اختي خالتهم خاصه وكويتيات عامه فيدوني اللله يجزاكم الجنه

[نفيش بالعسل]

السلام عليكم*ً*ً اختي اخت خالتهم خاصه وكويتيات عامة الله يجزاكم خير في افادتي ف هالموضوع لعل وعسى تفيدوني بأي معلومة قريتوها او سمعتوا فيها او تجربة سابقه لكم او لغيركم*ً*ً أنا مريت ب 3 تجارب اجهاض ع 3 اشهرمتتاليه 7/8/9 ف المره الاولى كنت مسافره عمره وقلت اكيد الاجهاض صار من تعب المشي وغيره وطبعا ما سويت تنظيفات بناءا ع نصيحه الدكتوره المره الثانيه حملت حمل متأخر قبل الدوره باسبوع لان زوجي كان مسافر وما توقعت نفسي احمل وتفاجأت بتأخرالدوره مع العلم التحليل المنزلي كان سلبي وتحليل الدم كذلك لكن بعد تأخر الدوره 25 يوم حللت وطلع ف حمل وقالتلي الدكتوره هذا حمل متأخر وكانت الامور ماشيه زينه بس ف يوم صار جماع ونمت ساعتين لقيت نفسي انزف وبعد يومين نزل الجنين وشفته بعيني المره الثالثه سويت تحليل هرموني وحطيت صورته ف موضوع مستقل عشان يشوفون والحمدالله البنات طمنوني من ضمنهم الغاليه اخت خالتهم للي اتابع مواضيعها دايما بعد التحليل بيومين نزل علي افرازات بنيه لمده يومين وبعدها يوم الخميس نزل دم دوره عادي بدا يكثر ويوم الجمعه بالليل نزل الجنين وشفته بعيني للمره الثانيه عسي ربي يعوضني*ً*ً رحت بعدها لدكتورتي للعلم اهي سعاد الباوي بالمنقف وما ارتحت وغيرتهاورحت حق الدكتوره يسري عبدالسلام للي قالتلي اجهاض 3 مرات متكرر نذير خطر سوتلي سونار وقالت الرحم ممتاز والمبايض مافي تكيس ولا تليف وكل شي سليم*ً*ً اكيد في شي يطرد الجنين من الرحم بمجرد ما يوصل عمره شهر عطتني تحليل اسمه التروش بالانجليزي اسمه troch قالت هذا تحليل الفيروسات الخمسه المسببه للاجهاض المبكر وعطتني حبوب بيبي اسبرين*ً*ً منو تعرف اي معلومه عن هالتحليل وفيروساته وهل هو خطر ولا لا وهل له علاج ولا لا*ً*ً استفسار ثاني الدكتوره قالتلي عن الحبوب وانا لاحظت اني بعد ما قربت اطهر رجع الدم الاحمر غزير مره ثانيه واهي قالت انها تسبب سيوله ف الدم وانا وقفتها عشان اراجعهها بعد العيد الله يجزاكم خير باللي تفيدني باي معلومه والله يسهل ع كل حامل ويرزق كل محرومة*ً*ً الغاليه اخت خالتهم انا خصيتج بالسؤال لمتابعتي الدايمة لمواضيعج وثقتي برايج ولا يهونون الباقيين من كويتيات

 

[اخت خالتهم]

هلا والله
الله يعوضج وحاسه فيج حبيبتي
هذا التحليل حق الاجسام المضادة يشوفون اذا عندج يعطونج ابر اول ما تحمملين

انا عن نفسي رحت حق ام فيصل بجابر العلي بعد ما تاكدت ان مافيني اجسام مضادة
قالت مافيج شي وقفي حمل ٦ اشهر

و وقفت من شهر ١٢ ليييين شهر ٦ و كنت ناوية لين شهر ١٠ بس الله كتب

و شلت الفكرة من راسي
وخذيت اعشابها تنظف الرحم
وبوقت الدورة اكل تمر و عصيدة ودارسين وحليب حااااار
و التزمت بالماي المقري فيه قبل النوم واول ما اقعد من النوم


و الحمدلله الله رزقني وحتى نفسيتي تعدلت

جربي روحيلها انصحج فيها حيل مو شويه

 

[نفيش بالعسل]

شدعوه كويتيات ارفعوا الموضوع وفيدوني ً ً فديتج اخت خالتهم ما قصرتي يالغاليه

 

[قشطـــة]

الله يعوضج خير إن شاءالله

فحصي عن تجلط الدم ... الدم مايوصل للياهل فمايكمل الحمل غير شهر

 

[قَلبڪْ صًخرْ]

شوفي تجلط الدم
اذا فيج يصرفون لج اسبرين وابر سيوله

واول ماتحملين اقري البقره للولاده
يمكن فيج عين او نفس


الله يرزقج بالحمل القريب ياااارب

 

[none2012]

الرقيه الشرعيه أفضل حل
أقري على طنج الكرسي والمعوذات قبل النوم واول ماتضحين
واستودعي مافي رحمج أول ماتقومين من النوم ؤقبل ماتنأمين
مع تزيت البطن والظهر قبل النوم بزيت مقري وكثرت الاستعفار


الله يثبت حملج ويرزقج ويرزق الجميع
ادعي لي الله يسهل ولادتي

 

[none2012]

بطنج*

تصحين*

 

[مذهــلــه]

الله يعوضج خير يارب

انتي نفس وحده معاي بالدوام وراحت حق دكتور ناهض حماديه بالمواساه هو الوحيد اللي عرف لها تقول الباقيين تضييع فلوس وتجارب عالفاضي

 

[كويتية بروما]

عليج بسوره البقره وراجعي طبيب زين
اب اب اب

 

[M6eria]

الله يعوضج حبيبتي ..

 

[نفيش بالعسل]

خواتي اللي ردوا الله يسهل ولادتكم ويرزقكم باللي تتمنون بس محد جاوبني عن تحليل التورش شنو اهو ومخاطر الاصابه فيه