اختبار الآيلز ؟؟؟؟؟؟

[جان دارك]

بخصوص اختبار الآيلز :bbbiu:
اللي مرت بهالتجربه
ياليت تفيدنا
من ناحية مدى الصعوبه
ونوعية الأسئله
والأجواء العامه
وسلامتكم :eh_s(7):

 

[F.DIAMOND_Q8]

اب اب اب​

 

[(حكاية قلب )]

آب آب

 

[جان دارك]

فديتهم أحبابي
ثانكس للرفع

 

[Dana.Qtr]

حبيبتي انا ماقدمته مره ولا مرتين .. قدمته 8 مرات والتاسعه والعاشره بتاريخ 14\1 و 21\1 ..
ماقولج سهل ولا صعب .. دايما اجيب 5 والحمدلله على كل حال ..
اول شي يبتدي الامتحان من 9 لحد 12

اول بارت يكون الـ listening .. ويتكون من 4 sections وفالاغلب اول 3 sections تكون نوعا ما سهله فحاولي تشدين حيلج فيها .. اللغه متعمقه وبريطانيه فصيحه .. ويكون مدته ساعة كامله ..

ثاني شي يكون الـ Reading .. ويتكون من 3 sections فيه اول 2 sections اسهل من section الـ 3 ومايمديج تقرين شي لان الوقت مايوسع .. فلازم تحاولين تلقين الكي وردز ومن هذا القبيل وتستعيلين .. وايضا مدته ساعه كامله ..

ثالث بارت يكون الـ writing ويتكون من task 1 & task 2 نبتدي بـ task 1 يكون عبارة عن دراسة فيها ارقام وتتكلمين شنهو ارتفع وشنهو نزل وتشرحين الي تشوفينه ويكون عليه 3 درجات بس
اما الـtask 2 هو essay طويل حول 250 كلمه والموضوع يكون عبارة عن نقاش بين قروبين توضحين الايجابيات والسلبيات وانتي مع منو وضد منو .. وبعد مدته ساعه ..

الـ speaking انا اشوفه اسهل بارت لان مدته 15 دقيقه اول دقيقتين يكون تعريف عن عمرج وانتي طالبة او موضفه وليش بتاخذين الايلس .. عقب يختار لج موضوع ويسالج فيه عدة اساله وتجاوبينه بدون خوف وبثقه ولازم فيه eye contact وعقب يعطيج توبيك ويخليج تقرينه ويعطيج دقيقه تقرينه وتكتبين notes بعد جذي لج مدة دقيقتين تتكلمين فالموضوع "دقيقتين" مب اقل من جذي يعني تنطرين لحد مايسكتج ..

*ملاحظاتي ..

1- الـ listening وانتي تسمعين مايمديج تكتبين الكلمة كامله فافضل شي تسوين الكلمه مختصره .. مثلا الكلمه الي لازم تنكتب بالفراغ conversation يا انج تحطين اختصار لها بس تفهمينه مثلا conv وبعدين تكملينها او تكتبين بالعربي كونفيرسيشن بتكون اسرع ..

2- ابتدي بالـtssk 2 في الـ writing لانه اطول ومافي وقت كافي ..

3- في الـ speaking لا تسكتييييييييييين ولا تقولين "اممممممم" لان اذا وقفت الافكار هني تخسرين درجات .. ولازم تشوفين الي يسوي معاج الامتحان وجنج تسولفين معاه .. وماتسكتين لين ماهو يسالج سؤال او يقولج ان الوقت خلص ..

وسوري طولت عليج وان شاء الله اكون افدتج ومانسيت
شي .. وادعي لي اجيب الـ 5.5 ويتيسر لي بالجامعه ..​

 

[Dana.Qtr]

واحب اضيف شي واعلمج توزيع الدرجات .. فاول شي الي هو الـ listening لو جاوبتي 23 واحد صح تظمنين الـ 5.5
وفالـreading نفس الشي لو جاوبتي 23 سؤال صح تجيبين 5.5 فيه
وفالـ writing يكون task 1 عليه 3 درجات و task 2 عليه 6 درجات .. حاولي تتدربين عشان تظمنين الـ 5.5
وفالـspeaking تقدرين تجيبين الـ5.5 بكل سهوله ان شاء الله ..
وبعدين تنجمع الدرجات 5.5 + 5.5 + 5.5 + 5.5 = 22 وبعدين 22 ÷ 4 = 5.5 .. وفالي وفالج اعلى من جذي ياربي

 

[Angel_store]

اب اب اب

 

[جان دارك]

dodi
مشكوره حبوبه عالاهتمام بالرد
وايد استفدت من مرورج
لا خلا ولاعدم
آنا صحيح أطمح اني اييب خمسه ونص
بس هم راضيه بالخمسه وادش كورس واحد
بس اني ادرس سنه ونص هالشي بيجيب لي
احباااااط
انا انقبلت بالجامعه
بس ابي اتخلص من كورسات الفاونديشن
وأسوأ شي عندي الاستماع وفقد بعض المفردات
وقدمت على برايفت ساعتين
بالـ Auk عالاسبوع الياي
وربج يسهل
بس سؤال أخير
هل كان سهل انج اتيبين الخمسه
والا بذلتي مجهود
وهل الألف كلمه الاشهر بالانجليزي
فادوج والا لا ؟؟

 

[جان دارك]

Angel_store
الله يرفع قدرج

 

[Dana.Qtr]

dodi
مشكوره حبوبه عالاهتمام بالرد
وايد استفدت من مرورج
لا خلا ولاعدم
آنا صحيح أطمح اني اييب خمسه ونص
بس هم راضيه بالخمسه وادش كورس واحد
بس اني ادرس سنه ونص هالشي بيجيب لي
احباااااط
انا انقبلت بالجامعه
بس ابي اتخلص من كورسات الفاونديشن
وأسوأ شي عندي الاستماع وفقد بعض المفردات
وقدمت على برايفت ساعتين
بالـ auk عالاسبوع الياي
وربج يسهل
بس سؤال أخير
هل كان سهل انج اتيبين الخمسه
والا بذلتي مجهود
وهل الألف كلمه الاشهر بالانجليزي
فادوج والا لا ؟؟

اهم شي ادعي لي اتوفق :*
انا مستواي فالانجلش الحمدلله جيد جدا فاقدر ع الـ5 بسهاله لله الحمد .. لكن بعد جهد جهيد وصلت لهالشي .. ادرسي الرايتنج اهم شي .. والالف كلمه ماعرفهم اصلا ولا مره سمعت عنهم ..

 

[جان دارك]

والله دعيت لج بقلبي

بس ولا يهمج
الله يوفقج يارب وتيبين أعلى الدرجات

أما بخصوص الألف كلمة الأشهر باللغة الانجليزية
كثير انصحوني اني لازم عالاقل
أكون حافظتهم

بحثت عنهم وحفظتهم عندي بمستند
في الرد التالي بحطهم لج
عن طريق السايت مالهم
لأن اهنيه في كويتيات مااشوف زر التحميل

:eh_s(7):

 

[جان دارك]

هذيلا أول 250 كلمه :bbbiu:

http://esl.about.com/library/vocabulary/bl1000_list1.htm


وهذيلا 250 بعد

http://esl.about.com/library/vocabulary/bl1000_list2.htm


ونكمل العدد لين 750 كلمه مع هذيلا

http://esl.about.com/library/vocabulary/bl1000_list3.htm


واخيرا مع اخر 250
نوصل للألف كلمة

http://esl.about.com/library/vocabulary/bl1000_list4.htm


وسلامتج :eh_s(7):

 

[Dana.Qtr]

حبيبتي ماقصرتي بميزان حسناتج .. عندج امتحان انتي يعني سجلتي ولا لا ؟

 

[جان دارك]

yes
في أول فبراير

 

[(حكاية قلب )]

انا بسوي امتحان تجريبي حق الايلز تحديد مستوي
بس حست من كلآمكم انه حيييل صعب
وهو الدرجة من كم بالظبط !!؟

 

[جان دارك]

مافيه تجريبي
التجريبي لتحديد المستوى اذا بتدشين
كورس ايلز دراسي
أما الاختبار مافيه تجريبي

 

[جان دارك]

اما بالنسبه للدرجه المطلوبه
انا مطلوب مني خمسه ونص
اما اذا جبت خمسه فيعطوني تمهيدي كورس
واذا جبت اربعه ونص اعتقد كورسين
واذا اربعه سنه ونص تمهيدي

 

[(حكاية قلب )]

اها طيب

 

[Dana.Qtr]

هو التوتل حق الامتحان 9 بس قلة في العالم يوصلون لها .. الامتحان متعمق ويبيله تركيز ولغه والاهم من جذي ان الوقت قصير ومايوسع .. اهم شي ادرسي له عند شخص مختص يعلمج شلون طريقة الحل واحفظي نماذج للرايتنج ودشي مواقع اقري مواضيع وعشان السبيكنج تكلمي مع اي حد بالانجلش حتى لو بروحج تكلمي جنج تكلمين احد .. وموفقين ياربي ..
واحنا نظامنا فقطر شوي اخس منكم .. فجامعة قطر نقدم امتحان اسمه اكيوبلايزر هو امتحان لفلات وانا يبت لفل 3 الحين درست لفل 3 ونجحت الحمدلله وباقي لي لفل 4 ولين نجحت فيه اتخصص لاني جايبه 5 ..
بس لو جبت 5.5 احذف اللفل وعلى طول اتخصص وبص

 

[(حكاية قلب )]

8
اها انا قلت ان شاء الله بس اتخرج بدرس في جامعة قطر
وبالنسبة حق النسبة كم يبون ؟
حق تخصص البزنيس؟