اخوي أخذ من مهري

[أحلى عروس 2012]

أنا بنت مخطوبة ومااشتغل وماعندي غير مهري
فيوم من الايام كنت قاعدة أتدرب ع لسواقة مع المدربة
فشفت انها تاخذ فلوس وايد ع الدرس الواحد
فقلت لأخوي دربني أنا ماعندي اعطي المدربة فعييه
المهم قررت اطلع لحالي
وللأسف قضا الله وقدره سويت حادث
فقام اخوي سبني وسب أمي وابوي وع فكرة اخوي معروف بلسانه
وراح صلح السيارة
بس الصدمة يابنات انه اييه وقال لي بيعي ذهبج ودفعي لي تصليح السيارة
أنا توقعت لانه معصب فردها علي
عدة مرات
قمت وعطيته من مهري !!!!
واهو حالته المادية وايد زينة
وأبوي متوفي
يابنات أنا بحلم ولابعلم في اخو جذي يسوي لأخته
وانا اعتذرت له وبكيت يمه بس ماتوقعت انه توصل فيه المواصيل انه ياخذ من مهري
الحين شسوي يابنات الأخوة مو وقت الحاجة أنا ماشفته بوقت حاجتي
وانا والله عاقلة بس قضا الله وقدرة وكل همي أخذ الليسن بتعبي *

 

[khawla&tito]

حبيبتي ماقدرت اطلع بدون رد

الله يهديه يارب ويصلح حالكم ويوفقج بحياتج

 

[Tom ♥ Jerry]

,


مآدري شقولج ..
الله يعينج يارب ..

 

[عيونك دنيتي D]

يمكن من خوفه عليج ..

انتي شوفيها من ناحيه ثانيه ..

والله يوفقج ويسعدج في حياتج الزوجيه المستقبليه ​

 

[عذوبة روح]

ممكن علشان الصدمه انقهر ادعي وان شاء الله يردها لك بعدما ينسى الحادث

 

[ذوق الرياض]

اذا المبلغ صغير بالنسبة لمهرك واللي باقي يكفي لتجهيزك تصرفي فيه بعقلانية
ولاتذلين نفسك له

لو اني مكانك كان تحملت مسؤولية غلطي , والله يبارك في اللي بقى من مهرك

 

[ام الدرر]

حبوبة اللي صار صار
ادعي لاخوج ان الله يهديه ويسخره لج
انسي الموضوع والتفتي لنفسج
جهزي نفسج بالباقي والله بيسر لج ان شاءالله ​

 

[what's up]

الله يعوضج يا ربي

 

[what's up]

ادعي بهالدعاء

اللهم اني أسألك رزقاً ليس لاحد عليّ منه منّه



الله يفرج همج يا رب عاجل غير اجل

 

[dantella]

اساسا شالي خلاج تفكرين انج تطلعين بالسياره وانتي ماعندج ليسن وماتعرفين تسوقين؟ في احد يسوي سواتج بالله؟
ماعمري سمعت احد يدرب نفسه بنفسه
قبل لايكون خطر عليج بكون خطر على ارواح ناس ثانيه بسبب عدم تمكنج من السياره
خلج من اخوج وفكري بطريقه افضل
وحتى لو المدربه بتاخذ فلوس فاهي افضل طريقه عشان تتعلمين

 

[ابـيـض واسـود]

اصلاً مايصير يااخذ من مهرج , اهم معطينج المهر عشان تجهزين نفسج فيه حق بوالشبااب مب حق اخوج الله يهديه

 

[روح مغليها]

عيب عليه
لكن من حقه

 

[روح مغليهاM]

الله يهديه ويصلح بينكم

 

[آلمآآآسه]

حبيبتي ادعي ان الله يعوضج خير ويبارك لج في مهرج

وادعي ان الله يهدى اخوج ويسخره لج ولامج

والله يحفظج يالغاليه ، انتي عروس لاتزعلين على هالشي

 

[أحلى عروس 2012]

الله كريم يابنات ربي مابخليني
وأخوي أخذ 10 بالمئة من مهري
أنا لو يايني وقال لي يااختي تره ماعندي فلوس ومحتاج
اهو لا غني والغني الله
وطلبهم مني بطريقة قليله أدب
أنا مو همي لفلوس همي الثقة الي انهزت بيني وبينه
وبعدين الي تقول ليش تدربين أنا كنت أتدرب يم البيت
وكل يوم اطلع بس هذاك اليوم الله قدر
الحمد لله والشكر

 

[عادت ذكرياتي]

الله يسخره لج حبيبتي

 

[دنيا جديدة]

انتي باين عليج ماهمج الفلوس بس طريقتة اهي اللي زعلتج
حبيبتي وسعي صدرج وباين يبي يقوي قلبج
يالله الحمد الله ما صار لج شي وحطيتي الفلوس بعلاج
تصدقي بفلوسج اشان تزيد ويبارك لج الله فيها ويدفع البلاء
يارب الله يسخر لج اخوج

 

[*غلا الكويت *]

اصلن ماله حق ياخذ مهرج

 

[ابدا يالغالي مانساك]

جان ماخذ 10 بالمئه من مهرج علي قولتج
باااالعافيه عليه ونسي الموضوع وهذا اخوج سندج مابتلقين احد يحبج كثره خاصة الاخو
غير حتن لو شنو يسوي
وعادي تصير باحسن العوائل انا من مهري كنت اعطي اخواني واهلي
مو كل شي اللبس اهم شي ربي يوفقج بزواااااااجج ويسعدج
وربي بيعوضج ويرزقج ان شالله

 

[أم خشم]

مو من حقه ياخذ شي من مهرج ,, و لللمراة في الشرع الحق في التصرف باموالها من غير جبر او اكراه