اخوان تحت ورق الخريف

[miss i]

هاااااي كويتيات ...... شلونكم؟؟؟؟انشالله زينيين؟؟

اليوم يايبتلكم معاي قصة يديدة و من نوع ثاني .... و مختلفة عن قصتي السابقة الي بعضكم تابعها.....

و اتمنى انها تعجبكم.........

بسم الله الرحمن الرحيم

البارت الاول:

اول شي انعرفكم عالشخصيات:

بيت بو مرزوق:
بو مرزوق (خالد): عمره 64, ريال كبير ولكنه طيب وحنوون....خاصة على عياله.
ام مرزوق(ليلى):عمرها 58 ,نوعا ما كبيرة لكنها بصحة ممتازة و نشيطة
مرزوق:ولدهم العود,عمره 38 سنة,طيب وحبوب..لكنه عصبي شوي..بس قلبة ابيض.
سناء:مرت مرزوق ,عمرها 33 سنة,طيبة وعلى نياتها ..وحيدة امها وابوها..ابوها ريال كبير وامها متوفيا..
علي:الولد الثاني ,عمره 36 سنة, دمه خفيف , و يحب يجازف.
ريم:مرت علي,عمرها 30 سنه.. هاديه ومالها حس..
داوود:الولد الثالث وعمره 34 سنة.. حكيم ومحترم لكنه مرح..
سعاد: مرت داوود, ربة بيت.. دمها خفيف وخوش مره..
فيصل: عمره 33 سنه , دمه خفييف و رمانسي او عاطفي ,خوش ريال و وكت الحاجه و الهوشات ينفع , لمن كان شاب ( قبل الزواج) كان مغازلجي..
فاطمة: مرت فيصل ,عمرها 30 سنه .. هاااااااديه و حبوبة و نااعمه و تهبل..
منيرة: اخر العنقود , اخت الصبيان.. ارملة.. عمرها 26 سنة..

الاحفاد:

عيال مرزوق:
يوسف:عمره 13 سنه .. شاق القاع و طالع..ابيضاني على امه و عيونه كبار وناعسيين على ابوه وشعره اسود.
عيسى:عمره 12 سنه.. يني و عطبه مع يوسف..ابيض لكنه مصبوغ من الشمس , شعره بني غامج, عيونه مثل اخوه..
ناصر: اخر العنقود, عمره 10 سنين.. ابليييس.. و اخوانه الكبار وما اسلموا منه..اسمر , عيونه مثل اخوانه, شعره اسود..
باختصار اهما اشطن احفاد.....

عيال علي:
محمد: عمره 13 سنه..ابيض مصبوغ من الشمس.. شعره اسود .. عيونه عاديين ..لا كبار ولا صغار..لكن له مستقبل حلو من ناحية الشكل..دمه واايد خفيف.. وشيطان لكن مو مثل يوسف وناصر و عيسى..
سليمان:عمره 11 سنه.. شكله وايد يشبه اخوه محمد.. و نفس صفاته و لكن زيادة عليه انه حنون و طيب..
مريم:اخر العنقود..عمرها 10 سنين ... بيضة شعرها اسود ,مزيونة..رقيقة واايد و دلوعة و تحب شكلها و نفسها..

عيال داوود:

امنة و اماني : توأم , عمرهم 8 سنين.. بييض و شعرهم بني فاتح على امهم... و هاديات و دلوعات و يهبلون...


عيال فيصل:
جاسم : عمره 10 سنين...اسمر .. شعره اسود ومزيون.. شيطان و حنون
ياسمين:عمرها 8 سنين.. سمره و شعرها بني غامج .. شيطانه و جريئة .. تينن...

عيال منيرة:
خالد: عمره 9 سنبن الا جم شهر( منيرة تزوجت عمرها 16 سنة و هذا وحيدها)

نبدي قصتنا:-

بيت بو مرزوق يوم الجمعة(زوارتهم):

ليلى(الجدة) تنادي: مرزووووووووووووووق!!!! مرزوووووووووووووق!!!! تعال شوف يوييسف شمسوي تعااااال....
يوسف بكل جرأة: يعني بتخوفييينييي مثلاً؟؟؟؟؟
ليلى بعصبية لكن بحنية : ليا جليل الحيا!!!!! هذا حجي ينقال حق يدتك؟؟؟؟؟؟
يوسف : ايي بعد شسوييلج.... قاعدة تنادين ابوي .......الي يسمعج يقول اني كلش الحين...بموت من الخوف..
ليلى يتها الضحكة غلى جرأة يوسف و شطانته بس كانت ما سكتها...
يوسف : اقول ...فيج ظحكة ظحكي لا تمسكيينها....
ليلى ماااتتت من الظحك : ههههههههههههه انا اوريييك ...!!!! شيطااااااااااان!!!

عيسى يدش عرض: الحين ما عرفنا ....معصبة ولا راضية!!!
ليلى بجدية: بس بس بس!! عقاباً لكم ... ماكوو كاكاو ولا حلاو....
و طلعت من الغرفة الي كانوا قاعدين فيها...
عقب ما طلعت...
ناصر: اييي عاد من زين كاكاوج و لا حلاوج .... الكاكاو بو نجووم و الحلاو بو بقرة ...
عيسى و يوسف: كااااااااااااااااااااااااااااااااااااااااااااااك اي اي صح!!!
يوسف: و لا.. محزر بعد!!هههههه


بالصالة:

مرزوق: اقول عليوي!! شرايك نروح الخوبر ؟؟
علي: خوبر؟ شمعنا؟
مرزوق: لا يعني مو الا خوبر....... بس دولة نقدر نروح لها بالسيارة يعني!!!
علي : ايي والله خوش فكرة!!!
داوود : ايي والله!!
فيصل: بس يبيلا بس احنا وحريمنا ....و الياهال عند امي!! شرايكم؟؟
مرزوق: اي ايي خوش فكرة...
علي: بس عاد متى؟
داوود: ليش مو الاسبوع الياي يوم الخمييس؟؟؟ عشان نقعد هناك يوميين !!؟؟
علي : اييي الله ... عزموا بس!!!
مرزوق : اي لا لا انشالله ... زهبوا نفسكم الاسبوع الياي..
ليلى: لحظة لحظة لحظة!!... شنو ؟ خذو فغلوه؟
تبيني اتحمل مسؤولية11 ياهل؟؟؟ غلطانييين.........!!!!!!!!
علي: يما شدعوة بس يوميين !!!
بو مرزوق: خليهم يروحون يا بنت الحلال ... خل يستانسوون اهم و حريمهم..
ليلى: والله مادري خلوني افكر..
فيصل: شتفكريييين؟؟؟؟خلاص انتي راضية!!!!!!
مرزووق :ايي والله بس انتهيينا...............

وظلت العايلة تسولف و تظحك....... و قبل لا يروحون الاخوان بيتهم اكدوا على بعض سفرتهم في الاسبوع الياي...............


يوم الخمييس الصبح من الاسبوع الثاني:
في بيت الجدة:

الاحفاد يتساسروون:

محمد: اقول صبيان!!!!!! ترى امي وابوي بيسافرون و يخلونه اهنيي...
يوسف: اييي ادرييي!!!!!وناسة!!
محمد: انزين شرايكم انسوي خطة؟؟؟؟!!!!!!!!!
عيسى اب حماس: حق شنو؟
محمد يفكر: حق.......حق...........حقق.... ايييي حق البنات!!!
ناصر يظحك بشطانة و بصوت واطي لانهم قاعدين يتساسرون: هههه!!! شنسوي فيهم؟؟
سليمان: انخرعم و انصورهم فيديو عشان كل ما ودنا نظحك انشوفا.!
يوسف: هههههههههههههه خوش فكرة!!!!
عيسى: هههههه اي اي خوش فكرة .....يالله متى انسويها؟
خالد: لمن يروحوون!!!!
جاسم: اهما متى بيروحوون؟
محمد: انا سمعتم يقولون انهم بيروحون الساعة 9 الصبح!!!
جاسم: والحين الساعة جم؟
يوسف يشوف الساعة: الحين الساعة 8 و نص
محمد: عيل الساعة 9 ونص انسوي خطتنا...
جاسم : بس شلوون ؟؟؟
سليمان : انا اقولكم شلون.........

و ظلوا يخططون .....و يظحكون كالعادة و البراءة تعم المكان ...ناطرين اهلهم يروحون عشان يشيطنوون........و فعلا ... راحوا عيال بو مرزوق ........و نفذوا الياهال خطتهم..........

خلونا ننتقل لسيارة مرزووق :

و هم بالطريج عالحدود:
مرزوق : كا وصلنا الحدود.........
علي : يعني شكثر باقي و نوصل؟
مرزوق: تصدق مادري!!!
داوود: عيل من الي يدري؟؟
فيصل: يديييي؟؟؟؟
مرزووق: جنكم قلبتوها ظراط؟؟؟
فييصل: ههههههههههههههه لا لا محشوم..
مرزوق :ايي بعد عبالي!!.... سناء عطيني صمونتي عفيا...
سناء : اي صمونة؟ ما في!!!
مرزوق لف علييها و اهيا ورا و هو قاعد يسوق:شلون مافي
فيصل يصارخ: مرزوق ديربااااااااااااااااااليييييييييييييييييييييييييييييييييييييييك!!!!!!!!!!!!!!!!!

و انقلبت فيييهم السيارة.....مرة .............. و ثنتين............ و ثلاث...........

و من اهني .... راح تبدي قصتنا......


يترى شنو بيكون مصيرهم ؟؟؟؟

و شنو بتكونالاحداث الياية؟؟

تبون تعرفونها؟

عيل تابعوني بالبارت الثاني.....:wqedqw:

 

[ريولا دورفيل]

روووووووووووووووووووووعه البااارت
ناطريينج !!
تقبلي مروري
:ggdw::ggdw::ggdw::ggdw:

 

[M!sS_D!oR]

:eh_s(9)::eh_s(9)::eh_s(9)::eh_s(9)::eh_s(9)::eh_s(22):

 

[miss i]

رد : اخوان تحت ورق الخريف

حبيباتي شكرا على التشجيع ....
و انشالله راح انزل لكم البارت الثاني باقرب و قت .....
و سامحوني اذا طولت شوي ... لان مثل ما تدرون مدارس ولوية....

 

[miss i]

رد : اخوان تحت ورق الخريف


part 2

تعالاا صوت الاسعاف....
و تجمعوا الناس في كل مكان.....
و انتقلت الكلمات المالوفة على كل لسان من الواقفيين...(لا حول ولا قوة الا بالله....انا لله و انا اليه راجعون....لا حول الله, هذي السرعة و ماتسويي..)

بيت بو مرزوق:

ترررررننن

تررررررن

ترننن

تلفون البيت يرن..

ليلى :يووووووو انزيييين الحييين بردد!!!
ليلى ترد: الوو؟
المستشفى: الو السلام عليكم...ابو مرزوق او امه موجودة؟
ليلى دخل الخوف بداخلها:اي نعم انا ام مرزوق...عفوا من معاي؟
المستشفى : معاج المستشفى اختي..
ليلى تصروعت:المستشفى!!!!!!! لييش شصاير؟
المستشفى اب اسف: مع الاسف .. عيالج سووا حادث و انقلبت فيهم السيارة...
ليلى نشف دمها :شنوووووووووووووووووووووووووووووووووووو؟؟؟؟؟؟؟؟ انا الحيين ياايية (و بجت) امااااانة يما ديربالكم علييييهم ...........هذيييل عيااالييييي....

وسكرت الخط و ركظت تييب عباتها ة تنادي رييلها....


لكن ....يوسف كان واقف يتسمع .... وسمع كل شي ...... لكن ما فهم شالسالفة بالظبط....لانه ما سمع غير ردود يدته على المتصل.....لكنه فهم ان في شي خطير صاير.....


راح يوسف حق الصبيان الي كانوا يتحرشون في البنات.:

سليمان يتحرش: ياااااسميييييييييييييييييييييين يالشاذياااااااااااااااااااااااااااا....

ياسمين تبجيي: لاااااااااااااااااااااا انا مو شاذياااااااااا
محمد: ههههههههههههههههههه امبلا امبلا ..... يا قردة القرود.....

يوسف دش عرض: حمود...عويس....جسووم....صبيان تعالوا...
جاسم:شتبيي؟
يوسف : بقولكم شي بس مو جدام البنات..... تعالوا الغرفة..


محمد: كا دشينا ....اخلص شعندك؟
يوسف: تو مساع رن تلفون البيت!
جاسم باستهزاء: لا والله ؟احلف؟؟؟؟عسا ما اخترعت بس؟
عيسى: كااااااااااااااااك
يوسف: اصبر خل اكمل.....
عيسى: من ماسكك؟
يوسف: لمن ردت يدتي على التلفون.... ارتبكت و بجت بعديين .....شكله الي متصل قايل لها خبر مو زين!!!!
محمد: احلف؟
يوسف: اقص عليك انا؟

و قاطع حديثهم صوت خطوات ليلى السريعة و صوت بو مرزوق وهو يقول: يارب سترك....يارب سترك.....

يوسف لف على يدة ويدته.. ولمن طلعوا رد ويها على ربعة: شفتوا ؟؟قلتلكم...

محمد ركض و اخذ موبايل يدته الي نسته وركض لها و هو يركض دق على بييت يدته و طق call و لمن وصل لها قالها...

محمد: يدتييي؟؟
ليلى بعصبية: شتبيي؟؟
محمد بكل براءة ما جنا ولد بو 13 سنة: نسيتي تلفونج..
ليلى خذت التلفون منا و بدون ما ترد عليي خذت الموبايل علقته على رقبتها لان بي بي( شعلييه يده زقرتيه بعد)...

و ظل تلفون البيت يرن...

محمد يصرخ عقب ما حركوا يده و يدته: ردوووووووووووووووووووووووووو!!!!
و ردوا الياهال و بجذي راح يسمعون كل الي راح يصيير مع اليد واليدة... اكيد انتوا قاعدين تقولون شهالياهل العبقريي... بس لا تنسون ان محمد و يوسف مو ياهال وايد .... ترى عمرهم 13 سنة اهما الحين في سن التميييز ..... وعادي يتحجبون عنهم البنات....

محمد ينادي: بنات .... صبيان ...... تعالوا سمعوا شبيصيير....( وراح فتح السبيكر..)
جاسم: ليش؟
محمد: انا لمن عطيت يدتي التلفون دقيت على اهنييي..... عشان نسمع.....
يوسف يطالعا باعجاب بذكاءه: والله طلعت مو هين!!
محمد بدون ما يلف ويها على يوسف: هه اعجبك!!
و بدوا يسمعون الحوار... وكانهم معاهم....
و طول الطريج ....كانت ليلى تقول: سترك ......سترك يارب.....
و لمن وصللوا المستشفى......
ليلى بحسرة: دكتووووووووور.......عيالي ... ويييين عياليييييييييي.......
الدكتور عرف انها ام الاربع اخوان لانهم الحالة الاولى الي تييلهم بهاليوم..


ليلى تكمل: دكتور لا تحرق اعصابي اكثر من جذي قولي ويين عياليي؟؟؟؟

الدكتور و هو منزل راسه: حجية..................................... البقة براسكم......

بو مرزوق ما قدر يمسك نفسه و ظل يبجي بحسرة....
بس ليلى ظلت مصدومة.... و قالت: شقلت؟؟انزين مافي واحد عايش؟
شلون؟ شلون كلهم؟كلهم بيوم واحد؟ (صرخت)شلووووووووووووووون شلووووووووووووووووووووووووووووووووووووووووووووووووووون..............................و ما قدرت تتحكم في نفسها... فاغمى علييهاا
بو مرزوق: ليلىااااا
الدكتور: حجية؟ حجية ؟؟؟؟ (و تفحصها.. وبعدين قال الطوارئ بسرعة............


بيت بو مرزوق و الياهال كلهم متيمعين على التلفون و يسمعون بالسبييكر:
يوسف و محمد و عيسى و جاسم : مااااااااااااتت!!!!!!!!!!!!!!!
ياسميين اببراءة: شلون ؟؟؟ شنو ؟ هييييييييييييييي انا مو فاهمة شي!!!!
سليمان بانفعال: سكتي وليي يعافيييج.... ( و بصوت واطي: ياااهل)
وظلوا يسمعون وهم في بالهم ان يدتهم ماتت.... ليمن سمعوا صوت الدكتور يقول: سلامات حجية.....
ليلى بصوت تعبان: عيااالييي.....عياالييي...

و فجاة تسكر الخط.........

عيسى انفعل زيادة عن اللزوم: شفيييييييييييه ؟؟؟؟؟شصااااااار؟؟؟ الوووووووووووووو..........الووووووووووو ....اووووووووه( جان ياخذ التلفون و يحذفة)

منيرة (العمة) سمعت صوت التلفون و هو ينكسر لان صوتا كان وايد عالي...
منيرة تصرخ: منووووووووووو طاااااااح؟؟؟؟؟؟
يوسف يرقع : لالا عمتي ما في شي بس التلفون طااح ....ما صار في شي عادي.....
محمد بصوت واطي:الا راح فيها!!!
منيرة تصرخ: انزييين ديربالكم...
يوسف: اوكي

جاسم: انزين لحظة .... الحين منو الي مات و منو الي عايش....
محمد يستهزئ: صج انك غبيي....معقولة ما فهمت؟؟؟
يوسف : تبي الصراحة حتى انا مو فاهم..
سليمان و عيسى و خالد و ناصر: اي والله...شالسالفة...
محمد بغروور: اغبية والله اغبية..
يوسف تنرفز: لاااا والله ؟؟؟ دامك فاهم و ذكي لي هالدرجة قولنا شصااار...
محمد :ماني قايل
يوسف: ليييش بالله ؟؟مو توك كنت فاهم و عبقري زامنك صاير علينا؟
محمد: اهوا اذا تبي الصج.........حتى اانا مو فاهم.....
الكل: كاااااااااااااااااااااااااك....
امنة : هههههههههه امبي تظحك !!
اماني: ايييي حداااا......هههههههههههههههههه
محمد بغباء : هههههههه( وفجاة سكت):س

واليد واليدة ما ردوا الا عقب 3 ساعات........

ولمن وصلوا ....ودرت منيرة بالسالفة....الكل انهاار......

وبدا العزا ....و خلص العزا......و الجرح ليلحيينا ما بره....

لكن كل مهموم...يفرح....و كل حزييين....يبتسم....و كل جرح ....ينسييي

و بالطبع الياهال كلهم تربوا عند بو مرزوق وام مرزوق و يزورون اهل امهاتهم بين فترة و فترة....

بعد مرور 10 سنيين تحول عام 2001 الى عام 2011....:

الافنيوز الساعة 9 بليل:

يوسف و عيسى و ضاري و مشعل يتمشون :
مرًت بنت مزيونة جدامهم....
يوسف: اخييييييييييييييييييييييييييييييييييييييييييي!!لا لا لازم ارقمها....

و لحقها ...
يوسف: لوسمحتي...لوسمحتيي....
البنت ابدلع و صياعة: امبييييي شتبييي؟؟
يوسف: ابييج ممكن؟
البنت: هههههههههههه .... لا مو ممكن..
يوسف: عفيا عفيا .... سجلي رقميي بلييييز.....
البنت ابدلع: مااابيي!!
يوسف: افاااااا!! تردينييي؟
البنت: هههههه يالله جم؟؟
يوسف: _ _ _ _ _ _66
البنت بدلع: اوكي سيفتا..كسرت خاطري..
يوسف: فديت هالخاطر و راعيييته انا
البنت: هههههههه جاو
يوسف: جاو

مشعل: هههههااااااي ....تضبطت ها....
يوسف: افا عليك بس.....
عيسى:.... من قدنا ...... ضبطنا ثنتين بيوم واحد.....

]مشعل رفيج عيسى و يوسف : كبرهم , تعرفوا عليه من رابعة متوسط ,كان بصفهم, شكله:طويل,اسمر, عيونه صغار, براطمة مليانة, مو وايد حلو كثر ماهو جذاب.... ضاري رفيجهم بعد .. هم بعد تعرفوا عليه برابعة متوسط.. شكله: طويل, ابيض, شعرة اسود فحم وكثيف بس مخففة , عيونه وساع, حاطلة قفل,[
وفي معلومة نسيت اقولكم اياها: عيسى و يوسف في نفس الصف لان عيسى مولود اخر شهر3 و يوسف شهر 5 ( عيسى برجه الحمل و يوسف برجه الثور) فبالتالي عيسى وايد صغير على صفه و يوسف كبير على صفه فالفرق بينهم 10 اشهر يعني سنة تقريباً......


بيت بو مرزوق في غرفة ياسمين:

امنة: واي ياسمييينوووووو ابي اطلع!!!
ياسميين: تسوييينها؟
اماني: شتسويي؟
ياسمين: نطلع الحين!!
امنة و اماني: اييييييي نسوييي
ياسمييين : هيااااااااااااااااااااااااااااااااااااااا..... عيل يالله لبسوا..
امنة: انزين بس وين بنروح؟
ياسمين: بما ان ما نقدر نروح مجمعااات!! فشرايكم ندور عالبحر؟
اماني: اوك خوش فكرة...
ياسمين: عيل يالله لبسوا..


بالشاليه:

محمد و ناصر و خالد و جاسم و نواف و عبد الرحمن و عبدالمحسن و فواز و حمد و علي قاعدين بالشاليه يلعبون جنجفة و يشوفون تلفزيون و ياكلون بطاط ليس و حب شمسي و الصالة طبعا ..........مزبلة..........

حمد يكلم محمد: ولد عمك الحمار ليش مشا؟
محمد و هو يلعب: اي ولد عم؟
حمد: سلوم (سليمان)
محمد: هذا اخوي ياا يغم
حمد: ايي الي اهو !!! ليش راح؟
محمد: شدراني عنا حمار بعد شنسوي..
حمني يسحب البطاط من علي: خلود عطني بطاطه!!
جاسم مندمج باللعب و متنرفز: يالله العاااااااااااااااااااااااب!!!!!!
محمد يرد: انزيييييييييييييين اصبر!!!!
جاسم بعصبيا: ايييي خلصنا!!
محمد ابرود: شفيك قاعد افكر!!
جاسم: صارلك 6 ساعات و انت تفكر.....خلصنا يبا!!
محمد و هو يقط الورق: انزيين كاا كاااا فكنا من الحنة بس..

و فجاة يرن تلفون محمد.....
المتصل هو: حياتي

منو الي متصلة على محمد؟ وشلي صار للشخصيات الي ما ذكرناها؟و شلي راح يصير في كل واحد فيهم ؟

كل هالاسئلة جوابها في البارت الثالث .... حياكم

 

[miss i]

رد : اخوان تحت ورق الخريف

واااي كويتيات سوري يعني بس حدكم محبطيينييي...... شدعوة ما عطيتوني ردوود......ترى اذا ما شفت تفاعل راح اوقف و ما اكمل ... بلييييز ابي تفاعلكم ....show mee...وترى في احداث وايد بالطريج فابي تشجيييع منكم حبيباتي

 

[ريولا دورفيل]

روووووووووعه الباااارت
ناطرينج
و اتمنى انج ماتوقفين لأنه الرواية شكلها وايد مشووق و حلوة !!

تقبلي مروري


:ggdw: :ggdw: :ggdw:

لا يوقف لا يوقف

 

[miss i]

رد : اخوان تحت ورق الخريف

ambi bs rd wa7d..........la b9ra7a z3ltone ya kuwatiat .........

 

[MaHoOoi]

انا ليما الحين ماقريتها

بس انشاالله ب قراها بعد شووي

لا يوقف لايوقف لايوقف

 

[miss i]

رد : اخوان تحت ورق الخريف

خبر عاجل....اعزائي متابعي رواية اخوان تحت ورق الخريف ..:مع الاسف اني ماراح اكمل الرواية تحت هذا العنوان...لكني راح اكملها تحت عنوان (ورود تحت ورق الخريف)بلييز الي يبي يكملها خل ينتقل الى هذا العنوان.....(سوري على الحوسا الي صارت و اتمنى انكم تتفهمون الوضع ) اختكم miss i