احمر شفاة اسود؟؟؟

[سوسو طرب]

مرجبا كويتيات مابي اطول عليكم بس ابي اعرف وين اقدر احصل حمره سوداء تكون من ماركه حلوه ومجربينها

وتشكرات​

 

[قمر قمر]

رد : احمر شفاة اسود؟؟؟

اااب

 

[عاالية]

رد : احمر شفاة اسود؟؟؟

من ماك

 

[noody a&a]

رد : احمر شفاة اسود؟؟؟

ليش حمره سودا هذول بس حق العرض فانتازيا
والغرب حتى اصلن ينظرون للاشخاص اللي يحطون هالالوان نظره دونيه
لأن عندهم بس عبدة الشيطان والهيبيز وهالمجموعات اللي يحطونها

بس عموما اذا كنت مصره تبينها
اعتقد تحصلينها بشارمل او ماك وباجي الماركات ماراح تحصلين لأن احنا عندنا التجار مو وكلا لأ اييبون منتجات حتى بتشوفين بره الكويت بفرنسا بلندن بامريكا كل منتجات الماركه تحصلينها اما عندنا لأ تجار اييبون بضاعه لا ورديئه بعد

مو نفس اللي نييبهم احنا من بره

 

[M!Ss Smart]

رفيجتي شرت حمره سوده من سان لوران

 

[اصيلة2]

رد : احمر شفاة اسود؟؟؟

طلبج شووي غريب لووول

بس انا شايفه نفسهاا تقريييبا بميك اب فور ايفر بالافنيو

 

[فديت فهود]

رد : احمر شفاة اسود؟؟؟

حمره سوده ليش شنو صااير عليج تحطين حمره سوده حبيبتي انتي بنت ولازم البنت تحط الوان تناسب جمالها واناقتها

 

[حكاية شهرزاد]

مرحبا .. يامميزة ..

انا فهمتج ,, لاني قضيت فترة بحياتي كنت استخدم فيها الصرعات ..

الحمرة السوده حلوة ,, وعلى طول تنحط في الموضة الشتويه بدور الازياء العالمية ,, لكنها تقع تحت دائرة الاصدارات المحدودة .. لانه استخدامها محدود ..


بقولج شروط استخدامها ..

اولا الفصل ,, لازم يكون بارد ,, ووقت اللي تحطينها مافي شمس .. يعني بالليل ..

لازم تكونين بيضة وايد .. واذا كنتي حنطية ,, بيضي روحج بكريم الاساس ..

على العين انسى تثقلين مكياج .. لازم يكون محايد .. يعني شدو ابيض .. بيج ... فضي .. ذهبي .. صدفي .. بس ..

تكون احلى مع الرموش .. وخط دقيق فوقهم ,, اذا كانت ملامحج تحتاج ..

منكيرج لازم يكون ملون .. لانه اهني بتكون الحمرة مكمله للاظافر .. بهذا العرض .. وموشرط اظافرج يكون لونهم اسود ..

بس بليز .. مايكون احمر ولا ماروني ولا فرنش منيكير .. ولا الوان محايده نفس شدوج ..

شعرج لازم يكون غامج .. من البني الكاكو الى ................. الاسود الكحلي اللي هو اسود من الفحم ..

ممكن تحطين عدسات ,, لانه هاللوك قلنا يحتاج الى بياض شديد .. وهو يطلع البنت مهجبنه .. يعني دشي بعدسة زرقة على رصاصية
او اي لون بس ماتكون عسلية صفره .. ولا بنية .. ولا بنفسجي فلاش .. لانه بيكون اوفر على خليجية حتى لو شكلها شامي ..

لبسج غلط غلط يكون اسود ,, الا اذا قماشه فرو ,, او جلد .. او شيفون .. او دانتيل ..

لاتنسين انتي داشة دراما ..

حلو بالتصوير .. بالذات الصور البيضة والسوده ..

مكياجج احلى من قريب بالنظر .. لانه من بعيد راح يتحير .. وبيشوفونج حلوة .. بس انه ماتعرفين حق نفسج ..

واحذري من هالحمرة اذا كنتي سمرة بكل درجات اللون الاسمر .. لانه يزيد من سمارج ,, ويرخص من اختيارج ..ويعطيج العكس

اختيارج ذكي .. ولفت نظري .. وحلو بالمنتدى .. نشوف افكار غريبة ومو اسئلة مكررة ..

بالنسبة للحمرة ,, (( روحي محل كليرز مال الاكسسوارات بالمولات عندكم .. لانه هالفترة منزلين مكياج شوي وبتشوفين الحمرة السوده هناك ))

وعندج بايفسانت لوران (( الشتا اللي راح كانت نازله )) ..

وعندج بماك (( من فترة .. كان عندهم شغلات سود وحمرة سوده وتدرجات الشدورات السوده بالالوان الخداعه )) ..

شوفي مذيعتكم الجميلة ..

حنان النجادة ..

بهذا اللوك روعه ,, ومندي ..



..[/URL]

 

[m'3rOoOra]

حياتي هذي مو اسود هذي لون باذنجاني انا كانت عندي وكنت افتحها بكونسيلر وتطلع واااو

 

[الأميرة جوري]

رد : احمر شفاة اسود؟؟؟

هبوا فيها قبل 10 سنين او اكثر ...بس اللي يستخدمونها حاليا عبده الشيطان ...بس فتيحها باللون الابيض يمكن تطلع حلوه

 

[حكاية شهرزاد]

اللي على حنان النجاده .. حتى لو باذنجانية .. بس حيل غامجه مايلة للسواد..

يعني البنت تقدر تحط بدال الباذنجاني سوده على نفس هالمكياج .. حلو ..

وماتصلح حتى تتفتح السوده بالبيضة عيل ليش بتحط سوده .. كانت تحط من الوان الفاتح ويالله ..

لا خلوها على هاللوك اللي فيه الحمرة السوده .. وانا فهمتها يمكن بغت نفس لوك حنان .. مال الدراما .. الله اعلم عندها تصوير او غيره..

صح درجت بالتسعينات .. ولكن ردت تنزل بكل شتى لفترات محدوده ..

 

[*سوسو ستار*]

لوك جرىء انا افضل البني الغامج او العنبابي الغامج المايل للاسود أحسن من الاسود الشبهه

 

[سوسو طرب]

رد: رد : احمر شفاة اسود؟؟؟

اااب

مشكوره ع الرفع

 

[سوسو طرب]

رد: رد : احمر شفاة اسود؟؟؟

من ماك

مشكوره يا قلبي

 

[درة أهل الطولات]

رد : احمر شفاة اسود؟؟؟

اب اب

 

[سوسو طرب]

رد: رد : احمر شفاة اسود؟؟؟

ليش حمره سودا هذول بس حق العرض فانتازيا
والغرب حتى اصلن ينظرون للاشخاص اللي يحطون هالالوان نظره دونيه
لأن عندهم بس عبدة الشيطان والهيبيز وهالمجموعات اللي يحطونها

بس عموما اذا كنت مصره تبينها
اعتقد تحصلينها بشارمل او ماك وباجي الماركات ماراح تحصلين لأن احنا عندنا التجار مو وكلا لأ اييبون منتجات حتى بتشوفين بره الكويت بفرنسا بلندن بامريكا كل منتجات الماركه تحصلينها اما عندنا لأ تجار اييبون بضاعه لا ورديئه بعد

مو نفس اللي نييبهم احنا من بره

شكرا ع المرور
وهذا ركن حق الاستفسارات وانا طارحه سؤال مو موضوع لنقاش وابي راي

 

[krkooora]

بكليييييييييييييييييييييييييييييييييييييييييرز

 

[سوسو طرب]

رفيجتي شرت حمره سوده من سان لوران

مشكوره فديتج

 

[سوسو طرب]

رد: رد : احمر شفاة اسود؟؟؟

طلبج شووي غريب لووول

بس انا شايفه نفسهاا تقريييبا بميك اب فور ايفر بالافنيو

يسلموووووووو

 

[سوسو طرب]

بكليييييييييييييييييييييييييييييييييييييييييرز

يسلمووووووووووو رحت شريتها بدينار وما ادرى اذا نوعيتها زينه والا؟؟؟؟؟؟؟؟