اختي ومديرتها صدام حسين

[أريام الكويت]

:eh_s(13):اختي اذتني اكتبي قصتي وبعد عناء بكتبها لانها دشت براسي المهم ناظرتها كانت مشرفة عليها وصار بينها وبين اختي مشاكل وبعدها انتقلت المشرفة وردت بعد جم سنة عندهم وهنيه الحجي زهقت اختي وزهقت المدرسات والله علي وصف اختي ذكرتني بصدام حسين حسبي الله ونعم الوكيل عليها تخيلو بمل شي تغثهم وتامرهم جنهم فراشات اختي تستنجد فيكم شنو الحل المدرسات كلهم الحين ما يبونها شتشورون عليهم يسون والروضة بالجهراء والله جان زين اكتب اسم الروضة بس اختي مو راضية مسوية لهم رعب خخخخخخخخخخ وهمتكم يا حلوين

 

[أريام الكويت]

رد : اختي ومديرتها صدام حسين

نسيت اكتب ردت لهم مديرة

 

[^ليلاس^]

رد : اختي ومديرتها صدام حسين

تنتقل الله ما كثر الرياض بالكويت

لان لو تشتكي محد بيسمع لها

 

[أريام الكويت]

رد : اختي ومديرتها صدام حسين

والله انج صاجه قلت لها انتقلي بس قر يبة الروضةحيييييييييييييل عند بيتها والمشكلة الكل ما يبيها

 

[عهود الحب]

رد : اختي ومديرتها صدام حسين

عادي تنتقل
واهم شي الراحة النفسية أكثر من القرب

 

[@ assola @]

الله يعينها ومثل ما قالت ليلاس

تنتقل وتفك عمرها من الاذيه

 

[^ليلاس^]

رد : اختي ومديرتها صدام حسين

شالفايده من القرب واهي نفسيتها تعبانة

 

[أم حمد 4]

خبيبيتي خليها تشتكي عند المراقبة واللة ان عندنا وحدة صارت لها سالفة مع المديرة وعلى طول على المراقبة هذا على خسب مواقبتكم منو اوخليها تجمع تواقيع المعلمات وناخذهم معاها عند المراقبة انا عرف وحدة نفس الشيء تخقيق ونزلوها من مشرفة لين معلمة ارجعت ادرس واللة انغثيت عليها لا تسكت لا تسمع كلام الي ايقولون ما يسوون شي لا يسوون اذ المدرسات على كلمة احدة على قلب واحد

 

[شباصه ريش]

هذي اكيد روضتنا لان كل المواصفات اللي قلتيها فيها بس ما اقول غير حسبي الله هو نعم الوكيل

 

[أريام الكويت]

رد : رد: اختي ومديرتها صدام حسين

خبيبيتي خليها تشتكي عند المراقبة واللة ان عندنا وحدة صارت لها سالفة مع المديرة وعلى طول على المراقبة هذا على خسب مواقبتكم منو اوخليها تجمع تواقيع المعلمات وناخذهم معاها عند المراقبة انا عرف وحدة نفس الشيء تخقيق ونزلوها من مشرفة لين معلمة ارجعت ادرس واللة انغثيت عليها لا تسكت لا تسمع كلام الي ايقولون ما يسوون شي لا يسوون اذ المدرسات على كلمة احدة على قلب واحد

يعطيج العافية والله هذا راي امس قاعدة تشتكي لي منها وقلتلها جمعي تواقيع المدرسات وروحي للمراقبة خليكم كلمة وحده واشاالله بيشيلومها:j013:

 

[اريج الجوري]

رد : اختي ومديرتها صدام حسين

والله يا حبوبه محد من الابلات بيوقع معاها كلهم خوافين ,,,


وبيقولون لها روحي اشتكي احنا معاج ووقت الصجيه بتصير بوجهه المدفع بروحها ,,,



المثل يقول ’’ بعيد وسعيد ’’ ,,,



تنتقل احسن واريح لها ,,,

 

[أريام الكويت]

رد : اختي ومديرتها صدام حسين

والله يا حبوبه محد من الابلات بيوقع معاها كلهم خوافين ,,,


وبيقولون لها روحي اشتكي احنا معاج ووقت الصجيه بتصير بوجهه المدفع بروحها ,,,



المثل يقول ’’ بعيد وسعيد ’’ ,,,



تنتقل احسن واريح لها ,,,

نفس كلامج اختي لانها تقول كذا مره ينجلوني ومو راضية تنتقل تقول يا انا يا هي بالروضة ( مسكينة ما خذه

بنفسها مقلب ) والله ما لومها طول عمرها بالروضة ورفيجاتها حسبي الله ونعم الوكيل فيها ما فكرت ان الظالم يا

وياه من ربه ودعوة المظلوم مستجابة وين تروح من ربها:0bee2e8d89:

 

[الحلا و الزين كله]

الدنيا دواره عبالها بتفلت من حوبه ظلمها سواء بالدنيا او الاخره... خل تحتسب امرها لله .. والمفروض ماينسكت عليها

 

[عهود الحب]

رد : اختي ومديرتها صدام حسين

حبيبتي نصيحة لوجه الله تنتقل
والرفيجات بوقت العازة يصير دجاج يكاكي
خل يولون كلهم أهم شي الأرض الباردة
والرفيجات بدالهم درزنين ونص
أهم شخص بالروضة مديرتها
اذا ماتحبج شيلي قشج وقبي
أرض الله واسعة والرياض على قفا من يشيل
والمديرات ماهن سوى فيه صدام وفيه جابر

 

[أريام الكويت]

رد : اختي ومديرتها صدام حسين

حبيبتي نصيحة لوجه الله تنتقل
والرفيجات بوقت العازة يصير دجاج يكاكي
خل يولون كلهم أهم شي الأرض الباردة
والرفيجات بدالهم درزنين ونص
أهم شخص بالروضة مديرتها
اذا ماتحبج شيلي قشج وقبي
أرض الله واسعة والرياض على قفا من يشيل
والمديرات ماهن سوى فيه صدام وفيه جابر

:e3:صح لسانج اللي ينقط عسل هذا اخر الحجي اذا ما شتكوا عليها اكيد راح تنتقل وحسبي الله

ونعم الوكيل علي كل ظالم0

 

[عهود الحب]

رد : اختي ومديرتها صدام حسين

لا تشتكين ولا شي
الواقع يقول المديرة هي و بس والباقي كله خس
عن تجربة مريرة
اقولج الروضة ملك خاص للمديرة
والكل يدور رضاها
فأفضل شي لا تدخلين روحج بمتاهات صعب تخلصين منها
انحاشي بسكات وخليج ريلاكس
الحياة حلوة
وعمر الي انتقل ما ندم
النقل حلو صدقيني
انا مرتاحة بروضتي افكر السنة الجاية انتقل
بس مليت بجدد حياتي