اختي تقول الزوجه لازم تقعد في بيتها ..دخلوا ناقشوني

[‏ღLave♥nderღ]

السلام عليكم

اول شي ارسل رسالة لاختي انا ماحطيت هالموضوع الا عشان نسمع اراء البنات الثانيين بخصوص المتزوجة وعلاقاتها ابيتها والمجتمع المحيط فيها

اختي لها نضرة ان لو تقعد ابيتها شهر بس تروح الدوام وترد وتهتم بريلها وعيالها كافي ولو حاصلها ماتطلع منه ..!

وكله تقولي الله عز وجل قال وقرن في بيوتكن..!

اهيا ماشالله عليها لها حضورها وبكل العزايم متواجده وكشيخه بس قناعاتها من داخل ان البيت اولى ومو مهم مثل التواصل الاجتماعي

اهم شي العزايم الكبيرة

وعندنا اختلاف كبير في كيفية التعامل مع الناس الجاهلة ناقصين العقل والناس الخبيثه اللي يقطون الحجي ومايهمهم

انا اطنشهم ولاجني اشوفهم وماحب اتعامل معاهم وان حصل فاجاملهم بطريقة رسميه جدا جدا

اهيا تقول الواحد لازم يصير ذكي ويعرف يلف ويدور وانه مايقطع العلاقة بس يحلي لسانه ويعاملهم عادي ويتغاضى عن القطات المو مباشرة اما المباشرة فتوريهم شغلهم :dddds: او انها ترد واتجعمهم بطريقه ذربة احيانا وان وصلوا للوقاحه عاد تعطيهم طاف

انا مايدور عندي هالحجي على طول كت :dddds:

انتوا شرايكم بهالكلام

مأيدينها والا مايديني :eh_s(8):

وهل لازم نعامل الناس ونصبر على اذاهم ونتواصل معاهم والا نركز على بيتنا ويقتصر حضورنا على العزايم الكبيرة شوي والمناسبات


ابي اراءكم وياليت لو مدعمة من السنة النبوية

 

[tolay]

اختج تقول المتزوجه كله بيتها يمكن لانها مرتاحه بيتها !!

في حريم يبون الفكه

انا وجهه نظري حلو المرا قاعده بيتتها ومهتمه بزوجها وقعدتها بالبيت اكثر من طلعاتها برا

بس لازم تزور اهلها واقربائها موحلو حياتها حق زوجها وبس

جذي موزين لها بعد

واذا عن الناس مرات نحتاج انطنش مرات نحتاج انوقف هالناس عن حدهم ..... يعني يعتمد على الموقف المعين

 

[‏ღLave♥nderღ]

تولاي ردج موجز مافيه تفصيل ياليت لو فصلتي فيه عشان يحقق الفايده لان ماشالله باين ان لج نضرة حلوة كنت اتمنى لو توضحينها اكثر

تشرفت بمرورج

 

[غلاتي ♥ الكويت]

هذي المرة السنعة

 

[قطوه ورديه]

اممممممممممم والله كل واحد يسوي اللي يريحه

بس انا عن نفسي راح امل ونفسيتي تتعب واصير حزينه
لاني راح احس اني قاعده بسجن

 

[درة أهل الطولات]

هذا السنعععععععععععععععععععععععععععععععععععععععععععععععععععععععععععع وياليت لو زوجي يصرف علي ما اداوم

 

[PinkY Dreams]

اوكي اقعد في البيت مومشكله يوم يومين شهر بس أمل بعدين و أشتاق للدوام

قعدة البيت حلوه واحلى شي اهتم بزوجي وبعيالي بس بعدين تملييييين تحسين قاعده بسجن وتحنين على الدوام و الدراسه

 

[manhattan girl]

شوفي حبيبتي انا ما أأيد اختج بالعكس المرا لازم هم تكافح عشان البيت و اليهال و تشتغل و تحط ايدها بأيد زوجها الا اذا اهي من الحريم اللي ما يحبون الشغل و الروتين او انها على قولة زميلتي مرتاحه ببيتها و زوجها مو معترض على هالشي بس انا الصراحه احب المره اللي تكافح بالبيت و برا البيت و يااااااكثرهم الحريم اللي ينظمون وقتهم بالدوام و بالبيت و الحمدلله مرتاحين و بالعكس تكبر في عين زوجها لمن يشوفها راجعه من الدوام تعبانه 8 و لا سبع ساعات سغل و كراف كل يوم و فوق هذا ترجع البيت و قايمه فيه و بعياله تقبلي رايي حبيبتي و مشكورة عالموضوع

 

[بنت زايد الخير]

موضوعج حلو اختي ....انا الحمدللة مااشتغل ولا افكر اشتغل تعرفون ليش لان الوحدة يوم تتزوج بروحة ادارة بيتها وعيالها شغل مو سهل وثاني شي .. انا ليش متزوجة عشان اصرف على عمري بالعكس خلي الريال هو اللي يصرف عشان مايفكر في يوم من الايام يفتح بيت ثاني خلية يكد وينشغل ... ابصراحة الواحد اللي يسمعة عن الدوامات والمشاكل والغيرة اللي تستوي يقول الحمدللة الرياييل هم نفسهم مب قادرين على هالسوالاف فمابالكم بالحرمة ..بس الشغل مب عيب لان في ناس محتاجينة ...واخر شي حرية شخصية لكل وحدة

 

[~*~الملكة~*~]

اختج كلامها عدل وانتي كلامج عدل

ويعتمد كل واحد وقناعته

بس كلاااامج اختج منطقي اكثر لان دينا يحرص على هالشي

بحكم اني مو متزوجه حاليا اكيد ابي الشغل شسووي قاعده بالبيت

بطق جبدي وبمل

لكن لما اتزوج بيكون لي حياة مختلفة بتكون حياة الزوجية لها الاولوية في كل شي

واذا ريلي الله مقدره بقعد بالبيت اهتم فيه واهتم بعيالي بيكون لي شي اسوويه اهتم فيه

اما بالنسبة للشق الثاني من موضوعج انا مومضطره استحمل اذى الناس فارد عليها

اذا صج صج الموقف مستاهل اني ارد لكن الافضل اذا كان الشخص الي جدامج كثير الجدل انج تتجنبيه

مو خوفا منه لكن الحجي بيكون معاه ضايع

 

[katko0ota]

صباح الخير حبيبتي

كلام اختج عدل و في نفس الوقت هالشغله تعتمد على وايد اشياء منها الراحه النفسيه و الأستقرار يعني اذا هالشغلتين متوفرين في البيت ليش تطلع المرا من البيت تجابل ريلها و عيالها الزم

اما من ناحيه الشغل انا هم اايدها من وجهه نظري الشخصيه مسئوليه البيت و مراعاه الزوج و اليهال اهم من الشغل !! في نفس الوقت ما تنسا روحها و تحاول انها تلهي روحها بهوايه من هواياتها طبعا انا كلامي بالنسبه للمراه الي ريلها امكانياته تسمح انه يصرف عليها بالراهي

و في النهايه تبقى وجهه نظر

 

[أم حيدر]

أكلمج كلام وحده صارلها تشتغل 12 سنة

مكان المره بيتها

ما يعرف احتياجات اليهال الا امهم حتى لو كانت الخدامة فا اوبشن - مايحس باليهال الا امهم

والله ثم والله قبل مدة رجعت من الدوام بنتي الصغيرة عمرها 9 شهور الحين شلتها قاعده تلعب وعادي قلت حق ابوها بتولي مو مضبوطه - ما صار الليل الا صخنت

ما اطول عليج اذا الريال كان مقتدر ومرتاح ماديا ودخله الشهري عالي - الاحسن للمره تجابل بيتها - مع العلم اني جامعية وشاطره بشغلي

بالاضافه حق هالشي - البيت والزوج والاطفال اهم اول الاولويات واهمها - اختج صح توجب الناس بفرحهم وبحزنهم بس مو كل ما كح أحد ولا عطس رحت
الاهل القراب احرص على صلة رحمي معاهم وباقي وقتي 100% حق زوجي و عيالي مثل ما امي كان وقتها لنا

وان شاء الله اول ماربي يفتحها علينا راح اقعد بالبيت بدون ادنى تفكير

 

[اموله111]

موضوعج حلو اختي ....انا الحمدللة مااشتغل ولا افكر اشتغل تعرفون ليش لان الوحدة يوم تتزوج بروحة ادارة بيتها وعيالها شغل مو سهل وثاني شي .. انا ليش متزوجة عشان اصرف على عمري بالعكس خلي الريال هو اللي يصرف عشان مايفكر في يوم من الايام يفتح بيت ثاني خلية يكد وينشغل ... ابصراحة الواحد اللي يسمعة عن الدوامات والمشاكل والغيرة اللي تستوي يقول الحمدللة الرياييل هم نفسهم مب قادرين على هالسوالاف فمابالكم بالحرمة ..بس الشغل مب عيب لان في ناس محتاجينة ...واخر شي حرية شخصية لكل وحدة

:ggdw::ggdw::ggdw:

 

[عمشه جآكسون~]

بسم الله الرحمن الرحيم


اول شي اختج ماشاءالله سنعه مسنعه سلمي لي عليها


انا مع ان المرأه تقعد في البيت ولا تداوم لان التربيه ومجابل البيت وتداري زوجها واذا رد من الدوام يلقاها ناطرته ومجهزه هاللقمه السنعه هذا احسن من الشغل بالف مره وهو يشتغل واذا رد يلقى زوجه مهتمه بالبيت وتنطره وتبوسه على راسه وتقول له ياعلك ذخر ياعسى عمرك طويل احسن من انه يرد وهي توها راده من الدوام دايخه وتعبانه يادوب ترد تحط راسها وتنام مايمديها تشوفه او تقعد معاه او توكله او تسولف معاه



واذا تبين مدعم باحاديث مثل ماقلتي صراحه ماعندي بس انا بربط افكاري ببعض واقول

الرسول عليه الصلاة والسلام قال لو امرت الزوجه لستجد لغير ربها لسجدت لزوجها يعني الشغل مو اهم من الزوج والبيت والزوج فيه الخير والبركه ...


انا مع اختج صراحه وشكراا ع الموضووع :hjy5jewf:



||​

 

[توته وااااااااو]

انا ضد رأي اختج مع احترامي لها المرأه لازم تكافح علشان تضمن نفسها بهالدنيا الدنيا تخوف

 

[pretty sarona]

انا مع اختج الصراحه ,, الوحده لين صارت مرتاحه في بيتها ما تتمنى الطلعه ,, انا تييني اوقات كله قاعده بالبيت حدي الدوام ,, المواجيب وايده و لو تبين كل يوم تحصلين لج استقبال ولا عرس ولا يمعه بس مو معناته ان كلهم مهميين عندي ,, في اشخاص قريبه و عزيزة و تستاهل ان اوجبها اما العزايم اللي بس زيادة عدد فما منها فايده بس اهم شي عند المره اهلها لا تقطع زوارة بيت ابوها و خواتها