احمل ولا لا

[آآهات الزمن]

بنات للمره الثانيه اسالكم احمل ولا لا عندي خمس اولاد وبنت والبنت كاسره خاطري تحن. علي تبيلها اخت وبصراحه انا باخر الثلاثينات وتعرفون هم الاولاد ومراهقتهم وتابعتهم يعنى انا من النوع الحار واستخرت كذا مره وما ودي اغامر اخاف اجيب ولد اسمالله عليه اللي عندي خير وبركه بس هالبنت كل يوم تحن علي وحبيت اسمع ردودك ورايكمج:eh_s(7):

 

[المسكـ]

والله بصراحه ما انصحج كللللش لان الزمن يخرع يا اختي والله انا عندي واحد وفبطني الثان وخاااايفه مادري شلون بربيهم وسط هالمعمعه والفسااد وبعدين ترا انا بنت بروحي بين صبيان والله ما ضرني عاادي وبالنهايه الامر يرجعلج والله يوفقج يارب

 

[االفرس]

حبيبتي اذا عندج استعداد للتربيه بعد عادي جيبي ليش لأ والله يكتب اللي فيه الخير لج .......

 

[روحي ابوي]

حبيبتي الراي الأول والأخير لج أنتي ،، انتي اللي راح تحملين وتتعبين ،، حسبيها بينج وبين نفسج هل انتي قادرة تحملين وتولدين وتربين ،، موفقه خيرر

 

[الأميرة جوري]

علي حسب تتحملين الحمل والتربيه حملي وحتى لو يبتى ولد الله كاتبه ..والخيره فيما اختار الله

 

[souhaila]

احملي الحمل خير و بركة
بس حاولي تشوفي طبيبة ترتبلك بعد مشيئة الله الحمل ببنت
ولا اقري تجارب البنات حول كيفية الحمل ببنت
الله يسهل عليك و استخيري من ما خاب من استخاره

 

[××بنت الشيوخ××]

استخيري وماخاب من استخار

والله يعطيج على قد نيتج يارب

 

[ScarletteO'Hara]

هذا غير سؤال!!
احنا مالنا حق ان نحكم اذا تحملين و لا لأ!!
هذا الراي لج و لريلج

 

[زين ودلال]

امممم انا احس ان 6 بالهزمن كافي !!

وطبعا الراي رايج احنا مجرد ان نقترح عليج وننصح

 

[تخيل اعطيك وجه]

استخيري واحملي

 

[!الجادل الصعب!]

والله اذا بنتج كبيره عن الي نآويه تحملين فيه .. آنا اقول اصرفي نظر ..!
لآنهم ماراح يتخاوون ..!

 

[shak!shoka]

سؤالج غريب ،، الله يخليلج الي عندج و يحفظهم و يفرحج فيهم بس من رايي ٦ كافي !

التربيه صعبه و الحياه مو مثل قبل وكل شي تغير !

انا عندي واحد و الحين حامل و استغفرالله مابي غيرهم احس وااايد علي!!


انتي ادرا بنفسج و بظروفج و انتي حره باختياراتج

 

[نشيج الروح]

إذا كان فيج شدة للتربية ..... يعني مو تيبينها ومحد يربيها عدل وما تلافي الاهتمام ....
وربي يكتب الي فيه خير

 

[بربيره]

انا لو منج احمل بس اسوي تلقيح صناعي و ازرع بويضات انثويه عشان اييب بنت و كان الله غفورا رحيما

 

[engnera]

6كافي الحمدالله

 

[فرح79]

اتوقع اختى 6 بالوقت كافي الله يخليي اللي عندك ويباركلك فيهم

 

[ورده عنابيه]

العيال نعمه اذا صحتج تسمح احملي

 

[نـعـومـه]

شوفي

واحد من اهلنا جذي يحن يحن يحن يبي اخو ولما ياه الاخو كلش كلش كلش مومعاه ولا متوالم معاه ابد

اذا بنتج كبيره ماراح تحس لان راح تصير اكبر منها بوايد

عوضيها بنات خالاتها عماتها جذي

اذا كلش حملي وقبلها اتبعي طريقه لانجاب البنت بأذن الله

 

[كويتيه مذهله 87]

حبيبتي مالج شغل بأحد اذا انتي قد التربيه حملي

 

[رفاعيه]

القرار راجع لج وابو عيالج