اخاف اتطلق ايي ريل حق بناتي يعايرهم مثل ابوهم

[om.aboodi]

مادري من وين ابتدي فيني هم وابي رايكم مالي غيركم خواتي انا مااقصر مع خالتي ام ريلي وحمولتي سنين خواته يقطون على حجي وابلع لما شاف تالي عقب خمس سنين وعرف اخته وهم نزلي علشان امي وعلشاني ياخي مايصير ماتحفظ كرامتي خلني احفظها المهم اللي حارني المدح للقاطعه ويدرون اني سنعه بس مادري شسالفه المهم ولدي عسي ربي يشفيه يبيله علاج باخير قررت الحكومه بلد اجنبي ورحنا طبعا خذيت عيالي معاه اسمله عليهم 3 فوق بعض علشان ربا واحد قلت وماني صغيره المهم قالي باخذ امي معانا كل مكان معانا بس هالمره قلت له يافلان احنا رايحين علاج موسياحه فااخاف اقصر مع امك والنفسيه تدري عصب وسواها سالفه وبلعت وراضيته ياناس لانه لو بروحنا حتي المصاريف اقل مايتعض مرة كنا بديره ثانيه معانا خدامه متنا من الايجار علشان غرفتين لو بروحنا عادي المهم كيفه خذيناها ويشهد على ربي قاعده اخدمها وانشاله مايضيع عند ربي تعرفون النفسيه صفر وسكنا بشقه بدور 30 والدرايش تخرع واقول لاتفجون الدرايش وتفجها جنه عناد مادري شنو بتوصله طبعا اجابل 3 يهال سنه وسنتين اعمارهم وتتحت وانظف واطبخ للكل وعقب الغدا اغسل المواعين واسويلها مطارة الشاي لانه اهيا تكح مرضت وربي تعبت تعبت يكفي اسمله عليهم المهم اقعد بليل علشان اسويلها حليب وتاخذ حبة السكر واسويلها لقمه وانام واذطر اقوم معاهم اليهال مبجر رحنا شقه ثانيه اشوه اول دور والا تقول اي حسافه شحلاتها انتي وعيالج بتوصخونا بخياسكم قلت لها هو خالتي ليش يهال لازم يحوسون فرق بين الوصخ والحوسه قالت وع لاوصخين وانتي وصخه قلت لها خالتي خل اي احد يدش بيتي بالديره بدون عزيمه مافي شي بالارض جان تقول اخاف صج وععععععععععععع مت انا وحماج انظظف بيتج ونشيل خياسكم ووصخكم تخيلوا طبعا طول اليوم ماقدرت انا نفست وكنا بنروح مطعم مارضت مااكل وع انا اكل مطاعم بالاخير اهيا اللي ازحرت وانا ماقدرت رجعت والا يقولي هي انتي اشفيج هذي امي لاتخربين بيتج وراضيها بلعت علشان ولدي وقمت سويت لها شاي المهم اخر اسبوع من الشهرين قامت تتكرم تطبخ طبعا تخش المرقه اسبوع بالفريزر انا قمت سويت شويه قلت بغدي اليهال مبجر براعي مشاهعرها المهم قلت لزوجي مشتهيه اطلب شي قالت ليش بعد قلت بس تعبت مواعين وطبخ قالت اشدعوة تسوين شي انتي انا اللي اطبخ اي طباخ شمتعبج قلت خالتي مجابله اليهال قالت عيالج غصبن عليج وتطبخين لعيالج بس انا لا مت قهر قلت خالتي تر ي كلمة يعطيج العافيه كافيه زعلتها هالكلمة رحت زعلت والا قاعد يهدد الريل باجر احجز وردج هيه انتي موتقولين علاج ولدي اردكم هذي امي طبعا اكثر انسانه تجابلها انا واكثر هدايا مني ولاشريت شي تبي مثله تحتر المهم معقوله مايشوف تصرفات امه المهم رجعنا وانا كنت قايله لها في اشياء وايد راح تتغير كلمته قلت له انا موحاسه بالامان معاك سهله كلمة طلاق عندكم لو تقولكم طلقوا تطلقون والا يقول لاانا اللي بتغير انتي شايله على امي قلت له فلان شوفوا ولاجنه تدش بيتكم الا انا ولااحد من اهلكم ايي مقطوعين يعني كل الناس موزينه بس انتوا والا يعايرني لانه امي وابوي مطلقين اقول روحوا دوري بيت يستقبلج اللي اهلج قاطينج من بيت لبيت قلت له لاانتوا عشان جذي تدورون المكسورة بس الحمدالله تري عندي اهل قال اي مبين امج موراضيه تمسك عيالج هذي صح بس ليش المعاير واذبحتني امه طول السفر اي امهم تجابل وتعايرني بنفاسي يبه شنو اخاف منفستني اثنين عند امي وتالي بس واهيا تسوي الللهم الشوربه الحسو وغيره اهلي اشهالمذله الحين ماعندي خدامه منو ماعنده خدامه بس تبيني متبهذله مومرتاحه اتشيشه عشان جذي تكلمت سنين ابلع بس بناتها كل ياهل خدامه انا ماقط عيالي عند خدم بس للتنظيف قالت له لاخدامتيل تسويلكم الحين انا مت من الكرف وخدامتها بس تيي تغسل صحون الغدا واعطيها خمس دنانير وساعات دينار ونص والا اليوم يايني عطيها قلت له شنو كل يوم بعطيها طبعا انا ماحاجيه ولااسامحه عالحجي والا يقولي عيل خل تروح قلت ختروح وايد حجي بليل اكمل اليهال اعذروني

 

[بيتي بوب بس كويتيه]

حبيبتي الله يعينج

مادري شقولج انشالله البنات يفيدونج وناطره تكملتج

 

[ام الدرر]

حبوبة
نصيحة الزوج لا تغلطين على اهله
صدقيني لويشوف بعيونه تقصيرهم
هو يغلط عليهم ويذمهم بس انت لا
انت عارفة طبعها ليش تحتكين فيها وتاخذين خدامتها
وتفتحين عليج بيبان ما تتسكر
المثل يقول الكحل بالعين الرمدا حرام
دام انج مو شايفة تقدير لا تضغطين على نفسج
سوي اللي يريحج واللي يرضي ر ب العالمين
ونصيحة اللي بينج وبين اهلج لاتنقلينه لزوجج واهله عشان لا يتشمتون فيج ​

 

[iLLuMinaTion]

الله يعينج
والله كريم

استخيري

 

[الأميرة جوري]

الله يعينج..صبري الصبرمفتاح الفرج

 

[A7la-SmiLe]

حبيبتي الله يعينج
ريلج غلط من عايرج بأهلج والطلاق موعيب ولاحرام كافي التربيه
ونصيحه لااتيبين طاري اهله ولاامه اعتبريها مثل امج واحتسبي الاجر ترى مافي شي ضايع عنده سبحانه وتعالى
وخلي كل شي بينج وبين ريلج ,, دايما استغفري
عسى الله يسخرهم لج​

 

[بربيره]

انتي وايد صريحه مع ريلج تقولين مشاعرج بصراحه لازم تتصرفين بذكاء اهو يتعامل مع امه جذي لانها تكسر خاطره و مره عوده

انتي لما تتظايقين لا تسكتين بس تمسكني صيري فقيره مسيجينه لا تتعبين نفسج وايد انتي اظاهر من الاول عودتي ام ريلج تسوينها يا دهينه لا تنكتين

شكو تسوين جاي و تودين و تيبين و معا عندج خدامه وولدج بعلاج و اخر شي اقط عليج حجي نفس السم لا بالوي بعد مفروض تحترمينها و تسوين

الي عليج فققققط وريلج عامليه بذكاء قوليله والله امك تكسر خاطري و الله احبها في الله حسسيه انج حنونه و طيبه عشان يوم تهينج عنده تصير اهي الشريه

و لا تيبين طاري الطلاق و اخذيها قاعده الرجال كائنات غبيه يعني لا تاخذين كلامهم بجديه الحين تلاقينه شايش بعد شووي تخلينيه تلاقين نفسيته تعدلت

لا تكتبين كلامه الي يقوله و لا تتذكرينه و اهتمي بنفسج و عيشي حياتج لا تشيلين هم متا بتستانسين لما يصير عمرج خمسين تقولين حسافه انا كنت اشيل

هم فلان و غيره لا تضيعين عمرج و لا تفكرين و اذا شخص ما يحترمج لا تحتكين فيه بيعصبون بيطنقرون شبيسوون مثلا ؟ اهما بالحالتين مو عاجبهم شي

و نصيحه قبل لا تسوين شي فكري لاتتكلمين عن الطلاق بعد هالعشره تيبين طاري الطلاق فشله و عشان شنو ام ريلج مو زينه ؟ ريلج يسمع كلامها ؟ غيري

تصرفج بيغيرون تصرفهم بس قوي قلبج و شخصيتج و مسكي اعصابج و تعاملي بذكاء و لا تطلع منج الزله و لا تضيعين سنين عمرج باجر تتحسفين اشكثر

 

[قلبي عبدالله]

من الحين اقولج لاتفكري بالطلاق انتي عندج ثلاثه الله يحفظهم يعني راح تتبهدلين الا اذا كانت فيه عيوب اقوى من اللي ذكرتيه فهذا شي ثاني

واصبري الصبر مفتاح الفرج كلهم مايرضوا على اهاليهم مو بس ريلج بس انتي تعالي لها بالسياسه ساحليها تقربي منها خيرتها تطخ

 

[noynoy]

واي كسرتي خاطري
الانسان له طاقه و انتي رايحه علاج شكو امه يايه يعني مو سياحه
الله يعينج و ياجرج مادري شقولج

 

[النوري نور عيني]

الواحد ان كان زعلان والا مضغوط والا معصب كل شي يقول بساعة الغضب ... ويمكن انتي من الضغط والمحاتاة والتعب والكرف ..ما اتحملين كلمه من اي احد ....
وسعي صدرج وهدي ...وعلشان ما يعيرج ولا يجيب طاري اهلج ....انتي لا تجبين طاري امه ...امه غاثتج ...صيري ذكيه ..يا انج تطنشين ..يا انج تغثينها من تحت لي تحت ....بدون كلام ....ولا تشتكين منها عنده ...
بعدين قالج عطيها ...اخذي من بوكه وعطي الخدامه ...وانتي الحبيبه ...بالطقاق ...خايفه على فلوسه .....هههههههههههه امبيه احس اني احرش على هالكلام ....

 

[miss.Al-Qattan]

لا حول الله
الله يعينج والله
لو انا جان انبطت مرارتي
بس الي اقولج اياه
نفس ماقالوا البنات قبلي
ماكو شي يضيع عند الله
وانشالله باجر عيالج وجناينج ونسبانج يسوونلج
مردهم بيعرفون قيمتج
وحتى لو ما عرفت
لما الله ياخذ أمانته عالاقل زوجج بيقول ما قصرت مع امي ( وبيكون عارف بينه وبين نفسه ان أمه ما كانت هينه )
بس ما راح يهون عليه يذمها


والله يحنن قلبها عليج
ويسخرها اهيه وولدها لج ولعيالج يارب
ويشفيلج ولييييدج انشالله

 

[هيبة ملك]

لايبه طلاق لا

الله يفرج لج

 

[نشيج الروح]

خلي علاقتج رسمية جدا والله المستعان ....

 

[عيون&الريم]

انتي وايد صريحه مع ريلج تقولين مشاعرج بصراحه لازم تتصرفين بذكاء اهو يتعامل مع امه جذي لانها تكسر خاطره و مره عوده

انتي لما تتظايقين لا تسكتين بس تمسكني صيري فقيره مسيجينه لا تتعبين نفسج وايد انتي اظاهر من الاول عودتي ام ريلج تسوينها يا دهينه لا تنكتين

شكو تسوين جاي و تودين و تيبين و معا عندج خدامه وولدج بعلاج و اخر شي اقط عليج حجي نفس السم لا بالوي بعد مفروض تحترمينها و تسوين

الي عليج فققققط وريلج عامليه بذكاء قوليله والله امك تكسر خاطري و الله احبها في الله حسسيه انج حنونه و طيبه عشان يوم تهينج عنده تصير اهي الشريه

و لا تيبين طاري الطلاق و اخذيها قاعده الرجال كائنات غبيه يعني لا تاخذين كلامهم بجديه الحين تلاقينه شايش بعد شووي تخلينيه تلاقين نفسيته تعدلت

لا تكتبين كلامه الي يقوله و لا تتذكرينه و اهتمي بنفسج و عيشي حياتج لا تشيلين هم متا بتستانسين لما يصير عمرج خمسين تقولين حسافه انا كنت اشيل

هم فلان و غيره لا تضيعين عمرج و لا تفكرين و اذا شخص ما يحترمج لا تحتكين فيه بيعصبون بيطنقرون شبيسوون مثلا ؟ اهما بالحالتين مو عاجبهم شي

و نصيحه قبل لا تسوين شي فكري لاتتكلمين عن الطلاق بعد هالعشره تيبين طاري الطلاق فشله و عشان شنو ام ريلج مو زينه ؟ ريلج يسمع كلامها ؟ غيري

تصرفج بيغيرون تصرفهم بس قوي قلبج و شخصيتج و مسكي اعصابج و تعاملي بذكاء و لا تطلع منج الزله و لا تضيعين سنين عمرج باجر تتحسفين اشكثر

فديتج كلامج ياه بوقته
حيل استفدت منج

الله يعينج ويشفي ولدج ياصاحبة الموضوع

 

[fdeet_shosho]

الله يعينج يارب ويشافى ولدج
شهالخاله اللى مناشبة الناس حتى بالسفر استغفر الله - والله لو رايحه تبي تساعدنى حياها بس رايحه تبيني اخدمها ويني وين خدمتها لا والاسلوب بعد يغث الله يعينج يارب ويرزقج على قد نياتج
اسلوب التشكى من الام جدام الزوج انا ماحب اتبعه سوى اللى تبينه بدون لاتتشكين خل تقول اللى تبي كيفها لاتردين بس اللى انتى تبينه تسوينه
والله انا احتر من هالمواضيع وزوجج الله يهديه قلنا الام لها مكانه بس بنفس الوقت ما اظلم زوجتى الحق حق يكلم امه بهدوء المفروض بس على قولتهم الرجال مخه صغير وويشوفج تتشكين من امه وجدامه يثبت هالشي فيحط بقلبه انسيها ولاتجيبين طاريها كلش جدامه ولو خالتج تقول ماتقول جدام زوجج لاتردين واضحكي وقولى الله يخليج لنا ياخاله ان شاءالله تامرين بس بعدين سوى اللى انتى تبينه ترا هالشي يحر ان مارديتي عليها
والله يعينج عليها شكل خالتج عوبه

 

[طبعي الوفا]

الله يهون عليج مالج الاالصبر بس نصيحه مني لاتقولين لزوجج شي عن هلج بين له انهم عازينج ومدلعينج عشان اهو يعزج ويقدرج والله بدعي لج من كل قلبي

 

[العز انا]

انسي الطلاق وخلج ذكيه واقري كلام بربيره وطبقيه

 

[om.aboodi]

ماقصروا كل البنات اللي ردوا والله صج خوات انتوا بس فيني ضيم وقهر والحين بعد صار على حضر تجوال كلشي ممنوع السي سيد زعلان المصيبه انا ماقوله شي عن اهلي بس اهما الله يهديهم ماخذين فكره غلط انا اهلي منفصلين بس عشت مدلله عند يدتي الله يرحمها هالخاله ماتبيلي الراحه وهذيج اللي لاعنه خيرهم يحشون من وراها بس لايت لي الباب يوصلونها ويتشرقون فيها عشان امها يخافون منها واللي يخليني اقول طلاق موانا اهوا اي مشكله موعاجبج روحي بيت اهلج مليت من هالكلمة المصيبه اول زواجي قبل اليهال قالها وطلعت وردة اعتباري اهلي وعادها بعد ولدي وهم مافي فايده حسيت انه مخليني علشان امه لو تقوله طلق يطلق شيقولي ادعي ربج انها ماتقول روحي صلي تخيلوا والحين دقيت على امي قلت لها ابي مكنسه كهربا راحت حبيبتي يابت لي مت من الكرف وايدي راحت شلون تبونا انجابل الريال انا قلت بتروح تساعدني اللي حرني قلت له امك كله تمثيل لو موعيب على وتربيتي جان صورتها لك تخيلوا لاطلع ريلي حذفت اليهال ودزتهم بداري وصكت الباب اقول اشفيها والا تصارخ راسي يعورني بنام قلت هو مسكونه سكت لما سمعت باب الشقه واليهال قالوا بابا يا جان تبطل الباب كل مرة اسكت هالمره قلت ها خالتي قعدتي والا تقول شنو انا مانمت جابلت بنتك ووكلتها انا تطقني البوهه مادري تعبت موحاسه بامان حسيت فلوسي عزوتي انا كرتي عنده ماكنت قادرة ايمع شي الحين بغير اشياء واااااااااااااااايد على الاقل لوصار ماصار اعيش مع عيالي ولاعند احد يحر عيالي والا يغثهم اشرايكم سبب الزعل بعد وم زوارتهم وكل الحريم قطعوا بس اخوانه وانا وعيزت كل مرة اقوله مالي داعي يقولي اخوانج هالمرة قلت له بس خلني على راحتي لاتطيح حظي اكثر ماراح انزل والا يقول غصبن عليج موكيفك قلت له ماراح انزل والايقول علشان امي قطع لاعت جبدي من هالام ماتحس قلت له خل تقعدكم يمها احسن وقاطعه بناتها عن الحموله بس ولاوحده تشتغل وكل ياهل خدامه وطباخه غصبن عليه ووبعدين كبسه هههههههههههه

 

[لياليـ]

الله كريم حبيتي
اتقبلي مروري

 

[لياليـ]

اب
اب
لعيونج