اختبار شخصية :ارني جوتيك اقل لك من انت !!!

[شاهة]

السلام عليكم شخباركم بنات من زمان عنكم ,مشاغل الدنيا تاخذ الواحد من نفسة المهم

الصراحة مرت علي سالفة وبغيت اخذ رايكم كنت قاعدة مع مجموعة بنات وكانوا يتكلمون فجاة وحدة من

البنات تتكلم وتقول اعرف الانسان من جوتية :nocommint:

الصراحة انصدمت اوكي ما اختلفنا علي النظافة بس مو لهدرجة ان الجوتي يكون المقياس

الحين صارت قيمة الانسان بجوتية لهدرجة وصلنا

صارحوني في جذي ناس تفكر

واذا هذا الحجي صح فقولوا لي شنو مواصفات جوتي الاحلام

الي اذا لبسته اكون انسانة يضرب فيني المثل بالاخلاق والاحترام والسنع والاناقة

لان الصراحة كنت مهتمة طول هالمدة بسوالف كنت اظن لها معني التربية الاخلاق التعليم الدين , اذا يت

علي الجوتي بعد امرنا لله بعد شنسوي ولا طاعك الزمان ولا طيعة

افيدونا افادكم الله .
:tek:

 

[((MiSS CuTe))]

ا ي صح والي يقطع على جوتي غالي يكون وايد مهتم باناقتة مشكورة على الموضوع

 

[شيماء]

الانيق يكون انيق بكل شي


يعني مقوله تكون الوحده كاشخه ببدلتها ولابسه جوتي وسخ او مقطع مو معقوله شكلها مو شي


يعني في ناس تتكلم وتقول انا نظيفه وما احب الوساخه بس تشوفين ريولها وأضافرها تلوع جبدج


فالنظيف يكون بكل شي

واعتقد مافيها شي ليش تنصدمين شي عادي

 

[مرت ريلي]

والله المظهر شي مهم ويدل عالشخصية في بعض الأحيان
خوش موضوع من خوش اخت مشكورة حبيبتي

 

[عالي مستواها]

كلن يغني على ليلاه

وكل شخص يشوف اللي مستواها <=== قوية خخخخخخخخخخخخخخخخخ


يعني فيه ناس صح تهتم بالمظهر لأنها " سطحية "
وفيه ناس ما يهمها المظهر كثر شخصية اللي قدامها وطريقة كلامه وهالنوعية مو بالضرورة تلقينها مهمله نفسها تلبس مثل الناس ومو ناقصها شي

بس كل شي بالمعقول .. يعني أشتريلي جوتي بسعر خيالي وبالاخير أحطه " برجلي "

انا أشوف " أني أنا اللي أعطي لبسي قيمة مو هو اللي يعطيني قيمة "

ودمتم سالمين

 

[شاهة]

ا ي صح والي يقطع على جوتي غالي يكون وايد مهتم باناقتة مشكورة على الموضوع

مشكورة غزل علي الرد بس انا ما اقصد الاناقة انا اتكلم عن الانسان ككل يعني لان واحد جوتة غالي خلاص يعتبر اهو انسان محترم وراقي و... و .....

 

[شاهة]

الانيق يكون انيق بكل شي


يعني مقوله تكون الوحده كاشخه ببدلتها ولابسه جوتي وسخ او مقطع مو معقوله شكلها مو شي


يعني في ناس تتكلم وتقول انا نظيفه وما احب الوساخه بس تشوفين ريولها وأضافرها تلوع جبدج


فالنظيف يكون بكل شي

واعتقد مافيها شي ليش تنصدمين شي عادي

هلا حبيبتي شيوم بس الي اقصدة مو النظافة هذا مانختلف عليها اقصد حكمج علي الناس ككل
يعني اخلاقة ثقافتة كل هذا من الجوتي بالله شفتية عقب طيحة شلون يعني

 

[شاهة]

والله المظهر شي مهم ويدل عالشخصية في بعض الأحيان
خوش موضوع من خوش اخت مشكورة حبيبتي

هلا والله مرت ريلي , يا جماعة لما قلت الجوتي والحكم علي الانسان من خلاله كنت اقصد الشخصية والاخلاق مو النظافة
اي تعالوا محد قالي مواصفات جوتي الاحلام :eh_s(10):

 

[شاهة]

كلن يغني على ليلاه

وكل شخص يشوف اللي مستواها <=== قوية خخخخخخخخخخخخخخخخخ


يعني فيه ناس صح تهتم بالمظهر لأنها " سطحية "
وفيه ناس ما يهمها المظهر كثر شخصية اللي قدامها وطريقة كلامه وهالنوعية مو بالضرورة تلقينها مهمله نفسها تلبس مثل الناس ومو ناقصها شي

بس كل شي بالمعقول .. يعني أشتريلي جوتي بسعر خيالي وبالاخير أحطه " برجلي "

انا أشوف " أني أنا اللي أعطي لبسي قيمة مو هو اللي يعطيني قيمة "

ودمتم سالمين

مشكورة عالي مستواها بس صج قوية يعني المسالة مو لازم تكون بهالتطرف الاعتدال اهم شي لايكون الجوتي مقياس للاخلاق والشخصية
الجوتي يمكن يدل علي النظافة اي بس علي شخصية الانسان مستحيل مافي صلة ابدا اهم شي يكون الانسان متوازن بكل شي
مشكورين بنات والله يعطيكم العافية

 

[بحر الرمال]

الريال اذا كان يلبس جواتي اكثر من النعل فمعناها انه مهتم حيل بأناقته.. طبعا اللي يلبس نعال مو معناها انه مو نظيف لا بس كاجوال اكثر و عملي اكثر..
لو تلاحظين اغلب اللي يشتغلون بمناصب او بالبنوك يلبسون جواتي و مو اي جواتي..

اقدر احكم على اناقه الشخص من جوتيه صح,بس مو احكم على شخصيته و اخلاقه هذي اختلف فيها..

 

[pretty sarona]

لا ما احكم على الشخص من جوتيه .اهم شي نظيف . ثاني شي منو الفاضي اللي بيخلي الشخص اللي جدامه و بيجابل جوتيه .. هذا بيدل على الشخص نفسه مو اللي جدامه ! اذا اهتماماته جواتي

 

[زيـنـه]

المقصود بالحكم على الشخص من جوتيه و انتي بكرامه من ناحية نظافة الشخص و اهتمامه بمنظره بس ما يلمح فيها لاخلاق الشخص او شخصيته .

و في بنات بعد يحكمون على الشخص من نظافة ريله اذا لابس نعال .. اذا ريله نظيفه و مو خشنه و اظافره مقصوصه و نظاف .

و لا تستغربين لو اقولج اعرف اكثر من وحده ما اقبلوا بناس يايين يخطبونهم و السبب جوتيهم الوصخ او ريولهم المبهذله .

و نشوف اراء البنات

 

[شاهة]

الريال اذا كان يلبس جواتي اكثر من النعل فمعناها انه مهتم حيل بأناقته.. طبعا اللي يلبس نعال مو معناها انه مو نظيف لا بس كاجوال اكثر و عملي اكثر..
لو تلاحظين اغلب اللي يشتغلون بمناصب او بالبنوك يلبسون جواتي و مو اي جواتي..

اقدر احكم على اناقه الشخص من جوتيه صح,بس مو احكم على شخصيته و اخلاقه هذي اختلف فيها..

مشكورة بحر الرمال علي الرد طبعا انا اغط سنة وارجع

كلامج منطقي احكم علي الاناقة مو علي الشخص من جوتية كلام معقول كلام جميل مقدرش اقول حاجة عنة :rerrerek:

 

[شاهة]

لا ما احكم على الشخص من جوتيه .اهم شي نظيف . ثاني شي منو الفاضي اللي بيخلي الشخص اللي جدامه و بيجابل جوتيه .. هذا بيدل على الشخص نفسه مو اللي جدامه ! اذا اهتماماته جواتي

اي والله يبتيها فاضي , هديت الدنيا وجابلت الجوتي يا الله بالستر يالله ( شعندها ام سعيد )

 

[شاهة]

و لا تستغربين لو اقولج اعرف اكثر من وحده ما اقبلوا بناس يايين يخطبونهم و السبب جوتيهم الوصخ او ريولهم المبهذله .

و نشوف اراء البنات

استغرب الا ببقق عيوني لحظة خل احط الصورة ادورها اي كاهي لقيتها
شنو ارفض واحد علشان جوتية يالله بالستر يالله ( متاثر ه بام سعيد وضحت الصورة ) هذول من صجهم الشرهة مو عليهم الشرهة علي الي ياي يخطب مسكين , معروف من قدم الازل ان اناقة الريال المتزوج بالذات من زوجتة اهي الي تعدل وتسنع فية وفي ملابسة
اعرف يا زينة بدون مبالغة ريال مليونير والله مايعرف يلبق قميص علي بنطلون لو تشوفينة تقولين موظف علي قد حالة واهو صاحب اكبر شركات الالكترونيات واسم معرووووووووووف بالكويت
ما اقول حق هالي ترفض واحد علشان جوتية
"العقل زينة " يا زينة :eh_s(17):