اختي المريضه وبيتنا الكئيب واخواني البطالية والنفسيه تعبانه ؟؟

[متى اشوف الفرح؟]

السلام عليكم ورحمة الله وبركاتة

يا بنات والله اني اكتب لكم وقلبي يعورني وضايقه الدنيا فيني وصلت لليأس والله العظيم خلاص

لولا الخوف من ربي والله انتحرت وارتحت من الدنيا لان ما اظن فيه امل بأي شي خلاص

انا عندي اخت مريضه اكبر مني عمرها 27 سنه

فيها صرع وتشنجات ..

من عمرها 9 سنوات وهي صار فيها صرع وودوها اهلي الدكاترة واستمرت على العلاج
لكن ما كتب الله لها الشفاء .. وكان مرضها كل شهرين او ثلاث تجيها نوبات الصرع ومرات يطول الى 5 شهور تقريبا وتجيها نوبات الصرع

ودرست وخلصت ثانوية لكن بعد الثانوية تطورت حالتها وصارت التشنجات تجيها من صدرها

وتفز من النوم .. عمركم شفتوا تشنجات تجي من الصدر ؟ مكان القلب ؟

راح ابوي وداها للدكتور والدكتور قال ما فيه شي اسمه تشنجات من القلب ؟؟!!
احترنا بحالتها وصار البيت كله مهموم .. امي صارت تنام عندها يوميا علشان تخاف انها تطيح وتتعب

راجعنا شيخ يقرأ ورحنا اكثر من شيخ يقرأ وصارت القراءة يوميه .. وحالتها صارت تزيد وتزيد
لدرجة انها صارت تتشنج يوميا ..

حياتنا صارت كلها لاختي انا انام في النهار وامي تقعد يم اختي وامي تنام في الليل وانا اقعد يم اختي .. واذا امي بقت تطلع مكان .. اختي تقول لها يمى لا تروحين

تزوجت اختي .. وصار الهم همين .. كان عندنا امل تتشافى بعد زواجها .. لكن للاسف زادت حالتها وجابت اختي ولد .. ما تعرف تربيه
الحين اختي زوجها جابها عندنا مسكين مو عارف شنو يسوي .. لانها يوميا تتشنج وتتعب ومرات تطيح وتتعب بروحها بغرفتها ومحد يدري عنها .. ما عرف شنو يسوي غير انه يجيبها عندنا

الحين هي عندنا بالفراش تتشنج وترجع تناج .. تتشنج وترجع تنام :eh_s(2): والله حياتنا صارت هموم

ما نعرف ليلنا من نهارنا .. وما نشبع نوم ابد لاننا نداريها .. انا بين دراستي وهموم البيت

واخواني بطالين ما يبون يشتغلون وابوي كل يوم مسوي مشكله في البيت بسبة اخواني البطالية

اما مشاكل ابوي والا اختي التعبانه وامي اللي فيها سكر وتفكر ليل ونهار باختي
صرنا ما نطلع ولا نجي ولا نروح انقطعنا عن الناس وحياتنا هم ومشاكل ومرض وتعب وقلة نوم

مو عارفين شنو نسوي يأست من حياتي كلها والله العظيم كرهت نفسي وكرهت كل شي

لدرجة قلت لامي يمى لازم نلقى حل ونجيب خدامه تداري اختي ..
اختي سمعت بهالكلام على بالها اكرهها وانها عالة علينا .. والله ما اقصد شي بس حياتنا صارت
كلها لاختي .. امي اهملت كل شي حولها علشان تعب اختي وابوي مسوي مشاكل والميزانية شوي ضعيفه واخواني قاعدين لا شغلة ولا مشغله

والدكاترة احتاروا بحالتها والشيوخ اللي يقرون مو عارفين علاج لها غير القران ونعم بالله
مع ان اختي يوميا تقرا سورة البقرة والاذكار واخوي مرات يقرا عليها وزوجها يقرا عليها
ومع هذا ما لقينا حل


تعبت تعبت تعبت واختي تعبت وامي تعبت وتحاتيها تقول انا اليوم موجوده عندها بس باجر محد بيوقف عليها
زوجها راح يمل ويتزوج واخوانها بيتزوجون وهي من لها ؟؟

يا بنات شنو اسوي قولوا لي

 

[أم توتو]

عسى الله يكون بعونكم ماني عارفه شقولج بس حبيت ادخل بدعوه لاختج عسى ربي يشفيها شفاء لا يغادر سقما ويخلي لها امج وابوج ويطول بعمرهم ويجعلهم قرة عين لا تنقطع ويرفع عنها يارب

 

[عالمي انا غير]

اول شئ حبييبتي صلي ع النبي

وهذا كله ابتلاء لكم وبخصوص اختج اقروا عليها الرقية الشرعية ومو عيب لو قادرين تحطون لها خدامه بس دوركم لازم يكون موجود يعني لاتهملونها خلكم معاها حتى لو مو ع طوووووووووول فهموها هشئ انكم تحبونها وكل شئ بس وقولولها الحياة مستمره قوليلها اختي ترضين عشانج نزعل كل الوقت اساسا هذي مو بيئة صحية شلون تدارونها وتعطونها امل اذا انتم اصلا ماتجددون نشاطكم انا مااقولج اطلعوا شوفوا الناس دايما لا مرتين بالاسبوع سو زوارات اطلعوا شمو هوى

وانتي حياتي لا تهملين دراستج ولا تزعلين

وبخروا البيت وجيبوا شيخ يقرا عليها وهم لا تهملون علاجها

وكذلك لاتنسين تستغفرين كثير والثلث الاخير من الليل صليلج ركعتين وادعي فيهم وربي يشافي اختج لكم ويفرج همكم وضيقكم وبخصوص اخوانج مو عذر خلهم يدورون وظايف وربي يفرجها عليكم

 

[متى اشوف الفرح؟]

عسى الله يكون بعونكم ماني عارفه شقولج بس حبيت ادخل بدعوه لاختج عسى ربي يشفيها شفاء لا يغادر سقما ويخلي لها امج وابوج ويطول بعمرهم ويجعلهم قرة عين لا تنقطع ويرفع عنها يارب

امين يا رب العالمين .. شاكره لج ام توتو من كل قلبي على دعواتج الطيبه ويا رب يستجيب دعاءج يا كريم ويفرجها على كل مسلم

 

[مس تسذآ]

ما خاب من استعان بالله ,,

يا قلبي استعيني بالله و ادعي كل يوم و بكل صلاه انه يشافي اختج ,

استغفري دائما ,

و الله مادري شقولج احترت صراحه شكتب .

الله يصبركم و يعيينكم و يوظف اخوانج و يسعد امج و يشافي اختج

و يوفقج دنيا و اخره يارب .

 

[عسل سل]

اهم شي بمشكلتج انكم ماتربطوون المشااكل ببعضهااا ودام انه اختج قبل ماكانت تجيها حالات الصرع باستمراار يووم قامت تقرى سورة البقره قامت تجيها باستمراار معناااته فيه شي !! حبيبتي لو ان مفعول سورة البقره مانفع جان ماجاتها حالت الصرع خليها تستمر بعد صح كل مالها وتزيييد بس احسن مع الوقت رااح يخف ليين يتلااشى هالمرض انشاالله يمكن فيها بس ان تزيد عليها الحاله مو معناااته ماتستمر بالقرايه لا بالعكس المفرووض تتشجع لان مع الوقت رااح يتغير هالشي وانتي وامج مو لاازم تجيبوون لها خداااامه حراااام والله حرااااام تحسسونها انها فيها شي غريب لااتحسسونها بهالشي ((نفس لما الواحد يقوول للمجنوون انت مجنوون رااح ينجن وهو مافيه شي ))<مثاال ..يعني يصدق انه مجنون وانه فيه شي
فعشاان جذي حسسوهااا انها انساانه طبييعيه حيييل وان فيها مرض جدااا عاااادي...والاهم لاا تشوووفكم انتو حزينيين علييها حاولو ماتبينوون هالشي جدااامهااا <<والله هالنقطه ظرووريه حيييييل على نفسيتها وحتى نفسيتكم وانتو بعد عاملووها على بو انها طبيعيه...طلعووها طلعو وياااهاااا ونسوووها خلي زووجها يطلعهاااا يعااملها بهدووء <<ظروووري ك حل مؤقت لين الله يشفيها انشاالله ادعيلها برمضان بقيام الليل واي تعليق دزيلي على الخااص وبشرينا عنها

 

[متى اشوف الفرح؟]

اول شئ حبييبتي صلي ع النبي

وهذا كله ابتلاء لكم وبخصوص اختج اقروا عليها الرقية الشرعية ومو عيب لو قادرين تحطون لها خدامه بس دوركم لازم يكون موجود يعني لاتهملونها خلكم معاها حتى لو مو ع طوووووووووول فهموها هشئ انكم تحبونها وكل شئ بس وقولولها الحياة مستمره قوليلها اختي ترضين عشانج نزعل كل الوقت اساسا هذي مو بيئة صحية شلون تدارونها وتعطونها امل اذا انتم اصلا ماتجددون نشاطكم انا مااقولج اطلعوا شوفوا الناس دايما لا مرتين بالاسبوع سو زوارات اطلعوا شمو هوى

وانتي حياتي لا تهملين دراستج ولا تزعلين

وبخروا البيت وجيبوا شيخ يقرا عليها وهم لا تهملون علاجها

وكذلك لاتنسين تستغفرين كثير والثلث الاخير من الليل صليلج ركعتين وادعي فيهم وربي يشافي اختج لكم ويفرج همكم وضيقكم وبخصوص اخوانج مو عذر خلهم يدورون وظايف وربي يفرجها عليكم

اللهم صلي وسلم عليه ..ونعم بالله

احس فقدت صبري استغفر الله واتوب اليه وربي ما اعرف اصبر صرت ابد وما اتحمل

وفعلا والله العظيم ان بيئتنا ابدا مو صحيه مخنوقين بهالبيت .. وربي اني مرات اقول لامي
خلااص مو شرط نطلع ونغير جو هالروتين والتعب مدام اختي تعبانه ليش ما نعزم جيرانا مثلا
نغير اجواء البيت ..
اختي تقول لا تعزمون احد ؟؟!! وامي علشان تخاف عليها تقول ايه خلاص ما نعزم احد
ولما اشوف امي بروحي تقول تعبت منها والله مو عارفه شنو اسوي

اقول لامي يا يمى ما فيها شي اذا كلمتيها وصارحتيها ولازم تفهم هالشي انها ما تقيد غيرها
لازم تفكر بمرضها .. يمكن لا قدر الله مرضها يستمر معاها لاخر يوم بعمرها شنو بتسوي مثلا ؟
تقعدين انتي معاها والا شلون
المشكله يالغاليه ان امي عودت اختي على هالشي لدرجة وصل الشي للانانيه .. وصارت اختي تبي امي لها وبس ما تخليها لا تروح ولا تجي وتبيها تنام عندها ولما اقولها انا اقعد عندج تقول لا خلي امي عندي .. الحين صارت تبي الكل يقعد عندها

تبي احد يدرايها ولما نقول لها انتي تبين احد يداريج تقعد تعصب وتقول انا عالة عليكم ومدري شنو ؟ علشان تكسر خاطر امي وامي تقعد عندها وما تجيب لها خدامه تساعدهاوتقعد عندها

اقول لها يا اختي انا لما اقول جذي ترى حتى البنات اللي بعافيتهم عندهم خدامات ما فيها شي
وربي حتى انا الحين ما اروح ولا اجي اي مكان

كبرت وصار عمري 23 ومحد يعرفني ولا يدرون الناس اني بهالعايله محد يتقدم لي ولا شي
لان محد يعرفني لا اطلع ولا اجي .. حتى ابي اسوي جدول الحين لرمضان ارتب فيه وقتي للاستغفار والصلاة وقراءة القران ما اقدر اسوي شي

اما بالمطبخ اساعد امي واغسل الماعين والا اقعد يم اختي

الله المستعان

 

[عالمي انا غير]

اللهم صلي وسلم عليه ..ونعم بالله

احس فقدت صبري استغفر الله واتوب اليه وربي ما اعرف اصبر صرت ابد وما اتحمل

وفعلا والله العظيم ان بيئتنا ابدا مو صحيه مخنوقين بهالبيت .. وربي اني مرات اقول لامي
خلااص مو شرط نطلع ونغير جو هالروتين والتعب مدام اختي تعبانه ليش ما نعزم جيرانا مثلا
نغير اجواء البيت ..
اختي تقول لا تعزمون احد ؟؟!! وامي علشان تخاف عليها تقول ايه خلاص ما نعزم احد
ولما اشوف امي بروحي تقول تعبت منها والله مو عارفه شنو اسوي

اقول لامي يا يمى ما فيها شي اذا كلمتيها وصارحتيها ولازم تفهم هالشي انها ما تقيد غيرها
لازم تفكر بمرضها .. يمكن لا قدر الله مرضها يستمر معاها لاخر يوم بعمرها شنو بتسوي مثلا ؟
تقعدين انتي معاها والا شلون
المشكله يالغاليه ان امي عودت اختي على هالشي لدرجة وصل الشي للانانيه .. وصارت اختي تبي امي لها وبس ما تخليها لا تروح ولا تجي وتبيها تنام عندها ولما اقولها انا اقعد عندج تقول لا خلي امي عندي .. الحين صارت تبي الكل يقعد عندها

تبي احد يدرايها ولما نقول لها انتي تبين احد يداريج تقعد تعصب وتقول انا عالة عليكم ومدري شنو ؟ علشان تكسر خاطر امي وامي تقعد عندها وما تجيب لها خدامه تساعدهاوتقعد عندها

اقول لها يا اختي انا لما اقول جذي ترى حتى البنات اللي بعافيتهم عندهم خدامات ما فيها شي
وربي حتى انا الحين ما اروح ولا اجي اي مكان

كبرت وصار عمري 23 ومحد يعرفني ولا يدرون الناس اني بهالعايله محد يتقدم لي ولا شي
لان محد يعرفني لا اطلع ولا اجي .. حتى ابي اسوي جدول الحين لرمضان ارتب فيه وقتي للاستغفار والصلاة وقراءة القران ما اقدر اسوي شي

اما بالمطبخ اساعد امي واغسل الماعين والا اقعد يم اختي

الله المستعان

ياحبييبتي والله حاسه فيج واختج بعد تعبانه مالها خلق احد انت داريها ضحكيها قوليلها بطريقة حلوةطريقة لطيقفة صدقيني بتلين هي بس تعبانه وتتصرف هشكل وخايفة من الوحده عيشوا حياتكم وامج بعد لازم تفهمها وظلوا داروها هي بأمس الحاجة لكم ولا تعبين نفسيتج ولا شئ تذكري هذا بلاء وانتي قده تصبري وربج مانساج ادعي تقربي من ربج جددوا نشاطكم اطلعوا شوي واذا هي تقدر تطلع هم طلعوها معاكم وظلوا دايما قريبين من ربكم وربي يفرجها عليكم

 

[متى اشوف الفرح؟]

ما خاب من استعان بالله ,,

يا قلبي استعيني بالله و ادعي كل يوم و بكل صلاه انه يشافي اختج ,

استغفري دائما ,

و الله مادري شقولج احترت صراحه شكتب .

الله يصبركم و يعيينكم و يوظف اخوانج و يسعد امج و يشافي اختج

و يوفقج دنيا و اخره يارب .

يا رب يا رب يفرجها
بهالشهر الفضيل ادعوا لنا تكقون وربي ودي نعيش مرتاحين مثل هالبشر
احس كل شي غير صار عندنا

 

[alhnan]

الله يشافيها
جيبوا لها خدامه تداريها هذا الحل

وانتي شتسوين يا قلبي اقعدي معاها شوي واحرصي على ولدها شوي
بس لا تظلمين نفسج و تقصرين على روحج اوزني الامووور
اذا تدرسين اهمتي بدراستج

والله يوفقج و يشافيها

 

[متى اشوف الفرح؟]

اهم شي بمشكلتج انكم ماتربطوون المشااكل ببعضهااا ودام انه اختج قبل ماكانت تجيها حالات الصرع باستمراار يووم قامت تقرى سورة البقره قامت تجيها باستمراار معناااته فيه شي !! حبيبتي لو ان مفعول سورة البقره مانفع جان ماجاتها حالت الصرع خليها تستمر بعد صح كل مالها وتزيييد بس احسن مع الوقت رااح يخف ليين يتلااشى هالمرض انشاالله يمكن فيها بس ان تزيد عليها الحاله مو معناااته ماتستمر بالقرايه لا بالعكس المفرووض تتشجع لان مع الوقت رااح يتغير هالشي وانتي وامج مو لاازم تجيبوون لها خداااامه حراااام والله حرااااام تحسسونها انها فيها شي غريب لااتحسسونها بهالشي ((نفس لما الواحد يقوول للمجنوون انت مجنوون رااح ينجن وهو مافيه شي ))<مثاال ..يعني يصدق انه مجنون وانه فيه شي
فعشاان جذي حسسوهااا انها انساانه طبييعيه حيييل وان فيها مرض جدااا عاااادي...والاهم لاا تشوووفكم انتو حزينيين علييها حاولو ماتبينوون هالشي جدااامهااا <<والله هالنقطه ظرووريه حيييييل على نفسيتها وحتى نفسيتكم وانتو بعد عاملووها على بو انها طبيعيه...طلعووها طلعو وياااهاااا ونسوووها خلي زووجها يطلعهاااا يعااملها بهدووء <<ظروووري ك حل مؤقت لين الله يشفيها انشاالله ادعيلها برمضان بقيام الليل واي تعليق دزيلي على الخااص وبشرينا عنها

انتي فاهمتني عدل والله صح وهي قاعده تستمر بالقراءة سورة البقرة ومرات لما تبي تجي تقرا سورة البقرة يصير مشكله بالبيت تعوف نفسها وتعوف قراءة القران استغفر الله

المشكله هي نفسها تبينا نحسسها انها طبيعيه وهي نفسها مو حاسه انها طبيعيه !!
مدري شلون افهمج .. اجواء البيت كئيبه حتى الخدامه ما وصلت ليما الحين

طلبنا اول مره خدامه ونطرنا شهرين وقالوا مريضه وطلبنا غيرها نطرنا شهرين وقالوا مريضه الله يصلحهم من مكتب والحين طلبنا ثالث مره وصار لها 3 شهور ما وصلت ؟؟؟؟؟؟؟؟

وربي ان كل ما نطقها عوجا ..
الحين فكرت بشي جديد ابي اغير شي بالبيت مجمعه مكافأتي حقت الجامعه ابي افرح امي واشتري لها اثاث للبيت ابي اغير جو البيت مدام لا تقدر تطلع ولا تجي

المصيبه كل ما ابي اروح مع واحد من اخواني اشتري من السوق اما اختي تطيح والا تصير مشكله في البيت ؟! ونأجر الروحه وربي 3 شهور الحين ما شريت شي

وامي نفس الحالة اذا بغت فكرت مجرد تفكير تطلع برا البيت صار شي والا اختي تعبت !! وما تروح

حياتنا صارت يأس وتعب وهموم وتقيد

 

[متى اشوف الفرح؟]

الله يشافيها
جيبوا لها خدامه تداريها هذا الحل

وانتي شتسوين يا قلبي اقعدي معاها شوي واحرصي على ولدها شوي
بس لا تظلمين نفسج و تقصرين على روحج اوزني الامووور
اذا تدرسين اهمتي بدراستج

والله يوفقج و يشافيها

امين يا رب

والله قاعده اسوي اكثر من طاقتي وامي بعد معاي جسمنا تعب وعقلنا تعب من التفكير
امي صارت بين مرض اختي وبين اخواني البطالية ومشاكلهم مع ابوي
وبين امها اللي ما تعذر احد .. حتى يدتي تبي امي تجيها
بعد مدري من وين طلعت لنا يدتي الله يهديها ما تعذر احد

الله يفرجها يا كرييييييييييييم يا كريم افرجها

 

[متى اشوف الفرح؟]

يا بنات ادعوا لاختي تتشافى وربي ان العافيه ما فيه احسن منها
اختي اذا مر يوم بعافيتها والله العظيم اي احد يقعد معاها يستانس ويضحك

اتمنى تصير زينه على طول وتعيش حياتها وربي انها فرحة كبيرة لامي بتكون

الله يخليكم ادعوا لها تكفون خصصوا لها دعاء برمضان وتذكروا ان العبد اذا دعا لاخيه في ظهر الغيب قالت الملائكة ولك بمثل

الله يسعدكم ويوفقكم ويشفي مرضانا ومرضى المسلمين ..

ولي طلب اخير منكم اللي يعرف دكتور ممتاز للاعصاب والصرع يدلنا عليه

اختي الحين تعالج بابن سينا وبنفس الوقت تراجع عيادة سهيل الشمري لكن دكتور سهيل عطاها علاج لكن ما فادها شي

ابي اي دكتور زين بكويت

 

[زهره البنفس]

الله يشفيها ياااارب
وحاولي انتي تغيرين جو البيت لاتنطرين يتتغير الجو من نفسه

 

[طموحهـ]

متى اشوف الفـرح ..~ < ان شاء الله دووم فرح .. ما يفارقكم ..

آول شي .. اذ الله حب عبد آبتلاهـ .. وما تضيق الا تنفرج ..

انا حاسه فيج والله .. لاني مريت بنفس شي .. تقريباآ ..و لا تيآآسين من رحمة ربج ..

انتي الخير وبركهـ في البيت وامج محتاجه لج .. واختج بعد .. الانها مسكينه اكيد حاسه انها ..

مضايقتكم .. واهي بروحها متضايقه من نفسها وخاصة انه حاسه سبب ضيقتكم ..

والله مو باايدج الا الصبر .. وصدقيني كل هلايام راح تنسينهاا لاشفتي ضحكت امج .. وضحكت اختج ..


آهم محتااجينج .. انتي قويه وانتي روح البيت .. عطيهم جوو .. ونسينهمـ .. والله يفرج لكم همكم عن قريب ..


قلبي ويااج ..

 

[مس تسذآ]

اللهم رب الناس ,

اذهب البأس ,

اشفها انت الشافي ,

لا شفاء الا شفاؤك ,

شفاءا لا يغادر سقما ,

اللهم اشف مرضانا و مرضى المسلمين

اللهم اشف مرضانا و مرضى المسلمين

اللهم اشف مرضانا و مرضى المسلمين


اللهم انك تعلم ما بها فـ يارب شافها و عافها ,

اللهم انك تعلم ما يضرها و تعلم ما يجول بخاطرها ,

فحقق لها مرادها و اشفها يا كريم يا رحيم ,

إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..

لا إله إلا الله وحده لا شريك له ..

له الملك .. و له الحمد و هو على كل شيء قدير ..

الحمد لله الذي لا إله إلا هو .. و هو للحمد أهل .. و هو على كل شيء قدير ..

و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

..

أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..

إلهي ..

إني أسألك من عظيم لطفك وكرمك و سترك الجميل أن تشفيها و تمدها بالصحة و العافية ..

إلهي ..

لا ملجأ و لا منجا منك إلا إليك .. إنك على كل شيء قدير ..

^^

((ربى إنى مسنى الضُر و أنت أرحم الراحمين ))

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .

و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .

و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة

المُضطرين .اللهم البسه ثوب الصحة والعافية عاجلا غير اجلا ياأرحم الراحمين..

اللهم اشفه اللهم اشفه اللهم اشفه..اللهم امين.

^^


من أحس وجعا في جسده (ضع يدك على الذي تألم من جسدك وقل : بسم الله ثلاثاُ وقل سبع مرات :أعوذ بالله وقدرته من شر ماأجد وأحاذر )

 

[{ شيوخهـ ~]

وآلله مآدري ششقول غيرر آلله يششآفيهآ وتفرحون فيهآ آنششآلله..
\

 

[NORO]

ابجي لربج بالسجووووووود والله البجي بالسجووود يريحج اتخيلي انتي مو دشيتي المنتدي تكتبين مشكلتج تره اكو رب فوقناا اهوه بيوقف معااج اكثر مني ومن غيري

وانتي قاعده استغفري حسي بالاستغفااار

والحمدلله تره بسيطه لا تعقدينها طلبوو خدامة لاختج وخلوهاا اتجابلها بس تحت اشرافج انتي وامج يعني اخذوو عليها شفتات وعطوها معااش اعلي وانشالله كل شي تماام

بلنسبة لاخوانج اوك شلون شباب قاعدين بدون شغل !! شنو مايبوون يصرفوون مايبوون فلوس يطلعوون وصدقيني بيملوون وبيتوظفوون ولانه يمكن ابوج يصرف عليهم فا اهمه عاجبتهم القعده

الله يشافي اختج وييسرلج اموورج ويوفقج ويوفق اخوانج

وحبيت اقول كلمة وحده تره كلكم بعد امكم محد بيطالعكم فعشاان جذي لا تضايقين امج بأي كلمة تره همن اهيه مو عاجبها الوضع بس ساكته واعلياا لانهاا ام

 

[Şhώasha . . ~]

لا حول ولا قوة الا بالله ، ماقدر اسوي شي غير اني ادعي
يارب اشفها وعافها و احفظها .. انك انت الغفور الرحيم

 

[المرتاحة]

واي حبيبتي والله حاسه بشعورج

لان عندي اخوي جذي مرات يتشنج احنا البيت كله يعتفس عيال اخوي يصارخون و يخترعون و حتى خداماتنا يبجون والله تعبنا تعب بس اخوي فيه الخبيث في المخ

شوفوا حاولوا تودونها علاج بره على حساب الحكومه شوفوا لكم واسطه بعد ما تستعينون بالله

واذا تبين اساعدج باسامي مستشفيات انا حاضره

و عسى الله يشفيها يا رب و يطمن قلوبكم عليها