اختبار القدرات kpc

[~MaNaR~]

وصلني قبل شوي مسج

ان باجر الساعه 9 في اختبار قدرات في مركز التدريب البترولي بالاحمدي

في احد قدم هالاختبار من قبل ويعرف شلون طريقته

والاختبار راح يكون انجليزي بس ولا منوع وكل شي ؟!!!

ياريت تردوون علي ضروري ما ابي اروح باجر وانا ما ادري شسالفة

 

[انجبر قلبي]

نفس السؤال

 

[نحـولة]

اناااا كنت بال kpc

يوم اختبارات القدرات اناا ماا شفتهاا بسس إلي طلعوا قالوا صعب وفي نسبة سقوط

قبل ماا تنامين دشي موقع التوفل واقري لج جم شغله تفيدج


والله يوفقج حبيبتي

 

[انجبر قلبي]

نحوله مو هذا اللي ابي اعرفه القدرات بشنو ؟ شنو يسالون شي بالتخصص والا اساله عامة ماني فاهمه


يمكن اقدر اراجع لي شي

باجر امتحاني

 

[نحـولة]

والله ي الغاليه ودي افيدج بسسس والله مادري

اناا ماا شفت الامتحانات

بسسس القدرات الي اعرفه اشياااء عامه يعني عشششان يشششوفون الانقلش مالتج

دشي موقع الايلتس ولاا التوفل واقري فيه وحلي

والله يوفقكم يااارب


بشششرينااا عنج

 

[F.A]

رفيجتي امتحنت عندهم تقول اكثر شي قواعد انجليزي و شوي معاني كلمات
موفقه

 

[shea butter]

ترا الموضوع حيل قديم سنة 2010

وردودكم كلها توه

عموما اللي سمعته جنه الغوا اختبار القدرات يعني الحين بس اختبار انجليزي + اختبار تخصص وبعدين المقابله

 

[انجبر قلبي]

انا الي رافعته ادري ان قديم بس لان كنت بكتب موضوع يديد علا نفس سؤالها فماله داعي دامه موجود ينرفع و بس

 

[shea butter]

القدرات الله يسلمج يعتمد على السرعة اول الاسئلة يعني مثلا كلمة احرف مخربطه تكونين كلمة
واسئلة شخصية شلون تتصرفين بمواقف معينة
وفي ارقام واشكال

-------------

اختي هالرد نسخته لج من موضوعهم اللي بالمنتدى عندنا اهني قبل سنه

------------

والحين سؤالي لج ماتعرفين متى يبطلون؟ لانه اخر مره بطلوا السنه اللي طافت والمفروض هالسنه يبطلون

واستغربت اليوم دقيت على رقمهم هذا 23864752 رد علي واحد وقالي هالسنه بطلوا بشهر 5 او 6 ويعني المره اليايه بعد سنه :\

وانا اللي اعرفه انه هالسنه ما بطلوا

 

[انجبر قلبي]

شيا امبله بطلوا تسجيل هالسنة شهر 1 اعتقد

كنت توني متخرجة حتا ما استلمت الشهادة و شفت اعلانهم قدمت علا طول

و رحت ركض اييب شهادتي عشان الحق عالتقديم

بس عقبها ما اعتقد فتح شكله مخرب اللي قال 5 و 6



لان فتح شهر 1 وتوهم يدقون علينا حق الاختبار

 

[shea butter]

اووولا امقدمين شهر 1 وتوهم يدقون عليكم حق الاختبار؟ يعني من عشر شهور ؟؟؟

وبعدين غريبه السنه اللي طافت بطلوا شهر 7 او 8 وجنه تاخروا باعلان اسماء المقبولين يمكن لي شهر 12 او 1 !

زين ما تعرفين جم يقبلون؟ وجم وحده\واحد يقبلون من تخصص الحقوق؟

وشكرا

 

[انجبر قلبي]

لا والله ما عندي فكرة

 

[ktc0o0ta]

اختبار الkpc قدمت فيه تخصصي محاسبة ,اختبار الانقلش جدا سهل ومايبيله شي , لكن اختبار التخصص وماادراك مااختبار التخصص , اهوا تقريبا نفس اختبار التخصص مال الهيئة العامة للصناعه واثنينهم بنفس المكان (مركز التدريب البترولي kpc بالاحمدي ) تكون طريقة الاختبار كله اختياري بالكمبيوتر وبالانجليزي طبعا , 40 سؤال , في اسئله موضوعية وفي اسئلة تحتاج حل وحساب وتختارين الاجابه الصحيحة بعدين , اسئلة متنوعة بين المحاسبة المالية والتكاليف وغيرها , انا اجتزت اختبار الانقليزي بعدين طرشولي مسج بليل عشان اقدم اختبار التخصص ثاني يوم الصبح وللاسف سقطت فيه بجداره تشييييير مع العلم اني شاطره بتخصصي ومعدل التخصص عالي لكن الاختبار يحتاج فعلا الدراسة وتحلين نماذج من هالاختبار قبل ماتقدمين والله الموفق

 

[*مطبخ الذواقة*]

رفع

والله يوفقج

 

[M&Ms]

منو عنده فكرة عن طريقت الامتحان او شنو الكتاب اللي لازم ندرس منه؟