احللها ولا ما احللها

[جلكسيه اس 3]

السلام عليكم و رحمة الله و بركاته

خواتي

انا عندي وحده
وهالوحده كانت عزيزه
لدرجة كنت اعزها مثل امي
قالت عني كلام وايد وسوالف ماتنقال
سمعتها باذوني وياريت ما سمعتهاا
ونست اغلاط اعيالهاا !!!
صارت بس اهيا السنعه
وانا ولا شي !!!
حتى طيبتي معاها نستها و ربي اني طول عمري طيبه معاها
حتا لو كنت مو غلطانه كنت اتاسف لها

قالت هالحجي وعقب اطلبت احللها

بس قلبي مو راضي انا بين ودي احللها و ما ودي
تدرون ليش لاني اكتشفت حقيقتها
هذي الانسانه وقت المصايب ماتعرف الا اعيالها
اهي السنعه و بس
اهي اللي ماتغلط وبس !!!
كلنا نغلط وكلنا مجرد بشر مو ملايكه ونعنرف باغلاطنا ونطلب السماح
بس بالاخر مانتخلا عن اهلنا واحبابناا
انا مرتاحه انه الله كشف لي حقيقة هالمره


انتوووووو اشرايكم احللها ولا لا

:eh_s(8):

 

[قصه طويله]

ذكرتيني ببرنامج الكاكيرا الخفيه زكيه زكريا نذيع والا مانزيع ؟؟؟؟

الوكاد سامحي وحللي واخلي ذمتج يابنت الحلال الدنيا رايحه وزيعي اقصد حللي ليها بس عاد لاتكونين مثل اول وتغيري

 

[جلكسيه اس 3]

ياااااااااااربي مو قادره احللها
نست كل شي فيني زين
ماتذكرت الا الشي الشين

 

[ReDLOve]

حليلها لاكن لا تعطينها مجااال انكم تردون لبعض الى عضتج مره ينخاف من الثانيه

لاكن حليلها و عسى الله يستر عليها !!!!

وانتى واثقه من نفسج ولا يهزج كلاااامهاا و كسري كلامها بتصرفاااتج و سنعج مع الناس خليهم يحسوون انها كانت اتجذب

 

[خلود العامر]

انا راي حلليها ووكلي امرج لرب العالمين
اهوا الي ياخذ حقج انشالله

 

[جلكسيه اس 3]

فديتكم بنااات والله كلامكم ريحني
انا بحللها
بس بقطع علاقتي فيهاا ماراح يكون بينا غير السلام

 

[سيلينا]

حلليها والله الدنيا ما تسوى

لو قلبج ما صفى لها لا تتوقعين حقج بيضيع كل شي راد عليها الي قالته عنج بيرد اذا مو فيها بعيالها

حلليها واحتسبي الاجر حبيبتي

 

[جروح ودموع]

المسامح كريم والله ياخذلج حقج

 

[بنوتة ذهبية]

اسمعي حبيبتي

لك الحق تحلليها وكمان لك الحق انك ماتحلليها

بس اذا ماحللتيها مانتي مستفاده شيء بس بتاخذين حقك منها وربي هويتصرف بشأنها

اذا حللتيها أكيد انك راح تستفيدين من ورا هذا الشيء بأذن الله
يمكن ربي ييسر لك أمورك يمكن يفرج عليك كربك ولك الأجر بأذن الله


وتذكري ان الدنيا زايله وفكري في الأخره

فنصيحتي لك انك تحلليها

الله يسعدك في الدارين يارب

 

[Tom ♥ Jerry]

,


حياتي خلج اكبر منها (=
حلليها و ربج فوق كل شي

 

[أماني عمري]

انتي الأحسن و الأطيب حلليها بس لا تردين العلاقة نفس أول، خلي علاقتكم سطحية حيل و صدقيني ربج بييب لج حقج و قولي أماني ما قالت

 

[نورعيني أنا]

حلليها وسامحيها اذا الله اللي خلقنا يسامح احنا ليش مانسامح والدنيا مودايمه بس حلو الواحد اللي يتعلم عشان اتفادين بعد الصدمه

 

[*الغاليه*]

حلليلها اختي الواحد مو ضامن عمره يعيش باجر ولايموت ..لج طولت العمر

بس خلي علاقتج فيها سطحيه سلام وعليكم السلام وبس اريح لج


​

 

[الغاليه ام احمد]

سامحيها وحلليها الدنيا ما تسوى

 

[hend6363]

المسامح كرييم

 

[ام حموديNEW]

حلليهاا ووبدال الاجر لج اجرين
ورببببج مايغفل ولا ينسى شي

 

[ياليل مااطولك]

ما دامها هي الي طلبت السماح هذا دليل على ندمها وانكي بمكان قوه والقوي الذي يسامح ويصفح ويدفع بلتي هي احسن كما قال تعالى( ادفع با التي هي احسن فاذا الذي بينك وبينه عداوه كانه ولي حميم وما يلقاها الا الذين صبروا وما يلقها الا ذوا حض عظيم ) فنتي اذا سامحتيها فانتي ماجوره من الله وهذا قمه التعامل الذي يجعل من اخطا بحقك يندم ويكون خجلان لمابدر منه

 

[على الطيب تربيت]

والعافين عن النااااس

والله يحب المحسنين


حلللي ويرتاااح قلبج


بس حطي حواجز ورسميات وياعل ربي يوفقج

 

[LuLiTa]

حلليها و خلي علاقتج معاها سطحيه ,,, و لا تظنين انه حقج بـ يضيع اذا حللتيها ,,الله بياخذ حقج منها على كل كلمة قالتها عنج و كل حركه بايخه سوتها مردها بـ تشوفها في نفسها و في عيالها ,,,

 

[غلاتي غلا]

الله الخالق يسامح عباده
وحنا عبيده مانسامح عباده ؟

حلليها وقولي عفى الله عما سلف دام البنيه اعترفت بغلطتها وطلبت منج العفو