره

الله يهديه ويصلحه ااااميين....

 

[سارونهh_a_z]

الله يهديه

وحتى لومراهق مايووووووصل لهدرجه

انا لو منج اكلم احد من عمامي او خوالي يوقفه عند حدة

انا اللي مستغربه منه اشلون ابوج يسمحله يمد ايده على امه


واشلون يسكت هالمووووقف ماينسكت عليه ابد

اذا مايرنه هذاك الكف على ويهه ويسنعه

 

[angel bysho]

رد : اخوي الوحيد يكرهني وانا اكره

شكرا لك الي ردوا والي قالت ابوي ضعيف شخصيه وررررررررررررررربي انه اقوى رجال شفته وشخصيته الكل يحترمها
بس يقول الولد لازم يتعود يطلع شخصيه عشان باجر راح يفتح بيت يعني صرت انا وامي فيراان تجارب
وربي ابوي برى البيت غير
اهو مرات يزف اخوي ويخانقه بس اغلب الوقت يصف معاه واخوي من النوع الي يشوف الحجي الي فيه شر يقوله ومايعرف يقول كلمة الحق وربي مصاااااااااااااااااااااااااايب جتني من ورى راسه
ماما كاسره خاطري على الاقل انا مرات اخذ حقي بطق بالحجي بس اهي لا انا اقوى منها شخصيه اهي تحمل وتصبر
واذا على العمام والخوال مايقدرون يتدخلون لاني ابوي مستتتتتيحل يخلي احد يتدخل بخصوصياته

 

[~LiBrA~]

رد : اخوي الوحيد يكرهني وانا اكره

الله يعينج ياقلبي وترا هذا مرااااااااهق كل المراهقين يسوون جذي مع خواتهم يسوون نفسهم ريايل وهذا بزود

مثل ما قالت الاخت توليبس حاولي تكسبينه وعاملي جنه ريال صج واستشيريه بكل شي هالشي يحسسه برجولته وراح يطخ عنج انشالله

 

[Cander]

الله يهدية

لاحول ولا قوة الا بالله

هذا الظاهر دلوع مدلعينة امج وابوج واهو صغير على اساس انة الوحيد لين تمرد عليهم

وهذا السن ترى خط على كل الشباب يمكن لما يكبر يطخ شوي لما يعقل

انتي اللي عليج تتجنبينة هالفترة وناخذين بخاطر امج اذا اذاها وتتطمنينها انها فترة وتعدي

وادعي لة بالهداية

 

[{هتًان}]

رد : اخوي الوحيد يكرهني وانا اكره

المفروض اللي يوجهه وينصحـه والدينه

او اي احد اكبر منه من الأهل

وانتي حبيبتي تحاشيه وان قعد بمكان قومي منه عشان لايصير بينكم صدام

وادعي له من القلب تراه اخوج وصدقيني بيكبر ويندم ..يا عسى الله يهديه ويصلحه

 

[..فروحه..]

الله يهديه