اختي معنقزه وهي حامل لها شهرين ونص

[هلا 2010]

اشلونكم بنات من العنوان امانه تعرفوون احد كان معنقز وهي حامل صار بالجنين شي دكاتره مستشفى الامراض الساريه يقوولون مايضر انشالله امانه بنات طمنوني والله نحاتي

 

[فاقده ابوهاااا]

انا مابي اخرعج بعيد عنج وعن اختج والكل بس مرت اخوي صار في بنتها عغنغر وبعدها مات الجنين ابطنها من العدوى والحين بنتي صار فيها عغنغز من اول يوم وديتها لبيت امي علشان تبعد عني يا بعد عمري اشتقتلها وصارلها اكثر من اسبوع لان قالت الدكتوره مو زين ويأثر على البيبي يعني بعيد الشر احتمال يموت او يتشوه بس الاحسن اختج تراجع الدكتوره وتسويلها سونار

 

[شيــوخه]

والله يا حياتي مادري عن العقنقز انا بنتي يتها حصببببببه

وانا كنت حامل لي شهرين تقريبا تميت لين الشهر الخامس وبعدين ماتو سبحان

لانهم متشوهين معني رايحه للصحه الوقائيه وطمنوني بس قدر الله وماشاء فعل

لاتحاتين ان شاءالله مايصير فيها شي العنقز اخف من الحصبه عرفتي

 

[أنشودة المطر]

الله يبعد عنها وعن جنينها الشر ان شاءالله

حبيبتي أعتقد فيه دوا أو إبرة تقدر تاخذها الحامل المصابة عشان تكون أعراض العنقز خفيفة وما تأثر عليها
وهذا اسم الدوا خلها تسأل طبيبتها عنه acyclovir

أنا حامل في الثالث وزوجي صاده عنقز وماقدرت أنعزل عنه وكنت ميتة خوف انه يصيدني لأن له مخاطر على الجنين بعيد الشر
بس ربج سلّم ولله الحمد والشكر وخاصة ان صايدني العنقز وأنا صغيرة

قلبي مع اختج ودعواتي لها بالسلامة هي وجنينها ان شاءالله

 

[عالمي المجنون]

الله يشفيها و يارب ما يصيد البيبي شي

أنا بزواجي اليهال كلهم فيهم عقنقز وما اقرب منهم وايد

 

[ورده عنابيه]

والله مادري

 

[G!RLooNa]

اللي اعرفه انه خطر

 

[G!RLooNa]

شوفي دورت بقوقل يقولون اذا حايشها من قبل او مطعمه مافي خطر و اذا ماحاشها ولا تطعمت احتمال بسيط ياثر عالبيبي نسبه ١.٥٪ و بالشهور الاولى يكون يعني انشالله ماعليها شر

http://www.babycenter.com/0_chicken-pox-during-pregnancy_9329.bc

دشي اقري

 

[ScarletteO'Hara]

ما عليها الا العافية ان شاء الله
بس مرت عمي حاشها و اهي حامل في بنتها
طلعت بنت عمي ما تسمع

 

[om_3azoz]

انا سالت الدكتوره قبل سبوع
قالتلي اذا اول شهور يسقط الجنين ويسوي تشوهات لاسمح الله

بس اذا بعد الشهر 3 عادي

بس عادي ااذا مثلا احد صاير فيه عنقز بس اذا الحامل عنقز موزين



انشاءالله يارب يارب الله يثبت البيبيي ويكون بصحه وعافيه يارب

 

[om_saleem]

الله يكون بعونها يارب

اهو مو زين العنقز حق الحامل وموزين تقرب من يم وحده فيها عنقز لان ممكن لاسمح الله البيبي يتضرر

بس خلي ايمانكم بالله كبير وان شالله باسمه يحفظ كل شي

انا لما كنت حامل على ولدي صار باليهال عنقز كنت انحاش منهم وماخلي احد يمي حتى حماتي ماياتلنا الزواره كلش لين خلصو عيالها من العنقز خافت يعادوني او يقربون صوبي

 

[خيشة شكر@]

يستر الله

 

[خيشة شكر@]

توكل على على الله بعد وين تنحاش العنقز واهي الي معنقزه وقضاء الله وقدره وهاذي كتبت الله لاتطير

 

[هلا 2010]

تسلمووون بنااات ماقصرتوا والله يستر علا اختي واللي ببطنهااا

 

[•Brown•Sugar•]

ربي يحفظها وجنينها من كل مكروه

 

[ماركة انثى]

الله يشافيها ويحفظ الجنين من كل مكروه

 

[بشاير الميموني]

لا اله الا الله .....


حبيبتي عادي ان شاء الله امي جاها عنقز مسكينه حيل تعبت وهي حامل باخوي والله ستر عليها وعلى اخوي الله يحفظهم ان شاء الله الله الحافظ سبحانه لازم توكل على الله وبس وتكون عندها يقين بالله لا غير سبحانه وماتشوف شر ان شاء الله.....