اخر تجربة لحب الشباب واثاره والنتيجة وايد حلوة

[فراشة الرغد]

هاي
اشلونكم حبيبات قلبي



مشكلتي مع حب الشباب .قام تطلع لي حبة ورا حبة
انترست خدودي حسبتهم 19 حبة بوقت قياسي طالعين لي
ضايقوني وااايد
بس الحلو ان تقريبا تخلصت منهم اليحين الي تمو بحدود 3 حبات بس
والاحلا ان راحو بلا اثر

والاثار القبلية انقرضت

كل هاي باسبوع واحد وطريقتي اهيا:
اول شي سودو كريم اتم حاطته طبقة على الحبوب واثارها اطول فترة ممكنة

ولي رحت اغسل ويهي اغسله بصابونية من اختراعي (الحاجة ام الاختراع)
الصابونية سهلة ومفعولها سريع بالتبييض و قصف حب الشباب

اغلي ماي فيه بقدونس وخزامى
واصبه على صابونتين كركم بعد ماصفيته
واضيف ملح طبيعي مقدار ملعقتين
وسدر ملعقتين وطين اخضر ملعقتين
وملعقة واحدة مرة مطحونة
وملعقة واحدة حلبة مطحونة

واحطه بالخلاط .. حطي اشوي اشوي لان لاحطيتيه مرة ودة بفوض الخلاط

وبس كل ماييتي تغسلين ويهج غسليه بهاي الصابون و استمري لم يصفى ويهج
وبالعافية ..
عذروني ماعرف انزل صور جان تتشجعون .. شكل الصابون حلو يشوق

 

[فراشة الرغد]

نسبت اقول نبشر الصابونتين عقب نصب عليهم مغلي البقدونس والخزامى

 

[كويتيه فرنسيه]

مشاء الله شكل الصابونه من مكوناتهاا رووعه

الله يعطيج العافيه وماقصرتي على الوصفه

 

[قمر2012]

يعطيج الف عافيه عاد انا وجهي مكتبه حبوب

بجربها ان شاء الله

 

[فراشة الرغد]

كويتية فرنسية ..
نورتيني حبيبتي فعلا مفيدة وروعة
قمر 2012
نورتوني حبيبات قلبي
قمر حبيبتي جربي طريقتي بتدعين لي

 

[نوف الصقعبي]

ماشاء الله

ان شاء الله تختفي كل الحبوب

وترى كريم فيد آوت رهيب للبقع والتصبغات والكلف ومفعوله سريع ورخيص
سعره 1.950 فلس دينار و950
من سوق الإمارات
الشاهبندر

خله بشرتى سيراميك صافي تبارك الرحمن
والكل يلتفت يطالعنى
كنت آعانى من الحبوب والبقع من الحف والخلطات الفاشله

ولما صفالى بشرتى آحس نفسي صرت حلوه وايد

صج البشره الصافيه والموحده تبرز جمالج​

 

[ذات الهمة العالية]

اى واحد فيد أوت حبيبتى

 

[فراشة الرغد]

تدرين قاعدة افكر بكريم ومتحيرة
يعني برايج استخدم فيد اوت
شجعتيني .. انتي استخدمتي اي واحد فيهم

 

[نوفآ]

فراشه خلال اسبةع راحوا الحبووب ؟؟

متاكده انه حب شباب ؟؟

اذا راحوا حبوبي منهم راااح ادعييلج

 

[فراشة الرغد]

نوفا حبيبتي اي حب شباب وشكله احمر وحجمه مقرف
في اسبوح واحد مع الاستخدام اليومي
انة بشرتي دهنية وليحين مواصلة لان تم 3 تقريبا
ابي اقضي عليه كله

طريقتي بالصابون انظف ويهي زين واخليه على ويهي
خمس دقايق او اكثر شوي عقب اغسله وارجع احط
سودو كريم طبقة على لحبوب بس

جربي بتدعين لي يا قلبي

 

[روعة الوجدان]

تسلمين حياتي

يعطيج العافية ,,

 

[هنـــد]

مشكوره عالتجربه

 

[فراشة الرغد]

الله يسلمكم حبيبات قلبي

 

[تبيني آرضى عليك]

الصااااااااااااااابونه رووووووووعه
يعطيج العااااااااااااااااااااافيه

الصابونه اخليها بالثلاجه ولابرا عادي ماتخرب

 

[فراشة الرغد]

حبيبتي انتي الي روعة
لا ياقلبي خليها برع عادي ماتخرب
خليها بالحمام او على المغسلة

 

[خلطات المزيونة]

تونك لحب الشباب متوفر ووداعا لحب الشباب مع تونك المزيونة

للتواصل ع الوتساب 66057072​

 

[سميره مملوحه]

مشكوووووووووره يات بوققتها انا بشرتي دهنيه و وجم حبه مضايقتني واثار

مشكوره

 

[فجرر]

,


واضح حلوة

 

[uae1987]

ماشاء الله ..

بس حبيت اقولكم شي من تجاربي بعد ..

حب الشباب اغلبه يكون من البطن ( يعني لازم تنظفين بطنج قبل و تمتنعين عن بعض الأكلات )

كلما كان أكلج صحي .. الويه ينور ..

اما لو اكلج مو صحي . لو تستخدمين اغلى كريم فالعالم ما راح اييب معاج نتيجه ..


لاني عانيت قبل من الحبوب .. و الحمدلله تخلصت منهم من بديت اعدل اكلي و اخليه صحي اكثر ..


و شكرا على طريقة الصابونه .. بس ما راح تصير لينه .؟ لاني جربت قبل اسوي صابونه بس ما تضبط معاي ابد دايما تطلع لي لينه او مو راضيه تجف ..

 

[فراشة الرغد]

الصابونية بتكون سائلة بس اشوي غليضة نفس الشامبو او الشاور جل
واتمنى لكم الفايدة حبيبات قلبي
نورتوني