اختي حامل بالشهر الثاني ( استفسار)

[سميره مملوحه]

قوه حبايبي شلونكم
الله يسلمكم اختي حامل بالشهر الثاني وعسى الله يتمم عليها وعلى كل الحوامل ويرزق الكل بالذريه الصالحه

تبي منكم استفسار عشان اول حمال لها
تقول اهيا بالثاني وللحين تحس بعوار الدوره بس مو قوي لا لا على خفيف يروح ويرد وخااااايفه
تبي تعرف هالشي طبيعي ؟؟؟
طمنوني
انطركم ?

 

[سكوووون]

الف مبروك الحمال والله يثبته لها بصحه وعافيه
طبيعي مغص الدوره بداية الحمل بس مايكون قوي او مع دم

 

[سميره مملوحه]

هلا حبيبتي الله يبارك بعمرج

طمنتينا الله يطمنج مشكوره

 

[سميره مملوحه]

والمشكله يابنات اهيا مدمنه نسكافيه 3 في 1

شلون الحين يصير تشرب القهوه ولا خطر عليها
نبي تجارب بنات


ااااااااااب

 

[سيلينا]

الف مبروك الله يتمم لها على خير

بخصوص المغص طبيعي وممكن يستمر عادي

بخصوص القهوه انا اتكلم عن نفسي سألت الدكتوره قبل وقالت عادي ومايضر الاعتدال لو تشربين كووووب كبير(قهوه مع حليب من ستاربكس مثلا) ماتضر ممكن ضررها على الكمام عقب
ان اشوف فترة الحمل مافي موانع الا الاشياء الحاره القويه على الرحم الدارسين وهالسوالف الامور الثانيه الاعتدال فيها عاادي واكيد حالة عن حالة تفرق
انا احب السهالات بالحمل والاعتدال والحمل فترة حلوووه خليها تحاول تكون صحية اكثر تكثر حليب عشان الكالسيوم والخضرا والفواكهه والله يوفقها يارب

 

[مزيوونه حيل]

ماتشرب اكثر من كوبين باليوم خاصه بداية الحمل والمغص اذا قوي خل تراجع الطبيب عشان تطمن

 

[q8yaaah]

المغص طبيعي لان الرحم يتهيئ لكيس الحمل والبيبي الله يتمم لها على خير

 

[.:lady bug :.]

المغص طبيعي جدا ومايتخاف منه

النسسكافيه ادمنته بواحد من عيالي ومافاد فيني التخدير بالولاده


خل تبتعد عنه اخر الاشهر لانه وايد قوي نصيحه لوجه الله

 

[سلطانة روحه]

طبيعي عوار الدوره باول ثلاث شهور


بس مو مغص حيل

انا في بنتي ما كنت اشرب قهوة وايد قليل حيل

و ما حسيت بالولاده ما شاءالله متبنجه عدل

بس حملي هذا اشتهي القهاوي بأنواعها

الله يستر لا أدمن

بحاول اقطعهم

 

[wardia]

عادي حبيبتي انا قالتلي الطبيبه عشان الرحم قاعد يكبر والله يتمم عليها يارب

 

[e7saso]

الله يتمم عليها وعلي كل حامل يارب

اي عادي انا جذي و كنت حيل متخوفه مع ان هذا حمالي الثاني

اول ثلاث اشهر عادي بعدين يخف سبحانه الله هذا علشان الرحم يتوسع وما في دوره

اطمني

وبالنسبه للقهوه مثل ما قالوا الحبوبات خل تقلل اواخر الاشهر حق التخدير او الكمام

والله يسهل عليها يا رب