اختبار القدرات ؟!

[F6oom.f]

السلام و عليكم
بنات انا الحين في 12 علمي اخير سنة ابي ادش كلية الهندسة و البترول
لازم امتحن القدرات ولا مو لازم؟
وسمعت ان الي مايمتحن القدرات نسبتة مالت الثانوية تنزل صج هالاكلام؟!
ووين تنصحوني ادرس هندسة في جامعة الكويت ولا الكلية الاسترالية بما ان عندي كرت اعاقة النسبة تنزل ولا مايراعون ؟
بلييز جاوبوني ابي اتخذ قرار و ما اندم عليه و شكرا​

 

[F6oom.f]

١٩ مشاهدة ولا رد شدعوة محد يدري؟!

 

[الحورية الصغيرة]

القدرات نا ينزل من نسبه الثانويه

الناس فاهمه القدرات غلط !!!!!!!!!!!!!!

في شي إسمه معدل مكافئ و هو معدل مكون من نسبة الثانويه و نسبة القدرات

المعدل المكافئ لكلية الهندسه = ( 70ضرب نسبة الثانويه ) + ( 15ضرب قدرات الرياضيات )+( 15 ضرب قدرات الإنجليزي)


و نسبة الثانويه اهيا اهيا ما تتغير لكن كلية الهندسه تقبل على أساس هذا المعدل

يعني اذا ما إمتحنتي قدرات مستحيييييييييييييييييييييل تنقبلين هندسه

و باقي الكليات تاخذين تمهيدي و تمهيدي يضيع الكورس على الفاضي لا يدش بالمعدل ولا شي و إلي تييب درجات على الحفه = إلي تييب درجات عاليه لانه بالنهاية سقوط و نجاح

 

[Alrem_q8]

مثل ماقالت الاخت الحوريه اذا اخذتي قدرات ماله دخل بنسبتج النهائيه مالت الثانويه العامه اللي تطلع بالجرايد مايرفعها ولا ينزلها
بس لما تقدمين على كلية الهندسه يسون الطريقه اللي ذكرتها الاخت حوريه ع اساس يطلعون المعدل المكافئ
اللي اهو ممكن ينزل النسبه حححيل بس ماله دخل بنسبتج الثانويه يعني الدرجه اللي تطلعها كلية الهندسه محد يعرفها الا الكليه وانتي واللي انتي تقولين لهم
وطبعا كلية الهندسه لااااازم تمتحنين قدرات
بنت خالتي نسبتها بالثانويه العامه ٩٣ ... وامتحنت قدرات ولما قدمت ع كلية الهندسه طلعوا المعدل المكافئ مالها اللي اهو عباره عن نسبتها بالثانويه مع امتحانها القدرات وصار معدلها المكافئ ٨٢ لاحححظي معدلها المكافئ صار ٨٢ مووو نسبتها .،، نسبتها ماتتغير
المهم والهندسه تقبل نسبة المعدل المكافئ من ٨١ مو نسبة الثانويه
ورفيجتي نسبتها الثانويه ٨٩ ونص مع القدرات طلعوا معدلها المكافئ صار اقل من ٨١ فماااقبلوها بالهندسه
لكن اخرت قبولها كورس كامل وامتحنت القدرات مرة ثانيه وشدت حيلها وجابت نسبتها مالت المعدل المكافئ ٨٣ وانقبلت بالهندسه بالكورس الثاني






بالنسبه للكليه الاستراليه ماادري عنها لكن اتوقع جامعة الكويت افضل وارقى

 

[اميرة بكلامي]

حبيبتي انا بكليه الهندسه و البترووول
امتحان القدرات مطلووووووووب و لازم تمتحنينه
لان اهم يحاسبون على المعدل المكافئ و اهوو اللي يحدد نسبه قبولج بالجامعه

شدي حيلج فيه لانه مو صعب و تقدرين تجيبين في درجات


و النظام الجديد في كليه الهندسه ان سيداا يقبولج للتخصص من المعدل المكافئ لنسبه رابعه ثانوي
فمثلاا ان كتي تبين بترول و صناعي و مدني شدي حيلج بالقدراتتت حيييل
اما باجي التخصصات لازم معدلج ما يقل عن 86 لتضمنين القبول

 

[قمر الكويتية]

رفع لعيونج و بإذن الله الأخوات يفيدونج

و الله يوفقك و يبارك لك

**************************

سبحان الله ... الحمدلله

 

[إغواء]

السلام و عليكم
بنات انا الحين في 12 علمي اخير سنة ابي ادش كلية الهندسة و البترول
لازم امتحن القدرات ولا مو لازم؟
وسمعت ان الي مايمتحن القدرات نسبتة مالت الثانوية تنزل صج هالاكلام؟!
ووين تنصحوني ادرس هندسة في جامعة الكويت ولا الكلية الاسترالية بما ان عندي كرت اعاقة النسبة تنزل ولا مايراعون ؟
بلييز جاوبوني ابي اتخذ قرار و ما اندم عليه و شكرا​

اول شي الله يوفقج ي رب .. :eh_s(17):
القدرات إيه يحسبونها ضمن النسبة يعني لاززم تمتحنينها وتدرسين لها ..
ودراستها مو صعبه تقدرين عليها لا يقصون عليج يقولون تعجيزيه حجي فاضي !
اعتقد عندج ثلآث محاولات ف 12 .. شدي حيلج وركزي على الانقلش والرياضيات
الكيمياء لازم تعدينها بس مو مهمه درجتج جم تكون فيهآ ! يعين لو تاخذين 51 مِن 100 عآآآدي
آهم شي آنج معديتيه وبجذي ماتاخذين تمهيدي اول كورس لج بالجامعه
اما الانقلش + الرياضيات ..... انتي مطالبه فيهم وبنسبه عاليه يعني ع الاقل بـ 80 !
وانتي تقدرين على هالنسبه بإذن الله

- » انا طالبه في كليه الهندسه - جامعه الكوويت « -
الدراسه فيها مو تعجيزيه يعني اذا درستي تاخذيين آلـ A ،
آفضل انج تدرسين فجامعه الكويت والاسباب عدييده ....
الاستراليه آول سنه يعطونج اختبار لغه انجليزيه اذا عديتيه علطول تبلشيين التخصص !
بس اذا ماعديتيه يعطونج سنه كامله تقويه لغه انجليزيه !
+معلومه الكل غافل عنها :rerrerek:
ان الدراسه في الاستراليه دبلوم يعني سنتين ؟
في حاله كان معدلج عااالي تقدرين تكملين ف نفس الكليه بكالوريس !
اذا لا فآنتي ( مساعده مهندس) وليس ( مهندس) وماتقدرين تكلمين والشهاده ضعيفه يعني غير معترف فيها في بعض الجهات


انا اقول تو الناس على هالتفكير حطي فبالج انج تبين تطلعين بنسبة عاليه
وشدي حيلج بالقدرات ، وان شآء آلله تطلعين بنسبه حلوه وتقبلج آلجامعه
وآذآ تبين شي آنا حاضره :eh_s(17):