احنا جخ وما نزوج الا الجخ معقوولة

[انا و بس]

قوة بنات ادري موضوعي مكانة قسم المناقشات الجادة بس انا حابة يكون مني
بنات في شي شاغل تفكيري واايد سمعوا الله يسلمكم يوم اليمعة الي طاف كنا معزومين على استقبال المهم في وحدة قاعدة يم امي وتسولف ولا اسمعها تقول لأمي ما عندج مرة لولدي ؟؟ جان امي ترشحلها وحدة من قرايبنا هذي البنت انا اعرفها شنو جمييييييييييييلة و اخلاق واهل وشهادة وحالتهم المادية يعني زينة احسن من وايد ناس جان المرة تسأل امي منو بنتة وقالتلها
تهقون شنو ردت عليها المرة :: لا حبيبتي احنا مانزوج الا الي يكافئونة في المستوى المادي :rgewrg::rgewrg:

بنات معقولة :eh_s(10)::eh_s(10)::eh_s(10): انا من ذاك اليوم منصدمة ابييييييييييييه لااا حمد الله والشكر يعني الناس اغلبها تفكيرها جذي وانا مادري ؟؟؟؟؟
بنات شرايكم :eh_s(16)::eh_s(16):​

 

[الزين 85]

فيه عوايل طبعها جذي ماتتزوج إلا نفس متسوها المادي

كل شخص وتفكيره

وبالأخير ارزاق بيد ربج لا بيدها ولا بيد غيرهاا

ياكثر بنات حالتهم الماديه بسيطة وخذوا عيال فلووووووووس

والعكس صحيح ارزاق بيد ربج ماتدرين كل واحد ورزقه

 

[انا و بس]

اخيرا نزل الموضوع
^^ ايه بس والله تخلف موقادرة استوعبة

 

[Tulips]

عادي حبيبتي مايشوفون شر .. هذا تفكيرهم وهذا مجتمعهم

 

[Şhώasha . . ~]

اي اهو ممكن بنظر البعض تخلف
و بنظر البعض بالعكس
انا اقول اللي ايي من الله حياه الله

بس اللي يقولون احنا مانزوج الا من مستوانا بالعككس انا اجوف ان بعد هالشي زين لان ممكن البنت تكون بنت فقر و تتزوج واحد ولد نعمه وتلعب عليه ويانا ناس سووها وتحرجهم وتفشلهم بتصرفاتها و اعرف بنات جذي مب جـآيفين خير !!
و ناس ما يأيدون عشان مثلا تقوى الرابط ويصير بينهم مصلحه يعني من هالاسباب
بس تبين الصج اجوف كلامها عادي اهو ممكن ماقالته بطريقة محترمة بس احس كلامها عادي انهم مايزوجون غير من بمستواهم المادي ..
ويعطييج العافيييه حبيبتي :*

 

[انا و بس]

اي اهو ممكن بنظر البعض تخلف
و بنظر البعض بالعكس
انا اقول اللي ايي من الله حياه الله

بس اللي يقولون احنا مانزوج الا من مستوانا بالعككس انا اجوف ان بعد هالشي زين لان ممكن البنت تكون بنت فقر و تتزوج واحد ولد نعمه وتلعب عليه ويانا ناس سووها وتحرجهم وتفشلهم بتصرفاتها و اعرف بنات جذي مب جـآيفين خير !!
و ناس ما يأيدون عشان مثلا تقوى الرابط ويصير بينهم مصلحه يعني من هالاسباب
بس تبين الصج اجوف كلامها عادي اهو ممكن ماقالته بطريقة محترمة بس احس كلامها عادي انهم مايزوجون غير من بمستواهم المادي ..
ويعطييج العافيييه حبيبتي :*

ايه بس يعني البنت ما يعيبها شي :bbbiu: ليش لأ ؟؟ يعني فيها كل المميزات الي اي واحد يتمناها مادري بصراحة ما اعتقد راح تلقى من مستواها على قولتها وحدة نفسها :rgewrg: ايه هين اشوف منو بيتزوج ولدها ما اعتقد وحدة احلى منها ولا اخلاقها احسن بس على قولتها من نفس مستواهم :eh_s(4): مظاهر في مظاهر انا هذا رايي

 

[دلوعة أبوهآ]

إذا هي تفكيرهآ مايزوجوآ إلا بنفس مستوآهم المادي أوك
بس ع الآقل ترتقي بأسلوبهآ شووي !! ومآترد مثل هالرد ..



بالأخير النصيب مايعرف مستويآت
وكل واحد ياخذ رزقه

 

[بدوردا الأموره]

اكيد اكثر الناس تفكيرهم جذي حتى لو جيكره وبنت جخ تصير ملكة جمال بعينهم عشان ابوها فلان وعايلتها أل فلان

 

[سحر الشرق@]

يمكن لها وجهة نظر صح
بس الأسلوب موحلو

 

[انا و بس]

^^ حسستوني اني عايشة بكوكب ثاني وتوني افتح عيني عالدنيا لوول
بس بالنهاية النصيب يصيب

 

[granted]

لا فديتج لا زم التكافؤ الاجتماعي والمادي والثقافي
يعني الواحد ممكن يهتم بهالاشياء
البعض تدش مثلاً على عايلة وتكون مخترعة من الوضع او تخاف يعايرونها احنا سنعناج او تو ماعرفت السنع
واحياناً يكونون اقل منها بالمستوى فما تستحمل تعيش بوضع ومادية اقل من الي كانت علية ابيت ابوها
عرفتي
واهم شي بالموضوع انا احس راي البنيه والريال اذا اهي تقبل تعيش بإقل من مستوى اهلهااو اعلى وتحاول تجاري الوضع
او الصبي لو يتحمل مصاريفها او يتقبلها على بساطتها
خبرج هذا زواج وبالنهاية كل شي نصيب بعيد عن كل هالاعتبارات

 

[صادقة بكلمتي]

والله انا اشوف فيه الموضوع جانبين يعني وبالاول والاخير يرد حق النصيب بس ان في اثنين مختلفين ماديا بس مثقفين ممكن يتفاهمون مو عيب واحيانا ممكن وحده غنيه اتزوج فقير وبعد الزواج تطلع لهم مشاكل من اهلهم او اهو نفسه يقوم يحس بنقص او يقوم يستغلها ونفس الحاله بالعكس لكن انا اشوف بعد النصيب ممكن ان اجتمع بالبنت والريال جانب التعليمي والثقافه يلغي كلامي اللي قبل لان بكون فكرهم قريب من بعض ةترا الدنيا والمجتمع فئات يمكن حبيبتي اصلح لرفيجتج انها ما ناسبتهم ومو كل الناس نفس بعض في اغنيه عادي عندهم ياخذون بنت ناس محترمة ومتعلمة ويتغاظون عن سالفه الفلوس فالدنيا نصييييييييييييييييب وارزاقها بيد الله والله يستر على جميع بنات المسلمين بالزوج الصاااااااااااااالح

 

[swanyway]

بالنسبة لي اشوف انه عادي الريال الغني ياخذ وحده على قد حالها

بس العكس لا

لان الصرف و كل شئ على الريال وهو المسؤول بالنفقة يعني لخذ وحده على بمستوى اقل منه ماراح يفرق كثير و لا بيصيرفيه تعب وضغوطات للطرفين لكن لو العكس البنت الغنية خذت اللي على قد حالة بتضغط عليه كثير لانها كانت عايشة بمستوى وصعب تنزل او بتصير تصرف هي او بتصير اقل من باقي مجتمعها و الريال بحس بالنقص او بينكسر او داخل على طمع ( ماأبي اعمم كثير فيهم خير وبركة بس وجهه نظري ويمكن تصيب او تخيب )


وفي الاخير كل شئ قسمة ونصيب

 

[سحيله المنتدى]

واااي شخبااري لي الليحن في ناس جذي

اشوووف كا الفلوس ما علمتها الذرابه و الذوق و احترام الذات

شووفي الفلوس موو كل شي .. المال و العز ممكن بغمضه عين يروووح

بس الاخلاق عمرها ما تروح

و هذي من اسلوبها شكلها يالها الخير على كبر << الحمدلله ان هالمسكينه ما طاحت بايد هالخاله جان راحت وطي

 

[شيخة الحلووين]

عادي حبيبتي وااااااايد ناس هالشكل
ياخذون من طبقاتهم بالعكس احسن للبنت تفتك منهم
حلاته الوحده اهل المعرررس يكونون ميتين عليها ويحوفونها حوف

 

[eng.a7]

اااااااااااااخ

عشان جذي اكره عيال الفلوس
اكرهم !!!!!!!!!!!!!!!!!!!!

 

[سفيره الكويت]

اكو وايد جذي للاسف بس فيه ناس تقولها بشكل مباشر مثل هالاخت وفيه ناس لا بشكل غير مباشر والمفروض الراي الاول والاخير للبنت

او الولد ويختار بناءا على الاخلاق والسمعه الطيبه واقتناعه مو على اساس فلوسها او فلوسه

 

[قمر كويتي]

في ناس وايد جذي .................. بس الحبيبه دامهم جذي المفروض تاخذ من الي تعرفهم واسلوبها موحلو الصراحه

 

[»βαzεя«]

شدعوه !! يعني شنو هذي وعليّه تييب شواذي واللي مستواها المادي راهي تييب اوادم ,. عفية عقليه !! واصلا عيييب ينقال الحجي جدام امج ماله داعي ما عجبج سكتي !!

 

[q6aiwa]

والله اعرف ناس حفاي وبيتهم يلوع الجبد كله زهيويه والطوفه اذا مومقشره مصبوغه رقعه ورقعه ويطالعون لفوق فوق ورافعين خشمهم على حريم عيالهم وكل كلامهم عن الاسره الحاكمه يعني شوفونا احنا الواصلين واهما يعرفونهم بالاسامي ليش ياخذون مساعدات منهم لوووول

وفي ناس هاي هاي على قولتهم ومتواضعين بس هذيل قله والباجي فوق راسهم طاووس مو ريشه على الطل اغنيا بس لا اصل ولا نسب ولا عايله ترفع الراس يفشلون يتفاخرون بفلوسهم ماعندهم غيرها حتى ثقافه ماكو