اختي جميله جدا بس عصله جدا .. بلييييييييز ارجوا الدخول ..

[وجع قلبه]

قوه بنات .. شلونكم وشخباركم ..

حبيباتي ابي مساعدتكم ..

اختي جميله جدا جدا جدا ..
وكانت طبيعيه ويها اينن .. وكلمن منتبهلها لين صابوها بالعين :blueSmCLR:
الحين بشرتها تعبانه .. وويها ضعيف جدا لدرجة انه شكلها صار موحلو .. :eh_s(11):
وضعفت بشكل موطبيعي .. وزنها 42 .. واهي عمرها 25 سنه .. كل شي صار من سنه قريبا ..
وكل ماشافها احد قال جميله بس عصله .. :080402ask_prv:

حاولت اخليها تاكل .. يبتلها سيريلاك :082502bye_prv: .. وامي كل يوم تشربها حليب بالمكسرات :eshrab: .. وتنوعلها بالاكل
بس ماكو نتيجه ..:eh_s(12):
حتى اهي نفسيتها صايره مو ذاك ..
مو مقتنعه انها ضعيفه لدرجة انها صايره تخرع .. وتقول اللي بياخذني لازم يرضى فيني بعيوبي
والكل يدري انه الحريم مايدورون حق عيالهم وحده عصصصصصصصصصصصصصصله مافيها ملامح انوثه مهما كانت جميله :eh_s(11)::eh_s(11)::eh_s(11):
تكفون ساعدوني بشي سريع ومفيد ومايضر ....


والله يوفق الجميع .. :yaaaaaarb:

 

[Miss McDonald]

رد : اختي جميله جدا بس عصله جدا .. بلييييييييز ارجوا الدخول ..

,

up
up
up


آلله يشآفيهآ !

 

[المهــــــــــره]

هلا حبيبتي...
آنا كنت نفس اختج ضعيفه بس مو وايد وكنت ميته على المتن وميته على الخدود
والله ياحبيبتي جربت كل شي كل اللي يطري عليج حبوب الصينيه و البودره اللي عند الحريم ويكون سعره 30 دينار
وحبوب ملكات النحل مانفعني يمكن شي بسيط بعدين رديت مثل اول
وآنا من النوع الخواااافه حيل ما استخدم اي شي الا مجرب وشوفه على رفيجاتي...
ونصيحتي لج ولكل اللي يبون متن وخدود وبشره مشرعه ونضاره
ونفعني وماضرني
1_ انشور>>>> كله فيتامينات وللبشره حلو ويعطيج نضاره تحصلونه بالجمعبات والصيدله
2_ودبس التمر>>>> ينقز الخدود... تحصلونه بمحل التمور
وتحياتي لج
وتكفون ادعولي بالتوفيق ,,

الله يرحمك يايبه

 

[إيمي1987]

رد : اختي جميله جدا بس عصله جدا .. بلييييييييز ارجوا الدخول ..

الله يشفيها يا رب

Up

Up

 

[زبــــــــدة]

خل تاخذ حبوب سيبروفيتا اهيا الوحيده الي زادت وزني بعد ما كنت فاقده الامل

 

[كيكه توفي]

الله يشفيها ان شاءالله

 

[*وايليه*]

رد : اختي جميله جدا بس عصله جدا .. بلييييييييز ارجوا الدخول ..

وانا بعد نفس وزنها وبروح عند دكتور طالب الشمرري اسالي عنه يمكن يفيدج

 

[وجع قلبه]

رد : اختي جميله جدا بس عصله جدا .. بلييييييييز ارجوا الدخول ..

حبيباتي مشكورين وماقصرتووو وانشالله بميزان حسناتكم .. ودعواتكم لها .. والله يشافيها ويشافي جميع من انصاب بالعين

 

[وجع قلبه]

رد : اختي جميله جدا بس عصله جدا .. بلييييييييز ارجوا الدخول ..

والله وانا اقرى الردود ضاق خلقي ..
تخيلوا انه اول كنت اغار من جمالها .. وكل ماتروح معاي مكان الكل يكشت فيني ويسأل عنها ..
الله يشافيها

 

[واثقة بجمالها]

الله يشافيهاا ياارب

 

[محرومة من الحب]

رد : اختي جميله جدا بس عصله جدا .. بلييييييييز ارجوا الدخول ..

نفس حالتي بالضبط بالضبط

في حليب زاد وزني حيل بس ما استمريت عليه لان ثقيل

اتوقع اسمه انشور مثل الي قالت الاخت الي قبلي

لان وصف لي اياه الدكتور بس ثقيل حيل ما تحملته

الله يعينها ويبعد عنهااااااااااا العيييييييييين وعناااا مثلي بالضبط

 

[princess shosho]

رد : اختي جميله جدا بس عصله جدا .. بلييييييييز ارجوا الدخول ..

خل تقرا ايااات الرقيه كل يوم
المعوذات
وان شااء الله تتحسن

 

[وجع قلبه]

رد : اختي جميله جدا بس عصله جدا .. بلييييييييز ارجوا الدخول ..

اهي المشكله صايره غثييييييييييييييييييييييثه ..
وبسرعة تعصب .. وتقول يتهيألكم انا مو ضعفانه ...
موراضيه تسمع احد .. احاول اقنعها بكل الطرق بس عمك اصمخ ..

 

[الليدي...عمشه]

رد : اختي جميله جدا بس عصله جدا .. بلييييييييز ارجوا الدخول ..

سولها فحوصات 42 كيلو مومياء تمشي
اغصبوها وودوها لدكتور


ذاك اليوم برنامج التفاح الاخضر تكلم عن هالموضوع الي فجاه ينزل وزنهم نسيت اسم المرض

بس حله دكتور تغذيه شاطر يرتب لها اكلها وهرموناتها

 

[فجر_الكويت]

رد : اختي جميله جدا بس عصله جدا .. بلييييييييز ارجوا الدخول ..

ان شاء الله البنات ما يقصرون وياج يارب

 

[قطريه كول 143]

وجع قلبه هلا عمري

عليكم بالميلي فيتامين والله بيفيدها وااااايد

والحديد اقرب صيدليه

راح تمتن وربي انا مجربه

 

[عيون المهآإ]

أنآ كنت مثلهآإ والله للحين أعآآآني نحآفه وعين ولآتسألييييين:eh_s(11):
نصيحتي تروح المستشفى تسوي فحوصآآآت كآمله أنآ أقول إحتمآل فقر دم مليون بالمئه أنآ عندي:eh_s(16):
أو كسل بنشاط الغدة الدرقيه اقري عنه وخليهآ كمآن تحلل:eh_s(10):
ولآزززززم ترقي نفسهآ يوميآآ وتشرب موية زمزم بنية الشفآء:eh_s(17):
ولآتنسى الإستغفآر:eh_s(17):
وأيضآ تستمرعلى هالطريقه وبإذن الله ربي يكتب لهآ الشفآء:eh_s(17):
من تشرب مويه بالكآس أو بعلبة المويه تقرأ سورة الفآتحه سبع مرآت وبعد كل مرآ تنفث وتشربهآ ثلآث دفعآت مثل مآوصى النبي:eh_s(17):
هالطريقه عند الشروق وقبل الغروب وقبل النوم:eh_s(17):
والله يشفيهآ ويعآفيهآ:yaaaaaarb:
​

 

[hayoOona alntfa]

الله يشفيهاااا

<< أنا نفسسس المشكله ​

 

[نـعـومـه]

رد: رد : اختي جميله جدا بس عصله جدا .. بلييييييييز ارجوا الدخول ..

اهي المشكله صايره غثييييييييييييييييييييييثه ..
وبسرعة تعصب .. وتقول يتهيألكم انا مو ضعفانه ...
موراضيه تسمع احد .. احاول اقنعها بكل الطرق بس عمك اصمخ ..

لا حبيبتي اختج تدري بس تكابر

حرام لاتضغطون عليهت بس عطوها شغلات واهيه تاكل

 

[عاشقة الدوحة]

بنات انا نفس الشي وزني 45 وساعات ينزل لين 42 اذا كلش نفسيتي سيئة
شكلي بجرب حليب انشور ... ممكن تقولون لي اذا في له طريقة معينة؟
قبل الاكل ولا بعده ؟ ماي بارد ولا حار؟ بليز ردوا علي قبل ما افتح موضوع جديد خخخخخخ