اختكم محتاجه حل

[الحب لك وحدكك]

مرحبا بنات كيفكم

انا توني جديده هنا وحاوولت كذا مره اني اسجل ولا مره ضبط معاي

وانا ادمااان منتدى كويتيات

المهم بنات انا عمري 19 من سبع شهور تزوجت والحمدلله حياتي ماشيه

واهل زوجي اقدرهم ويقدروني لكن المشكله اخت زوجي

دايم خناق مع زوجي واذا تخانقت معاه تبرد فيني وترمي علي كلام

وانا اطنش ولا كاني اسمع شي لحد قبل يومين صارت بينهم مشكله وانا من اسبوع ماشفتها

ولما جيت بسم عليها ماتبغي تسلم .. والمهم سلمت عليها عشان خاطر خالتي ام زوجي وزوجي

واحس اني نزلت نفسي لها لما سلمت عليها بس وربي انا ماني متعوده احد يزعل او يتضايق مني

مدري وش اسوي معاها وربي اني ارجع للبيت ابكي واتضايق منها وانا بعيده مو بمنطقه اهلي

ومابي اشتكي واشغل الولده ومالي الا الله ثم انتو عطوني حل وربي تعبت

زوجي متضايق منها ومابي اشكي له عشان مايرجع وييتخاق معاها مع انها مو صغيره عمرها فوق 33

طولت عليكم اسفه بس من الضيقه اللي فيني


واتمنى تقبلوني بينكم اخت ..

 

[ماتغير شي]

هلآ حبيبتــي

حياااج الله بين خواتج


الحــل تعطينهاا طاااف


اهم شي ريلج وبيتج


انتي ماغلطتي عليهااا تبي تزعل بالطقاق باجر ترضى


انــا كنت نفسسج بداية زواجي كنت أعطيها اكبر من حجمهاا وكنت ابجي وحالتي حاله


حبيبتــي لا تحرين روحج عيشــي حياتج والله يوفقج

 

[شافوك بحساسي]

ماتبي تسلم عليج؟؟؟؟ لاتسلمين عليها مولازم اكتفي بكلمه السلام وبس
هي اللي حدتج على هالشي
اهم شي خالتج وزوجج والباقي عامليهم مثل مايعاملونج
قوي قلبج والدنيا بتعلمج

 

[amami al-kuwai]

عطيها طاف قلبي مالج شغل فيها

انتي مو عايشه معاها

الله يهنيج ويتمم عليج

 

[!الجادل الصعب!]

شلون سلمتي عليهآ .. ؟!
نزلتي عليهآ .. اذا جذي فآنتي عطيتيها آكبر من حجمهآ
متهآوشه مع اخوها بالطقآق انآ شكو فيهم .. حبيبتي اذا
عآدتها وما وقفت لج طوفيهآ عآدي خل تنقد علا نفسهآ .. اذا
تعودتي تنزلين روحج لهم مآ رآح تخلصين ترآ ..!

 

[ليه الجفآ]

عطيها طاف على قولت البنات ..

زووجج فاهم وخالتج فاهمه ويكفيج انهم طيبين ..


الله ييسر امرج



..

 

[رنيم الروح]

حبيبتي منوره المنتدى -ماعليك منها طنشيها اهم شي زوجك وخالتك واهي لا تهتمين فيها كثير والسلام سلمي لوجه الله حتى لو كان غصب اهم شي مايطلع منك الغلط واهي بكيفها

 

[ام يوسف2011]

كلمي خالتج خل تكلمها وقولي لخالتج انج ماتبين

المشاكل وانج مسالمه وامج تعزين حماتج خل تعقلها

واذا يبست راسها وماتبي تسلم عطيها كببببر طااااف

خلاص انتي سويتي الي عليج ..

 

[الزيـــــ^^ـــــن]

طنشيييييهاااا .. واذا تمادت اكثر قولي لخالتج عنهااا
والله يهديها.

 

[ام الحلوااات]

شلون سلمتي عليهآ .. ؟!
نزلتي عليهآ .. اذا جذي فآنتي عطيتيها آكبر من حجمهآ
متهآوشه مع اخوها بالطقآق انآ شكو فيهم .. حبيبتي اذا
عآدتها وما وقفت لج طوفيهآ عآدي خل تنقد علا نفسهآ .. اذا
تعودتي تنزلين روحج لهم مآ رآح تخلصين ترآ ..!

انــــا مــــعـــــــــاااااج

اذا مـــاقــــامـــت تـــســــلــــــم عـــلـــيــــج لا والـــــف لا تــنـــزلـــيـــــن لـــهــــا وش حـــضـــرتـــهـــا جــــذي بــتـــتـــعــــود انـــهــــا تـــعــيـــد ذا الــحــركــــه كـــل مــــا تـــزاااعـــلــت مـــع اخــــوهــــا
انــتــي قــولــي الــســــلام واذا مـــاقـــاامـــت تــعـــديــهــا
وعـــطـــيـــهــــا طـــــــاااااااااااااف​

 

[نونه المنكوشه]

اشترى راحتج ولاتحتكين فيها وايد خلى العلاقه رسميه والله يهديها الدنيا ماتسوى ناس مادرى شلون اتفكر

 

[الجوهرا]

ماقصروا البنات بالردود

 

[انامل ناعمه]

طنشيها
الله يعينك

 

[الحب لك وحدكك]

ياعمري تسلمون وربي دعيت لكل وحده ردت فيكم لان كنت محتاجه .. احد يساعدني وانتو ماقصروا

وبسوي مثل ماقلتوا وبطنششها والله يهداها ..

 

[ابدا يالغالي مانساك]

حيااج حبيبتي بينااا
شوفي انتي لاتدخلين بينهاا وبين زوجهااا كيفهم تهاوشواا تراضوا
اغلب الاخوااان جذيه يتهااوشون ويردون مع بعض


انتي لزعلت علي اخوج مالج شغل فيه اذا متعوده تنزلين عند خالتج
نزلي وسولفي معااهاا ولتضيقي بنفسج

وان دشيتي بتسلمين وهي قااعده لاتسلمين ولاتحبينهااا
بس ردي السلام
هي مو خالتج تحبينهاا وهي قااعده

ولاتشتكين عند زوجج عنهااا عطيهاا طااف
ولاتحتكين فيها ولاتتعبين نفسيتج وتبجين

حبيبتي ربي يوفقج انتي وزوجج ​

 

[الحب لك وحدكك]

ان شاء الله بسوي مثل ماقلتوا

مشكوره حبيبتي ماقصرتي ربي يوفقج يارب ويسسر امورج

 

[ĎĩĄɱȬȵḒ]

من صجج تتضايقيين عشانها

مالج شغل فيها وطنشيها

ماتبي تسلم ماتشوف شرر

اهم شي رجلج وحياتج

ولاهي ورا ظهرج =)

 

[الحب لك وحدكك]

تسلمين حبيبتي والله ريحتوني الله يفرج همومك ويريح بالكم

 

[alaa queen]

حبيبتي متل ما حكولك البنت طنشيها وخلص انتي ما عملتيلها شي غلط وكل يلي عليكي سويتيه بدها تزعل بكيفها
موفقة بحياتك
^_^

 

[kAmMoOnH]

بيتك وزوجك واهم شي
واحتسبي امرك لله
وطنشيها قدر ماتقدرين وهي بنهاية رح تعرف غلطها
الله يهدي سركم ويهديها يارب