اختبار القبول

[أبرار84]

السلام عليكم كويتيات
باجر بنتي عندها اختبار قبول في المدرسة الباكستانية
إذا نجحت يدخلونها kg2 واذا الله لا يقول ما نجحت يردونها kg1
عشان جذي طالبتكم بنات شلون اختبار القبول ؟
وشنو أدرسها الحين ؟ سواء عربي او انجليزي
لان بنتي مو متأسسة عدل
ساعدوني بليييز
ناطرتكم مافي وقت

 

[M!$_ $heme]

الاختبار بسيط يسالونها عن الالوان والارقام والاحرف لاتحاتين

بس اي فرع هذا؟؟
ويصير اسجل ولدي الحين؟؟

 

[أبرار84]

المدرسة الباكستانية بالمنقف
واتوقع في تسجيل ليلحين

 

[Ibelievein God]

متى الاختبار

الاختبار بالانجليزي
الاحرف الارقام الالوان الاشكال

خليها تنسخ الاحراف
او حطي صورة وعندها الحرف عشان ماتنسى مثل c cat وتحطين صوره

واذا تقدرين تحطين لها مدرسة تساعدها افضل

والله يوفقها

 

[mafio98]

انا ماعرف بالباكستانيه بس اتوقع نفس المدراس الانجليزيه. غالبا بيسالونها شنواسمج واسم ابوج وامج بالعربي والانجليزي بيعطونها الوان ويطلبون منها لون معين ويشوفون اذا تعرف اول لا تعد من 1-10 يحطون جدامها عدد من الاقلام ويسالونها عن عددهم حطون جدامها وانتي بكرامه حيوانات ويسالون عن اسمهم بس هذا اللي اذكره ويشوفون المحادثه عندها


بس طبعا مو كل علاشياء بتنسال سؤالين او 3 المقابله ماتاخذ 10 دقايق والله يوفقها وعقبال ماتشوفينها متخرجه من الجامعه