اختلاف الالوان في جسمي

[سهم فقده رماني]

اهلين بنات كيف الحال اتمنى تكونون بخير وراحة بال
عندي مشكله في لون جسمي كله كوم ولون الكفوف والركب والمنظقة الحساسه في كوم صاير جسمي كانه كاكاو لونين خخخخخ
ودي تفيدوني بشي ينفع لايديني صراحه شغل البيت ارهق ايديني
ابغى اي شي كريم او خلطات المهم انه اي شي يفتح الكفوف خاصة الاصابع
الحمدلله اهتم في ايديني وماخليت شي ما استخدمته
ملمسها ناعم لاكن اللون مايرضي وخاصة مع تغيرات الجو احسها تزيد وتتدكن
فياليت تفيدوني وكمان لو تعطوني حل للركب والمنطقة الحساسه مره وحده الركب الاحظ عليها تتدكن لما اصلي ولما اكون في فترة الحيض تتفتح على خفيف تكفون عطوني الحل
واكون شاكره لكل من تساعدني والله يجزيكم بالخير

 

[غلاي عزوزي]

الاطباء ينصحون بالتقشير والترطيب مثل احماض الفواكه والبنات يستخدمون كحل سريع كريمات الكرتزون

 

[انوثتي عزتي]

حبيبتي اذكري لنا بعض الخلطات الي مانفعتك عشان نعرف
نذكرلك غيرهم...

ومثل حالتك تشتغل بالبيت كثير فلاززززززززززم
ترطيييييييييييييب داااااااااااااااائم وقوي عشان لما تستخدمين
اشياء تفتح تقدر تستقبلهم بشرتك وجسمك...​

 

[ملكة الجاذبيه]

حبيبتي عليك بخلطه الغااار
روووعه لتوحيد الجسم كله
حتى المنطقه الحساسه بس يبغالهاا شهر كامل وكل يوم
او الجلسرين السائل والليمون للمنطقه الحسااسه
يفتحهااا بشكل مو طبيعي بس اهم شي الاستمرار
والترطيب كل وقت الجفاف هو اللي مسببلك اسمرار
اتمنى اكون افدتك
دعووواتك

 

[عشقي اناني]

انا بعد شغل البيت
اغسل يدي بماي لحاله وبعدين افركها بليموون
واخليها لين تنشف واغسلها
وارطبها بفازلين الوردي
يووميا
والحمدلله يدي ساارت يدي بنووته

 

[سهم فقده رماني]

اهليين حبيباتي
اختي غلاي عزوزي
مشكورة على النصيحه والله يخلي لك عزوز ويخليك له
وانتي يالغاليه انوثتي عزتي
تعبت وانا اعمل تقشير بزيت زيتون وملح وفازلين وسكر
او سكر لحاله اذوبه على ايدي مع المويه كل يوم او بين يومين
ولما اقوم باشغال كثيره في البيت اسوي الطريقتين وازيد ليمون لحد مايجف
وترطيب كل ما لمست يدي المويه ارطبها
وما اسوي شي فيه منظفات قويه الا وانا لابسه قفازات
واستخدمت خلطة جلوسوليد مع ماء ورد وماء سلق البطاطس
واستخدمه على طول يرطب يديني لاكن مايفتحها
ومره وحده انصحتني استخدم كريم افالون لوجهي الازرق والموف
ومانفع استخدمته على ايديني وعلى الركب مانفع
وبعد اممممم ايه استخدمت جلسرين سائل مع ليمون للمنطقة الحساسه
في المنطقه الخارجيه وعلى الركب مانفع
الحاله مستعصيه عندي مانفع
واستخدمت كركم وزيت زيتون للامانه ماطولت وانا استخدمه لان لونه يزعج كل مكان اجلس فيه يوسخه
ولا جاب نتيجه استخدمت ملح الحليب بعد ماطولت جا شتا وتدرون البردالوحده تتروش بسرعه وتطلع
وان شاء الله مقرره اني اكمل اذا دفا الجو واستخدمت صابون مغربي ولا شي استخدمت اشياء وااااجد
لاكن لاحياة لمن تنادي مع جسمي والحين مستمره بعد ما اتروش كل يوم على ترطيب زيت جونسون للاطفال
الوردي وكريم 21 وخلطة الجلوسوليد والليمون لايدي واسكينول بالبابايا على المنطقة الحساسه لاكن
صار لي شهرين بس ما اقول ما فاد الا ابتدت المنطقه يبين فيها النور لاكن طولت ابغى شي
استخدمه مع الاسكينول والترطيب على شان يعطي نتيجه اسرع والركب اااه من الركب فتحت اشوووووي
تقول لي صديقتي لازم تسمنين على شان ينشد الجلد وانا ما ابغى اسمن لانها هي كانت كذا
بس سمنت انشد الجلد وفتحت ركبها وهذه حياتي مع كاكاو لونين خخخ اقصد جسمي والله المستعان ولعل الله يحدث بعد ذلك امرا
حبيبتي تنهيده بسم الله عليك من التناهيد
ايش تحتوي عليه خلطة الغار افيديني بها الله يرحم والديك ووين القاهامستعده ابقى اسويها شهريم مو شهر بس
اهم شي مضمونه وهل انتي مجربتها شخصيا او اي وحده من معارفك مستخدمتها
واستخدمت الجلسرين مع الليمون يمكن شهرين بس مو كل يوم
وبالنسبه لك حبيبتي عشقي اناني
اغسل يدي بماي وصابون واستخدم ليمون لها لاكن بس فترة اللي احط الليمون
مادري العله مني والا من الجو والا من مواد التنظيف
واعذروني طولت هذره عليكن
وشكرا لكن والله ييسر اموركن واللي متزوجه الله يسعدها مع زوجهاويسخره لهاويرزقها الذريه الصالحه
واللي مو متزوجه الله يرسل لها العريس اللي تتمناه ويوفقكن جميعا

 

[توتا حمرا]

احسج مهتمة مو هاملة نفسج
مادري ليش مافي شي اييب معاج نتيجة
ان شاءالله البنات يفيدرنج

 

[KOKO_284I]

ماشاء الله البنات ما قصروا

 

[دآنة آلرشآيده]

اب لعيونج ​

 

[سهم فقده رماني]

ايه والله ياختي توتا حمرا مو هامله نفسي ودايما صديقتي تقول لي لك خلق مع هالخلطات وهالكريمات
ولا انا بشايفه نتيجه
مشكوره اختي koko الله لايقصر بايامك
اختي دانة فديت عيونك الله يرفع قدرك
ومنتظره النتيجه

 

[ملكة الجاذبيه]

وربي خواتي كلهم مجربينهاا
رووعه ومامنها مضره وتوحد وتبيض وش تبغيين اكثر
اسمعي حبيبتي عشان ماتنسين روحي العطار وقوليله عطني
كركم الجسم وتلاقين الخلطه فيه بس مدري اذا عندكم نفس الكركم اللي
هنا بالسعوديه مكتوبه الخلطه وطريقه الاستعمال
واذا ماحصلتيهاا ارسليلي وانا اكتبها لك حبيبتي
اتمنى اكون سااعدتك ولو بالقليل

 

[سهم فقده رماني]

يالبى قلبك ياتنهيده
جربت كركم الجسم لاكن ماستمريت عليه لانه يبقى اللون في جسمي وما استمريت عليه
ممكن تكتبين لي الوصفه اذا ما عليك امر
ويكفي ردك علي هو اكبر مساعده فديتك يالغاليه
والله يسعد قلبك ويحقق لك امانيك