اخطاء الآخرين في الترتيب ...خلينا نستفيد منها &&&

[LuLiTa]

حق تسريحتج حطي مفارش نايلووون ,, عشااان سبحااان الله انكت دهن عوود و لا عطر ف ما يخترب صبغ التسريحة و يتلف لج الدنياا ,,,

 

[خبيرة اعشاب]

مرحبا

برميت صراحة انا من النوع الي ما احب اسكت فاذا صلة القرابة قريبة شوي اقط عليهم نغزات خفيفة من شاكلة واي خدامتج ما تشتغل و ليش ما تسوي جذي ... الخ بس و الله بيني و بينج اذا المرة جدة و ما تسنعت من مدري جم الحين الظاهر صار جلدها جلد ضب و ما تتاثر هههههههه

من ها النماذج وحدة صارت جدة بالفعل و جيتها ببيتها و صدفة دشيت المطبخ اقووول صدفة يا ليتها ما عادت

المطبخ طبعا كشخخة بس شنو مسوية فيه .........لاعبة بحسبته لعب
المغسلة صايرة محلية اتلوع الجبد
الكبتات كلها بقع دهن و حليب
قواطي النيدو بكل مكان حاطة فيهم بهارات الاخت ( ليش انقطعوا قواطي ابو مية ....)

مع ان بيتها معظمه نظيف بس المطبخ لج عليه اتحسينه مملكة الخادمة و المرة عمرها بحياتها ما دشته لان اي وحدة عقلها سليم اكيد بتلاحظ

للاشارة الفترة الي جيت فيها مو فترة طبخ يعني انقول معتفسين من الطبخ لا ابدا كان الضحى

فو الله ما سكتت و ما وفرتها لاني فعلا ما استحملت و فعلا قلت لها ليييش يا ام فلان ما اطالعين الخدامة خليها تغسل المطبخ ... الخ ( وجهي وسيع )

وحدة انصدمت فيها جدا جداااا

معرفتي فيها سطحية
المرة انا اعرفها كشخة و نظيييييييييفة و حيل مهتمة بنفسها
بالصدفة كانت مخلية ولدها بيبي عمره ما يتعدى ال 3 اشهر مع الخدامة عند ناس ايصيرون لها و انا كنت مسيرة عليهم .. فبالصدفة مسكت البيبي احبه و لا بجى فجت خدامته قالت يبي يسوي ممية ... قلت جيبي انا اسويها و الله يا بنات ممية الجاهل زينة بس اتعرفون صوب الحلمة من داخل صاير لونه ازرق على اخضر و ريحة خيييسة لان الخدامة لما تغسل الممية ما تفك الحلمة عن الحلقة و الحليب المتجمع يعفن و يشرب منها الجاهل عااادي
قلت عطيني وحدة ثانية و لا نفس الطريقة

كرهت المرة كره ... اشلون جذي ؟؟ يعني ام عيال بعد مو بجر ما تعرف تنبه على الخدامة شلون اتغسل مميات البيبي وععععععع

 

[opera]

اكره شي لما وحده تدش واتقول خل اشوف شقتج خو نطري يمكن انا بقول يمكن في شي ماابي احد يشووفه

ومااحب صااحبه البيت تهد المعزومين واتروح اهي واي وحده وياها بنتها ولا اختها ونظل بالصاله بروووحنا اشدعوا ياين نزوور الغنفاات؟؟؟؟؟؟؟؟

انا معاااااااج بهالنقطه

و وايد ناس يسونها لمن نروح نزورهم

:0bee2e8d89:

ههههههه واحنا كل ما يابت شي نقولها تعالي قعدي احنا يايين نزوركم ونشوفكم :dddds:

 

[سمرة كويتية]

موضوع رائع .... شكرا لصاحبة الموضوع

للسف انا ما ازور احد ولا احد يزورني

ما احد يستاهل اضيع وقتي في مجاملات مالها داعي معاه ...

 

[خبيرة اعشاب]

رد : اخطاء الآخرين في الترتيب ...خلينا نستفيد منها &&&

اختي الزيارات و العلاقات الاجتماعية مو مجاملات مالها داعي

الانسان كائن يعيش يفي مجتمع مو بروحه

و لازم انكون علاقات مع الناس

 

[fdeet_shosho]

مرحبا خوش موضوع انا اهم شي الحمام ماله ريحه ويعرفونى رفيجاتى اللى ازورهم قبل لا ادش الحمام قايلتلهم اشكره تبخرونه لوووووووول لانه تلوع جبدي والمشكله شقتى صغيرة فحمامنا واحد انا وريلي وعيالى والخدامه تعالى شوفى لووول عيالى حاشهم تنك بسبه البخور والمعطرات بالحمام لازم لما احد يدش ويطلع تدش الخدامه تغسل وديتووول وبخور يارب تنحل عفدتى
واللى ماحبه فى ناس لما تدشين غرف اليهال بما ان عيالى يكونون بالغرف يلعبون استغفر الله تشمين ريحه الب,,, الظاهر مايغيرون شرشف سراير اليهال مع ان البيت حلو ومرتب بس الريحه تلعب دور . بس ابي اعرف اللى شقتها صغييره شلون تخفى ريحه الاكل لما تطبخ بالمطبخ هذي مشكلتى بس عقب الطباخ بخور وحوسه بس ابي وانا بالمطبخ ماتطلع ريحه بالشقه وخوش موضوووع

 

[عروس الدنيا]

رد : رد: اخطاء الآخرين في الترتيب ...خلينا نستفيد منها &&&

مرحبا خوش موضوع انا اهم شي الحمام ماله ريحه ويعرفونى رفيجاتى اللى ازورهم قبل لا ادش الحمام قايلتلهم اشكره تبخرونه لوووووووول لانه تلوع جبدي والمشكله شقتى صغيرة فحمامنا واحد انا وريلي وعيالى والخدامه تعالى شوفى لووول عيالى حاشهم تنك بسبه البخور والمعطرات بالحمام لازم لما احد يدش ويطلع تدش الخدامه تغسل وديتووول وبخور يارب تنحل عفدتى
واللى ماحبه فى ناس لما تدشين غرف اليهال بما ان عيالى يكونون بالغرف يلعبون استغفر الله تشمين ريحه الب,,, الظاهر مايغيرون شرشف سراير اليهال مع ان البيت حلو ومرتب بس الريحه تلعب دور . بس ابي اعرف اللى شقتها صغييره شلون تخفى ريحه الاكل لما تطبخ بالمطبخ هذي مشكلتى بس عقب الطباخ بخور وحوسه بس ابي وانا بالمطبخ ماتطلع ريحه بالشقه وخوش موضوووع

حبوبه وقت الاكل شبي شمعه كبيره من الي يطلعون ريحه حلوه وقت الطباخ اقصد تمص الريحه حيل

 

[أغلى حبيبه]

رد : اخطاء الآخرين في الترتيب ...خلينا نستفيد منها &&&

انا مااحب الخدم يضيفووون

وبس ماشفت شي لاني لما ازور مااحب اتنقل من مكاني عييب

حتى لو بيت خواتي فشله يمكن حاطه شي ماتبي احد يشوفه ولا مو مرتبه شغلها ليش احرجها


اييي وبعد مااحب وحده ملقووووفه تلحقني لي المطبخ وتقول تبييين اساعدج

ولا المعازييم ايبوون خدمهم وانا بشقه وماعندي مكااان فـ احكر كل الخدم بغرفه الخدامه

لانه مطبخي صغير واذا انكسر شي بفجر بالخدامه فـ ليش الاعصااب صح ولا لا

 

[عيون منوعه]

الســلااام .. ..

انا الصراحه رحت استقاابل .. ..

و الي لفت نظري المغسله يعني راقيه و حلووووة بس امبي وسسسسسخه امبي يعني مو لي هالدرجه و الي بط جبدي اكثر يوم غسلت ايدي ملابسي انتلفوو ماي تدرون ليش

لأن المغسله فيها نفس مثل طابوقه طالعه و هذي متروسه ماي و حاشت ملابسي

و مشكووره ع الموضوع . . .

 

[@أم الصبيان@]

انا اتلوع جبدي .. لما ازور ويحطون بحمام الاستقبال صابون اليد العادي
تلقين الف واحد مستخدمه .. انظف شي .. صابون سائل ..

استغرب لما ازور احد .. القى الخدامه تقعد معانا على جنب واهيا اللي اتقدم !!

استغرب لما ازور واتيبين حلو وفطاير .. مايقدمون منه !!

 

[ميس2008]

:33_1185028183: موضوعج حلو مش عشان الحش في الناس ههههه بس والله خلاني افكر في اناس يوم يزرورنا شو يفكرون !!!
اول ما ادخل البيت لاحظ الريحة طبعا ً :ssssso:
ثانيا الاستقبال .. وايد احب الترحيب بالضيوف ما احب الرسميات بس بعد مااحب اللي ازوره كاني بايته عندهم من اسبوع ( يعني بالعربي ما فيه حرارة استقبال )
على فكرة فيه ناس تزورك و تحسسك انها مانه عليك بالزيارة !! يا كرهي لهالحركة :jumpon:
يا دوب بتقعد خمس دقايق و يالله سامحونا اتاخرنا و نشوفكم على خير !! ليش يايين عيل !!!

الترتيب حلو و التنسيق يلفت نظري .. تعجبني الحرمة اللي تفكر في ضيوفها
مااحب الاكل الزايد عن اللزوم و الحلف الا تاكلين من هذا و من هذا !! اوكي باكل و الله باكل هههه
احب راعية البيت هي اللي تقدم مش الخدامة .. بس عادي الخدامة تقدم اذا الضيوف عددهم كبير
مااحب اليهال في الزيارات .. ازعاج ماشالله عليهم الا اذا الحفلة لهم اصلاً اوكي :27d66a9c24b146327bf

امممممم شو بعد .. بعد احب التوديع <<< عاطفيه الاخت :eh_s(11):
احب يوصلوني لباب البيت ..​

و سلامتكم ... شكله ما حد بيعزمني ع بيته ​

 

[PuPa^^SWeeT]

انا لما ازور ما اتحرك كم مكاني

حطوني لاقوني

حتى حمام ماحب اروح حمام مو حمامي


الا طبعا اذا كانت ميانة ولا شفت اهل البيت يفرون بالمعازيم يوروون البيت حزتها وياهم عادي
لووووووووووووووووووووووووول

 

[PuPa^^SWeeT]

انا سالفة خدامة اتضيفني

عادي مافيها شي ابد

انا ياييية ازور ابي اسولف ويا صاحبة البيت مابيها اتحرك ماشوفها الا يالله

كل نص ساعة 5 دقايق

 

[فاطمة البحرينية]

السلام عليكم ورحمة الله وبركاته

بصراحه موضوع حلو لانه غريب شوى

بالنسبه لى انا استفدت من انسانه عزيزه على بوايد اشياء الصراحه زقرت وذوق وسنع الله يبارك لها

لما تروح زواره اهى مع بناتها لازم يكون معاها علاق الملابس والجيس النايلون علشان لابدلت تعلق البدله وتجيسها بالعلاق(طبعا الجيس ينباع بدايسواللى تحفظ فيه الملابس)

*تكرمون تحتفظ بجياس الجناط اللى مثل الخام وتستغلهم حق هدوم الاوتى ماتحطهم بجيس نايلون لا بهالجنطه العلاق

*الاحذيه تخليهم بكراتينهم وكل موسم تبدلهم علشان ماينتلفون كذلك الجناط بجياسهم الخام لانهم غاليين حسافه يتدمرون من الغبار

*لاصار عندها عزيمه اهى مع بناتها اللى يستقبلون ماتخلى الخادمه تسوى ولاشى فقط انها تشيل الصحون والجلاصات الفاضيه بس

*طاولة الطعام مشاء الله دايما ديكووور اما اوراق شجر...اما شموع...اما تحط عليها المواعين والاكل لا لازم ابداع

*عندها مبدأ حلو اذا كان زوجها فى البيت قاعد معاها ومع عيالهاالتلفونات كلها تتسكر لانها تتفرغ لزوجها ولاسرتها

*مره طلبت منها جيس نايلون لما يابته لى الخادمه شى غريب مسفطته بطريقه ذربه موطبيعيه صاير صغيرون تقول لى الفلبنيات دايما يسوون هالطريقه اذرب

هذا اللى اذكره الحين

مشــــــــاء الله عليها مرتبه وو ذوق:eh_s(15):

 

[فاطمة البحرينية]

اي وفي وحده سوت حركه سخييفه

اهي شافت البيت كله طبعا انا قلتلها حياج شوفي الشقه لانه من اهلي وتوني ساكنه بالشقه وشافت الشقه كلها الا غرفه وحده وقلتلها انها مخزن وماعدلتها ليلحين فخليتها بس مخزن

ولما قالت بروح الحمام طبعا بعد ماشافت الشقه راحت وبطلت الغرفه الا بتشوووووف لقاااااااافه!!!!!!!!!!!!!!!!!!!! مخزن شنو بتشوفييين خااشه شي خطيير يعني

:23_asmilies-com::dddds::dddds::dddds::dddds: ملقوفه اكيييييييييييييد

 

[(دنيتي)]

حلوووووووووو الموضوع مفيد ولله​

 

[فاطمة البحرينية]

اهم شي عندي ريحه المكــــــــان بخور حلوو ويكون

مرتب ونظيف والحمام يعزكم وماحب انعزم واحس

بكون عدد زايد ابداااا واكثر شي اروح عزايم صديقاتي

واهلي وطبعا متعوده على بيوتهم بس ما اقوم اساعد

الا لاني عادي معاهم وارتب معاهم واغسل المواعين

لان مو الكل عنده شغاله خاصه بيوتهم صغيره

 

[صخب السكون]

لازم تكون ريحه البيت حلوه مثل ماقالوا الخوات وبعد في نقطه تزعجني مرايه الحمام بعضهم مايهتمون في تمسيحها ويكون فيها معجون اسنان وبقع ماي ولا احيانا المعجون مفتوح ويهمني يكون المنديل بالحمام ضروووووووووري يعني ويكون فيه زباله لان بعضهم يحطونها برا واذا كانت الغساله بالحمام والملابس داخلها ضروري تتغطى اذا في ضيوف او تنحط بسله بمكان ثاني وهم بعد الملابس الي ورا الباب مثل ملابس ابوهم ويهمني الترحيب اكثر من التقديم..الموضوع اكثر من رائع لي عوده اذا تذكرت شئ

 

[Al shaikha 1]

البيت لازم يكون نظيف مو شرط اثاثه حلو
لان اذا منظف وريحته تهبل ملاحظه لضيوف
يحسون مكاني ونيس على صغره وتواضع الاثاث
ولازم يكون الي اقدمه لهم يجوز لهم مو فطاير ولا حلو مو ذاك الزود
لان الي شفته اذا تفختهم باكلات توب يدقون علي ودهم يجون ثاني مره
ويمدحون باكلج وتقديمج ولا الدله وصوانيها تكون طقم للضيوف خاص
بعد الغدا ولا العشا لازم نكرم الضيف ابخور يتبخر وعطر
بعد مايمخمخ من الدسم بعده جاي نعناع
وولااازم توصل الضيف للباب بابتساامه وشوفوا المدح الي بيصير له صيت

 

[اميره1980]

ذكرتيني في بيت ناس زرناهم و صالتهم حلوة ما فيها شي بس للاسف على الارض في بقع قديمة عصير مو منظفة و اشوف عند باب صالتهم النمل يسرح و يمرح لاعت جبدي
و ناس ثانيين دشيت مطبخهم و لا قمة القذارة و الجوله مالتهم عليها اكل قديم مو منظفينه شكله من سنة ويييييييييع