اختكم من السعوديه وتطلب مساعده

[ام بندوري]

صباح الخير
يابنات انا اختكم من السعوديه وانتقلت مع زوجي للسكن في الكويت علشان عمله وماقرر الا في رمضان انا نعيش معه::lkmnkl:[كتبت قصت حياتي]
الان ناتي للموضوع عندي بنت تروح ثاني ابتدائي وولد يدخل تمهيدي بعد التعب و البحث وجدت لبنتي مكان في مدرسة السالميه ثنائية اللغه[السندباد سابقا] الله يخليكم خواتي وش رايكم فيها فيه ناس يقولون ان المدرسه غير مرخصه والله تعبت من التفكير مااريد ان تفوتها سنه
الحين وش اسوي في الولد اسجله مع اخته اذا كانت المدرسه كويسه او ابحث له عن مكان ثاني
انا اسفه اعرف اني طولت عليكم بس والله من ثقتي في خواتي الكويتيات انهن مايبخلن علي بالرد:aha:

 

[micro girl]

احسن مدرسة حاليا على مستوى الكويت مدرسة الامريكية ثنائية اللغة في منطقة خيطان ومدرسة البيان ثنائية اللغة

 

[ام بندوري]

الله يجزاك خير اختي علي ردك .بس هذه المدارس رفضت تقبل بنتي لان متاخرين واوراقها وملفهاللحين في السعوديه والمدارس عندنا في السعوديه ماتفتح الابعد العيد

 

[جوكليت بار]

سجليهم الحين بالسالميه عشان ماتفوتهم هالسنه
والسنه اليايه سجليهم بمدرسه ثانيه

 

[ام بندوري]

حبيبتي جوكليت شكرا على ردك

 

[Dancing^Queen]

ايد كلام شوكليت بار
وطبعا كل شي يعتمد علي ميزانيتج
ايه بي اس اللي بخيطان ممتازه ولاغبار عليها بس الصراحه تومتش غاليه
ومو حلو تخلين الياهل بمدرسه ناويه تغيرينها ماكو استقرار

في مدرسه يديده اتوقع ان فيها اماكن
للشيخه ميمونه الصباح مكانها السالميه ماني قادره اذكر اسمها يمكن البينات يفيديونج
وستافها كلله هاند بيكد علي قولتهم منقينهم نقوه وسعرها معقول

وحبيبتي تاكديييي قبل لاتدفعين الرسوم ان السنه اليايه لي يتي تنقلين بنتج يعادلونها لها
احسن من مايضيع جهد سنه كامله وسنه من عمر البنت

 

[ام بندوري]

الله يجزاك خير كوين كلامك صحيح الاستقرار مهم حق البنت بس الوقت مايسمح والمدرسه اللي سجلت بنتي فيها في السالميه ويقولون انها لوحده من الشيخات يمكن هي اللي تقولين عنها وانشاءالله تكون زينه