اختي يايين لها خطاب منو مرت بموقف مشابه الكل يدخل

[كاملة الدسم]

حبيباتي شلونكم شخباركم انا متابعه دايما لمواضيعكم ومشاكلكم واحب هالقسم وايد وايد

قدر الله اني احتاج لكم في موقف ماره فيه اختي واعز الناس لي و اتمنى اللي مرت بموقف مشابه

او عندها خبره تساعدنا بالنصيحه و لكم الاجر ان شالله يزاكم الله الف خيييييييييييييير ..


الموضوع يا حلوين اختي خطبها واحد و سألنا عنه طلع خوش ريال والكل يمدحه و يا وشافها اختي ما تقبلته وايد واهوا بعد تقدرون تقولون اعجبته بس ما تقبلها او ما ارتاح يمكن عشان اول مره وطبيعي الكل بيكون مرتبك ما علينا ..
اختي صلت استخاره واهوا صلى استخاره والطرفين الظاهر انهم ارتاحوا الحين الولد طالب انه ايي يزورها ويشوفها ويتكلم معاها عن مستقبلهم وامور الحياة لان المره الاولى ما كانت اوكي


المشكله نبيكم تساعدونا اختي مرتاحه تبي تعرف شلون تتصرف هالمره شنو تلبس عن شنو تتكلم
لان المره الاولى كانت مرتبكه و مو مرتاحه كلش و هالمره ودها تكون مرتاحه اكثر وتاخذ وتعطي مع الولد عشان اهوا بعد يرتاح ..

عطونا نصايحكم يابنات اللي مرت بموقف مشابه اللي انخطبت وشافت الخاطب مره ومرتين نبي نصايح واقتراحات

شنو ممكن تلبس عن شنو تسولف شلون تتكلم شلون يكون وضعها انا قلت لها خلج بسيطه وذربه ومرتاحه و لا تسولفين وايد بس اخذي واعطي معاه اكثر عشان تتعرفين على شخصيته ويتعرف عليج اهي من النوع الخجول شوي ..

ساعدونا بنات و ان شالله اذا الموضوع انترس ردود بوريها الردود واقولها هذا مو رايي بس هذا راي بنات منتدى كويتيات اقدع بنات بالعالم ..

و يزاكم الله خير و الله يوفقكم كلكم اللي متزوجه مع زوجها والعزبا الله يرزقها بالريل الصالح اللي يترس عينها

و مشكورين وايد بنات واسفه عالاطاله

 

[الرمانسية]

عندى حل

خلى يشوووف اختج بدووون مكياج عشان لاينصدم بعدين ههههههههه

 

[توام قلبه]

خليها تكون بسييييييييطه جدا بشكلها وناعمه لاتهول بنفسها
مافي احلى من النعومه والبساطه
تاخذ وتسولف معاه بالكلام بس لاتهذر وااايد
هههههههههههه
واهم شي يكون صوتهااا هاادي و وااااطي
بعد الزواج عاد توريه مستوى الصوت صح
هههههههههههه​

 

[مولاي الفرج]

تلبس لبس بسيط وتكون على طبيعتها..

بالنسبة للاسئله خل تسأل الاشياء اللي تحس انها مهمه بحياتها وشنو الاشياء اللي تحبها بالريال وماتحبها

عشان يكونون عالصورة

وخل تتكلم عن نفسها بعد تقول انا احب جذي جذي ماحب جذي جذي

امثلة: ابي اشتغل.. ابي اسوق .. ابي البس كذا .. ابي شقه بروح مثلا

احب ريلي يكون مهتم بصلاته وفيني يهتم ابيته وعياله ماحب مثلا يسافر وايد من هالحجي

بس عاد مو اطبق نفس كلامي ختقول اللي يناسبها..

 

[Tulips]

عندى حل

خلى يشوووف اختج بدووون مكياج عشان لاينصدم بعدين ههههههههه

احد قاص عليج وقايلج ردودج تضحك ؟

يا ثقل طينتج

ـــــ

حبيبتي صاحبة الموضوع ما ابي ازيد على كلام البنات كفوو و وفو

والله يوفقها يارب ويجدملها الخير

 

[malte]

ببداية الملكه السوالف اغلبها تكون من الزوج عشان اهي تعرف تفكيره لاتنسى تبتسم بذرابه
تسمع منه تعرف شخصيته لمن يقط نكته تبتسم بخجل ورقه >>مو تبطها ضحك لايقول الريال هذي خفيفه
اللبس ممكن بنطرون وبلوزه ذربه أو نفنوف مايكون أوفر وايد
انا طبعاً طموشه بس قريت موضوع لوحده من العضوات عن هالفتره ممكن تلقينه بقسم العروس
الله يوفقها ويسعدها

 

[ظل الياسميـن]

تحط ميك اب ناااعم وحلو مو تكثر من الاي شدو
يعني تحط بودر ناعم وطبيعي الاي شدو بني وبيج وتحط
قلم داخل العين ازرق او اخضر والايلاينر اسود مو تعرض الكحل لا تخلي
ناعم والحمره لونها وردي على مشمشي وقلوس وردي وتحط لمعه خفيفه تحت العين وماسكارا
والبدله بنطلون والقميص طويل لي للركبه وتلبس احزام على الخصر مو اتكثر من الكسسوارات
ساعه على لون البدله وسوار وخاتم بس وطبعا العطور البارده والعطور العربيه والبخور
واذا عن القعده اذا اهو سال ترد على سؤاله واذا تبي تساله بشي تساله
عن الشغلات اللي اهو يحبها ويكون مهتم لها
ان شاء الله اكون فتج بشئ

 

[FeShinGoOo]

تلبس اي شي ناعم وذرب .. انا اول مره لبست بدله ذربه وكشخه .. وثاني مره لبست عباة هم كشخه وثالث مره لبست بلوزه وجينز اسود :× << لانه مصخها ماصارت نظره شرعيه

بالنسبه للاسئله اولشي اهو لازم يتكلم واهي هم ختحسسه انها مرتاحه حقه لاتحسسه انها مرتبكه نفس اول مره عشان لا يحس انها مغصوبه عليه ..
خل تبتسم وبنفس الوقت عيونها تكون بالارض لاتحط عينها بعينه .. ختحسسها بخجلها بنفس الوقت تكون ريلاكس واهي تتكلم ..
الاسئله المهمه .. وين بيسكنون .. شنو شروطه .. شنو الممنوعات من الحين خيقول لا يتزوجون بعدين تنصدم .. يرضى اتكمل شغل ولا بيقعدها بالبيت .. يرضى اتكمل دراستها اذا حبت ولا لا .. شنو هواياته وشنو نظامه بيتوتي .. يحب الديوانيات ولا 24 ساعه فراره ومطاعم ومجمعات ختعرف نظامه من الحين ..

 

[ghayoooda]

الله يوفقهاااا

 

[بالقرآن اسمو]

بالتوفيق يارب

 

[to0taa]

الله يوفقها .. مثل ما قالو البنات خل يكوون شكلها بسيط لا تلبس اوفر و مكياج ناااااااااااااااااااااعم لأبعد الحدوود يعني مكياج يبرز جمالها .. و خل تسولف عن الاشياء الي اهيا تحبها و اهوا راح يسولف من نفسه لا يصير الوضع اسئلة جنه تحقيق .. بس اذا اسألة مباشرة لازم.. و الله يهنيها

 

[بيدرش]

خليي لوكها ناعم وحلووو اذاعندكم عادي تطلع بدون حجااب تسووي بفه خفيفه وتحط قذلتها على صوب بس بشكل مرتب وتلبس بدله حلوووه وذربه واللوان مناااسبه مو اي شي خرابيييط وتكووون شبعاانه نوم قبل لايشوفها عشان يكون ويها فررش واهم شيي كعب عشان يرزها وماااتحدب وتخليي ضهرها مقوس وافضل لون البدله اسود وداش معااه لون بسيط مثل بنفسجي فوشي اي لون وخلييي شعرها ستريييييت ناااعم وقبل لاتدش تقرا جم ايه ودعااااء وخل تكوون ريلاكس ومرخييه اعصبها وماتكون ترجف وتخربـــــــط بالكلام وبس وبالتوووفيق وان كان فييي خير الله ايبه لها وان كان فيه شــر الله يبعده ومبروك مقدما

 

[عسل سل]

خلي الميكب وهالسواالف اهم شي رييلاااكس وتكوون على طبيعتها وشووية اغراااءااات برييءه وهي وشطاارتهاا بس موووو بقلت ادب سووري والله يوفقهاا

 

[أُلَجّـۇۈۉهّـره]

صبحج الله بالخير ,, عسى ربي يكتب لاختج الخير وبن ماكان , انا مريت بمرحلة الخطوبه وكنت اغلب شي افضل زوجي يسألني مثلا انا اسال مره واهو اخليه يسألني مرتين او ثلاث , وبعدين اساله مو سؤال ورى سؤال كانه قاعد بتحقيق , فهمته اهم شي عندي دراستي وابي اكمل الدراسه واهو ماعارض وفهمته على امور مهمه عندي بس يمكن مو مهمه عند غيري , خليها تساله عن الامور اللي تحس انها فعلا مهمه , ومو على طول عينها بعينه يعني الحيا واجب , تلبس لبس حلو ذرب وماتكثر مكياج وتبتعد عن العدسات واذا حابه تلبس خليها تلبس عسلي مو الرمادي والالوان الفاقعه , اممممم المكياج لاتكثر بس اضاءه فوق العين وسحبه من تحت وتكثر مسكره , ومثل ماقلت لج لاتكثر اساله عشان الولد مايتوتر , وعسى ربي يجمعهم على خير

 

[فوفى]

البنات كفووو ووفوو الله يوفقها ان شاءالله.

 

[المكسيكيه]

الله يوفقها
والبنات ما قصروا بصراحه

 

[اللعبه]

اذكر بنت خالي من كثر ما تكلمت وهذرت وامها استخفت و من الحره داقه على امي تقول لها عن بنتها اتقول يبي يتكلم مو قادر

المهم الريال استخف عليها وعجل بالملجه ...........

المقصود اولا : الزواج قسمه و نصيب
ثانيا : الريال يعرف اللي جدامه . فكوني على طبيعتج

 

[كويتية نايس]

السلام عليكم ورحمه الله وبركاته

حبيبتي قوليلها موتكثر الميك اب وخلتلبس لبس ناعم وذرب مثلا نفنوف راقي وكلاس وتسريحه بسيطه ولاتتصنع خليها على طبيعتها واهم شيء تكون مستحيه وصوتها واطي موتسمع الفريج
وانتي مثل ماقلتي اهيه خجوله فعادي ماتكون متصنعه واي واهم شيء تفكر بشيء الي اهيه تبيه
مثلا بتكمل دراستها تفاتحه بالموضوع وتقوله
واتمنى اكون افدتج ويالله تصبحون على خير بنام:ch12:

 

[ام كوشه منكووشه]

البناات ماقصروا بصراحه كفوو ووفوو

الله يجدم اللى فيه الخير والصالح لاختج ان شاءالله

 

[انثى استثناء]

انا من راي انها تلبس شي نعوم و بنفس الوكت انيق يعني ما تلبس الوان صارخة الوان هادية....
و اهم شي ان اللبس يكون مريح يعني مو تقعد كل شوي تنزل ب القميص او البلوزة او سكر فتحة الصدر او هذي الحركات لان مجربينها و ما تعبث بالشيله وايد اذا كانت محجبة لا تخليها جذي راكزة لان راح اهو ينشوش و اهيه بعد .......
و المكياج حده ناعم بالظبط نفس سمر بالعشق الممنوع وايد ذرب و حلو لا تكثر

ها اهم شي اظافرها و الله ان الرياييل ينتبوهون شوفي خلي تسويهم لون حدة هادي او فرنج بس كلش لا تطولهم
لان الاظافر دليل الانوثه و تحط فيهم خاتم ناعم
اهيه اهم شي تبعد عن الخبة و انها تكون بسيطه

اما من ناحية الكلام طبعا صوت هادي واذا مثلا لزم انها تظحك ابتسامه خجوله ,,,,

خليها تبين له نوع من اهتماماتها مثلا ثقافتها هوايتها حق منو تقرا
شنو تحب شنو تكره بس
و اتجاوب بحذر اذا سالها يعني الرياييل يحبون يطيحون الحريم في مطبات في رياييل يسئلون عن الماضي
و اهيه تسئله عن شغلة دراسته


ما ادري هذره زايد جني