يـسعدلي صباحكم يا احلى عضوات ..
اليوم وايد مستانسة اختي جاينها خطاب واللي خاطبها بينها وبينه معرفه يعني
( عن حب بكون الارتباط)
مو زواج تقليدي وحلو يعني يكون بينهم معرفة انا أأيد الزواج عن حب وطبعا اكثرها فاشله
بس الحمدلله حبهم كان صادق وطاهر مافيه كذب وغيره الف حمد وشكر
انا ماكتبت بس الموضوع جذي صج فرحانة بالخبر الحلو واهلي بعد واهي طايره من الوناسة
بس امس اول مره اشوفها اتصيح هالكثرررر وايد كانت تصيح ولا حبينا نسألها شفيج
الا لما هي تقول لنا بعد ماتهدى لانها جدا حساسه وفعلا قبل كانت متزوجة وماعندها بيبي
لانه ماصار نصيب وايد مرت بمشاكل اختي اليوم قعدت وياي قالت انا امس بكيت لانه
يوم زارتنا والدته كانت تسلم علي بحراره وتبوسني وتسأل عن اخباري ورحبت فيني
وكانت فعلا والدته اجتماعيه ومره كبيره بالسن لكن اخته الكبيره هي سببت بكى اختي حبيبتي
سلمت عليها بجفاف وكانت مغرورة هبابها تسلم وترحب بأختي حتى وانا اقدم لهم القهوى
الام تمدح كيك اختي اللي سوته والقهوى يعني اجامل وتونس اختي اما اخته لا شربت قهوى
ومن اقدم لها حلى تقول مابي بطريقة واسلوب مو حلو واطالع اختي بطريقة غضبة
وطول الوقت ماعطه اختي ظهرها وتسولف مع بنتها كأنها جايبه بنتها تسولف معاها لين يروح الوقت حتى ماسألت اختي شنو طبيعه عملك انتي مثلا مواليد كم شنو بخاطرك او اي شي من السوالف غضبة حيل حتى اختي تقول انه حبيبها لين تكلمة بالتلفون يقول لها اي بشووف اختي متى تجي مع امي اختي واختي تقول حسسني انها الكل بالكل صج هي متزوجة بس صارت اختي تخاف من المشاكل تقول شي مكبوت بقلبي ضيقة وخنقة من شفتها وانا مو مرتاحة ومعصبة
السبب لانهم فالبداية ماكانوا يبون اختي بس الام طيبة بس تمشي على كلام بنتها الكبيره
اي شي تقولة يصير !! بنات اخاف على اختي تتعقد وبكره توقف لها عظم فالبلعوم ..
نظراتها لأختي كره وحسد عيني عينك لا جاملت ولا تكلمت طول الوقت جالسة جنب بنتها وتكلم بنتها وسوالف مع بنتها وماعطه اختي ظهرها عيب ووووالله وامي عصبت تقول وش هالذرابة هذي تقول اختي حسيت روحي ماخذيني من الشارع مو من بيت نظيف
والله ماكذب انا حسيت كانت تبكي اختي على هالسبب اشوفها من فووووووق لي تحت
ويوم طلعوا واتصل حبيبها حق اختي يقول لها امي انبهرت فيج تقول والله عرفت يافلان تختار ملاك
الا اخته تقول لا شفتها متينه وايد طويلة وايد بيضة كأنها سوريا !!!
يقول اخوها للبنت كيف تقولين كذا وانا كم مره شايفها وهي عاجبتني جاية مغصوبة مو من رضاها
ومتكبره حيل حيل لانه زوجها ضابط كبير بالسلاح الجوي ومعروف وكل شوي طلعت الماسها وتروينا ساعتها الحمدلله حنا بعد في خير ونعمة صج لي قالوا اللي مايعرف يتبخر تبخر واحترق
تقول اخاف اوافق وكبره تغربلني ولو انها اخته كبيره عمرها 42 سنه عندها بنت كبر اختي بكرهااا
هههههه شي يضحك ونفس الوقت ينرفز ! كبيره وتحطين راسك براس اختي
وبعد 4 شهور اختي بتعيش في بيت بروحها بس هالوقت قالت والدته لنا بتعيش عندنا لين يجهز بيتها وتروح تعيش فيه انا حسيت هني بطمئنان بس اختي وايد تصيح مرعوبة من اخته
تقول بكره زواره ولا مناسبة كيف بتستقبلني كيف تقعد معاي مني والدرب مو طايقه اختي
لانه الرجال قال ابيها وقف بوجه اهله وجابهم غصبن عنهم
ابي كلام اهدي اختي هي تحبة والحين تقول مابي اتسرع ونفس الوقت تقول مابي اهدم هالحب اللي بنيته فتره طويلة معه
التعديل الأخير بواسطة المشرف:
