اختفت النساه !!!!!!!

[مشموشته]

مرحبا خواتي

طببعي تختفي النسات ؟؟؟ انا توني بدش الثالث ... من توقيعي مبين ...

اتمنى الي مرت بالمرحله تفيدني و خاصه ان ريلي مو راضي اروح اتطمن و اسوي سونار

قعدت اسبوعين من حللت نسات و لوعه و دوخه واكل وايد و ايوع وايد و اشتهي فواكه :botetoo:

الحين حتى بطني خفت و هالاعراض كلها اختفت ... عادي .؟؟؟؟؟؟؟؟؟؟؟؟؟؟؟:flower:

الي تعرف ياليت تطمني هل وضعي طبيعي ؟؟؟ جزاكم الله خير ​

 

[الزمردهA]

والله ماعندي فكره
بس انا اقول روحي للدكتور وتطمني اكثر

 

[اريج الجوري]

رد : اختفت النساه !!!!!!!

حبوبه ما ودي اخرعج ,,,

لكن انا لما اختفت نساتي بالشهر الرابع ,,,

تعورت لأن البيبي طلع ميت ,,,

وان شاء الله مالج الا العافيه مافيج شي والبيبي سليم ,,,

لأنه هم النساة تختلف من وحده للثانيه ,,,

وانا نساتي تطول حيل وتوصل للتاسع ,,,

روحي الطبيب احسن ,,,

وماتشوفين شر يارب ...

 

[مشموشته]

تسلمون بنات على الرد

بس ريلي مو موااااااااااااافق يقولي انتي وسواسيه وماكو شي

انا قلبي مو مطمن ...

 

[noo7a]

وحده عن وحده تفرق
في بنات اول الاشهر يتنسون بعدين تختفي نساتهم و في بنات لا لي اخر شهر تظل معاهم

اصري على ريلج تروحين تتطمنين على البيبي و اذا اهو مو راضي روحي بروحج
انتي حامل الموضوع مو غشمره ولا كحه ولا نشله عشان يقولج توسوسين

وانشالله مافيج الا العافيه انتي و البيبي

 

[مشموشته]

تسلمين اختي نوحه بس شسويه فيه ماذيني ... بنطر لي باجر العصر اذا رضى بروح بروحي مو واقفه عليه ...

 

[كويتيه مذهله 87]

حبيبتي شي طبيعي ياقلبي
والاحسن قولي حق ريلج وقنعيه تسوون سونار علشان تطمنين اكثر لان التفكير موزين لج

 

[Miss Golden]

حبيبتي شرايج باللي ما تنست كلش!!

عاادي يختلف من وحده لي وحده..


بس اذا تبين ترتاحين روحي سوي سونار و تطمني

 

[RoOoz]

صح ياقلبي مالج الا الطبيب والسونار وهالسوالف هذي عادي الواحد يوسوس فيها مو شغلات هينه

وهم عادي لانه النساة ممكن تروح بسرعه وبعض الناس تطول معاهم

الله يطمنج يارب واذا رحتي الطبيب لا تنسين تطمنينا

 

[حبيبة قلبي]

حبيبتي النساة سببها هرمون يثبت الجنين ةاذا الجنين تثبت ينتهي هالهرمون ويبتدي هرمون التغذيه للبيبي وتروح النساة اؤا تحسين بحركة البيبي عاري بس اذا بتطمنين روحي الطبيب ولاتحاتين الاجهاض ما ايي مني والطريج يبين له مقدمات عوار ودم اسم الله عليج

 

[رسيل طفلة الورد]

رد : اختفت النساه !!!!!!!

اتوقع عادي حبيبتي انا معاك بنفس الشهر واسبوع اتوحم وكم يوم لا ودي حالتي الله يعيني بس بحملي الاول ماتوحمت الا اسبوع بس وبعدين ترفع الوحام عندي ......

 

[حرم يوسف بيك]

رد : اختفت النساه !!!!!!!

انا بحمالي بالصبيان مااتنسى كلش لكن بالبنات اتنسى لي الثالث اول الرابع لا توسوسين ماكو الا العافيه

 

[حجيه هيونه]

رد : اختفت النساه !!!!!!!

بدل المحاتاه روحي تطمني

الله يرزقج بالولد الصالح يارب

 

[_ظل الياسمين _]

باذن الله مافيه الا الخير..

والنساه تختلف من وحده لوحده بطول فترتها وطبيعتها..

وروحى الدكتوره عشان ترتاحين نفسيا.

 

[*ريما*]

رد : اختفت النساه !!!!!!!

ان شاء الله مافية الا العافية

 

[كويتية ورديه]

حبيبتي عادي ترى النساة تروح وترد مافيج الا العافيه ان شاء الله

 

[Om 3zo0oz_2011]

انا اقولج شي تستغربين منه


انا بلشت نساااتي اخر الثالث ولي يومج هذا بدش السادس لي الحين نساه لووول
يعني علي حسب الجسم حبوبه لا تحاتين

 

[الـفـجـر الـبـعـيـد]

رد : اختفت النساه !!!!!!!

حبيبتي مو شرط اذا راحت النساة يعني فيج شي

انا ما اتنسى كلش لا لوعة ولا ترجيع اللهم دوخه وكله ابي انام

والحين سلامتج مافيني شي من عديت الثالث

بس اذا خايفه روحي سوي سونار وتطمني وان شالله مافيج الا العافيه

 

[مشموشته]

:stars::stars::stars:

ابشررررررررررررررركم

رحت اليوم الصبح و سويت سونار و سمعت النبض و لللللللللله الحمد و المنه كل شي تمام

شكرا بنات على الردود الله يريح قلوبكم و يرفع شانكم ... و يخليلكم عيالكم يارب

:fun:

 

[<<لمار>>]

مشموشة الحمد ربى مايقصر طمن قلبج وترى بعد الثالث تصير النساة يوم ويوم او جم يوم زينة وبعدها ترد وكل وحدة ترى غير غن الثانية الله يتمم عليج ويفرح قلبج