احلا لحظه بحياتي ( يوسف و سهى)

[ms.balmen]

بسم الله الرحمن الرحيم​

[RIGHT
]بنات هاذي اول قصه لي بالمنتدى...ارجو انها تعجبكم...راح انزل الباراتات انشالله اول بأول...سامحوني اذا كان اسلوبي ضعيف بالقصه...لان هاذي المرا الاولى الي اكتب فيها...
اتمنى تعجبكم...اتمنى تستمتعون بقراءتها...
للامانه القصه من تأليفي و من خيالي...
مابي اطول عليكم ...[/RIGHT]
ملاحظه : ما احلل لاي وحدا تنقل قصتي بدون ذكر اسمي و اسم منتدى كويتيات و ما احلل حق اي وحدا تنسب القصه حق نفسها...

اسم القصه : احلا لحظه بحياتي
ابطال اقصه : يوسف ... سهى ...
الكاتبه : ms balmen
سنة الكتابه : 2011

 

[ms.balmen]

بارت 1

بيوم من الايام ...
سهى : ماماتي انا الحين بروح عندي موعد عند طبيب الاسنان..ديرو بالكم على اليهال ...مو نفس ذييج المرااا ايي و القاهم يلعبون بالحوووش..ماما بعدين يحوشهم برد و انا....
الام ( سعاد)تقاطعها : سهى !! بس بس بس سمله عليييج على هالحنه كل يوم نفس الاسطوانه...يما اليهال بعيوني ..انتي بسج شايله همهم ..خلاص يما روحي لا تتأخرين على موعدج ولا تحاتييين
سهى: يما انتي كل مرا تقولين جذي بس ايي من طلعتي القاهم برا بالحوش
الام : وشفييها يااسهى اذا طلعو براااا اليهال يبون يغيرون جو حبيبتي ميصير تمنعيينهم بالمرا..خلي عنج الوسواااس مو زين
سهى تشوف امها بنظره يعني انا مو عاجبني كلامج بس شنسوي مضطره اطلع الحين
سهى : اوووكي ماما انا طالعه..
نسييت اقولكم منو هاليهال...
عايلة سهى تتكون من امها و ابوها و اختها (لمى) و اهيا
ابو سهى توفى من حرته على بنته العودا لمى لانها توفت بحادث سياره مفاجئ و موتها كان صدمه كبيره للكل و خاصه ابوها لان كاان وااااااااااااايد يعزهاا ..ف بعد ماتوفت بشهر توفى الابو و طبعا ما اوصف لكم حال الام و سهى..

اما زوج لمى ف اكيد انصدم و تأثر عاش لحظات حزن ...لكن بعد مرور سنه من وفاتها تزوج بس الله ما رزقه عيال ..اما عيال لمى (لجين و جاسم) عاشو عند يدتهم ام لمى..وسهى بينها و بين نفسها قررت تكرس عمرها كلا حقهم بتربيهم و بتكبرهم و بتزوجهم..هذا قرارها الي ماراح تتخلا عنه..تبي تعوضهم عن فقدان امهم الي راحت بعز شبابها..وبتعوضهم عن ابوهم الي تخلا عنهم و ما يشوفهم الا من سنه لي سنه..

واكيد كلكم تبون تعرفون شلون ملامح سهى و لمى
لمى الله يرحمها كانت حنطاويه..جميله حيل..جمالها شرس كانت عيونها وساع و ممغوطه لي فوق و خشمها دقيق و شفايفها مرسومه رسم و صغار و قصة فيسها بيضاوي و نوعا ما نحيل ..كانت طويله و ضعيفه ..كل الي يشوفونها يقولون عارضة ازياء..شعرها طويل اسود و ويفي..

اما سهى كانت بيضه و ملامحها حييل طفوليه و جميله جمالها فيه براءة اطفال..عيونها وساااع وناعسه و خشمها نفس خشم اختها و شفايفها متروسه..متوسطة الطول..جسمها حلو منحوت..شعرها بني

وين وصلنه؟؟ أي أي وصنا لما راحت موعدها..
سهى تكلم نفسها بالطريج..ياربي تقدرني على تربيتهم..ياربي تعطيني الصبر و القوه ..يارب تبلغني فيهم و اشوفهم بأحسن المراكز يارب...ويارب..ترن ترن..تلفون سهى يرن
سهى:الووو
دكتور يوسف : سهى ..
سهى بخجل : ا..ي..اي انا سهى
دكتور يوسف: سهى معاج الدكتور يوسف..مو جنه عندج موعد اليوم ؟ سهى : أي يا هلا دكتور يوسف..اي عندي موعد وكاني يايه بالطريج ..كلها دقايق و اوصل انشالله..
دكتور يوسف و البسمه مرسومه على شفايفه : أي انا قلت يمكن نست او لا سمح الله صار لها شي الله لايقول ف قلت ادق بنفسي اتاكد
سهى حيل مستحيه : مشكور دكتور..
دكتور يوسف حاس انها منحرجه :اوكي سهى انا ناطرج مع السلامه و ديري بالج بالطريج
سهى : انشالله مع السلامه

دكتور يوسف..طبيب اسنان..من اول موعد مع سهى حس انها الانسانه الي ارتاح لها قلبه..حس انها الانسانه الي راح تسعده..حس من اول نظره ان مشاعره صوبها..قلبه ..عقله..عيونه..كل شي
صار ينطر مواعيدها على نار..
على فكره ما صار لهم شهر ..اقل من شهر..كانت سهى تسوي بعض مستلزمات الاسنان و كان يوسف يتعمد يطول المدا ..ويكثر المواعيد..

دكتور يوسف..طويل..جسمه متناسق..ابيض..
ملامحه حاده و فيه لمحة جمال و يلبس نظاره طبيه ايطارها اسود تزيدا جاذبيه و وسامه..

وصلت سهى العياده واول ما وصلت لقت الدكتور واقف صوب الريسبشن و اول ما وصلت عدل وقفته و ابتسم لها
سهى: السلام عليكم
الريسبشن و الدكتور : وعليكم السلام
دكتور يوسف بجديه لان جدام الريسبشن : شلونج اخت سهى ؟
سهى تعودت على حركته هاذي وعرفت ان يسوي جذي لان ما يبي احد يحس
سهى : الحمدالله و انت دكتور ؟
دكتور يوسف ومن غير ما يشوفها : good
سهى راحت قعدت تنطر دورها
واول ماقعدت مر جدامها دكتور يوسف رايح غرفته و التفت عليها و عطاها نظره معبره عن شوقه لها..
سهى بينها و بين نفسها مستانسه من اهتمام الدكتور فيها و حاسه ان الدكتور معجب فيها ..بس بينها و بين نفسها تقول انشالله ما يتعلق فيني و انشالله ما يحبني..يارب زيدني قوه لا تخليني اضعف جدامه..انا مرات اضعف من اشوفه ..استغفر الله ياربي...و بصوت عالي سهى ! دوورج
قامت و عدلت بلوزتها و راحت ..
طق طق طقت الباب مرتين و دخلت
سهى : السلام..
دكتور يوسف و شاق الحلج من الوناسه وقف : يا هلا ويا مرحبا تو ما نورت العياده و بالتحديد تو مانورت غرفتي اناااا و كان يشوفهاا
سهى منزله راسها :منور بوجود اصحابه..
دكتور يوسف :شلونج سهى ؟ شخبارج.؟
سهى نظراتها مرا فوق و مرا تحت من الاحراج : الحمدالله تمام..
دكتور يوسف : عسى دوووم يارب مو يوووم
سهى : مشكور
دكتور يوسف: سهى قوليلي شلون مر الاسبوع عسى استانستي ..كان يحاول يطول بالحجي..
سهى : الحمدالله
دكتور يوسف:عسى دووم
سهى : مشكور
دكتور يوسف: سهى شدعوا عاد كل شوي مشكور و مشكور ترا مابينا شكر احنا
ظلت سهى واقفه بمكانها و ماقالت شي..
دكتور يوسف حس ان كثر بالحجي معاها...وانحرج
دكتور يوسف: امممم اوكي سهى تعالي قعدي خلينا نبلش
سهى قعدت...و يوسف كان يتأمل ويها..عيونها الوساع الناعسه..خشمها الصغير..شفايفا متروسه..بياضها..شعرها الطوييل الي طايح على كتر و يحوشه..وكانت سهى تحس بالي يصير حواليها من نظرات بس كانت تتجاهل...وكانت كل ما حست انه سرح فيها تكح او تعطي نظره تخليه يستوعب و يكمل ..
اكيد تقولون ليش ماتغير العياده او الدكتور؟ اقولكم لانها خوافه و خاصه من طبيب الاسنان..وارتاحت من دكتور يوسف..وحبت تكمل معاه..لان شغله نظيف و يشتغل بضمير..
خلصت سهى ..و خلص موعدها و عطاها موعد وكان اخر موعد..
سهى حيل ارتاحت ان الموعد الياي اخر موعد..اما يوسف حيل متضايق حاول يطول المدا اكثر بس خلاص الحين سهى ما تشتكي من شي
ف قرر بينه و بين نفسه يصارحها بمشاعره..بس بالمرا اليايه..
سهى بالسياره توها راكبه بطلت المنظره الي فوقها و قاعدا تشوف اسنانها و فجاه ترن ترن رنة تلفونها
سهى : الووو حيااتي حبي
يتبع....

 

[ms.balmen]

شدعوا بنات ؟؟؟ ليش ماكو تشجيع ؟؟
يعني خلاص ما اكملها؟؟
على الاقل بس رفعو القصه
صراحه انصدمت

 

[ms.balmen]

up
up
up

 

[الأميرة جوري]

بالعكس احسها حلوه قريت النص ,,لي عوده بس لو مخليه البنت اسمها شوي خليجي احس ..احلي

 

[ms.balmen]

حياج الله الاميره جوري...
انا اخترت اسم (سهى ) لان شوي غريب ومو متداول وايد بمواضيع القصص...
كملي القصه و قوليلي رايج

 

[ms.balmen]

معني حاسه باحباط و ماكو ردود..اللهم اختي الاميره جوري ماقصرت..و بكمل علشانها



بارت 2


سهى : الووو حيااتي حبي
لجين :ماما سهى وينج ابي اروح يمعيه ( يعني جمعيه )
سهى : ما طلبتي شي ياعيون ماما انتي الحين اييكم لبسو انتي و جسومي و الحين اخذكم و نروح الجمعيه و نشتري العاب و ككاو و حلاو وكل شي تبوونه
لجين بوناااسه : صج ماما الحين الحين البس
وسكرت الخط و راحت تناقز جسوم يلا ماما سهى الحين بتمرنا يلا البس
سهى اول ما سكرت التلفون قامت تبوسه و دمعت عيونها ..تقول : يابعد عمري والله لا اقلب بيتنا حضانه من الالعاب..احبكم

دكتور يوسف وصل البيت..
يوسف من عايله غنيه حيييل حييل..بيتهم في ارقى منطقه بالكويت
امه معروفه بالمجالس النسائيه..وابوه من كبار تجار الكويت..عندا اخوين توأم اصغر منه
اما سهى من عايله مستواها الاقتصادي متوسط مثل اغلب البيوت الكويتيه..

دش يوسف البيت و لقى بويها امه توها بتطلع..
ام يوسف (غنيمه) هلا يوسف ماما شلونك حبيبي
يوسف:بخير يالحب
الام تقرصه من اذونه على الخفيف : وانت ماكو فايدا فيك متى بتيووز هاا
يوسف : شسوي فيج شحلوووج
امه اطقه على الخفيف : روح روح بس اصعد دارك انت و ريحت المعقم الي فايحه منك
يوسف : ههههههه تعيبين على الريييحه هاااا غنيموو
الام :يوووسف يووز عني لا الحين عاااد ..!!
يوسف : هههههههههههههه كملي شفيييج
الام تضحك : هههههه انا اجابلك ما اخلص يلا يلا انا طالعه
يوسف : باي يالغاليه

دش يوسف داره و فسخ هدومه و راح خذاله حمام سااخن و طول ما اهوا يتسبح..يفكر ب سهى...شلون اصارحها؟ شلون افاتحها..

طلع من الحمام و على طول لبس بيجامته و نام..
اما سهى كانت توها راده ودت اليهال الجمعيه و ودتهم السوق..
اول ما وصلت البيت قعدت معاهم تلعب و عقب سبحتهم و لبستهم و نومتهم...
طبعا كل هذا يصير يوميا تقريبا..وامها تتحسر على بنتها الي سجنت نفسها علشان تربي عيال اختها...وتشوفها كل ما يولها خطاب ترفض و قالت حق امها انها ماتفكر تتزوج و حياتها حق عيال اختها ..وامها ما تقدر تغصبها..ومرا راعية سكر و ضغط...ماتقدر على عيال بنتها ...وبنفس الوقت كاسرين خاطرها هاليهال ....
عقب مانامو اليهال...
ام سهى : سهى سهى بصوت واطي
لان سهى كانت غافيه مع اليهال بدارهم
سهى : تأشر حق امها اوووش
طلعت من الدار و سكرت الباب
سهى : خير ماما
ام سهى : تعالي الصاله بسولف معاج
سهى :يلا انشالله

بالصاله ...
ام سهى : يما سهى حبيبتي..انا خايفه عليج
سهى : ليش ماما
ام سهى : دمعت عينها...انا خايفه باجر تكبرين و تنسين نفسج مع هاليهال و تتحسفين و ذيج الساعه عاد مايفيد الندم
سهى بجديه : يما حبيبتي انا جم مرا اناقشج بهالموضوع
خلاص بلييز انا ملييييييت خلااص
يما انسي اتزوج و هاليهال منو بيربيهم ؟؟؟؟؟ قوليلي يماا منووو
الام : ابوهم موجود ..انتي مو ملزومه فييهم
سهى علا صوتها شوي : ابوووهم ؟؟؟ ابوهم يمااا؟؟؟
هالابو الي تزوج و قطهم عليينا...الي ما يكلف نفسه يطل عليهم لو مجامله؟؟ هالابو الي ولا مرا يا وبيدا شي ؟؟؟
هالابو الي هانو عليه عياااله و اهما يهال ..تبينه الحين يربيييهم؟؟؟
يما شتقولين شتقووولييييييين
الام : لازم نقعد معاه و نفهمه...و...
تقاطعها سهى بصراخ : شتفهمييين يما شتفهميين
نسيتي ؟؟؟ اذا نسيتي اذكرج
تذكرييين يما جم مرا قعدنا معاه؟؟؟ تذكرين جم مرا ؟؟ جم مرا كلمناااه
شكان يقول؟؟ يقول ماقدر اييبهم واعيشهم مع مرتي...
مرتي و مرتي و مرتي....الريااال بااايع عياااله يا يمه بااايع
بعديين لحظه ..يما انتي تقدرييين تقومين الصبح و ماتشوفينهم ؟؟؟ تقدرييين ؟؟
الام نزلت دموعها غصب و قالت : لا يا يما والله ما قدر...والله انهم الهوا الي عايشه عليه...
بس شسوي احاتيييج والله احاتيييج..اقول عقب عيني مادري شبيصير فيييج
لا اخو لا اخت لا ابو..حتى اهلنا محد يدري عن الثاني
وقامت تبجي
سهى : راحت لمت امها و قامت تبجي..تقول : سامحيني يالغاليه عليت صوتي عليييج وتبوس ايدها..والله يا يما من خوفي عليهم
ابيهم..انا امهم...انا ابوهم...والله شوفتهم بالدنيا يا يما...و
وتمو مع بعض يسولفون و لين كل وحدا راحت دارها ونامت...



يتبع...

 

[ms.balmen]

up
up
up

 

[ms.balmen]

up
up
القصه لي هالدرجه مو حلوه ؟

 

[ليلاس قمر]

مشكوره ع القصه
حلووووووووووووووووه

 

[•ː̗̀»AghLa 7υB«ː̖́:]

ilRewayaaa 7aiilll tshwigggg!!!
7abeebtyy ya36ech il3afyaa w na6reenichhh;***

 

[انسانة غير]

كملي حبيبتي القصة حلوة الله يخليك ويعطيك العافية مسكينة سهى اتوقع تغير رايها لما تحب يوسف ويتقدم لها وهويحط خدم لعيال اختها

 

[ms.balmen]

اسفه بناااات من زمان مو داشه هالقسم و القصه انا مالقيت تشجيع ف ما كملتها لاني تحبطت
وتوني الحين شفت الردود و حيل استانست
وعلشان خاطر عيونكم بكمل القصه
و تابعوني

 

[ms.balmen]

مشكورين كل البنات الي ردو علي و شجعوني

 

[•ː̗̀»AghLa 7υB«ː̖́:]

waitinggg

 

[ms.balmen]

وتمر الايام نفس بعضها على سهى...دوام...بيت..عيال اختها...
مرا من المرات كانت سهى قاعدا مع رفيجتها ( اعز رفيجاتها و صديقتها المقربه حييل) و اسمها عبير
عبير كانت مملوحه و حنطاويه و من نفس طول سهى و شعرها قصير يوصل لي جتفها و لونه اسود و تحب سهى حيل
بدار سهى..
سهى : عبور اقولج انا متأكدا مليون بالاميه ان دكتور يوسف غير معاي غير..لوتشوفين شلون يتبوسم معاي و يسولف و مرات احس فيه يسرح فيني و .....( وكانت تتكلم و اهيا منسدحه على فراشها و ناثره شعرها و تشوف فوق و تبتسم )
وعبير كانت تسمعها و تبتسم و من داخلها تتمنى لو يكون يوسف من نصيب سهى...حست ان سهى معجبه فيه..

سهى عدلت قعدتها و سكتت و تمت تشوف تحت : بس اااخ يا عبور لو ظروفي غير..جان عشت قصة حب من هالقصص الي اسمعها و اتمنى اكون بطله فيها...
عبير : وانتي شناقصج سهى...مدرسه...جميله.. خلوقه...يعني باختصار كل شي فيج حلو و تنحبين
سهى : بس عبير عيال اختي...عيال اختي الي مالهم احد غيري...
عبير : سهى بليز فكري لو مرا وحدا بنفسج..اليهال ماراح يضيعون..بيكبرون..انتي الي راح تدفنين عمرج و بتكبرين فجاه و ماراح تحسين الا وانتي تعديتي ال40..ذيك الساعه منو بيشوفج؟؟؟ منو بيلتفت لج...اليهال بيكبرون..وكل واحد بيلهى بحياته و بيتزجون و بيلهون مع حريمهم و عيالهم...انتي انتي انتي...بتمين بروحج
سهى تشوف عبير و تفكر بكلامها
عبير : سهى حبيبتي فكري لو مرا وحدا بكلامي...دكتور يوسف مبين ان معجب فيج...لاتطوفين هالفرصه عليج
سهى : عبير انتي شتقولين...انا ما انكر اني معجبه ب يوسف...واتمنى اعيش معاه الحب و اتزوجه...بس عبير فكري لو اتزوج...اليهال منو بيقعد معاهم..؟ منو بيقعدهم الصبح ...؟ منو بتأكد انهم كلو عدل او لا؟؟ منو بيدرسهم؟؟ منو يطلعهم و يونسهم ؟ منو يتاكد انهم متغطيين عدل عن البرد...
ودمعت عينها و وسكتت...وكملت
لالا عبير بليز لا تقنعيني...مو انا الي ادور مصلحتي و سعادتي و افضلها عليهم..هاليتامى..هالي مالهم احد..مالهم احد غيري ....
عبير : سهى ابوهم موجود...
سهى تقاطعها : اووووووش لا تييبين طاري ابوهم كلش جدامي..هالي مافيه خيييير....تدرين شلون سكري هالموضوع بليز..وامشي خلينا نطلع نغير جو و ناخذ معانا اليهال...
عبير تشوفها و تهز راسها :انزييييين انزيييين


راحت سهى و لبست اليهال ..
سهى و عبير و اليهال ينزلون من الدري
ام سهى قاعدا في الصاله تفرفر بالتلفزيون
ام سهى : هاا وين انشالله ..طالعين جنكم
سهى : أي ماماتي ..بنتمشى شوي مع اليهال و نغير جو...
عبير : خالتي حياج معانا
ام سهى : لالا وي مالي خلق..انا متعتي مجابل هالتلفزيون و افرفر و اشوف هالمسلسلات وناستي هاذي
عبير تبتسم : عساج دووم مستانسه ياخالتي
ام سهى تشوف سهى : وناستي بشوفتكم مستانسين و متهنين
سهى عرفت قصد امها : يالله ماماتي تامرين على شي ؟
ام سهى : لا يما سلامتكم ديرو بالكم شوي شوي في الطريج


راحو ابل بيز و تعشو و حلو... و استانسو و غيرو جو...


اما عند يوسف
يوسف كان في الصاله و معاه اخوه فهد
فهد : ابوي من زمان ما دق علينا...على قولة حمد شكله متزوج هناك
يوسف : اسكت بس لاتسمعك امي تفضحنا...بروحها على طرييف
فهد : لا يبا من صجك ما اقول جدامها هالحجي
شوي و ادش امهم
يوسف : هلا بالقمر
ام يوسف : هلا يما..شلونكم
فهد : بخير ياجميل
ام يوسف قعدت على القنفه : واااي اليوم رحت عند وحدا من رفيجاتي و مشالله بناتها يهبلون وحدا احلا من الثانيه...
يوسف : احم ( فهم قصدها ) عليهم بالعافيه
فهد : شكو عليهم بالعافيه
يوسف : امك تقول بنات رفيجتها كل وحدا احلا من الثانيه..ف عليهم بالعافيه جمالهم يعني
فهد : اها اممم
او يوسف : يوسف حبيبي..مشالله الحين دخلت ال28 صح
يوسف و يشوف التلفزيون و يغير القنوات و يرد من غير نفس : أي
ام يوسف : انزين ماماتي ليش ماتشوف وحدا من بنات رفيجتي ام سالم ياحلوهم انت بس اشر و انا....
يوسف قام من مكانه : غنومه تبين شي ؟
ام يوسف ومعصبه : يوووووسف ميصير كل ما اكلمك بموضوع الزواج تتهرب ...يما في ابالك وحدا قولي؟؟؟انا اخطبها لك
يوسف : امممممم يمكن
فهد : شنو يعني
ام يوسف : فهد ماما اسكت خلني اتفاهم مع اخوك..شنو ماكو ديوانيه اليوم؟؟
فهد : اشكرا طردا...اوكي طالع طالع
يوسف يضحك : يما حبيبتي..بالوقت المناسب بقولج كل شي...قريب قريييب
ام يوسف : خلاص يما على راحتك...

صعد يوسف داره و بدل ملابسه و لبس دشداشه و نزل ديوانهم..

ويمر اليوم....ويصير اليوم الثاني...
الساعه 6...سهى لبست اليهال و نزلت تحت تريقهم و تتريق معاهم

سهى : يالله الشطار يتريقون علشان يروحون المدرسه و يصيرون شطار و الابله تحبهم

جاسم : ماما سهى ابي كورن فلكس
لجين : انا بعد ابيييي

سهى ريقتهم وطلعو و راحو دواماتهم

في المدرسه و بغرفة المدرسات
عبير : سهى اليوم متى موعدج؟؟
سهى و عينها على اللاب توب : اممممم 4 العصر
عبير: اممممم تبين ايي معاج ؟
سهى : امم كيفج اذا ماعندج شي تعالي
عبير : خلاص اوكي انا امرج و نروح..لان عقب ابي اروح ادورلي بدلة حق عرس خالي
سهى : يحليله خالج..الله يهنيه
عبير : امييين

ويمر اليوم و تصير الساعه 3
سهى كانت توها بتقوم تتزهب و وترن ترن ( نغمة تلفونها )
سهى تبتسم لانها شافت رقم العياده
سهى : الو
الريسبشن : سهى لاتنسين موعدج اليوم مع دكتور يوسف الساعه 4
سهى ضاق خلقها عبالها دكتور يوسف داق عليها : اوكي انشالله كاني يايه
وسكرت التلفون
وراحت بدلت....

يوسف الي كان متوتر مو عارف شنو يقول و شلون يفتح معااها الموضوع...
ويمر الوقت وتوصل سهى وكان معاها عبير و تنطر دورها ...وهاذي اول مرا الي مالقت دكتور يوسف ينطرها...استغربت

بصوت عالي ( سهى )
قامت سهى و عدلت لبسها و راحت غرفة دكتور يوسف و تمت عبير تنطرها برا
اول ما دشت لقت دكتور يسوف معطيها ظهره..ماله عاده..كل مرا يوقف يستقبلها بابتسامه
سهى : السلام عليكم
يوسف من غير ما يشوفها : وعليكم السلام
سهى تمت تشوفه مو على طبيعته..مو معطيها ويه
يوسف يأشر على الكرسي : تعالي قعدي
سهى راحت قعدت و تمت تشوفه و اهوا يزهب شغله مو ملتفت لها
سهى بتردد واضح : دد..دكتور ؟
يوسف : هلا
سهى بخجل واضح : ع ع..عسى ما شر ج ج ..جنك تعبان دكتور
يوسف بقلبه ( انتي متعبتني)
يوسف قعد يشوفها مدا و مارد عليها...وتم يشتغل على اسنانها و طول ما اهوا يشتغل ما تكلم على غير عادته...
خلص دكتور يوسف و قامت سهى
سهى : مشكور دكتور و يعطيك العافيه...وانشالله انا راح اسوي فحص دوري على اسناني كل 6 اشهر و بيي عندكم لاني ارتحت مشالله شغلكم حلو و نظيف
يوسف : احبج
يتبع....

 

[•ː̗̀»AghLa 7υB«ː̖́:]

waaaaaaayyy waaanaaasaaaa
kaamlaay kalmlaayyy plzzzz

 

[MeeMeeYoo_2]

Nice ;D

Waiting

 

[ms.balmen]

بارت 4
سهى كأن الزمن وقف لحظتها....
يوسف : سهى احبج و ابي اتزوجج شقلتي
سهى بتعجب واضح و خجل : دكتور...دكتور....اممم
يوسف : بليز مابي رسميات..ناديني باسمي على طول
سهى : يوسف انت شتقول
يوسف : الي بخاطري قلته
سهى : انت متأكد؟
يوسف : أي متاكد ليش شفيج سهى

سهى بلحظتها فكرت بعيال اختها و اختها....
سهى بسرعه : انا متزوجه
يوسف بصدمه ماتكلم
سهى طلعت من الغرفه و راحت بسرعه دفعت و طلعت و حتى ما قالت حق عبير شي طلعت بسرعه بدون ما تناديها
وعبير شافتها بهالمنظر و بسرعه لحقتها
بالسياره سهى قاعدا اتطق السكان و تبجي
عبير دخلت عليها و شافتها بهالمنظر
عبير بخرعه : سهى سهى حبيبتي شفييج شفيييج شصار
سهى لمت عبير و تبجي : اااااه عبور قالي تزوجيني و انا قلته متزوجه مادري ليش قلت جذي
عبير بعصبيه : ليش يا سهى ليش...انا بصعد بروح اقوله الصج
سهى تمسكها : لااا لاااا عبور حلفتج ما تقولين شي..خلاص انا مابي يفكر فيني كلش مااابي..انا سكرت هالباب و خلاص


اما دكتور يوسف الي منصدم و بلغ الريشبشن يكنسلون مواعيده اليوم و طلع...
في السياره يوسف مو عارف وين يروح...يلف يمين و يسار و يدوووس و يعصب و يتفل على هذا و يسب هذا..مو عارف شيسوي

اخر شي جابل البحر...
قعد يفكر بسهى ويتذكر اول لقاء جمعه معاها و اللقاءات الباجي..فكر بينه و بين نفسه..( انا شلون ما سألتها عن حياتها الشخصيه ؟؟و لا مرا سألتها ليش)
بس اهيا كلا تيي بروحها...ااااااخ مادري مااادرييي


في السياره
عبير كانت تسوق
وكان هدوووء...سهى تشوف الدريشه و جنها ماتشوف شي ( اتمنى فهمتو قصدي) سرحانه بولا شي...
عبير كل شوي تلتفت عليها و تشوفها
سهى و بنفس الوضع : عبير تصدقين....
عبير : شنو ؟
سهى تلف ويها صوب عبير : احسن شي سويته اني قلت له اني متزوجه...علشان اسكر باب دكتور يوسف...
عبير ساكته مو عارفه شتقول
سهى : ادري بتقولين ماعندي سالفه...بس انا من داخل مرتاحه...و مردي بنسى..الايام تنسي...
عبير تبتسم لها...


يوسف رد البيت و على طول صعد غرفته و راح قط نفسه تحت الدوش و قعد يبجي ....
يوسف حب سهى حيل..تعلق فيها....حب من اول نظره....صار من اول الي يامنون فيه....الحب من اول نظره ...
مر اليوم ثقيل عليهم....سهى و يوسف....
سهى كل ما تتذكر تحس بضيقة خلق و عيونها تدمع...ويوسف كل ما يتذكر انها متزوجه يحس بلوعه...

مرت الايام و الاشهر...
وتحديدا عقب 4 شهور من هالسالفه .....
يوسف مانسى بس قاعد يحاول يتناسى...وسهى مانست لكنها تحاول تلهي نفسها....

وبيوم من الايام...
يوسف كان مع رفيجه يتعشى بساكورا...
رائد ( رفيج يوسف) اوووف مو صج مو صج
يوسف يشوف رائد الي طارت عيونه و التفت يشوف شنو الي قاعد يشوفه رائد رفيجه
يوسف بصدمه و بوناسه و كل الامور اختلطت عليه...يوسف بصوت مسموع : سهى !!
رائد : تعرفها من صجك
يوسف ما عطاه اهميه و قام يبي يروح يسلم عليها...

سهى كانت مع عبير و عيال اختها...
كانت سهى لابسه نفنوف احمر قصير لي حد الركبه و فاله شعرها و من عمرها ما تحط مكياج ثقيل..مجرد قلوس مع ماسكرا...وعبير كانت لابسه نفنوف اخضر تفاحي لي حد الركبه و فاله شعرها و ثنتينهم يشوقون و مرتبين و بسيطين...
كانت سهى توها بتقعد و شافت الي مقبل عليها و تسمرت بمكانها

سهى : يوسف !
يوسف و الابتسامه على ويها : سهى ....شلونج...
سهى تشوفه و نزلت راسها
يوسف لف ويها على اليهال قعد يشوفهم : عيالج
سهى : هااا...اي أي عيالي عيالي....
عبير بحلقت عيونها عليها و يوسف حس بهالحركه و رد سأل نفس السؤال
يوسف : سهى عيالج ..؟
سهى و عينها على عبير : أي أي عيالي عيالي....
يوسف يشوف عبير و يشوفها...مادري سؤالي في شي ؟؟
عبير تبتسم : هاااا...لالا ولا شي ...عادي يعني
يوسف تم يشوفهم و ثنتينهم متوترين....
رائد : احم قاطعتكم شي شيات..؟؟
يوسف التفت عليه و عطاه نظره
رائد : ماعرفتنا عليهم...انتعرف يعني....
يوسف مسك ايد رائد و يوجه كلامه حق سهى : انا شفتج..قلت ايي اسلم عليج...بس الظاهر ان وجودي مزعج بالنسبه لج..على العموم ديري بالج على نفسج و ......( شاف اليهال ) ورد كمل : و على عيالج...ومشى

رائد يشوف عبير و يتبوسم و يوسف كان ماسك ايدا و ردو طاولتهم

خلوني اقولكم عن رائد شوي ...
رائد رفيييج يوسف المقرب...معنه الاثنين عكس بعض
يوسف جاد و عصبي بس رومانسي
اما رائد غشمرجي درجه اولى و فكاهي و روحه حلوه و طيب
رائد طويل..اطول من يوسف بشوي...ابيض نفس بياض يوسف...شعره عسلي و كثيف و عيونه وساع و حواجبه مرفوعه و قصتهم حلوه و خشمه مو كبير و مو صغير حلو يعني و شفايفه ضعاف و حلوين يعني...

يوسف : انت ينيت لاحقني وراز ويهك
رائد وعيونه على طاولت سهى و عبير
يوسف : هييي هييي انت هيييي احشم عمرك شوي
رائد : اووووف انت شتبي لوعت جبدي ..جبدي انبطت منك ( وكان يأشر على جبده و يسوي حركات بيدا)
يوسف يشوفه بنظره و يقول : الحمدالله و الشكر ترا مو صاحي انت ابتلشت فيك
رائد و رد يبتسم : الا ما قلت لي منو هالجمال الي قاعد هناك
يوسف : استح
رائد : هالتفاحه منو منو
يوسف : اوووهوووو اقولك استح
رائد : مو مشكله لاتقولي عادي
يوسف : شبتسوي يعني
رائد يشوفه بنظره ماكره : اقول كمل اكل كمل
يوسف : ابتلشت فيك

بطاولة سهى و عبير
سهى : عبور كلا منج كلا منج
عبير: الحين متزوجه و بلعناها...شكو تقولين عيااااالج هااا
سهى : قصري صوتح ...اوووف ياربي احس شك اني اجذب عليه
عبير : علشان تحرمين تجذبين مرا ثانيه...
سهى : انا وين و انتي وين ياعبور...
عبير : اممممم شفتي الي معاه...
سهى : شفيه
عبير و عيونها مرا فوق و مرا تحت : يهبل صح
سهى : فاااضيه
عبير : قاعد يتبوسم لي
سهى : اممممم اهااااا
عبير: انشالله يحطني اباله
سهى : للحين يشوفج
عبير : اييي

يوسف و رائد خلصو عشاهم و قامو مرو صوب طاولة سهى و عبير
يوسف واهوا مار عينه على سهى و ويها كان جامد ما يضحك كلش
سهى لاحظت هالشغله و نزلت عينها
اما رائد انشق حلجه من كثر ما اهو يبتسم حق عبير
وعبير كانت مستاانسه وايد

في السياره...
رائد : يوسف..ترا للحين ما جاوبتني...منو هاذي سهى ؟
يوسف يتنهد : اااااه شقولك
رائد : فيها اااااه
يوسف : اهااات مو بس ااااه
رائد : قول قول ..خو شفايدتني انا
يوسف قاله كل شي عن سهى ...
رائد : بس انت تقول كانو يشوفون بعض....امممم اتوقع الموضوع في شي مو صحيح
يوسف : وانا بعد اقول جذي...سهى بحياتها سر..الله اعلم شنو
رائد : ليش ما واجهتها
يوسف : شلون اواجها...وين و متى و بعدين المرا متزوجه
رائد : شنو الي ياكد لك انها متزوجه
يوسف : رئود حبيبي شغل التحقيق عندك بالمخفر مو معاي....بعد شلون عرفت..اهيا بلسانها قالتلي
رائد : ياذكي...اوكي صح قالت لك...بس متأكد انها ما تجذب
يوسف بعد تفكير : ليش تجذب...تقدر تقولي مابي اتزوجك و بس...
رائد : مادري شنو وجهة نظرها..لكن الموضوع فيه سر

سهى عقب ما ردت البيت و سبحت اليهال و نومتهم...
انسدحت على فراشها و بيدها صورة اختها و تشوف صوره اختها( كانت لمى بالصوره لامه عيالها و عيالها يبوسونها..لجين تبوس خدها اليسار و جاسم يبوس خدها اليمين
دمعت عيونها و لمت الصوره و بجت...

اما عبير الي كانت بفراشها و تفكر برائد و تقول بينها و بين نفسها ( واااي يارب يكون من نصيبي...ياليت يحطني اباله...

يوسف بفراشه يفكر بكلام رائد....وان موضوع سهى في سر...

اما رائد الي كان منسدح و يفرفر بالقنوات و يتذكر شكل عبير و يقول بينه وبين نفسه ( ياحلوها كلها انوثه و دلع...


يتبع ....

 

[ms.balmen]

waaaaaaayyy waaanaaasaaaa
kaamlaay kalmlaayyy plzzzz

اسعدني مرورج حبيبتي
تابعيني...