اخاف خواتي يضيعون

[كيوت قطر]

السلام عليكم ورحمة الله وبركاته

بنااات شحالكم , ان شااء الله بخير ,

فديتكم يابنات الكويت صج هالمنتدى واايد فادني ,
واحب اطرح مشاكلي عندكم , لانكم خواتي وادري بتساعدوني

فديتكم حبيت اقول لكم شي وانا وااايد خايفه منه

انا اكبر وحده من خواتي , وان شاء الله بعرس , وبروح بيت زوجي
وانا اللي ساعدت امي بتربيت خواتي ,

عندي 4 خوات واكبر وحده فيهم عمرها 13 يعني انا اكبر منها 8 سنوات
واصغر وحده فينا اولى ابتدائي ,

المشكله هالجيل متفتحين واايد ويبون كل شي بسرعه
يعني
انا قبل كنت بنادي وشركت اختي اللي 13 في نادي , وطلعت منه لاني ملجت ودراسه
واختي كملت بنادي , وانا واايد اشجع خواتي انه ينمون هوايتهم وجي ,

المشكله انه اختي صغير ((بس عقلها اكبر من سنها ))

يعني بهالسن امي وابوي موفرين لها موبايل , انا حيل تضايقت انو وفرو لها وقلت لامي ليش وماله داعي
بهلسن موبايل , وانا يوم كنت اكبر من سنها اطلب وكنتوو ترفضون ليش بهالسن ,
امي طبعا تقول لاا عادي واشفيها , لا تمنعينها وابوي بعد , سكت , وكلمت اختي انو اول ماتجي من النادي الفون بيكون عندي , قالت ليش انتي معقده غيري عنده بي بي وانا ساكته وما اطلب , وقلت لها انا مو معقده ولا شي , انا ابي مصلحتج , وطبعا امي اول مادرت اني اخذ منها الفون هاوشتني قالت الفون بيكون عندها , طوفت هالشي

وضافت المسن وتس اب على موبايلها, سكتنا , وحاليا هي طالبه من ابوي انو يبدل تليفونها بي اي فون
طبعا الوالد قال حاضر وماعندي مشكله , كلمت الوالد قلت له ليش وهي صغيره , قال هي مب صغيره هي كبرت وخلاص , وقال كا انتي عندج بي بي وفاتحه الخدمه , وانا ساكت ,

وهي اللحين تلح على رفيجتي لان معاها بنادي اني اسمح لها تدخل الفيس بوك وتويتر

المشكله يا بنات امي وابوي صاروو وااايد فري , قبل كانو متشددين علي انا واخواني الكبار ,
بس مع هالصغار كل شي فري

يعني اختي يوم تبي اي شي , تقول لامي اكاهي (( فــلانه )) يعني انا , تفصل وتحط مكياج ليش انا

انا قبل كان يمنوع مكياج , نادي , عروس الا عروس الاهل (( بس ربوني احسن تربيه لان ادري لو فوروني كل شي بضيع ))

المشكله وااايد خايفه عليهم , لانه خواتي الصغار كلهم ورى بعض , واكيد بيقلدون بعض
ابوي قاط المسؤليه على امي , وامي مادري اشفيها عادي عندها
وتقول ماراح يصير فيهم شي , اكا انتو ماصر لكم شي

اقول يااايمه انتو ربوتنا على انفرق الصح و الغلط

يحسسوني انه انا واختي نفس العمر ,

مااادري شاسوي , ساعدوني , هل انا صج معقده ولا الدنيا صايره جي :eh_s(2):

 

[miss_whitemocha]

إنشالله ما عليهم إلا العافية، و مثل ما أمج ربتج أحسن تربية راح تربي خواتج أحسن تربية إنشالله، و بالنسبة لكونها تسمحلهم بأشياء ما كانت مسموحة على وقتج فهذا حيييييل طبيعي، دايما الأهل مع البجر يشدون بس يرخون مع اللي وراها، انا جذي كل شي كان ممنوع علي بس خواتي لأ، حصلوا كل شي بوقت مبجر، وكنت مثلج بالأول أحاتيهم و أخاف يضيعون، بس طلع تصرف أمي صح، ترى جيل عن جيل يفرق، والدنيا تتغير، اللي كنا نشوفه إحنا على وقتنا شي كبير و عظيم مثل الموبايل مثلا، صار شي عادي و سهل و الكل عنده بدال الموبايل إثنين..عسى ربي يوفقج يا حبيبتي بدنياج و الله يخليلج خواتج ولا يحرمج منهم إنشالله..​

 

[كيوت قطر]

حبيبتي تسلمين ع ردج .,
فديتج والله ما قصرتي

يعنــــي اخلي الموبايل لها . ولا احاتي ,, خايفه واايد من هالجيل , لا تلموني من اللي اشوفه ومن واللي اسمعه

 

[بنت حظوظ]

هههههههههه ليش العروس ممنوع خو عرس بنات ما فيها شي خليها تستانس

 

[miss_whitemocha]

حبيبتي تسلمين ع ردج .,
فديتج والله ما قصرتي

يعنــــي اخلي الموبايل لها . ولا احاتي ,, خايفه واايد من هالجيل , لا تلموني من اللي اشوفه ومن واللي اسمعه

لا يالغالية لا تحاتين ولاشي،، صدقيني البذرة الطيبة ما تنبت إلا النبات الطيب،، ومثل ما إنتي طلعتي سنعة خواتج بيطلعون سنعات بعد.
​

 

[كيوت قطر]

هههههههههه ليش العروس ممنوع خو عرس بنات ما فيها شي خليها تستانس

حبيبتي انتي فاهمه الموضوع غلط
تقدرين على الاقل تقرين الموضوع

شاكره لج مروورج

 

[كيوت قطر]

لا يالغالية لا تحاتين ولاشي،، صدقيني البذرة الطيبة ما تنبت إلا النبات الطيب،، ومثل ما إنتي طلعتي سنعة خواتج بيطلعون سنعات بعد.
​

حياتي انتي ,
بردتي قلبي الله يبرد قلبج

تسلمين يالغلا كله

 

[هواياااااا]

ماشاء الله عليك ونعم التربيه وان شاء الله خواتك مثلك ولا تحاتين بس لا ترخون لهم لان الجيل هاذا ينخاف عليهم عطوهم كل شئ بس لابد من مراقبه والله يوفقك حبيبتى

 

[سكوتي بذوقي]

اختي لاتحاتين انتي مو معقده ولا فيكِ شي

انت خايفه على خواتك وهذا من حقك لأن اللي تشوفينه بهذا الزمن يخوف

بس الحمد لله امكم ماشاء الله ربتكم أحسن تربيه

إن شاء الله ربي بيحفظهم ويبعدهم عن بنات السوء

 

[ياغفور اغفر لي]

حبيبتي تدرين امج ليش كانت شديدة عليكم ومع هالجيل لاااا
لانها اتعبت من التربيه نفس امي الله يحففظها كانت لما نسوي الغلط واحنا صغار اطقنا وتهاوشنا وتعلمنا
اما مع جيل اخواني الحيل لاااا اقولها يمة شوفي فلان ولا فلانه تقولي والله تعبت ماني قادرة ضغط وسكر واحس لما اهاوش قلبي يعورني

انتي ماعليج الحين امج وابوج موجودين خلاااص تهني بعرسج واستانسي ولا تفكرين وتحاتين وراقبي اختج من غير ماتحس

 

[عادت ذكرياتي]

حبيبتي إنتي لا معقدة ولا شي ومن حقج تخافين عليهم

بس مثل ما قالوا البنات غالبا الأهل يشدون حيلهم بالتربية بالنسبة لأكبر عيالهم وبعدين يرخون


بس حاولي مثلا مثل ما أسوي آنا مع اختي ضايفتها عندي بالمسن وما أحسسها إني أراقبها وبالعكس أسولف مرات بإيميلها مع رفيجاتها وكل شي أوكي تقربي منها أما بالنسبة للفيس بوك هو موقع حلو وسلاح ذوحدين بس ما أنصح إنها تشترك فيه بهالسن لأن يمكن ينقص عليها غير الإضافات اللي بتييها وصور خليعة وقلة أدب من البعض ويمكن تنجرف لاسمح الله

إذا أصرت على الفيس بوك إنتي سويلج حساب بعد وضيفيها عندج وراح يبين كل شي تسويه هي في صفحتج وبجذي تراقبينها من غير لا تحس أهم شي حسسيها بالثقة والأمان وكل شوي ذكريها إنها مسؤولة عن نفسها وتعرف الصح والغلط وأي شي تبيه تستشيرج فيه ....


والله يهنيج بعرسج

 

[حجيه هيونه]

اممممممممم خفي عن اختج شوي عشان ماتصير تخش عنج شي

ومن راي فعلا هالجيل غير خليها تبطل الواتس وتويتر بس راقبيها خلي عينج عليها من غير ماتحس انج تتحكمين فيها

 

[.:!:. ونس .:!:.]

الزمن تغير
ولا تخلّقوا أولادكم بأخلاقكم، فإنهم خلقوا لزمان غير زمانكم

 

[كيوت قطر]

يعطيكم العافيه على ردودكم الحلووه

ويارب اجوفهم بارين بــا امي وابوي ,

 

[nanoo2]

استودعيهم الله وخليكي قريبه منهم

 

[غداً القاك]

قلبي افهمي شي
زمنا غير عن زمنهم
يعني هالجيل اكيد مختلف عنا انا اشوف عيال وبنات اخواني موفرين لهم شغلات كنا بعمر اكبر منهم يالله نحصلها
السبب بسيط الزمن تغير واللي قبل مايصير وماله داعي صار عادي الحين
قلبي انتي نمي الرقابه الذاتيه عنهم خليهم هم يعرفون الصح من الخطأ من انفسهم
وبدال لاتقولين لها تلفونك يكون عندي بعد ماتردين من النادي وكذا <ممكن تنفر منك
لا خليك قريبه منها سولفي معها خليها تثق فيك وتفتح لك قلبها هنا صح الأمان الحقيقي بعد الله
الحرص الزايد يمكن يضيع لان لو بيسوون شي مو زين ويشوفونك حريصه بيسوونه من وراك بدون لاتاخذين بالك
خليك اختهم وصديقتهم اقعدي معها سولفي امزحي اكسبيها هي بعمر مراهقه ماتبي اوامر او تحكم تبي اخوه وثقه مقننه
الله يحفظهم يارب ويستر عليهم
والف مبروك قلبي مقدماً الله يوفقك وييسر امورك ^_^