اختر الحل الصعب... sebotrim

[عشماويه]

السلام عليكم...


والله مليت من الرجيمات من ريجيم لريجيم... ولا من فايده

أذبح عمري شهر وشهرين وآخرتها كيلوين ولا ثلاث !!

ما نزلت عن الــ 80 إلا مره وحده قبل عرسي بيومين


وعقب الحمال والولاده حدث ولا حرج...

فــ شرايكم ؟؟؟ تنصحوني ألجأ للحبوب مع إني حدي خوافه

ناويه أشتري حبوب سيبوترم واستعملهم عالأقل شهر

وسويت سيرج ولقيت ردود متناقضه ناس يمدحون وناس يذمون وآنا والله ما أثق إلا فيكم كويتيات من بين كل المواقع والمنتديات


شرايكم بحبوب سيبوترم ؟؟ ولها مضار ولا لا ؟؟

وشنو أحسن نوع له ... وإذا في تاجره تبيعه هنيه بالمنتدى يا ليت تحطون لي أرقامهاا


وإن شاء الله أشوفكم وآنا ضعيفه :d

 

[فجر_الكويت]

رد : اختر الحل الصعب... sebotrim

للأمانه ما جربت السيبوتريم ان شاء الله البنات الي جربوه يفيدونج بتجاربهم اكثر

 

[بريانكا تشوبرا]

رد : اختر الحل الصعب... sebotrim

بقولج تجربتي معاه
انا مثلج تعبت من الريجيمات وهالسوالف
وسمعت عن سيبوترم
وسويت سيرج عنه لقيت الاكثريه تمدحه
جان اكلهم من خامس يوم رمضان اللي طاف
كان وزني 105
وليومج هذا وانا اكلهم خلصت 3 علب
بس طوفت كذا يوم
اللحين وزني 93
مو النتيجه اللي كنت متخيلتها على كلام البنات
بس ترا انا مقطعه عمري حارمه نفسي من الاكل
وكنت امشي ساعه يوميا
والله يأست من كل شي
وكرهت نفسي
وجسمي
بس اللحين اي احد يشوفني يقول ضعفانه
فاذا تبين تخففين وتمشين انصحج فيها
لان اللحين حريم خواني
وخواتي بيشترونهم يقولون بينت عليج
<<مو مقتنعه انا ابي اكثرر

 

[kitty eyes]

انا جربتهم حيل حلويييييييييين

بس اسم عليج في ناس ما تنفعهم كلش ترفع الضغط حييييييييييييييل

انتي جربي يومين اذا حسيت بألم في راسج وقفي معناتها ما تناسبج

 

[Q8stylle]

ان شاء الله البنات يفيدونج

 

[++The DuchesS++]

انا جربتهم لمده شهرين تقريبا
مااااااااااااااااا انصح فيهم صج نزلت عليهم فوق ال20 كيلو ماشاء الله
بس اررررررررررررق مو طبيعي واعصاب واكتئاب
هذا غير مضارهم بالمستقبل
تاثر على خلايا المخ نصيحه بعدي عنهم وايد احسن
اهم شي الاراده القويه صدقيني
وامشي على رجيم السعرات وايد ممتاز سوي سيرج عنه

 

[^fajoOra]

رد : اختر الحل الصعب... sebotrim

حبيبتي والله ماجربتهم ان شاء الله البنات يفيدونج

رفع

 

[*سويسرول*]

انا كنت ناااااويه بس من سمعت انها تسبب صداااااااع قوي واكتئاب خفت
اهم شي الصحه

 

[آثار حمده]

دربالج من هذه الحبوب بالزبالة على طول

 

[زهور الريف20]

بنات والله تو واصلني برودكاست عن هالحبوب يقولون يخلونج مثل المينونه فيج حاله عصبيه وموزينه اللهم بلغت اللهم فاشهد

 

[modern]

رد : اختر الحل الصعب... sebotrim

للرفع

 

[عشماويه]

بنات حبيت اقولكم تجربتي


اخذتهم شهرين بس يبتهم من مصر وعقبها طبعا وقفوه

بس ما نزلت ولا كيلوووو... انا اعتدمت عليهم كان اكلي عععادي ما سويت ريجيم يعني

بس ما نزلت ولا كيلو

وماسويت اي فحوصات لا قبل ولا بعد

اثناء الاستخدام كنت ادوخ بس عادي قلت استحمل

طبعا طول اليوم اسمع صوت بإذني جنه صوت مكينه خصوصا لو حطيت راسي عالمخده ماكان يخليني انام

بالنسبه للأرق بصراحه انا دايم عندي ارق فما حسيت بفرق

المهم الخلاصه ما استفدت منه والحين مسويه ريجيم ثاني طبيعي والله كريم

 

[هامش الطيف]

^ آنآ جربتهم برمضآن آلسنه آللي طآفت
يسد الشهيه حيييييييييييل يخليج كلش مآتآكلين
ونزلت عليه 7 كيلو بشهر
بس يبين عليج بالشكل اكثر من الميزان ..
بس العلبه الثانيه كلش ما اثر فيني
يمكن تعود جسمي عليه مادري والله ..

- آنآ سآمعه عن ايزي لاكس آللي عندها
فكره تقول انا عفيه !

 

[الله يخليني]

قررت وزارة الصحة في مصر وقف تداول ستة أنواع من المستحضرات الطبية تحتوي علي مادة السيبوترامين تستخدم في علاج السمنة‏.
ومن أشهر العقاقير المكونة من تلك المادة عقار ميرديا الذي تنتجه شركة أبوت العالمية‏,‏ وقررت إلزام جميع الشركات المنتجة والموزعة بسحب المستحضرات الموجودة في الأسواق المصرية من هذه العقاقير‏.‏
وأوضح الدكتور كمال صبرة مساعد وزير الصحة لقطاع الصيدلة أن نسبة المخاطر الناتجة عن استخدام مادة السيبوترامين تفوق المنافع العائدة منها‏,‏ حيث إن منظمة الغذاء والدواء الأمريكية أكدت أنه ينقص الوزن بنسبة‏5%‏ في مقابل زيادة احتمال إصابة مستخدميه بذبحة وجلطات القلب‏,‏ وأوضح أن الأدوية التي تم وقف تداولها وسحبها من الأسواق هي عقار مريديا وتنتجه شركات أبوت‏,‏ وسليماكس لشركة أبكس فارما‏,‏ وسمارتان شركة ممفيس‏,‏ وسيبوتريم لشركة إيفا فارما‏,‏ وريجيتريم للمهن الطبية‏,‏ ودايتماكس لشركة سيجما‏,‏ وكانت أعداد كبيرة من النساء تستخدم هذا العقار منذ فترات طويلة في مصر‏.‏

المصدر جريدة الأهرام المصرية ​

الخبر وصلني ايميل ...
اتمنى تتعظون يا بنات ما تاكلون حبوب رجيم لأن ما وراها إلا التلف ..

وهذه صور بعض الحبوب :

السيبترم




دايت ماكس




سليماكس






والله لولا خوفي من الله جان دعيت على كل تاجرة تبيعهم وعارفة مضرتهم في صلاتي ..​

هذا موضوع قديم كنت كاتبته عن هالحبوب

 

[~رتوش~]

انا استعملتهم السنه الي فاتت نزلت وزني كثير

بس للاسف سببت لي كحه مادري ليه لليوم وانا اكح بسببها

ومن كم اسبووع قريت بالمنتديات المصريه انهم سحبوهم لمضارهم