احنا يالحريم مجانين !!!

[العثمانية]

السلام عليكم ورحمة الله وبركاته​

دائما ندخل أقسام البشرة ونلقى خلطات وأشياء غريبة يقول لك بياض ثلجي و بياض روووووووعه وبياض جونااااااااااان وشعر طوييييييييييييييل وشعر زي العراقيات و زوجك بيتجنن من بياض ........ ذيك المنطقة

​

يابنات أحسه شيء مايدخل العقل ...اللي تقول استخدمي بذرة القطونه لتحصلي على بياض مثل بياض الأتراك

​

لا ياشيخه !!! اذا ماده كيميائية بتأخذ وقت وجلسات ...اجل ماده طبيعية بتطلعك تركية في كم اسبوع !!!<<<<ولاحظوا بذرة القطونه من عند العطار ...​

واللي تقول .. عشان شعرك الكشة يصير حريراستخدمي الباميه و مدري وش اضافت عليه زيت...و زيت .....وزيت...... مدري وش اسمه <<< لازم نجيبها من عند العطار ..........​

واللي تقول الماش ...والأملج ...وووووووووووووووووووو تحط فيها اللي ماينحط....<<عبدالباسط ماقال ماده سحرية ..هو يعطي بدائل طبيعية مو معجزات ...يعني بتاخذ وقت طويل ع بال ماتشوفين نتائج .. ليه الهياط !!!​

قبل فترة اذا تذكروا ويمكن لازالوا ...طلعوا لنا بسالفة بذرة القطونه وبالذات بذرة القطونه قاهرتني قهرر لأنها عبارة عن حاجه مدري وش هي تلطخك وتلطخ بيتك وملابسك ويمكن زوجك وعيالك بعد !!!​

يعني بالله هذي اللي بتخليني تركية

....​

هذا غير ...زيت اللوز المر ( انتبهوا يابنات قالت المر بتصير كارثة لو تاخذون الحلو ) يبيض البشرة ويزيل الهالات السوداء ...وووووووو بينما اصلا زيت المر والحلو وجنين القمح الأصلي غاااااااااالي مهو بالكلام الفاضي اللي جايبينه لنا <<واسألوا عن هالنقطه وبتتأكدون... يعني كلهم سوا...​

يابنات انا مااقول الحاجات الطبيعية مو كويسه ...لا ...بالعكس ...هي تجيب نتيجة بس مع الاستمرار لفترررررره ...​

لكن وشو له المبالغة !!! وشو له الزيادة بالمدح لهالدرجه !!! ​

طيب ...بتقولون ..هالحين ماجبتي شيء جديد كلنا عارفينه ....​

يابنات...السالفة ومافيها ...أنا رحت لعطار يماني ..معروف هالعطار بالمنطقة اللي أنا ساكنة فيها ...المهم أنا زبونه من الدرجه الأولى لهاالمحل ...يعني صوابين وسكرب ووووووووووووووووووو شغلاتنا اللي ماتنتهي كلها عنده ... واصلا محل زحمممممممممممممممه وش تشوفين وش تخلين !!! بالعكس عنده اشياء تبهرني وسبحان الله كأنه ساحرني أدفع عنده شيء وشويات كل مره أروح أو أمر فيها بالصدفة ع المحل

... ...بس اسعاره ناااااااااار واستغلال عيني عينك...واذا قلت ليه كذا ..قال محد يجيبه الا أنا ...فادفع وقتها..ومثلي هبل كثير...الحمدلله..خخخ​

طبعا يابنات عنده خبره بالخلطات...لا وكاتب هالخلطات في أوراق زي الملزمة<<< ذكرني بالكلية خخخخ
المهم الملزمة ذي فيييييييييها كل خلطاتنا اللي بالمنتديات...ويحط من راسه وعلى كيفة ويعطي ذي ويعطي ذيك...ووالله يابنات خلطه اقرأ عنها زي اليوم بالمنتدى ..ألقاه اليوم الثاني قايل لي عليها .....اخوي جلس يسولف معه عن مكاسبه من هالشغلة قال ...انا اشتريت مزرعه باليمن كيلو في كيلو ...يدور عليها بالسيارة <<تقولون أمير ... يقول اما الزواج مابتزوج الا سعودية خخخخخخ <<< قلت والله ماشريت المزرعه الا من فلوسهم المهبّل وأنا أول وحده ...وكل هذا من العطاره ....!!!​

المهم ..رحت له أمس وش تتوقعون !!!​

أنا من زمان أشوف عنده لابتوب مقابل وجهه ...قلت أكيد يتسلى فيه أبو...
ومن اللقافة اللي خبركم ...إلا وأدخل راسي من جنبه <<<يقال ودها عطورات بالتوله خخخخ لأنه راصها جنب اللابتوب ...خخخخخ​

والله يابنات...ثم والله ....ثم والله
انه فاتح نافذتين...اللي هي ...عالم حواء ...والفراشة طبعا ...
والأخ مشاركات ومواضيع ...واقتراحات ...وخلطات...وحنا
يالهبل ..ناخذ ونشتري...ويالللللللللللللللللل له حتى اخوي قال له ...خلصنا بالله وخل عنك الشات ...قال لاااااااااا الشات زمان ..هالحين منتديات ومواضيع !!! يعني الأخ أكيد يكون بيننا هالحين - هو وغيرررررررررره كثير - ويحط خلطات لا وينصحك بعد ...يعني لو كان عندك مشكلة بالمنطقة الحساسة تراه راد عليك يقول لك عليك بالكركم حق الجسم وانتبهي لالالالالا تاخذين الكركم حق الطبخ لأنه مو نفسه خخخخخخخخخخخخخخ..والله من تجربتي اثنينهم نفس الشيء لون ويعدم بيتكم...اللهم لك الحمد...​

وانا من وجهة نظري اعتبره تفسير لبعض المشاركات والمواضيع اللي تجيب لك اشياء اول مره نسمع فيها وتحط فيها السبعه...وكريمات من زمن جدتي هي مستعملتها لها سنين ولا ضرتها ماشاء الله وانتوا يابنات استعملوها ..مع انها معروف عنها الضرر ووووو اشياء كثيرة تجولي المنتدى وبتشوفي وبتصدقي كلامي...مثل ملح البحر الميت اللي هابين فيه قبل فتره...( على فكرة سألت طبيب الجلدية عنه...قال هذا ملح زيه زي غيره من الأملاح ..اذا بتداومين على الترطيب المكثف ولا ترى بشرك بتتشقق ...إلا على فكره انتي بتستخدميه ليه !!!!<<< طاح وجهي ..قال هذا لما يكون المريض عنده صدفية وأنواع من الحزاز والاكزيما نقول له يغسل بالملح ...لأنها تجف القشور من الملح وتتساقط!!!) ​

يووووه يابنات انقهرت منه ...نفسي اعرف اليوزر نيم حقه هنا ..​

راح يشوف شيء ماعمره شافه من قهر ماصرفت ع خلطات الكلام الفاضي ...​

بنبدأ الحين في برنامجي للعناية ...وهو ( معا ضد العطار والمجازفة بالأعمار ) خخخخخ يعني نبي شيء مضمون من الطبيب فقط... لأن اللي اخذتيه من العطار وناسبك ماراح يناسب غيرك..هذا اذا ماكان مضر لك انتي قبلها ...​

طيب ...بتقولون انتي متعقده من الخلطات <<< صح ماشاء الله كيف دريتوا خخخخخ



المهم


بقولكم على برنامجي ..اللي استخدمه والحمد لله يابنات ...تحسن شكلي <<<اتكلم بشكل عام...حتى اللي لهم فتره ماشافوني ينصدمون

بالنسبة للوجه ....


عانيت من الحبوب كثيررررررررررر لأن بشرتي دهنية ...فكان الحل بحول الله هو الروكوتان...


طبعا كان لازم من كريم للتفتيح..لكن الطبيب رفض يقول نخلي الروكوتان يشتغل لحاله بعد كذا نشوف ...
والنتيجة لحد الآن والحمد لله مرضية جدا ... وأول مايعطيني كريم تفتيح مضمون ..بقولكم عليه ... واغسل وجهي بصابونة بيزلين للوجه للتفتيح ناسبتني الحمد لله ...شكلها دائرية صغيره <<سعرها على مااذكر 14 ريال

------------------------------------------------------
الهالات السوداء ...
كريم رائع كتبه لي الدكتور..ماعليه كلام ...يعتبر الأفضل بكلام الطبيب ...اسمه VICHY


كرتونته وعلبته بيضا ... وقيمته 200 ريال

-----------------------------------------------------------


للجسم...خيمة السونا ...أكثر من روعه...
تدخلين السونا بعد تدفق البخار ب5 دقائق...طبعا من دون وضع اي خلطه
وتبقين بداخله 5-7 دقائق حتى تتفتح مسام الجسم وبالتالي يصبح مستعدا لأي خلطه بتحطينها

<<عقدة من الخلطات...


خلطتي هي ..مبشور صابون الغار في موية ورد مع جلسوليد وليمون خالطتهم مع بعض بس تجي شكلها سائل الخلطة مااحب الخلطات الكثيفة وأحطها في علبة لوشن زي جرجنز اللي تضغطين عليها اختصار للوقت وحتى ماتجمد معي ...وتفركين جسمك بالليفة في البخارالفتره اللي تتحملين ...


بعدين تطلعين ..وتغسلين الخلطة بمويه...مو شرط تنظف معك...


وبعدين تغسلين جسمك بصابونة بيزلين للجسم حلوة تجيك مربعه ..وبمرور الوقت تفتح مجربتها ومااستغني عنها ...وطبعا الفرك لازال مستمرا في هذه المرحلة ...

وتطلعين دايركت ...تنشفي جسمك ..وهاتي بيبي أويل وش زينه ورطبي جسمك كله..ولا المرطب اللي تفضلينه


------------------------------------------------------
الركب ومفاصل الأقدام <<< اخ قاهرتني رجولي من الكلية والدوارة بين المباني <<< يالله بوظيفة دعواتكم


المهم


داومي عليها بجليسوليد وليمون وغطي ركبتك ببلاسيتك التغليف من الليل والصبح اغسليها بصابونة بيزلين .. ورطبيها بأي مرطب ..ترى الفازلين يمدحونه ...ولاواحده تقول يسمر فارتكب فيها جريمه هالحين <<< خربت الأخلاق ..


واصلا اذا داومتي على السونا بنفس الطريقة اسبوعيا ..بتخف عندك المناطق الداكنه تدريجيا ...<<<احنا قلنا بلاش العجله ولا طحنا بنفس اللي طاحوا فيه العطارين في بداية الموضوع ...انتبهوا ....خخخخخ


---------------------------------------------------------------------


الشعر ...


أنا شعري كان حلو يابنات...والله كان جنان بس قبل 5 سنوات

الين قصيته عند كوافيرة تركية حسبي الله عليها ...


والله ثم والله يابنات تقولون أحد مسك عليه ولاعه صاير جااااااااااف مره مو الأول أبدا ...مدري وش صار فيه...


المهم..قاعده اشتكي لجدتي الله يعطيها العافية ..قالت لي ..هذي نصرانية ..وقصت شعرك وماهي على طهارة لذلك مافيه على يدها بركه ...خبركم الحرمه بعد الدورة لازم الطهارة ..لكن اللي مو على ديننا الله يعزه كيف !!!


قالت جدتي فيه ناس على يدهم بركه ..ولازم الوحده تكون على طهارة وتذكر الله ...المهم..جارتي بسم الله عليها ماخذه دورة تجميل ..وانسانة ملتزمة وفيها خير ..نحسبها كذلك والله حسيبها .. قصت لي شعري ...والله يابنات ويشهد علي الله شعري تغير 180 درجه ورجع زي ماكان اول واحسن بحول الله .. بس قصير طبعا

لذلك لاتستهينوا بحكاية الشعر اللي ينعدم بعد اي وحده ماتحافظ على طهارتها تقص شعرك..وكثيرررررررررررررررر اسمع بنات يشتكوا من كذا ..


طيب...انتهينا من النصائح الجمالية ...<<<جويل خخخخخ


الزيت اللي استعمله ...تونيك فازلين...اضفت له نوى التمر المحموس المطحون...والحمد لله شعري تمام التمام ...يعطيه لمعه ملحوظه ونوى التمر ينبت الشعر ...واللي عندها استعداد تبشر عليه شوية ثوم وتخلية كم يوم<<بسويها بعد الصيف


-----------------------------------------------------


الشحوب ...في الوجه ...وعدم صفاء العين..


الدكتور يقول هذا ناتج بالدرجة الأولى من عادات غذائية سيئة ...اذن هناك نقص فيتامينات...
وطبعا انا مااكل فواكه كثير ..الشكوى على الله ....المهم كتب لي فيتامينات حلوة للبشرة والشعر وتعوضك الفيتامينات الناقصة .... واهم شيء ماتزيد الوزن أبد <<< انا ركزت على هالنقطه للطبيب...

لاتنسون اللي يعجبها موضوعي تدعي لي
منقول لعيونكم
وفديتكم​

​

 

[caramella <3]

ههههههههههههههه و الله مت مت من الظحك على سالفة العطار ،، ناوية انبش بالمنتدى و اصيده و الله شكله من كبار شخصيات كويتيات

حبيبتي يعطييييج العافية و كل كلمة قلتيها صح ١٠٠٪
و يشرفني اكووون اول وحدة ترد على موضوعج حبيبتي

 

[N.o.L]

هههههههههههههههه الاسلوب رووووعه فطس ضحك على هالعطار وربي ختتييررر
تلقونه الحين متخفي وراء كويتيات يبوق من الخلطات هع

 

[انوثتي عزتي]

ههههههههه لبى قلبك فديتك وربي انك صااااااااااااااااادقه...

بس سالفة ابويمن خطييييييييييييره ههههههه ياخوفي بعد يرد عليك معنا يالعضوات
اذا كنتي بالسعوديه وخااااااصه الرياض علميني عليه وربي لأجيب لكم خبره
الاكيد المؤكد << استخبارات الاخت هههههههه
من جد والله اخ اخ لو اطيح عليه بس...​

 

[قاهره عذالي]

واضح ان الموضوع منقول من عالم حواء او الفراشه

بالنسبه للنقطه الاخيره

انا فعلا لقيت ان المكملات الغذائيه والفيتامينات احسن حل لشحوب البشره خاصه حبوب الخميره وحبوب الملتي فيتامين وحبوب زيت كبد الحوت

 

[some one waw]

ههههههه

سالفة العطار وحتى بمنتدى كويتيات قالت لي رفيجتي موجوووود >> الاخت شكاكة حبتين وماصدقتها

 

[خلطات المذهله]

اااااااااااااااااااااااااااب

 

[انوثتي غير وياك]

ههههههههههههه

مشكووره على النقل

 

[ملامح ~]

ههههههههههه وربي كنت عند العطار


اخذت كم شغله

المهم قالي ايش اسمك بالمنتدى

قلت مااني مسجله باي منتدى

قال حاب افيدك

هههههههههههه قال انا مسجل في كم منتدى احب افيد غيري
ههههههههههه

:ggdw: المهم طلعت من المحل عطاني الكرت حقه

ههههههه لقيت كاتب الرقم حقه مدري مرقمني ولا حاب يفيدني هههههههههه

 

[قلب ذهب]

اااااااااااااااااااب

 

[شقرديه كويتيه]

طيب انا بشرتي عاديه ولا عمري جتني بوب كانت صاااافيه
بس توه قبل كم سبوع قامت تطلع لي حبوب شكلها غريب وبشرتي لازالت عاديه يعني مو دهنيه والحبوب شكلها مقرف والمشكله انها بخد واحد يحني خدي الثاني لازال صافي والله اني داخله ادور ششي عن هالمشكله ولي الحين ما لقيت واذا ستخدمت شي حق الحبوب صارت جاااافه مدري وش اسوي تكفوون اللي تقرا ردي وعندها الحل تفيدني ولها مني احلى دعااء << قصة حياتها بس لا تلوميني

 

[شقرديه كويتيه]

بوب = حبوب

 

[شقرديه كويتيه]

يسلمو حياتو على هالموضوع

 

[سويت فانيلا]

يسلموا

 

[قاهره عذالي]

طيب انا بشرتي عاديه ولا عمري جتني بوب كانت صاااافيه
بس توه قبل كم سبوع قامت تطلع لي حبوب شكلها غريب وبشرتي لازالت عاديه يعني مو دهنيه والحبوب شكلها مقرف والمشكله انها بخد واحد يحني خدي الثاني لازال صافي والله اني داخله ادور ششي عن هالمشكله ولي الحين ما لقيت واذا ستخدمت شي حق الحبوب صارت جاااافه مدري وش اسوي تكفوون اللي تقرا ردي وعندها الحل تفيدني ولها مني احلى دعااء << قصة حياتها بس لا تلوميني

حطي فيوسيدين
اذا مانفع اضغطي على الحبوب بمحلول زينيرت من الصيدليه ضلي حطي منه بالنهار على الحبه وراح تلقين الحبه بعد جم يوم من الاستعمال تجف وتتشقر بس اقل شي 3 مرات باليوم

 

[t๏๏tคђ]

ههههههههههه ههههههههههههههههههههه
اما هالعطار فللله هع هع
يحب يتثقف بمجال عمله خخخخخخخخخخخخخخخخخ
يعطيك العافية وكلامك صحصح 100%..

 

[The Last Lady]

ههههههههههههههههههههههههههههه
ضحكتيني

 

[توته***]

طيب انا بشرتي عاديه ولا عمري جتني بوب كانت صاااافيه
بس توه قبل كم سبوع قامت تطلع لي حبوب شكلها غريب وبشرتي لازالت عاديه يعني مو دهنيه والحبوب شكلها مقرف والمشكله انها بخد واحد يحني خدي الثاني لازال صافي والله اني داخله ادور ششي عن هالمشكله ولي الحين ما لقيت واذا ستخدمت شي حق الحبوب صارت جاااافه مدري وش اسوي تكفوون اللي تقرا ردي وعندها الحل تفيدني ولها مني احلى دعااء << قصة حياتها بس لا تلوميني

حطي مره حيييل حلوه للحبوب :eh_s(15):

 

[•» عزتے تهينگ «]

اهم شيييييييييي العطار خخخخخخخخخخخ :eh_s(3):

 

[حب1985]

احسن شي اذا تبين تفيدين نفسج انج تشترين الاغراض اللي انتي متأكده منها يعني مثلا لا تييبين خلطة زيوت الحواي مسويها بنفسه يمكن يكون حاط فيها شي ضار ومايناسبج انتي سوي خلطتج بنفسج وفي اشياء طبيعية مفيده حتى الموسوعات والكتب تتكلم عنها استفيدي منها
وطبعا ما ننسى الفيتامينات والمكملات والمستحضرات الطبية
انا مع التطور ومع السوالف اللي استخدمتها يداتنا بس اهم شي تكون مضمونه ومو خرابيط ماتدرين عنها شي*