اخذ بنتي اللي عمرها 4 شهور؟؟

[Meeesh]

السلام عليكم يا احلى كويتيات :eh_s(7):

بدون مقدمات احنا ان شاءالله بنسافر فلوريدا لمدة شهر (اورلاندو وميامي) انا وزوجي وولدي عمري 3 سنين ونص ... حلو ؟
المشكله ويييييين
انه لما كنت حامل قررنا السفره وماكنت حاطه في بالي اني بكون متعلقه في بنتي :eh_s(11):
الحين صرت احن على زوجي ابي بنتي معانا بس هو راااافض :eh_s(2):
بيكون عمر بنتي 4 شهور :eh_s(2): كل الناس يقولون ماتنفع بالسفر واحسن اخليها عند امي بس انا مو متخيله اني اخليها شهر :eh_s(11)::eh_s(11):
هو رافض يقول اني انا ماراح استانس كلش واني بكون 24 ساعه مشغوله معاها


انتوا شراااايكم :eh_s(10):

 

[law love]

صاج امريكا و ٤ شهور صعبه
لو دوله ثانيه كنت بقولج اخذيها
بس امريكا كلها رحلات و العاب
بروحها الطياره مدتها طويله

 

[pink_girl]

اذا بتخلينها عند امك يعني مكان ثقه خليها وروحي حدك بالمطار وبتنسينها عن تجربه كلش ماتصلح وعذاب عليها كلها شهر الله يعطيك انتي وياها الصحه والعمر وبتشبعين منها ومن غثاها

 

[بخـــارى]

لا تاخذيها اهيا راح تتبهدل وتتاذي
لانه طيران مسافات طويله وياثر ضغط الهوا الجوي علي اذنها

وانتي هناك راح تلهين امريكا كل شي فيها حلو ووناسه ماراح تفكرين فيها وايد

بعدين انتي بتحطينها عند ناس ثقه موبشارع

توكلي على الله سفره سعيده
وشهرعسل جديد

 

[قانونية]

لا تاخذينها

 

[نـعـومـه]

والله هم وايد تخلينها شهر كامل ماتشوفينها !!

وصعبه تاخذينها بعد لانها كلش مومال سفره

بالحالتين الوضع صعب الله يعينج

 

[مسك الاثاره]

لا تاخذينها حراااااام تبهدلينها خليها عند امج واااايد اريحلها واريحلج لا تنسين معاج ولدج ويبي يستانس وبنتج راح تقيدج واااايد ان شالله لا كبرت اخذيها معاج

 

[modern]

انا مسافرة عالكريسمس و تاركة ولدي عمره شهرين لأن حرام ممكن يتغير عليه الطقس و خصوصا البرد و يمرض و ثانيا ما رح نستأنس اذا في بيبي معانت
بناتي اعمارهم ٦ و ٣ ماخذتهم

 

[ملكة الثلج]

حبيبـتي انا صار لي مثل موقفج بالضبط

حجزت لبنتي عمرها اشهر , ويوم قربت السفره
امي ما كانت تدري اني باخذها , ويوم درت حلفففففففففت
قالت والله ما تخذينها , انتي رايحه تستانسين ولا تنغثين


والحمدالله رحت وحدي ارررررررررررتحت إني ما خذيتها
لان الطياره بروحها بهددددددددله

اورلاندو كلها العاب

ما راح تقدرين تلعبين مع ولدج وزوجج , راح تكونين كله ناطرتهم برا
وبس تتفرجين , وكله يا ترضعين يااااااا تبدلين , واربع شهور يبيلها مجابل .


حيل حيل حيل راح تقييدج واورلاندو حيل حره راح تنغث من الحر
وماتدرين تغير الجو عليها شنو يسوي


امريكا واااااااااااااااااااااااااااااااااااااااااايد حلووه ,واذا انتي وولدج وزوجج
حيل حيل حيل حيل حيل بإذن الله تستانسون ,



نصيــــــــــــــحه دامها عند امج روحي متطمنه

 

[شيخة ستايل]

صباح الخيررررر



خليها عند الوالدة وسأفرري استانسيً امريكا عجيبة


لانها راح اتأذيج وماعليها شرر لاتحاينها.



موفقه انشالله

 

[Meeesh]

مشكورين لكل اللي ردوا وقالولي رايهم :eh_s(17):

محد شجعني اخذها :eh_s(16):

شكلي بتوكل على الله وبخليها عند امي :eh_s(4): :eh_s(1):

 

[noo7a]

انا اول سفره مع ولدي كان توه ماكمل الخمس اشهر
بس ديره قريبه و اقل من اسبوع و كان الجو برررد و ثلج
حبيبي كنا لمن بنطلع البسه شكثر ملابس فيدفا يدوخ و ينام طول الطلعه نايم لووول
من نرجع الفندق افصخه،ملابسه يصحصح لووول ريلي كان يقولي خليه لا تفصخينه خل يكمل نومته لووول

بس والله احلى سفره و استانسنا كافي ان بالي متطمن و مرتاحه انه معاي
مع ان اختي وامي و حماتي شكثر حنو علي اخليه عندهم وان حرام راح اروح امرضه و ارجع بس اشوه ماسمعت كلام احد

 

[M!SS.LOBY]

الله يحفظها لج عمرها اصغيررررر 4شهور

موزين لها السفر خليها عند يدتها احسن لها ولصحتها.