اختي متورطه دشوو وساعدوها ارجوكم

[bnt-q8]

السلام عليكم ورحمه الله وبركاته :eh_s(22):

اشلونكم ؟؟؟

بطرح مشكله اختي اهي مو مسجله

اهي ماشاءالله موظفه بس راتبها قليل واااااااااااايد لانها ف قطاع خاص

وتحب السفر وااااااااااااااااااااااايد بشكل ماتتصورونه ودها تروح امريكا اروبا ريلها ايقولها اذا بتسافرين سافري على حسابج انا على تذكرتج وتذكرتي غيره عليج حاولت تقنعه يقولها انا ماحب السفر انتي تحبينه خلاص اسفرج بس على حسابج

شنو رايكم لو تحوش منيه ومناك وتسافر فيها شي ؟؟ بس ريلها مايتعود اهي توها متزوجه ماصار لها سنه

اهي تقول ودي مره انا اجمع واسافر لانها ودها تغير جو وتشم هواء بس مايتعود الريال ؟؟؟؟؟؟؟؟؟؟؟

انصحوهاا تسافر وتوسع صدرها على حسابها واهو معاها ولا تنطم وتيلس عشان مايتعود
بس اهي تقول اخاف اموت ويروح عمري ولا سافرت لان ريلها فيه بخل شوي ويقول مستحيل اوديج :eh_s(10): :eh_s(2):
ايقول ممكن اسفرج بس لدول عربيه ولا شرق اسيا واهي ماتبي غير اروبا وامريكا

شنو رايكم اعطونا نصايحكم تسافر على حسابها ؟؟ولا يتعود

 

[popa]

انا مع الاختيار الثاني انها تنطم وتيلس
لان ان تعود اختج راحت فيها
واهيه الحين خل تحاول فيه ان يجمع ويسفرها يعني خل تخطط للصيف

 

[رنيم الروح]

انا اقول تنطم ولا تفتح عليها بااااااب ماله تسكيره خاصةً انه تقولين فيه بخل يعني مو كريم
والموضوع له تفسيرين
1- وهو رافض يبيها اهي الي تتكفل مايبي على احسابه لانه بخيل
2-يعتمد على راتبه وظروفه يمكن مو قادر على المصاريف وعليه ديون وترا اوربا غاليه يعني يبيلها تقريبا 36الف اذا مو اكثر يادوب تمشي اسبوع زين يتوفر حق رجعه من غير الهدايا

واذا بخيل وفتحت الباب تستلم
اليوم تسافر على احسابها بكره بيتها بعده اعيالها واهو مرتاح
وبعدين من يسافر الحين حالات السفره على احسابه وبالصيفيه
الحين مو وقت سفر

 

[اميره1980]

ما اشوف ريلها بخيل بالعكس جزاه الله خير يوديها دول عربية او شرق آسيا احسن من اللي حتى طلعة بالديرة ما يطلعها

 

[زبــــــــدة]

يعني لو انا مكانها اروح واستانس على حسابي ...

شكو فيه اذا اهوا مو راضي يسفرها ليش اقعد ان شاء الله

ابي استانس بعمري وعادي لو على حسابي مافيها شي ...

 

[brettey]

القران والشرع الزم الريال بالماكل والمشرب والملبس ما الزمه بالكماليات انا ما الومها لان انا نفسها غرامي السفر بس خل تدفع بعد شتسوي حق وناستها ماعليه لحد يقص عليها ويقولون لا لاتسفره على حسابها اهو ملزوم يسفرها ترى غالبيه الحريم اهم يسفرون الرياييل على حسابهم

 

[Patcholli]

لو مكانها ايمع واسافر ويا اهلي ما اسافر معاه .. واشدعوه عليه شالبخل مرتك ودها تسافر حتى لو انت ماتحب واجبك انت تصرف عليها .. هذا في حال كان راتبه راهي وماعنده التزامات لانج ماوضحتي اذا كان عليه ديون وقروض وجذي او لا
بس مو حلوه ريال يقطها اشكره ويقول حق مرته تسافرين على حسابج عيب عليه واهي لاتعوده حتى لو ماعنده ومايقدر المفروض يتعذر بشي ثاني بس مايقولها انتي قطي وانتي دفعي اشكره

 

[al-musk]

بخيل خلاص انسي .. تونس نفسها ابركلها

 

[بنوته ستايل]

خليها تساعده بسسس مووو كل شي عليها وهو بس التذاكر ..

اذا هو راضي النص بالنص اووووك خليها تدفع..بسًاذا يبي يسافر ويستانس ع أفاها لااااا حريمته خل تسافر معا اهلها بفلوسها وتونس عمرهااا واذا رده من السفر خل تحره بالصوره وتسولف له شنو سوت يمكن يتشوق ويحب السفر..

 

[لسووعه]

لا تسافر على حسابها وخل تقعد مارده بيمل سنه سنتين وبيسافر

 

[(حكاية قلب )]

عادي ختسافر بس صعب بروحها من غير ريلها راح تتملل

 

[نـازك الملائكة]

أنا مثلهااا غراامي السفر وحطيت نفسي مكانها بسافر على حسابي والتذاكر عليه الفلوس تروح وتجي
والا تروح مع اهلها مع انو خساره عليه اللي مثل رجلها يدفع فيه ريال بس الشكوى لله الواحد يضحي في سبيل وناسته

 

[امـ خــزامـى]

انا اشوف ان ابدا مو بخيل
بس استغلالي حبتين

هو حرام ماقصر بيسفرها دول عربيه واسيا
لان يدري ماتكلف كثير مثل اوربا

انا اقول تصبر وكل شي بالتدريج
مره دبي المره الثانيه ماليزيا وبعدين تركيا ولند وامريكا واستراليا
وكل اللي تبييييييييييييييه

بس حبه حبه على قلبه حبه حبه

 

[دلوعة أبوهآ]

دآمها تحب السفر خلآص تتنآزل وتدفع من فلوسهآ
بس مو كل مره تسوي هالشي عشان لآيتعود انه كل السفرات تكون ع حسآبهآ

 

[Vouge]

الريال يقول أسفرج دول عربية و آسيوية و تقول عنه بخيل !!

عجيب!!

 

[PuPa^^SWeeT]

بخيل لانه مايسفرها اوروبا و امريكا



بخيل بس يسفرها شرق اسيا و دول عربية ؟؟؟


بخييل لانه قالها تذكرتي و تذكرتج علي بس المصصرف عليج ؟؟؟



صراحة الريال مبين انه مو قااادر و يفكر بالمستقبل و مايبي لما يرد يبقى منتف


مو بخيييل


لا والله كرييم



اذا تبي اتسافر اوروبا ترضى بشرطه


ماتبي على بو ما تتعود خلاص اتكملها سفرة دول عربية و شرق اسيا

 

[زوجة عزيز]

خلها اتسافر معا صديقاتها او اهلها احسن لها

 

[! Harrods !]

أوربــآ غاليه والريـآل ما قصر قآل لو تبين اسفرج دول عربيــه ع قد أمكآنيته !
بس اذا متشفقه ع السفر وآيد خلهـآ تروح ع حسآبهـآ .. مع ان بتفتح ع عمرهـآ باب مآ يتصكر ،

 

[Um Tuki]

لو سوتها مره و سفرته على حسابه
بتندم طول عمرها
لان بيستغل هالشي و بحملها مسؤوليات هي مب ملزومة فيها

 

[Freakya]

مو ضروري تسافر
مد ريلك على قد لحافك
تبي تسافر حق دول غالية خل تيمع حق روحها