اختي حامل وتوها والده قيصريه

[فتون777]

السلام عليكم

بنات اختي الله يكون بعونها
حامل للمره الرابعه
وعيالها كلهم ورا بعض جابتهم قيصريه
اول عمليه حملت بعدها ب شهرين وثاني مره حملت بعدها ب سته شور
واخر حمل عانت واحنا عانينا معاها تعبت كثير من الحمل والم العمليه كانت في الشهر الثامن ماتقدر تتحرك
وولدت بالسلامه
الحين بعد ولادتها بسته شهور حملت
والله ماندري شنسوي لها
راحت عند دكتورتها قالتلها الرحم رقيق مانقدر ننزل الطفل راح يكون خطير ووممكن تنفتح العمليه


الحين ابيكم تقولون شلون يعني شنو بيصير معاها
زوجها وداها عند عياده صاحبه دله عليها قاله يعطونها ابره وينزل الطفل
بس اختي تبكي ما تبي تاخذها خايفه تقول ان دكتورتها تقول خطر

 

[q8helwa]

مادري والله بس اللي اعرف حرام تنزل الطفل

وانتي استشيري شيخ
اذا كان في خطر علا حالتها الصحيه

او لا

 

[أأأميرة الورد]

لاياعمري هذا رزق من رب العالمين


ولايصيبكم الا ماكتب لكم


خل تتوكل على الله ولا تجهد نفسها وخل احد يساعدها

او تحط لها خدامه ثانيه وتريح وقت الحمال

الله يسهل عليها وترتاح ان شالله

 

[<<الأميره>>]

لاتنزل الطفل حرام هذا ازهاق روح
يمكن اذا نزلوه الله يعاقبهم ويحرمهم الذريه

خل تحدد ربها على هالنعمه ولاهي اول وحده ولااخر وحده عيالها ورى بعض
واذا ولدت بالسلامه خل تاخذ مانع

 

[خاشعة للرحمن]

أسغفر الله أختي شنوو ينزلونة حراام وترا العلم عند الله مؤ عند الدكاترة وثانياا نعمه من الله تبؤون تنزلونهاا حرام ؤربي واذاا هي تتعب ليش ماتاخذ مانع أي شيء بس ماأتطلع من رحمة الله وتذبح جاأهل حرااام ؤربي
ؤمن متى الدكاترة يكونون صادقين ماعندهم شيء غير بصير جذية وبيصير جذية
في أكثر من دكتور وتروح للحكومة تشوف بس تنزله حراام غيرهاا يتمنى النعمة خل تصلي وتذكر الله وتعوذ من أبيلس وتروح لأكثر من دكتور ولا تروح خااص تروح حكومة أحسن لها
ؤتقبلي كلاامي

 

[قـــمـــرهم]

تنزله !!!

حرام اختي مايصير تنزله !!

بس


اهي اذا ماتبي تحمل !!

ليش ماتاخذ مانع؟!

 

[غلايو]

يعني بكل الحملات الي قبل كانو غلط!

مره مرتين بس ثلاث!


جان ركبت لولب
ولا خذت حبوب
اضعف الايمان واقي


الله يعينها


لاتنزل الياهل حرام مو زين يمكن يكون هالياهل فيه خير اكثر عن الباقي


خل تروح ل استشاريين مو دكاتره عاديين

 

[قمورتي فطوم]

حرام اختي روحي قسم المتاخرين من الحمل وشوفي كيف يتمننون الطفل

وبعدين ما اتعضت من حملاتها اللي قبل ليش ماتاخذ مانع ..!

وياكثر الموانع تهلك نفسها بالحمل وهي كلهم قيصريات المفروض تمنع من ثاني طفل ولمدة طويله


وبعدين تروح لكذا دكتور وتقول له بعضهم الكلام يصفه صف ولايدري قدرة الله فوق كل شئ

وتحط ببالها اذا ولدت تاخذ لها مانع على طووول

الله يسهلها




استغفر الله العظيم واتوب اليه

 

[فتون777]

مشكرين خواتي الي ردو والله يجزاكم خير
والله احنا ناس نخاف الله ومانرضى بالحرام
بس شنسوي مع هالبنت والله اتعبتنا
كم مره قلنالها ياحبوب يا لولب
وتروح تسوي طريقه العد
الله يهديها ان شالله
واهيا الله العالم انها ماتبي تنزله وتقول ماراح انسى طول عمري لو نزلته
بس دكتورتها خوفتها
اهيا بتروح لاكثر من دكتور وتسأل

والله كريم
ياكرهي للاستهتار والاهمال

 

[غلاه الروح]

الله يكون بعونها

 

[ام الحلوااات]

قــيـــصـــريــاات ورى بــعــض ومـــاتــبــي الــحــمـــل
وفــيــه خــطــــوووره عــلــيــهــا
وتــســتـخـــدم الــعــــد كــمــااانـــع مـــن صــجـــهـــا
لا وتـــبــي تــنــزل الـجــنـيـن

لاحــــوووول ولا قــــووووة الا بــاللــــه
​

 

[كويتية بروما]

خلها تتوكل على الله وماكو الا العافيه

عادي ما استشارت الا الدكاتره بالكويت كلهم خواره

لو الرحم رقيق ما تحمل بالاساس

الله يعينها


بس قويه سالفه العد وحده غيرها تاخد مانع وهي مغمضه

 

[love love]

تدرين بكل سطر انصدم من موضوعج


١- انه حملت ٣ مرات واهي ماتبي بنفس الطريقه يعني مفروض من اول مره تنقرص من السالفه وثاني مره خلاص تتعلم وتغير طريقتها

٢- ريلها بينزل الياهل

٣- ربع ريله يعرفون عيادات تنزل الياهل!!!!!!!!!!!!!!!!!!!!!!!!

٤- تدرون انه حرام



ومشكله اختج ماتبي تتعلم وتغير طريقتها خلاص اهي تبي اظاهر وموماخذه الموضوع جد

البنات كفو بالحلول


الله يسهل امورها يارب والله يعينج انتي حبيبتي احسج حيل شايله همها

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[M!SS.LOBY]

لا حول ولا قوة الا بالله

 

[ناتشوو]

السالفة مو احنا نعطيج راينا
تنزله اولا
لازم يكون في دكاترة ثقة
يؤكدون ان الحمل بهالطفل خطر عليها وع صحتها وحياتها
اصلا المستشفيات المعروفة
مايسوون اجهاض الا عقب
فحص ومايتأكدون من وضعها
وبالشرع
حياة الام اولى من حياة الجنين
الله ييسر اموركم

 

[فـراوله]

أول شيء حرام تنزلون البيبي ​

ثاني شيء مستغربه من أختج حييييل حييييييل ليش تبهذل عمرها جذي قيصريات وورا بعض
وما تبي تاخذ الحذر وتستخدم طريقة العد المفروض حبوب ولا لولب هذه ما يبيلها اقتناع هذه
فيها صحتها احنا الحمدالله طبيعي ونخاف ونحاتي ونستخدم حبوووب ​

المهم الكلام ما ينفع ألحين المفروض تشوف رأيي أكثر من دكتور وأهم شيء صحتها اهي وان شاءالله
بعد هالمره تنتبه ولا تنسى وراها عيال ومحتاجينها ​

 

[كويتية بروما]

اختج محسبه الاجهاض سهل
ترا انا مجربه ينزلون ياهل عشان خطوره الحمل على حياتي
ولو مو منزلته جان انفجر الرحم عندي

وشفت الموت حاشني نزييييييييييف حاااااااااااااااااااااااااااااااااااااااااااااااااد
لو مو موقف جان شالو رحمي عشان ما اموت من النزيف
وصار عندي ثقب بالرحم من الاجهاض
وعقب العمليه تقلصات وطلق لمده 48 ساعه متواصله حتى الادويه والمورفين ما اثر فيني من شده الالم
على فكره مسويتها بايطاليا وعند برفسور 32 سنه طبيب امراض نساء

تتوقعين بالكويت شنو بيصير فيها


خل تسلم امرها لله وتنسى الاجهاض
والله ماراح ينساها

 

[нάγoηά cнεмίsтяγ]

مسكينه اختج عورت قلبي حاسه فيها انا لحد الحين قيصرية وحده والام مو طبيعيه والحين حامل بالثاني داشه شهري وخايفه من القيصري الله يلوم اللي يلومها بس حرام تنزل البيبي خلاص دام حملت فيه حرام هذا رزق من الله والله يعطيها الصحهويقومها بالسلامة و بصراحه غلطانه ماتستخدم مانع نفس لولب او حبوب

 

[ام جي جي الحلوه]

لاحول ولا قوة الا بالله
الله يقومها بالسلامه