اختار منو فيهم

[عشقته ياناس]

السلام عليكم ورحمة الله وبركاته


بنات ابيكم تساعدوني تعبت من التفكير وفكري حده متشتت القصه ومافيها اني محتاره بين شخصين

الاثنين خطبوني حلو المشكله وين شوفو معاي

الاول : احبه ويحبني واحنا شخص واحد ويحبني اكثر مني من 6 سنين بس بدون واحتمال اذا تزوجته

اشيل معاه مسؤليه البيت وهالسوالف بس اهو قالي ماراح اقصر عليج بشي واعيشج احسن من

الكويتيين ولما خطبني ابوي رفض قال مستحيل بس للحين عندي امل وامي تقول اصبري اذا تبينه

مع العلم ان صارلتي مشاكل معاه بعلاقتنا وعارف عني كل شي لو اساله جم شعره براسي يمكن

يجاوب انا ببين لكم مدى علاقتي فيه وطلبه اني البس نقاب واحتمال عباة راس

الثاني : ماعرفه من طرف وحده تمدحه حيل وتقول زين اهو سعودي بس عايش بالكويت ماعرف عنه

شي بس اللي عرفته من البنت انه اذا تزوجته ماراح يقصر علي بشي لانها ماخذه اخوه وتقول مو

حاسه بنقص قلت لها موشرط يكون مثل اخوه قالت بالعكس هذا احسن وانا مادري صج ولالا

بالنسبه لاهلي للحين ماصار رفض والرجال شافني وقال ابيها بس انا من ناحيتي ماحسيت باي شي صوبه بالعكس ماعجبني كلش وعادي عنده اكون بدون نقاب

علما بان معاشهم نفس الشي تقريبا بس السعودي راهي اكثر من البدون

المشكله فيني ماني عارفه اختار منو حبيبي اللي خايفه من عيشتي معاه ومستقبلي ومستقبل عيالي

ولا الثاني اللي ماعرفه بس احتمال يكون احسن مستقبل وعيالي يكون عندهم جنسيه تسندهم

مع العلم ان الاول قالي احتمال ماتولدين بالكويت باي ديره عشان يكون عنده جنسيه

تكفون ابي حل انتم شرايكم حطو نفسكم بمكاني ماني عارفه وانا مو صغيره عمري 29 سنه والبدون اصغر مني 24 بس موحاسه بهالشي نهائيا معاه احسه اكبر حتى بالشكل

انا شكلي حيل صغير والثاني السعودي عمره 33 ومومبين عليه يعني عادي :eh_s(11)::eh_s(11):

 

[الأميرة جوري]

استخيرررررررررررررررررري والله يكتب لج اللي فيه خير

 

[نونه الزعفرانه]

الاختيار صعب
بس أقولج كل واحد والميزه اللي فيه
البدون : يحبج


بس اذا خذتيه راحت كل حقوق عيالج وراح تصيرين بعين عيالج أنانيه
واذا على قولته تولدينهم برا خذي مني حجي فاضي ومأخوذ خيره مو منطقي كلش ماكو شغل بطني شكبره بسافر عشان أولد وما تدرين شنو الظروف .


السعودي : كافي ان اسمه عنده جنسيه يعني بأسوأ الاحتمالات ماراح تضيعين انتي وعيالج .








انا اختار السعودي وانا مغمضه

 

[بدورة القمورة]

استخيري


وانا اقولج الي يحبج..

 

[زعنوفه]

رد : اختار منو فيهم

حبيبتي فكري بعقلج مو بقلبج لان كلام العقل اهو الاسلم .... البدون مالج معاه مستقبل ابدا ... اما السعودي يعتمد عليج انتي اهو مواصفاته زينه ومناسبه بس يعتمد عليج اذا انتي بدون فزواجج من السعودي فرصه زينه لج ولعيالج اما اذا كنتي كويتيه فلا ترضين بولا واحد فيهم!! مو قصور بالسعودي والله لا بالعكس بس الغربه صعبه تعيشين بعيد عن اهلج

وقبل كل شي حبيبتي استخيري والله يكتب لج الي فيه الخيره ان شاء الله:yaaaaaarb:​

 

[اتتعبنـي غلاك]

اختي عشقته ياناس
((الخيره بما اختارها الله ))
لاتختارين خلي الله يختارلج
وعليج بالاستخاره مره ومرتين لين يبين معاج​

 

[Maaya]

استخيري بس انا من رايي لاتظلمين اعيالج حرام .. بديهم على مصلحتج..

الحين الكويتيه اللي ماخذه بدون اعيالها وايد وايد يعانون ...

واختي اذا رفضتي السعودي تتوقعين بيوافقون على البدون؟؟ ربنا ماحرم العلاقات الا لهالاسباب منها ان مانحتار ونضيع ..

وايد علاقات كانت طويله ممكن عشر سنين وبالاخير كل واحد راح بنصيبه عادي ..

فكري عدل فكري بمستقبل اعيالج .. وصج العمر مايهم وهالفروقات بس الانسب لج السعودي لأن خلاص انسان ناضج والاهم عشان لاتسمعين لج كلمه مني مناك .. تلقين اجرب الصديقات وحتى الاهل اللي منكم وفيكم من وراج يتحجون بهالشغله ومن جدامج نغزات ..

استخيري وشوفي شنو يصير معاج وصدقيني بعد الزواج ماكو حب بس الاحترام يدوم ..

 

[عشقته ياناس]

مشكورين يابنات بس حيرتوني زياده انا كويتيه وسواء البدون والسعودي عايشين بالكويت

ولحد يقول انطري كويتي لان اصلا انا صعب انخطب دايم تتفركش

بس يابنات كلكم فكرتو بالعيال محد فكر فيني انا :eh_s(2)::eh_s(2):

 

[حورية الكويت]

حبيبتي انا جدا حاسة فيج

بس من البداية ليش كملتي معاه دامج عارفة انه بدون و اصغر منج ب 5 سنين !!! ترا صعبه على البنت تاخذ واحد هالكثر اصغر منها و بعدين بدون ..... مستقبل عيالج اهو مستقبلج بعد .... لان انا اعرف وحدة خذت واحد عن حب و يابت منه عيال ... و عقب سنين و بعد العشرة و الامور اللي مرت بينهم تحسفت انها ما خذت من نفس اصلها ( هني انا اتكلم عن الاصل ) فمابالك بالجنسية !!

انتي شايفة وضع البدون بالكويت ... ترضين تعشين هالمشاكل و هالوضع اللي يمرون فيه ؟ عيالج بكونون منهم .

و صدقيني استخيري ... و اذا اهو فيه خير ربي بقربه منج و اذا فيخ شر ربي بشيل حبه من قلبه و يبدله حب افضل و حلال

استعيني بالصلاة و القران و الدعاء و قيام الليل

و الله يوفقج

 

[اتتعبنـي غلاك]

اختي عشقته ياناس
الرسول صلى الله عليه وسلم قال((من اتاكم على خلق ودين فزوجوه))
فأستخيري افضل واحسن لج والله يختارلج نصيبج
وبالاول والاخير الزواج قسمه ونصيب
والي الله كاتبه لج بتاخذينه
فعادي لوتاخذين سعودي
في بنات كويتيات متزوجين سعودين
وعايشين ويزورون الكويت ويشوفون اهلهم
عادي.......
فأنت اذا اهو اكبر منج يمكن يكون احسن لج
من الي اصغر منج
فأنا براي اقول اخذي شور الله احسن من شورنا
فأستخيري استخيري
استخيري​

 

[شالعه ضرس العقل]

اذا مضطره تاخذين واحد منهم يعني ماخذه ماخذه

انا اقول اخذي السعودي
ليش؟

البدون اصغر منج لاتقولين مو مشكله امبلا مشكله بكره يبين فيج الكبر اكثر منه يعني هو يكون بعز شبابه وعمره 30 وانتي بتدخلين الاربعين الا شوي وبعدين هو راح يقارن بين البنات اللي بعمره وصغار وبينج - ثانيا مستقبله مجهووووول وعيالج يضيعون يعني عيالج بدون - ثالثا انتي بالنسبه له فرصه رزق ( بدون ماخذ كويتيه ) بتشيله وبتشيل عياله ما اقول هالكلام قصور بالبدون لااااااااااا بس هذا الواضح من كلامج عنه - رابعا اهلج مو راضين يعني هالزواج مافيه بركه

السعودي عنده جنسيه -اذا ممدوحه اخلاقه وماعليه كلام وهذا بعد ماتسالون عنه طبعا - عيالج بيكون عندهم جنسيه ومو مرفوض من اهلج

بعد ماتستخيرين شوفي عيوب ومزايا كل شخص ولاتقولين احبه وهالخرابيط حكمي عقلج وصدقيني لو تاخذين السعودي راح تحبينه اذا الله كتب بينكم والحب مو كل شي بالحياة

وانتي واهلج تعرفون مصلحتج وينها
والله يوفقج

 

[برونزية الكويت]

حبيبتي انا اقول لج السعودي اخذيه اولا اهلج مو راضين على البدون ومع الالحاء ورضوا بعدين اذا صار ما صار وتهاوشتوا راح يعايرونج ويقول لج مو هذا الي اخترتيه وذبحتينه فيه اكليها <<<حبيبتي انا ما اتمناه لج بس فكري بالمستقبل عيالج وبعدين البدون مو ما خذين حقهم والله باجر بتحسفين قد شعر راسج حكمي بعقلج وبعدين اهو اصغر منج ياليت بسنه او اشهر 5 سنيييين صعععبه الصراحه على الاقل السعودي له حقوق البدون وين ما يروح ماله حقوق فا حرام فكري بالمستقبل

 

[اتتعبنـي غلاك]

اختي سبق وقلتلج استخيري
بس انا احب اضيف ان السعودي افضل لج بما انه سمعتي احد امدحه
واحسن من البدون يمكن البدون يكون طمعان عشان باجر عياله تكون امهم كويتيه ((الله اعلم))
ففكري بعقلج وعيشي المستقبل وفكري فيه احسن من انج تفكرين بقلبج وتندمين وبعدين عندج فرصه بالسعودي فلاضيعينها وانتي تدرين انها ثمينه.وهو عايش بالكويت يعني جنج متزوجه كويتي حتى لو سافر السعوديه السعوديه كاهي جارتنا......
يعني افضل لج السعودي
مميزاته
اولا تدرين انه رجل زين وملتزم وامدحته رفيجتج
ثانيا اكبر منج ((من اكبر منج بيوم افهم منج بسنه))
ثالثا خليجي وعايش بالكويت

اما البدون
اصغر منج
وماعنده جنسيه

وانتي خلي عنج الحب والخرابيط وفكري بعقلج وانتي مومراهقه عشان تنجرفين لقلبج
وسوالف الحب
........................
ابيج تفكرين بينج وبين نفسج بعيد عن الحب وتسوين مقارنه بينهم مدة دقايق بس واكثر واحد في مميزات اخذيه
(وهو اكيد السعودي))
جربيها راح التساعدج الطريقه.............سوي مقارنه بينهم ((اجابيات وسلبيات))
وننطر ردج​

 

[pretty sarona]

فكرت بوضعج مره و مرتين و 3 ,, مادري اقولج تبعي قلبج ولا عقلج !
الرزق على رب العالمين , خذوهم فقراء يغنيهم الله

 

[نتوفه]

اذا مضطره تاخذين واحد منهم يعني ماخذه ماخذه

انا اقول اخذي السعودي
ليش؟

البدون اصغر منج لاتقولين مو مشكله امبلا مشكله بكره يبين فيج الكبر اكثر منه يعني هو يكون بعز شبابه وعمره 30 وانتي بتدخلين الاربعين الا شوي وبعدين هو راح يقارن بين البنات اللي بعمره وصغار وبينج - ثانيا مستقبله مجهووووول وعيالج يضيعون يعني عيالج بدون - ثالثا انتي بالنسبه له فرصه رزق ( بدون ماخذ كويتيه ) بتشيله وبتشيل عياله ما اقول هالكلام قصور بالبدون لااااااااااا بس هذا الواضح من كلامج عنه - رابعا اهلج مو راضين يعني هالزواج مافيه بركه

السعودي عنده جنسيه -اذا ممدوحه اخلاقه وماعليه كلام وهذا بعد ماتسالون عنه طبعا - عيالج بيكون عندهم جنسيه ومو مرفوض من اهلج

بعد ماتستخيرين شوفي عيوب ومزايا كل شخص ولاتقولين احبه وهالخرابيط حكمي عقلج وصدقيني لو تاخذين السعودي راح تحبينه اذا الله كتب بينكم والحب مو كل شي بالحياة

وانتي واهلج تعرفون مصلحتج وينها
والله يوفقج

رايي من رايها
وركزي على اللي بالوردي

 

[رآء يآء ميم]

السسسعؤدي


والله يكون في عونك

 

[رهيبة قطر]

وعليكم السلام ورحمة الله وبركاته


حبيبتي استخيري والله يقدم اللي فيه الخير ان شاء الله

 

[بنات حواء2]

البدون لا و الف لا لانج بتبهذلين وياه وفوق هذا الولد اصغر منج ليش تظلمين نفسج و تظلمينه
الثاني لا لانه كبير و مو منج وفيج
كويتي وبس

 

[هاناا]

انتي الحين تفكرين بشكل عاطفي



بس لازم تفكرين بشكل عقلاني


الزواج مو بس حب


الزواج استقرار و مستقبل


شنو ذني العيال لو تزوجتي البدون تجيبينهم بظروف صعبة ما لهم ذنب فيها


انا ما اتكلم عن المعاش لانه رزق من رب العالمين


انا اتكلم عن المستقبل الجنسية



لو كنت مكانج لا يمكن اقبل بالبدون


لان ابي الاستقرار لعيالي


و اذا على الحب راح تحبين الي تتزوجينه لان هذي فطرة البشر



و اكيد لازم تستخيرين


يمكن تاخذين واحد فيهم و يمكن يكون صاحب النصيب شخص مختلف



و الله يوفقج

 

[noorq8]

مشكورين يابنات بس حيرتوني زياده انا كويتيه وسواء البدون والسعودي عايشين بالكويت

ولحد يقول انطري كويتي لان اصلا انا صعب انخطب دايم تتفركش

بس يابنات كلكم فكرتو بالعيال محد فكر فيني انا :eh_s(2)::eh_s(2):

اسمحي لي على ان عمرج 29 بس تفكيرج ام 16 معقوله الموضوع ماخذ منج كل هالتفكير !!!


روحي زياره اعتبريها تمشيه لي الصليبيه وتعرفي على الكويتيات اللي ماخذين بدون عشان تعرفين الوضع عن قرب وعقب قرري ...