اختلاف اعراض الحمل بين الاول والثاني هل يعني اختلاف الجنس شاركينا ف تجربتج

[اموووون_]

الموضوع واضح من العنوان بنات هل فعلا الاختلاف في الاعراض يعني اختلاف ف الجنس يعني مثال انا حاليا حامل باخر الثالث رحت اسوي سونار بس الاعراض ف حملي الاول تختلف نهائيا عن حملي هذا يعني ف بنتي كان الحارج فظيع ولا ينفع معاه شي وما كان في دوخه ولوعه حاليا ف حملي هذا الحارج مختفي نهائيا بس اللوعه والترجيع ذبحوني ف السونار ما بين الجنس تقول الدكتوره مسكر رجوله عطونا تجاربكم في عيالكم الله يخليهم لكم المايك لكم ??

 

[M!SS.LOBY]

يارب يثبت حملج

بس بخصوص الحارج في حملج في بنتج معروف من شعر الياهل اذا طويل يصير عندج حارج

بصوص الدوخه ولوعة الجبد في حملج الثاني ممكن بدأ معاج النساة تنسين بكونج بالشهر الثالث

 

[جوجوحبي]

ماظنتي فيه فرق نفس الشي

الحارج واللوعه وعزكم الله الترجيع

بس ابنتي كانت بطني عوارض يايه بالعرض
والحين يايه بالطول

هذا الشي الوحيد المختلف

 

[ريم2013]

انا بعد أبي اعرف اب اب

 

[$$كويتية$$]

ومنكم نستقييد

اب

اب

 

[A7la-3roosa]

اب اب

 

[فـراوله]

عندي ولدين الاول ترجيع ولوعه لين الشهر الثالث
والثاني الحمدالله لا ترجيع ولا لوعه اذا جتني تجيني خفيفه مو نفس حملي الاول


​

 

[you 2]

حبيبتي كل حمله غير عن الثانيه والنساه غير مايحدد نوع الجنس

 

[قلب زوجي وولدي]

ماله شغل بجنس الجنين

 

[حشمه]

النسات مالها شغل بجنس البيبي

سبحان الله من جسم لي الثاني

ومن حمله لي الثانيه النسات تختلف

بولدي الاول كله بنام والولد الثاني ماشتهي اكل

 

[t0o0fa]

والله الموضووع في الصميييم

انا عندي نفس التساااؤل و ميته أبي جنس البيبي

و نفس ما قالو في حملتي الاولى النساه فظيعه الله لا يوريكم كل يوم ترجعين مرتين ثلاث

والحارج ناار ذابحني وحالتي حاله

الحمله هذي سبحان الله خفيفه ولا كاني حامل و يمكن كل اسبوعين مره ارجع

و متعشمة إنه يكون هالمره ولد لانه عندي بنوته قبل

بس على كلامكم ماله دخل : (

إن شاء الله الاسبوع الياي عندي فحص ببين

انا حاليا بالاسبوع 17

و الله يسهل علينا كلنا ​

 

[حشمه]

والله الموضووع في الصميييم​

انا عندي نفس التساااؤل و ميته أبي جنس البيبي​

و نفس ما قالو في حملتي الاولى النساه فظيعه الله لا يوريكم كل يوم ترجعين مرتين ثلاث​

والحارج ناار ذابحني وحالتي حاله ​

الحمله هذي سبحان الله خفيفه ولا كاني حامل و يمكن كل اسبوعين مره ارجع ​

و متعشمة إنه يكون هالمره ولد لانه عندي بنوته قبل ​

بس على كلامكم ماله دخل : ( ​

إن شاء الله الاسبوع الياي عندي فحص ببين ​

انا حاليا بالاسبوع 17 ​

و الله يسهل علينا كلنا ​

ان شاء الله هالمره لي راجعتي يبين معاج شنو فيج وترتاحين

ويرزقج اللي ببالج والصراحه انا الصبيان صج نساتهم شوي مختلفه

بس هم البنت كانت غير نساتها حسيت وقتها ان بنت

مرات يقولون احساس الام يصدق والله العالم

 

[t0o0fa]

انا المشكلة احساسي مرات يخونّي لاني وايد اعتمد على الاحلام p:

المرة الاولى حلمت بخاتم وفيه فصين لونهم اخضر وقلت بسسس هذول توم صبيان

بالاخير طلعت بنوتته وحده ههههههه

قمت ماا اعتمد على احساسي ابدا مع إني أؤمن بالاحلام وايد

هالمره كنت كله احلم في ابو زوجي

و حلمت انه زوجي راكب خيل حلووو وايد و يقولي تعالي ركبي معاي

ان شاء الله خير و راح اقولكم شيصير معاي الاسبوع الياي ان شاء الله

​

 

[frfr]

الحمله الاولى او البجر ما يتقارن مع باجي الحملات

لانه اول حمل جسمج يكون مو متعود اول مره فالاعراض تكون قويه

اما الحمل الثاني يكون شوي الجسم تعود

وحتى بين الحمل الاول والثاني اذا كان متقاربين يعني حملتي اول مره وثاني حملتي باقل من سنتين النساه وايد تكون خفيفه

لانه الجسم راح يتاقلم بسرعه

بس الوحده اذا حملت الحمله الثانيه عقب 5 سنين مثلا راح تكون النساه قويه حدها


عموما المتعارف عليه بين الحريم الكبار انه اذا النساه كانت قويه ترجيع و لوعه وتحسين نفسج ثقيله وبطنج ياي بالعرض يعني بنت

واذا النساه خفيفه و كله فيج النوم بس خفيفه تمشين وتتحركين ما جنج حامل يعني ولد

والله العالم احس كل هسوالف خرابيط

 

[حروف من ذهب*]

كل حمل يختلف عن الثاني ماله شغل بجنس الجنين

 

[دايم على البال]

انا في ولدي البجر
كان خفيف حيل لوعه خفيفه و لا ترجيع وكنت خفيفه بس كان الحارج معاي من اول الحمل لي الولاده
اما الحمله هذي لوعه ودوخه ومااحب اشم ريحة الاكل
وثقل مو طبيعي وحارج بدا معاي من السادس
وولحين ماعرفة جنس البيبي
انا ماابي اعرف

 

[حمامة صالح]

ماظنتي فيه فرق نفس الشي

 

[حوريه ...]

حملي الاول اثقل من حملي الثاني

ونفسي خايسه وكله معصبه

نساتي قووووووويه وتلوع كبدي من كل شي




والحملين كلهم بنات
مااتوقع له شغل

 

[اموووون_]

اب نبي تجارب بعد

 

[زبــــــــدة]

انا بجر مادري شالسالفه لووول