اخاف اظلمه بزواجي من غيره ، ساعدوني ضميري مرهق و دمعتي ما توقف

[هب العطر]

السلام عليكم بنات

طبعا انا دخلت بنك هب العطر عشان اطرح لكم مشكلتي من حسابها

باختصار

ولد عمي ، من فتره سنه تقريبا بدا يبين لي اهتمامه فيني و جدام الاهل
و عيونه كلها حب
و يفزع لي وايد و يراكض عشان يلبي حاجاتي و يوقف مع اهلي

الولد اصغر مني ، و الكل ملاحظ اهتمامه فيني من الكبير و حتى اليهال الصغار

لكن : و لا عمره صرح لي و. تقدم يخطبني مع اني في سن زواج

اهلي مرحبين بفكره زواجه مني و امه ودها اكون مرت ولدها و ياما قطت هالسالفه بالضحك جدامي و جدامه

بس الولد ما تجرا ، صحيح انه عقب ما بدا يتقرب لي صار يعدل من حياته و لقى له وظيفه و اشتغل

بس ما بادر بأي خطوه زواج



الحين انا انخطبت من شخص ثاني ، الريال مناسب لي جدا و فيه وايد مميزات

طبعا انا قلبي متقطع على ولد عمي و احساسي يقول اني راح اكسر قلبه كسره قويه لو تزوجت غيره !

قلت : خليني اقول له ، دخلت له بالفايبر و يبت السالفه على ضحك

صارت ردوده متخربطه لمده دقيقتين ، تالي قام يقول : يمكن الريال زين ليش ترفضين ؟ شكلج شايله فكره الزواج من راسج

جان اقعد اغير السالفه و اقول عسى الله ينور بصيرتي و بس


العقل و المنطق و كل شي يقول لي اوافق ع الخاطب اليديد

بس قلبي شسوي فيه ؟؟ و الله حاسه انه يحبني بس مادري اشفيه يكابر

يمكن لان عارف ان ظروفه زفت ، يمكن يختبر اخلاصي له


ادري بتضحكون على عقليتي التعبانه و انا استاهل


بس و الله مالي غيركم من بعد الله


علموني يالسنعات الفاهمات شسوي ؟؟


ملاحظه ؛ انا عمري 31 وولد عمي 25

 

[razan90]

السلام عليكم بنات

طبعا انا دخلت بنك هب العطر عشان اطرح لكم مشكلتي من حسابها

باختصار

ولد عمي ، من فتره سنه تقريبا بدا يبين لي اهتمامه فيني و جدام الاهل
و عيونه كلها حب
و يفزع لي وايد و يراكض عشان يلبي حاجاتي و يوقف مع اهلي

الولد اصغر مني ، و الكل ملاحظ اهتمامه فيني من الكبير و حتى اليهال الصغار

لكن : و لا عمره صرح لي و. تقدم يخطبني مع اني في سن زواج

اهلي مرحبين بفكره زواجه مني و امه ودها اكون مرت ولدها و ياما قطت هالسالفه بالضحك جدامي و جدامه

بس الولد ما تجرا ، صحيح انه عقب ما بدا يتقرب لي صار يعدل من حياته و لقى له وظيفه و اشتغل

بس ما بادر بأي خطوه زواج



الحين انا انخطبت من شخص ثاني ، الريال مناسب لي جدا و فيه وايد مميزات

طبعا انا قلبي متقطع على ولد عمي و احساسي يقول اني راح اكسر قلبه كسره قويه لو تزوجت غيره !

قلت : خليني اقول له ، دخلت له بالفايبر و يبت السالفه على ضحك

صارت ردوده متخربطه لمده دقيقتين ، تالي قام يقول : يمكن الريال زين ليش ترفضين ؟ شكلج شايله فكره الزواج من راسج

جان اقعد اغير السالفه و اقول عسى الله ينور بصيرتي و بس


العقل و المنطق و كل شي يقول لي اوافق ع الخاطب اليديد

بس قلبي شسوي فيه ؟؟ و الله حاسه انه يحبني بس مادري اشفيه يكابر

يمكن لان عارف ان ظروفه زفت ، يمكن يختبر اخلاصي له


ادري بتضحكون على عقليتي التعبانه و انا استاهل


بس و الله مالي غيركم من بعد الله


علموني يالسنعات الفاهمات شسوي ؟؟


ملاحظه ؛ انا عمري 31 وولد عمي 25

اكبر مشكلة انه اهو يحبج وانتي تحبينه بس اهو المفروض يقولج هالكلمة نصيحة كلمي امج خل تكلم امه لو يبيج بطريقة حلوه مو انج قاطه روحج عليه علشان العمر يمر ويمكن الاخ موجاد بالموضوع وتضيع فرصتج

 

[M!ss CoLoRz]

تزوجي اللي متقدم لج إذا ريال زين لأنه هاي نصيبج لو ولد عمج يبيج انجان تكلم من زمان + فرق العمر تراه كبير 6 سنين!!! انتي دشيتي الثلاثين واهوه للحين نص العشرينيات مافي توافق

 

[MaryaBM]

مايبيلة شي !
استخيري و الخيره فيما اختاره الله

 

[مشتاقه لعيونه ~]

استخيري والشي اللي بصالحج راح يتم

 

[جيرازksa]

حبيبتي نصيحه من اخت استخيري ووافقي عمرك مو صغير مو كل يوم بتلاقي رجال كويس وشاريكي وموصافاته تمام

بعدين 6 سنين فرق ترى يمكن بكره يغير رايه يقول ابي وحده بعمري او اصغر مني

صدقيني عصفور عليد ولا عشره عالشجره

 

[هب العطر]

السلام عليكم بنات

و اخييييرا نزل الموضوع


للعلم : ترا ولد عمي تقدم لي رسمي و بط السالفه بويهي و قال شاريج !!!!


بس في شي حكومي يمنع ارتباطنا ،، و يبي له مراكض و حوسه وزارات و يمكن يتم و يمكن لا


عاد اذا ما تم بتروح علي الفرصتين ، ولد عمي ، و الخاطب اليديد


امي تنصحني اتزوج الخاطب البديد


و قلبي يبي ولد عمي



انصحوني يا بنات

 

[غرور 9]

انزين سؤال

حبيبتي فلنفرض لاسمح الـلـْ♡ـْْه هالورقه الي يبيلها مراكض ماصارت ومارح تصير

عمرج ؟
الخاطب الزين السنع؟

لي متئ يعني بتقعدين تقولين قلبي واحساسي واحساسه

شوفي حبيبتي لافات الفوت ماينفع الصوت
تراج مو صغيرة اولا وثانيا ماتدرين يجيج خاطب بعده ولا بتكون اخر خاطب بحياتج

هل ي ترئ بوقته تلومين منو نفسج؟ ولد عمج ؟ ولا قرارج؟

مارح تلومين الا نفسج وقرارج

حبيبتي توكلي ع الـلـْ♡ـْْه ووافقي ع الريال ويبيلج ضنئ منه بتنسين كل اهلج مو بس ولد عمج مادري عمتج

والله اني اعرف بنات ملكات جمال تعرفين شنو ملكات جمااااااال

ومن الحب والي عبالهم الطرف الثاني يبادلهم نفس الشعور
ضلو ناطرين ناطرين ليما ياهم طررراق سنع صحاهم ووعاهم بتقولين شلون؟

بقولج
خوات امهم برازيليه <<< ركزي برازيليه = جمالهم
ومتعلمات ومثقفات وكل وحدة مختارة ( بينها وبين نفسها ) الي تبي ولد عمتها والي تبي ولد خالها

واخرتها كله اوهام عبالهم يحبونهم
كل واحد خطبله وحدة من برا وتزوجو ويابو يهال

والبنات الحين وحدة منهم عمرها 39 والثانية 44

ولا زواج ولا ولد ولاهم يحزنون

كانو حتئ الي يبيهم بالحلال يطق الباب يرفضونهم عشان الحب والاحاسيس الي تقولين عنها


ياقلبي فكري زين بكلامي
اخذي الي متقدملج اذا سنع وزين لاتطوفين الفرصه من ايدج

 

[هب العطر]

مشكوراااات حبايبي و جزاكم الله خير وحده وحده



محتاجه اقرا ردود بعد



اب

 

[7o0o0r]

اهلين حياتي
شنو الاوراق اللي تعابلون فيها ويمكن ماتصلحون لبعض قصدج الفحص الطبي؟
انتي تشوفين عايلتكم فيها اطفال معاقين او شي جذي يخوفج لهدرجه
فارق العمر مايضر انا خالتي اكبر من زوجها ب٥ سنين اسم الله عليهم ماضرهم
مثل ماقلت اذا فيه شك انه دمكم مايتوالمون وافقي علي اللي جايج الثاني واهم شي قبل كل شي استخيري مره وثالث وعشر
وصدقيني اللي الله كاتبه لج بيصير والله يتممم عليج ويرزقج الرجال الطيب الصالح واللي يصلحلج

 

[هب العطر]

حبيبتي حور ودي اوضح لج الصعوبات بس و الله ماااااقدرررر

المهم ان سالفتي مع ولد عمي احتمالاتها ضعيفه وايد و يمكن تاخذ معابل سنه و اكثر

عشان جذي







اب


اب

 

[ربيع الامل]

نصيحة تاخذين المتقدم لك
و صراحه فرق العمر كثير و البنت عقلها ينضج قبل الولد و انتي جاتك فرصة حلوة لا تضيعين نصيبك لا تضيعينه و سمعي كلام امك
انتي خايفة تكسرين قلبه بس خاطرك و قلبك هم ما تكسرينه ولا تضيعين فرصة حياتك
الله يوفقك و يكتب لك الي فيه الخير

 

[الأميرة جوري]

استخيري والله يكتب لج التوفيق

 

[»همسْ ـآلخجل✿]

‘

آهلين




أول شيء 5 سنين مو شوية والله!
+ شبآب هآلوقت مو مثل أوّل آذآ خذوآ وحده كبرهم أو آصغر آو آكبر يستمرون وتكون ملكة بعيونهم

آلحين آلوضع تغيّر

بالبدآية رآح يكون طـآير فيج! حبيبتي وحيآتي و و و ....الخ

عقب 3 سنين 4 اذا مو سنة! رآح يملّ! وتزيغ عينه يمين ويسار!

رآح يدرو على بنت 18 سنة اللي اصغر منه!

مآ آقصد آجرحج لكن والله تآخذين وآحد آكبر منج آفضل لج حيييل مو شوية

والحمدلله اللي متقدم لج زيين لآ تحتآرين ابداً.


أول شيء آستخيري وبنيّتج الموافقه على الخاطب

نيّتج شنو؟
الموآفقه

ليش؟
لأن الاستخآره (اذا همّ احدكم بأمر), مو آذآ آحترت بين أمرين!

نصيييحه يختي وآفقي على اللي متقدم لج وتوكلي على الله

الحين قومي وآستخيري ومثل مآقلت لج خلي النيّة الموافقه

وصدقييني آذآ توكلتي على الله صج وسلمتي أمرج له والله هالرجآل لو آن بآطنة آسود وظآهره بيآض الله ينجيج منه بطريقة مآتتوقعينهآ

مو معنآتهآ آذآ وآفقتي توهقتي لآآآآ بالعكككس !

آذآ كنتي متوكله على الله سبحآنه مآفيهآ وهقه, بالعكس رآح ترتآحين


اسأل الله العظيم أن يشرح صدرج ويفرج همج يآآآآآرب

 

[زين ودلال]

انا اقول تزوجي اللي متقدم لج

ليش تعيشين على اوهام واحلام ممكن تتحقق وممكن لا وخصوصا انج مو صغيره

 

[اوبراا]

لاتضعين حياتج استخيري فرق العمر بينكم مو شوي انا رائيي من رائ البنات

 

[وسن الوجد]

استخير على المتقدم لج
ان كان خير و ارتحتي اقبلي هالزواج
و الله يوفقج يا رب العالمين
اهم شي المودة و الرحمة الي تجي بعد الزواج
و ربج يختار لج الافضل بحوله و قوته سبحانه
و هو حيل اصغر منج بس العمر عادي مو مقياس
بس استخيري افضل لا تضيعين عمرج
يمكن الولد ما يبيج يمكن اوهام



اهم شي الاستخارة و الله يوفقجج ​

 

[الأوركيد~]

استخيري

و اذا اللي متقدم لج زين توكلي

و الله ييسر لج الخير

 

[هب العطر]

مشكورات حبيباتي عسى الله لا يحرمني منكم


اب


اب



محتاجه بعد ردود



طماعه هههههههه

 

[Patcholli]

مساء الخير حبيبتي

حسيت من كلامج انج متعلقه بولد عمج وودج ان اهو الي يخطبج
حبيبتي من ناحية ظلمتيه طبعا لا .. لانج وصلتي لمرحله انج كلمتيه ووصلتيله الكلام بس اهو ما صارحج بشي ولا عالاقل قالج نطريني ماعشمج بشي ولا انتي عشمتيه بشي .. فخلاص من ناحية انج ظلمتيه لا ماظلمتيه ولا شي
انتي بنت بسن زواج ولج حق تعيشين حياتج وتتزوجين وتكونين اسره
الريال بهالعمر وليلحين عنده ظروف ومشاكل بتنطرينه جم سنه عشان يحل هالظروف ؟
وعقب مايستقر بحياته انتي جم بيكون عمرج ؟؟
صدقيني مو كلشي نبيه ونحلم فيه لازم اهو يكون صح وخير لا
ياما تمنينا اشياء وماحصلناها والله عوضنا باشياء احسن الف مره من الي كنا نحلم فيه
ونقول الف الحمدلله ان الله اختارلنا الخير ومامشينا على امانينا
حبيبتي مشاعر الحب تتبدل وتتغير وتتجدد لاتحطين فبالج انج اذا تزوجتي بتظلين متعلقه بولد عمج
لا صدقيني اذا الي متقدملج زين وطيب ويخاف الله وفيه كل صفات الرجوله الي تسعد البنت تحمدين ربج مليون مره ان ماخذيتي ولد عمج اللي ممكن تعيشين معاه بظلم ونكد وهم وتعب من ظروفه الصعبه

انا اقول استخيري وتوكلي على الله لاتوقفين نصيبج على اماني واحلام
السالفه مو سالفة ظلم السالفه انج تتمنين شي يتغير خلال هالفتره وخايفه توافقين وعقب الموافقه يتكلم ولد عمج ويقول يبيج
حبيبتي انتي كلمتيه وماتغير شي
خلاص شوفي حياتج ومو عيب الواحد يختار شي زين لمصلحته
بالعكس اذا الله قدملج نعمه وانسان زين لاتجحدين وترفضين هالنعمه