اخليها تاكل بالقفشه بروحها ولا تو الناس ؟

[منـــاي]

قوه امهات

بنوتي عمرها سنتين و 3 شهور

وتحب تاكل بروحها تمسك القفشه تلطخ الدنيا :eh_s(4):

انتو اشرايكم اخليها تتعود تاكل بروحها ولا تو الناس ؟

 

[لوزين]

لبسيها صدريه وخليها تاكل بروحها شوي شوي وتتعلم


الله يخليها لج يارب

 

[عيالي ذيابه]

اي قلبي خل تتعود احسن لج

 

[ناتشوو]

بروحها بروحها
لا مايصير
بس حلو تكونين معاها وخليها تاكل براحتها بالقفشة وتعفس شوية وانت توكلينهابعد

 

[PuPa^^SWeeT]

سنتين تفهم


خليها تاكل بروحها بس انتي وياها


بمذركير اتلاقين صدرية اللي اتصير جنها لبس



لبسيها اياه و خليها اتعفس ليين تاكل


و جهزي انتي صحن بروحه لها اذا شفتيها تلعب وكليها واهي مو حاسة

 

[نـعـومـه]

اي احسن لما تتعلم

ولد حماي سنه ونص يخلونه ياكل بروحه ماشاءالله

يقعد عالسفره مع اهله وياكل بروحه طبعا نصه برا هههههه بس احسن عشان يتعلم امه تعطيه قفشه جذي وهم اهوه يكمل حق روحه

 

[زين ودلال]

بنتي سنتين وتحب تاكل بروحهاااا صج تعفس الدنيا بس مردها تتعود

 

[منـــاي]

اوكيك بنات مشكورين عالرد شكلي بعطيها مجال تمسك القفشه

 

[جذابه بنت ذيابه]

بالعكس الافضل تاكل بروحها عشان تعتمد على نفسها بس طبعا لازم تكونين يمها وهي تاكل

انا بنتي عمرها سنه ونص واعطيها تمسك بالقفشه حقتها .. و اخوها يوم كان كبرها كنت اعطيه واشوفه وهو ياكل

صج يخبصون الدنيا بس اكون ملبستهم الصدريه وحاطه تحتهم سفره و صينيه كبيره



الله يخليها لج يارب

 

[om Firas]

ايه عادي حبيتي بالعكس
عشان تتعود من احين وانت ترتاحين

 

[english muffin]

خليهااا حبيبتي تستانس
وعقب انتي نظفي
عاد كوني معاها