اخطاء بالعنايه في الشعر وحلولكم

[خاطري اتحنى]

هلا بنوتات

الموضوع بكل بساطه كل وحده تذكر لنا اغلاط سوتها في العنايه بالشعر وبعدين اكتشفت انها غلط او منتج استخدمته وما ناسبها وليش .. والاهم شلون صححت الخطا عشان الي نفس حالتها تستفيد ..

اووكي انا ببتدي !!

خطأ شائع واتوقع كلنا مرينا فيه واظن البعض للحين يسويه وهو انه مانغسل الشعر عدل بعد الشامبو !! احنا نحسه نظف بس تكون فروة الراس للحين فيها شامبو وساعات بلسم وهالشي يسبب قشره فالفروه وساعات حكة والاكيـــد انه يسبب تساقط فالشعر وهالكلام من خبيرات في الشعر يعني كلام اكيد !!
شنـو الحل غير اني اتم افركه لين ازهق ؟

هههههههه

الحل بسيط وهو انج تخلطين الشامبو مع ماي قبل تحطينه على شعرج وبهالطريقه تخففينه ومايلزق في شعرج وطبعا بعد غسليه عدل !!

خلي علبه فاضيه من اي منتج خلص وتكون صغيره وحطي فيها شامبو شوي وفوقه ماي واخلطيهم وبعدين وزعيه عالشعر دلكيه واغسليه وبس

اتمنى تشاركون معاي وتقولون تجاربكم .. عاد انا جديده لا تفشلوني هههههههه

وترا الموضوع منقول

 

[نمله معضله]

اب اب اب

 

[miss marka]

تمشيط الشعر واهو مبلل

 

[اميره الخليج]

انا ازيت شعري ونوع شعري دهني راح فيها انتهى كل ماازيت كل ماطاح الحين وقفت اي زيت عندي
والحين مستمره على الحناء والسدر والبيض والزبادي وشوووووووي بسس جوز الهند وملعقة دابر شوي بس وخف التساقط
يابنات اللي شعرها دهني تنتبه للزيوت تخفف منها اتشوف اللي يريحها عاد تخففه تقطعه بس مو تهمل شعرها لا اتشوف له عنايه مناسبه للشعر الدهني

 

[ام غازي 2012]

اب اب اب

 

[أحمرجوري]

1- دهن الشعر واهو وصخ لازم يكون فروة الرأس نظيفه علشان فروة الرأس تستفيد
2- غسل الشعر بالماء الحار والأفضل بالماء البارد
٣- تمشيط الشعر بطريقه واحدة

 

[فراشة الرغد]

موضوع حلو ومفيد وايد..
تسلمين يا قلبي

انة شعري دهني ..لم احط الزيت بروحه يتساقط شعري
بس قمت اخط ملعقة زيت وملعقة جل الكثيرا ومشا حاله وياي بس ماغرق فيه شعري
احط كمية مناسبة .

شعري دهني فيحتاج غسل .. لم اخليه كم يوم بدون غسل يتساقط..
فصايرة اغسله شبه يوميا نادرا افوت يوم ..لكن استخدم شامبو مخفف ومفيد

ترك الشعر بدون تمشيط بعد الشاور وينشف اتعاير امشطه .. عقب يتربط ولاييت امشطه
اشكثر يطيح مني.. صرت امشطه اول باول وماعطيه مجال يتربط

العناية تبدي من الداخل ..لان اذا كانت بس من الخارج بتعب وبضيع وقت بدون فايدة
الاثنين يكملون بعض

 

[flawar]

اختي حبيت انصحج تغيرين صوره العرض لان جذي بتاخذين اثم كل من يشوفها وهم ممنوع صورفيها عورات او ايحاءات فالمنتدى اتمنى تقبلين نصيحتي

وبالنسبه لشعر
يقلون الافضل نغسله وحنا منزلين راسنا علشان الدوره الدمويه تتحرك وينتفع الشعر

انا ابلل شعري اول وبعدها احط شامبو نتفه واغسل شعري فيه كتمهيد لشعر بعدها احط مره ثانيه كميه اكبر شوي وافرك عد واغسله عدل مدل بس باطراف اصابعج مو بالاظافر ديرو بالكم

2---ولما تنشفين شعرج طبطبي عليه شوي شوي بالمنشفه بالفوطه لانه الشعر وهو مبلول يكون باضعف حالاته
ولفيه بالفوطه وخليه طايحه عجتفج مو تلفينه فوق احس يتقطع يعني ردي شعرج ورا ظهرج ولفي الفوطه عليه

وبعدها ردي طبطبي عليه شوي شوي لما ينشف عدل وتركيه شوي لاتمشطينه وهو مبلول حيل انتظري شوي وبعد ربع ساعه لما يكون رطب مشطيه بمشط خشبي كبير وشوي شوي
واللي تبي تستشور لاتستشور قبل 20دقيقه لان المسامات تكون مفتوحه والهوا الحار مو زين يكفينه شره يجيب امراض
واللي تستشور وخلاص لاتلمينه بسرعه بعد الاستشوار ع طول لانه بيكون الشعر والخصل حاااره وتتكسر اذا لميته بسرعه فخليه شوي عشر دقايق وبعدها لميه

طبعا غير العنايه الداخليه والخارجيه مثل الزيوت و فيتامينات وامبولات لشعر كل وحده حسب نوع شعرها هذا تسالين الجلديه
واكلوو جرجير وبقدووونس كل يوم
هذا اللي عندي وان شالله اكون افدتكم

 

[خاطري اتحنى]

حلوو مبدعات ابب ابب

 

[عبقرية]

صح

:yaaaaaarb::yaaaaaarb:

 

[دلوعة بطبعي]

انا شعري من النوع الجاف كنت اغسله يوميا بالشامبو صؤت اغسله بس بماسك وبالشامبو مرة بالشهر تحسن شعري مية درجة ارطب شعري يوميا بكريم زيت الخروع الجمايكي كثف شعري وطوله بودرة الاملا وشكاكاي كنت اخلطها بماي كانت تخلي شعري جاف صرت اعجنها بزيوت وقفشتين ماسك صار شعري روعة عليها والشعر الجاف ما ينفع الا الماسكات وزيوت لازم تنسي شي اسمه شامبو

 

[احبك يايمه]

اهم شي يغسل زين عن البلسم وحمام الزيت

 

[Adele]

البلسسم ما يصير احطه على فروه الراسس بسس على الشعر

حطيتها على فروه راسسي و تساقط شعري :\