اختي طرشتلي مسج سبتني فيه والسبب ؟!

[مراام]

السلام عليكم بنات*

باختصار الموضوع عندي أخت اكبر مني ب 12 سنه عرفتها على اعز رفيجاتي من فتره طويله المهم انه ثنتينهم كل ماشافو بعض يقعدون سوالف وجذي وانا كنت عادي المهم لاحظت الفتره الاخيره انه اختي قامت تقرب من رفيجتي وتسولف وياها بالوتساب وبينهم اتصالات واختي طبعها قرقيه تحب الحش والسوالف بس الي قهرني لما قالتلي الاسبوع الي طاف انهم قعدو يتحجون عن شغله خاصه فيني انا انفجرت فيها وقتلها منو سمحلكم تحجون عني جان تغلط علي وصكيت الخط لاني كنت متنرفزه انزين من يومين زارتنا ولا تقولي باجر بروح ازور يده رفيجتج انا انصدمت شكو @@ اختي هذي بنات احبها بس اهي وايد خربت علاقاتنا مع ناس وصداقات لخواتي مع رفيجاتهم انا توقعت انها كبرت وعقلت بس الي اشوفه العكس لمن قتلها ماني رايحه وياج وقطعي رفيجتي مالج شغل فيها قامت تسبني وتهجمت فيني في البيت خلص الموضوع علي زعل وجذي عاد اليوم الصبح طرشتلي مسج كله سب انتي انسانه مو محترمه وتغارين مني مالت عليج انتي مو اختي ولا تحاجيني ورفيجتج ترا حاجيتها وقتلها كاش بويها انج تبين تقطعين بينا وفعلا سوتها ودقت عالبنت !!*

انا انصدمت حدي بنات بعرف عفيه شرايكم بهالموضوع*

 

[fatma A]

مهما كان هذي اختج ومردها بترضى الله يهديها

 

[لمى الهاجري]

ما عليج البنت بترجع لج ومرة ثانية لا تخلين اختج تقرب من رفيجاتج لانه بتاخذج منهم نفسي انا كل مرة كنت اعرف على احد بس ما اقدر لانهم ما يبوني يتعرفون على فيتعرفون مرت اخوي الله كريم

 

[جنون العاطفه]

الله يهديكم ي رب​

 

[Lourdez]

مادري احس مافيها شي لو اختج تعرفت عليها و حتى لو حشت فيج بالطقاق شنو يعني تكفه بهالزمن عطيني وحدة ما تحش ختحش مني لي باجر
الحين طلع شكلكم غلط. جدام رفيجتج الحل لو كنت بمكانج اوخر عن. هالرفيجة و الاخت حاولي تفهمينها و تصالحينها مهما يكون هذي اختج من امج و ابوج و بتحتاجينها بيوم من الايام

 

[ابدا يالغالي مانساك]

الله يصلح الحااال

 

[**فديت عيونه**]

ياحلو الخوات

كاني انا اختي تعرفني ع رفيجاتها
وعااادي بس ما اخذهم من اختي
وظروف العمر تحكم
والله يهدي اختج ولاتخسرين اختج عشان ناس
ترا والله الاختتت غيير

 

[قدسآؤيه قمر]

الله يهداكم

 

[black rose BH]

الله يهديها ويصلح الحال ان شاء الله

 

[نعوووووومه]

مايصير هالسوالف بينكم انتو خوات شلون ياربي جذي
الله يعينج

 

[BnoGa 911]

عاددي ترا بالنهاايـه اهي اختچ .. و بتردون لبعض
و عن سالفة الححححش ...طاااااااااف
فدداها ذنوبچ ..انتي كريـمه و اهي تستاهل

 

[هناء - Hana]

الله يهديكم يارب

 

[نمله معضله]

اب اب

 

[*الهنوف*]

دام تدرين ان اختج مو صاحيه ليش تعرفينها علي رفايجج
يمكن توالمت مع رفيجتج من الميول والطبع عشان جذي تقوت علاقتهم ابعض

امبين ان اختج ماتحترم احد وحتي انتي بعد فيج عصبيه وغيره لانج ماقدرني تقبلين ان رفيجتج تصير كلوز مع اختج
خلاص كلها رفيجه بتقعدون تقطعون بعض عشانها
اكيد عندج غيرها
خلي علاقتج عاديه مع الكل واللي بينج وبين اختج بيعدي مع الايام

ومره ثانيه خلي رفيجاتج لج ولاتعرفين اختج عليهم

 

[لموسه99]

الله يهديكم ان شاءالله
هذي اختج مو وحده غريبه تعاملي مع اختج علي قد تفكيرها
الله خلق الناس متفاوتين في طريقه التفكير
كبري عقلج وراضي اختج مافي مثل الاخوات
ورفيجتج هذا الله يهديها
المفروض ماتتركج
وانتي حساسه وايد وعادي هذا مشكله بسيطه
لاتعيرينها ادني اهتمام واهم شي اختج تصالحوا انتي وهي الله يهديكم يارب

 

[لآلئ وردية]

الله يصلح الحـال



و يهـدي النفـوس







ادعي حبيبتي الله يهدي الحـال

 

[عالمي الوردي]

يمكن ماعندها حد واتاحت لربيعتج بعدين شي طبيعي
انا عندي ربيعات تركوني وصاحبو اختي الي اصغر عني لانها انسب لااعمارهم وبعض ربيعاتها تركوها وصاحبوني
ومرات خوات ربيعاتي استويت وياهم كلوز هذي جي الحياه في ناس ترتاح لج اكثر وفي ناس ترتاح لاختج اكثر بالعكس
اكبر طاف ومفروض تستانسين لانه اختج تقدرها بس خبريها باسلوب مب حلوه ترمسين عني واذا شفتيها عاندت اول ماتعيد الكلام تقول رمسنا عنج سويلها طاف عقب بتحس انه يضايقج وبتوقف
لو فكرتي فيها اهي ماتقصد لو تبا شي ثاني ماخبرتج انها رمست عنج

 

[* ليــــدي *]

خلاص تعرفي ع غيرها

 

[قموووره]

مو يمكن الموضوع عادي وانتي فيج غيره؟؟؟ يمكن حسيتي ان اختج خذت رفيجتج منج وغرتي؟؟؟ علشان جذيه عصبتي وهي تنرفزت من موقفت وثارت عليج ؟؟؟؟؟
انتي ادرى؟ انا ما تهمج والله بس انتي قعدي وراجعي نفسج هل هالكلام صحيح؟؟
وسواء كان اي او لا فهي اختج اول وتالي والله يصلح ما بينكم
ونصيحه مني ترى الاخت ما تتعوض والله​

 

[جذابه بنت ذيابه]

الله يهديها يارب
شوفي حبيبتي اختج مبين غيرانه ومحتره .. خلج اكبر منها بالعقل و عادي خليها تحش انتي بتاخذين الحسنات