اخواني عزوتي ليش قطع الرحم ماتخافون من الله

[ذابحتهم]

بنات السالفه طويله ولها 12 سنه وانا بختصرها عليكم تخيلو 12 سنه جم عيد وجم رمضان وجم واحنا ماتكلم بعض ​

السالفه قطعه رحم يعني الله نهي عنها ​

كل هذا لاني تزوجت شخص مايبونه خلاص انا تزوجنه خلاص وصار ابو عيالي
عيالي الا ولا مره دشو بيت خوالهم لان ممنوع عليهم وعلي ابوهم
عندي 3 صبيان مايعرفون خوالهم منو ​

حاولت ييتهم وكلمتهم يخلوني ويمشون
اذا دشوا وشافوني طلعوا
والي متي
قلبي تقطع شالحل
رحت الحج وجابلت بيت الله وبجيت دم يارب حنن قلويهم علي ماكو فايده مايبوني
حتي ابوي المريض مااشوفهه الا بطلعه الروح اذا كانو مو هني اروح لانهم اذا شافوني بنطرد
ولدي عشر سنين مايعرف يدته مو حرام​

بنات شوف لي حل ​

انا انام واقعد علي دموع
انا ماكفرت
انا تزوجت وبرضا امي وابوي
وصار لي 12 سنه ومرتاحه مع زوجي وعندي عيال خلاص ما حنت قلوبكم 12 سنه ماتكلموني
رب العالمين يسامح وانتو للحين زعلانين​

 

[اشلون يعني &]

انتي ماغلطتي عليهم
ركزي زياراتج لامج وابوج باوقات هم موفيها

 

[بحر الرمال]

الله يعينج صراحه, بس انتي سويتي اللي عليج و بريتي ذمتج جدام الله و وصلتيهم و اهما اللي قطعو
ترا وايد في نفس اخوانج و اردى

 

[العيوووووف]

الله يصبرج حبيبتي انا ما لومج علي حرت القلب اللي انتي فيها​

الخوان ما يتعوضون بكنوز الدنيا والوحده فينا مالها سند الا اخوانها​

يمكن تزعلين من كلامي بس من وجهة نظري حتي لو كنت اموت علي الشخص​

اللي احبه لا يمكن ارخص باخواني علشانه لا تزعلين مني حبيبتي ​

انا ما ايد اللي تتزوج بدون رضي اهلها صح ابوج وامج وافقوا وهم اخوانج​

كان مفروض تقنعينهم او يقنعونج الزوج ممكن يتعوض بس الاخو لا يمكن ​

يتعوض لا قدر الله وصارت مشكله بينج وبين زوجج وين بتروحين مو لخوانج​

شبردون عليج انتي تبينه صعبه بتكون عليج​

حاولي علي قد ما تقدرين اتقربن منهم حتي لو صدوج انتي اللي غلطتي​

وتحملي ما عليه وكثري من الاستغفار وطلب ومن رب العالمين انه يسخرهم لج​

لانهم الكنز الحقيقي اللي بالدنيا الله الا يحرمكم من بعض​

تقبلي راييي حبيبتي بدون زعل الله يفرجها عليج وتاكدي بدعيلج بظهر الغيب​

لا ان انا اعتبر علاقة الاخوان اقوي علاقه وما احبه تنتهي بالقطيعه اعوذ بالله​

والله كلامج اثر فيني وعور قلبي الله يفرج همج​

 

[غير كل الناس]

فتّح ضلوعگ وأجمع الخير و الحب
اليوم جمعه والله الله بـ الأسباب !
سامح .. ترى من سامح وقال [ يارب ]
يفتح له الله في سماء رحمته باب ..
يفتح له الله في سماء رحمته باب .. ​

 

[ذابحتهم]

العيوف والله ادري ومعاج حق وبني ادم يخطي لكن اللي مايسامح انا اختهم مهما كان والي متي 12 سنه ماكفت؟؟؟

 

[al3sooola]

عليج بأمج وابوج وخلاص مالج شغل بأحد
اهم شي رضا الوالدين وبس وانتي سويتي اللي عليج واصلتيهم وكفيتي ووفيتي خلاص عينج على ريلج وامج وابوج الله يخليهم لج يارب

 

[ذابحتهم]

يعني ماعلي ذنب او عقوبه قاطع رحم انا لما اقري العقوبه اموت خوف من رب العالمين واخاف علي عيالي او ان الله مايوفقني ونغزات الملاقيف ذبحتني

 

[ذابحتهم]

انا اتعذب الله يعلم

 

[ذابحتهم]

http://www.youtube.com/watch?v=Z-mijSwn88g

 

[جوهانة]

لاحول ولا قوة الا بالله
الله يحنن قلب اخوانك عليك
بس انتي ايش بيدك تسووين
خلاص ارضي بالواقع وعيشي حياتك
واخوانك هم الي باعوك
ومن باعك برخيص بالتراب ينباع
اعذريني ع هالكلمه بس هذا الواقع
انتي خليك ع اتصال مع اهم اثنين بحياتك امك وابوك
واخوانك راح يجى اليوم الى بندمون فيه
ع الى سووه فيك
وكلي امرك لربك
ولا توقفين حياتك وتضيعينها ع البكي
ع ناس مايعرفون قيمة الاخوه

 

[noorq8]

يعني ماعلي ذنب او عقوبه قاطع رحم انا لما اقري العقوبه اموت خوف من رب العالمين واخاف علي عيالي او ان الله مايوفقني ونغزات الملاقيف ذبحتني[/quote]


حبيبتي رب العالمين عارف ان القطيعه مو منج وانج واصله ونصيحه خلي الملاقيف ونغزاتهم آخر همج لأنهم ماراح يخلصون ولو لقو سالفه ثانيه تراهم بيحنون عليها يعني هذي صفه فيهم لج ولغيرج .......................ألزم ماعليج تواصلين أمج وأبوج وطالما هم على وجه الدنيا فالكرامه ودخولج البيت لهم محد له حق يعترض وبالعكس كل يوم أو يوم وترك ودي عيالج لأمج حتى لو عقب المدرسه نص ساعه افرضيهم عالجميع وصدقيني العمر قصير مايسوى المقثه الحمد لله زوجك انسان طيب معاج ولاتنسين السحر اللي علمنا اياه حبيبنا محمد عليه الصلاة والسلام ...............قيام الليل والدعاء بالثلث الأخير من الليل

ولو عندج أخوات خلج متواصله معاهم , والله يوفقج.

 

[المرتاحة]

شوفي يا اختي

انا خالي قطع امي 5 سنوات و السبب زوجته

في خلال الخمس سنين امي كانت توصله و كان يطردها لدرجة انها عزت علينا و عزت على ابوي وحتى ابوي قام ما يرضى تروح له و السبب انه يهينها و يطردها
واخرتها غير عنوانه ورقم تلفونه و امي كانت مضايقه و تسال

قالوا لها قاطع الرحم اهو اخوها لانها حاولت توصله بس هو اللي ما يبي يتواصل

و سبحان الله بعد هالخمس سنين امي طاحت بالمستشفى و مادري اشلون خالي درا و تفاجأنا انه داخل عليها و يبجي بجي مثل اليهال و يلمها ويحضنها و يحبها على راسها
سبحان مغير الاحوال

عمر الدم ما يتحول الي ماي
وانتي عليج بالدعاء و اهم شي امج و ابوج اوصليهم و اخوانج لهم الله
الله يهديهم يا رب

 

[امل وكلي آمآل]

يابعد قلبي انتي هذا الالم الي مابعده الم الله يصبرك مريت بالهشئ يعينك ربي

 

[ذابحتهم]

الوحده منا تتكلم علشتن ترتاح والله كلامكم يريحوالله لايحطكم في مكاني

 

[بدورة القمورة]

الله يصبرج حبيبتي

 

[ذابحتهم]

الله يسامحهم

 

[طويت صفحة الماضي]

ذابحتهم دام تزوجتي برضا امج وابومج وانتي تبادرين بسلام واهم مايردن عليج هذا كله عند رب العالمين اللي عليج سويتيه وبري بامج وابوج واخوانج راح يجي اليوم اللي اهم اللي يسلمون عليج

 

[دمعة بتول]

يالله

بكيت والله من الانشوده

حبيبتي عمر الدم ما يصير ماي

صدقيني يحبونج ومقهورين عليج

اخوان يعني دمكم ولحمكم وااااااااحد


يارب يجمعكم ويحنن قلوبكم على بعض

ولا يحرمني من اهلي واخواني

يارب احفظهم ونزل في بيوتنا الرفق والموده والرحمه

والله ان الاهل من الروح وبعدهم عذاااااااااااااااب

 

[الحبيبه الدبيبه]

حاسه فيج ياحبيبتي وبالعذاب اللي انتي فيه عليج بوالدينج وزيارتهم اما الاخوان فانشالله الله يمسح على قلوبهم ويهديهم لج
وانتي ماعليج عقوبة قاطع رحم لانج واصلتهم بس الاخوان اللي قاطعين فيج
وكله بأجره وثوابه ياحبيبتي
بس بسألج اذا نكج اسمه ذابحتهم شلون تبين يحاجونج ؟؟؟؟؟؟ههههههههههههههههههههههه
الله يوفقج يارب